ᒪᑎᔪᐤ 19:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᒥᓯᐛ ᐊᐛᓐ ᑲ ᓂᑭᑕᐧᒃ ᐎᒡ ᑭᔭ ᑲ ᓂᑭᑕᑦ ᐎᐧᑲᓂᓴ, ᐅᓂᒋᐃᒂ ᑭᔭ ᐅᑦ ᐊᐛᓯᒪ ᑭᔭ ᒪᒃ ᑲ ᓂᑭᑕᐧᒃ ᐅᑦ ᐊᔅᒋᔾ ᓂᔾ ᐅᒋ, ᐅᔅᑕ ᐸᐃᒄ ᒥᑕᓯᒥᑎᓄᐤ ᒋᑭ ᒋᐛᒥᔭᑭᓄᐤ ᑭᔭ ᑲᒋᒡ ᐱᒪᑎᓯᐅᓂᔪᐤ ᒋᑭ ᒥᔭᑭᓄᐤ᙮

ᒪᑎᔪᐤ 19:29 ပူးပေါင်းရင်းမြစ်များ

ᒪᑎᔪᐤ 10:22

ᒥᓯᐛ ᐊᐛᓐᒋ ᒋᑭ ᐛᐧᑲᑎᑯᐛᐅᒡ ᐊ ᓇᓴᐅᐎᔭᒄ᙮ ᐊᓐ ᒪᒃ ᐊᐛᓐ ᐊᑲ ᓴᐧᑯᒋᐊᑭᓄᐅᑦ ᐊ ᐸᒋ ᓇᓴᐅᑦ ᐊᐅᒄ ᐊᓐ ᒐ ᐱᒪᒋᐊᑭᓄᐅᑦ᙮

ᒪᑎᔪᐤ 13:23

ᐊᓐ ᒪᒃ ᓂᑕᐅᒋᑕᑭᓐ ᑲ ᐸᒋᓯᐧᒃ ᐊ ᒥᔽᓯᔨᒡ ᐊᔅᒋᒡ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐃᔪᒡ ᑲ ᓂᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓂᓇᐃᑎᒧᒡ, ᓄᑯᓂᔪᐤ ᐅᐱᒪᑎᓯᐅᓄᐛᒡ ᑕᓐ ᐊ ᐃᓯ ᒥᔪ ᓂᑕᐅᒋᐃᑯᒡ, ᒧᔭᒻ ᐱᔅᒐ ᒪᒃ ᐸᐃᑯ ᒥᑕᓯᒥᑎᓄᐤ ᒋ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒋ, ᐊᑯ ᑯᑎᑲ ᐊᓱᑕᒡ ᑕᑐᔪᐤ ᒋ ᓂᑕᐅᒋᓇ ᐊᑯ ᑯᑎᑲ ᓂᔅᑐᔪᐤ ᒋ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒡ᙮”

ᒪᑎᔪᐤ 13:8

ᐱᔅᒐ ᒪᒃ ᐊᓂᔭ ᓂᑕᐅᒋᑕᑭᓇ ᐊ ᒥᔪᔅᑭᒥᑲᔨᒡ ᐊᑯᑕ ᑲ ᐃᓯ ᐸᐸᒋᑎᓂᔨᒋ, ᒋ ᒥᔪ ᓂᑕᐅᒋᓇ ᐅᔭ ᑭᔭ ᒂ ᒥᔪ ᒥᓂᓱᔨᒋ᙮ ᐱᔅᒐ ᒪᒃ ᐸᐃᑯ ᒥᑕᓯᒥᑎᓄᐤ ᒋ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒋ, ᐊᑯ ᑯᑎᑲ ᐊᓱᑕᒡ ᑕᑐᔪᐤ ᒋ ᓂᑕᐅᒋᓇ ᐊᑯ ᑯᑎᑲ ᓂᔅᑐᔪᐤ ᒋ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒡ᙮”

ᒪᑎᔪᐤ 16:25

ᐊᐛᓐ ᑲ ᐎ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ ᒋᑭ ᐅᓂᑕᐤ᙮ ᐊᓐ ᒪᒃ ᐊᐛᓐ ᑲ ᐎ ᐱᔅᑎᓇᐧᒃ ᒥᓯᐛ ᒐᒂᔪᐤ ᑕᓐ ᑲ ᐎ ᐃᑐᑕᐧᒃ ᐛᐛᒡ ᑭᔭ ᐅᐱᒪᑎᓯᐅᓐ ᐊ ᐎ ᐸᒋ ᓇᓴᐅᑦ ᐊᐅᒄ ᐊᓐ ᒐ ᒥᔭᑭᓄᐅᑦ ᐱᒪᑎᓯᐅᓂᔪᐤ᙮

ᒪᑎᔪᐤ 19:16

ᐸᐃᒂᐤ ᓇᐸᐤ ᒋ ᐸᒋ ᓂᑐᐛᐱᒪᐤ ᒋᓴᓴ ᐊ ᐃᑕᑦ, “ᒋᔅᑯᑎᒪᒐᓱᐤ, ᒐᒂᓐ ᒐᒋ ᐃᑐᑎᒪᓐ ᐊ ᒥᔽᓯᒡ ᒐᒋ ᐅᒋ ᐊᔭᔭᓐ ᑲᒋᒡ ᐱᒪᑎᓯᐅᓐ ?”

ᒪᑎᔪᐤ 25:34

ᐊᑯ ᒐ ᐃᑕᑦ ᐊᓐ ᒋᓴᐅᒋᒪᐤ ᐊᓂᔭ ᐃᔪᐛ ᐊᓐᑕ ᐅᒥᔪᐅᓂᒡ ᐊ ᑕᔨᒋ, ‘ᐊᔅᑎᒧᒄ ᒋᔨᐛᐤ ᑲ ᓱᐛᔨᒥᑕᒄ ᓄᑕᐎᔾ᙮ ᐊᔅᑎᒧᒄ, ᐅᑎᓂᒧᒄ ᐊᓐ ᒋᓴᐅᒋᒪᐅᓐ ᐊᓐ ᑲ ᐊᓱᑎᒪᑯᐅᔭᒄ ᐃᔅᐱ ᒪᐅᒡ ᓂᔅᑎᒻ ᑲ ᐅᓯᑕᑭᓄᐅᒡ ᐅ ᐊᔅᒋᔾ᙮

ᒪᑎᔪᐤ 25:46

ᐊᐅᒄ ᒪᒃ ᐅᒡ ᑲ ᒥᒐᑎᓯᒡ ᒐ ᐃᑎᓴᐛᑭᓄᐎᒡ ᐊᓐᑕ ᑲᒋᒡ ᒐ ᐃᓯ ᓂᓇᐧᑲᑕᔨᒧᒡ, ᐊᑯ ᐊᓐᒡ ᑲ ᑯᐃᔅᑯᑕᑎᓯᒡ ᐊᓐᑕ ᑲᒋᒡ ᐱᒪᑎᓯᐅᓂᒡ ᒐ ᐃᑎᓴᐛᑭᓄᐎᒡ᙮”

ᒪᑎᔪᐤ 5:11

“ᒋ ᓱᐛᔨᑕᑯᓯᓇᐛᐤ ᐊ ᒪᔭᔨᒥᑯᐅᔭᒄ, ᒪᒃ ᐊ ᓂᓇᐧᑲᒋᐃᑯᐅᔭᒄ ᑭᔭ ᐊ ᑭᑭᒋᔭᐛᑕᒋᒥᑯᐅᔭᒄ ᓂᔾ ᐅᒋ ᐊ ᐸᒋ ᓇᓴᐅᔭᒄ᙮

ᒪᑎᔪᐤ 6:33

ᐅᔅᑕ ᐃᑕᔨᑕᑯᓐ ᓂᔅᑎᒻ ᓱᒃ ᒐᒋ ᓇᓂᑐᐛᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑭᔭ ᒐᒋ ᐃᑐᑎᒺᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒐ ᐃᑐᐛᒄ, ᐊᑯ ᒐ ᒥᔨᑕᒄ ᒥᓯᐛ ᑕᓐ ᐊ ᐃᓯ ᓄᑕᐱᔨᐛᒄ᙮

ᓗᒃ 14:26

“ᐊᐛᓐ ᐛ ᓇᓴᐅᒂ ᑕᓐ ᐊ ᐃᓯ ᐱᒪᑎᓯᔭᓐ, ᓂᔾ ᐊᑐᐎᔅ ᓂᑭ ᓴᒋᐃᒄ ᐊᔅᐱᔅ ᓴᒋᐊᑦ ᐅᑕᐎᔭ ᑭᔭ ᐅᑲᐎᔭ, ᐎᐛ, ᐅᑦ ᐊᐛᓯᒪ ᑭᔭ ᑎᐱᔨᐛ ᐎᐧᑲᓂᓴ᙮ ᓂᔾ ᐅᔅᑕ ᓂᑭ ᓴᒋᐃᒄ ᐃᔅᐱᔅ ᐎᔾ ᐊ ᐃᔅᐱᔅ ᓴᒋᑕᑦ ᑎᐱᔨᐛ ᐅᐱᒪᑎᓯᐅᓐ᙮ ᐊᑲ ᒪᒃ ᒋ ᑎᒐ ᓇᒪ ᓂᑭ ᒋ ᐅᒋᔅᒋᓄᐊᒧᐛᑭᓂᑐᑐᐛᐤ᙮

ᓗᒃ 5:11

ᒋ ᓴᔅᒋᐱᑎᒧᒡ ᒪᒃ ᐅᑦ ᐅᐤᑐᐛᐛ ᒂ ᓂᑭᑕᒡ ᐊᓐᑕ ᒥᓯᐛ ᒐᒂᔪᐤ, ᐊᑯ ᒂ ᐎᒐᐛᒡ ᒋᓴᓴ᙮

ᓗᒃ 6:22

ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᐛᐧᑲᑎᑯᐅᔭᒄ, ᐊᑲ ᐱᔅᑲᑎᑯᐅᔭᒄ, ᐊ ᒪᔭᔨᒥᑯᐅᔭᒄ ᑭᔭ ᐊ ᒥᒋ ᐊᔨᒧᒥᑯᐅᔭᒄ ᓂᔾ ᐅᒋ ᐊ ᓇᓴᐅᔭᒄ, ᐃᔪᐤ ᐅᑯᓯᓴᓐ᙮”

ᒠᓐ 15:19

ᐃᑕᔨᑕᑯᓯᔭᒄ ᒪᒃ ᑕᓐ ᐊ ᐃᑕᔨᑕᑯᓯᒡ ᒋᐸ ᓴᒋᐃᑯᐛᐅᒡ ᒧᔭᒻ ᐊ ᐃᓯ ᓯᓴᒋᐃᑐᒡ ᐎᔨᐛᐤ᙮ ᒥᒄ ᒪᒃ ᐊᒋ ᐅᑎᓂᑎᑯᒡ ᐊᐅᒄ ᐛᒋ ᐛᐧᑲᑎᑕᑯᒡ, ᐛᔅ ᑕᐸ ᐊᓐᑕ ᐊ ᑕᒡ ᐊᑯ ᒋ ᐊᑎ ᐃᓯ ᐎᒋᐃᐛᓇᐛᐤ᙮

ᒠᓐ 4:36

ᐊᓐ ᑲ ᒪᒧᓴᒋᓇᐧᒃ ᐊᓂᔭ ᓂᑕᐅᒋᑕᑭᓇ ᒋᓯᐧᑯᐛᑭᓄᐤ᙮ ᒧᔭᒻ ᐊᓐ ᐊᐛᓐ ᑲ ᐎᒋᐊᑦ ᐊᐛᔪᐛ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᐅᑯᓐ ᐊ ᐃᓯᓇᑯᓯᑦ᙮ ᐊᑯ ᒪᒃ ᐊᓐ ᑲ ᓂᑕᐅᒋᑕᑦ ᑭᔭ ᐊᓐ ᑲ ᒪᒧᓴᒋᓇᐧᒃ ᐊᓂᔭ ᓂᑕᐅᒋᑕᑭᓇ ᑕᐱᔅᑯᓐ ᒐ ᒥᔽᔨᑕᒡ ᐛᔅ ᑕᐱᔅᑯᓐ ᒋ ᐊᑐᔅᒐᐅᒡ᙮

ᐊᑈᔅᑕᓇᒡ 9:16

ᐛᔅ ᓂᔾ ᓂᑭ ᐛᐸᑎᔭᐤ ᑕᓐ ᒐ ᐃᓯ ᓂᓇᐧᑲᑕᔨᒧᑦ ᓂᔾ ᐅᒋ᙮”

1 ᑯᕆᓐᑎᔭᓇ 2:9

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓇᒪ ᐊᐛᓐ ᐅᒋ ᐛᐸᑎᒻ ᑭᔭ ᓇᒪ ᐊᐛᓐ ᐅᒋ ᐸᑎᒻ ᑭᔭ ᓇᒪ ᐊᐛᓐ ᐅᒋ ᒋᔅᒐᔨᑎᒻ ᑕᓐ ᑲ ᐃᓯ ᐊᔭᔅᑯᔅᑎᒧᐛᑦ ᒋᓴᒪᓂᑐᐤ ᐊᓂᔭᔪᐛ ᑲ ᓴᒋᐃᑯᑦ᙮

2 ᑯᕆᓐᑎᔭᓇ 5:16

ᓇᒪ ᒪᒃ ᐊᑯ ᐅᔅᒡ ᐊ ᐃᓯᓄᐛᑭᓄᐅᑦ ᐊᐛᓐ ᓂᑦ ᐃᓯ ᑭᓄᐛᐱᒪᓇᓐ᙮ ᐊᐅᑯᓐ ᑲ ᐃᓯ ᑭᓄᐛᐱᒥᒋᒡ ᙭ ᐸᐃᒂᐤ᙮ ᓇᒪᐎᔾ ᐊᑯ ᐊᓐᑕ ᓂᑦ ᐃᓯ ᑭᓄᐛᐱᒪᓇᓐ᙮

ᐱᓕᐱᔭᓇ 3:8

ᓇᒪ ᒪᒃ ᒥᒄ ᐊᓂᔭᔪᐛ ᒐᒂᔪᐛ ᑲ ᐊᔨᒧᑎᒪᓐ ᓂ ᐅᒋ ᐛᐱᓇᓐ᙮ ᒥᓯᐛ ᑯᑎᒡ ᒐᒂᓐ ᓇᒪ ᓇᔅᒡ ᓂᑦ ᐊᐱᑕᔨᑎᒥᐃᑯᓐ ᐊᔅᐱᔅ ᐊᑐᐎᔅ ᐃᑕᔨᑕᒂᒡ ᐊ ᒋᔅᒐᔨᒥᒃ ᙭ ᒋᓴᔅ ᑕᑈ ᐊ ᐅᑎᐸᔨᒋᒐᒥᔭᓐ᙮ ᐎᔾ ᐅᒋ ᐊᐅᒄ ᐛᒋ ᐊᑲ ᐊᐱᑕᔨᑎᒥᐃᑯᔭᓐ ᒥᓯᐛ ᐅᔭ ᒐᒂᔪᐛ, ᐛᐱᓇᓱᐅᓐ ᓂᑦ ᐃᑕᔨᑎᒥᐃᑯᓐ ᐅᔭ ᒐᒂᔪᐛ, ᐎᔾ ᒐᒋ ᐎᒐᐅᒃ,

1 ᐱᑕᕐ 4:14

ᐛᔅ ᒧᔭᒻ ᒪᔭᔨᒥᑯᐅᔭᒂ ᙭ ᐊ ᓇᓴᐛᒄ, ᒋ ᓱᐛᔨᑕᑯᓯᓇᐛᐤ ᐛᔅ ᐊᑯᑕ ᐛᒋ ᒋᔅᒐᔨᑕᒂᒡ ᑕᑈ ᐊ ᐎᒐᐅᑕᒄ ᑲ ᒋᔅᑕᔨᑕᑯᓯᑦ ᐊᒐᐧᒄ, ᒋᓴᒪᓂᑐᐤ ᐅᑦ ᐊᒐᒂ᙮

3 ᒠᓐ 1:7

ᐛᔅ ᔅᑐᑕᐅᒡ ᙭ᑕ ᒐᒋ ᐊᑐᔅᑯᐛᒡ᙮ ᓇᒪ ᐅᒋ ᓂᑐᐛᔨᑎᒧᐛᐅᒡ ᐊᓂᔭᔪᐛ ᐊᑲ ᑕᑈᑎᒥᔨᒋ ᒐᒂᔪᐤ ᒐᒋ ᐃᓯ ᐎᒋᐃᑯᒡ᙮