ᒪᑎᔪᐤ 19:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᐊᑯ ᒋᓴᔅ ᒂ ᐃᑕᑦ, “ᓇᔅᒡ ᒥᓯᐛ ᒐᒂᓐ ᐛ ᐃᑐᑎᒧᐎᓇ ᒐᒋ ᑯᐃᔅᑯᑕᑎᓯᔨᓐ, ᐊᑕᐛᒐ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᑲ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᑐᑕᔨᓐ ᒐ ᐸᒋ ᓇᓴᐎᔨᓐ᙮”

ᒪᑎᔪᐤ 19:21 ပူးပေါင်းရင်းမြစ်များ

ᒐᓂᓯᔅ 17:1

ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᒋ ᐃᑕᑐᐳᓇᓱᐤ ᐊᑉᕋᒻ ᒥᓐ ᑲ ᓄᑯᓯᔅᑕᑯᑦ ᑎᐸᔨᒋᒐᓱᐛ ᑭᔭ ᒂ ᐃᑎᑯᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊ ᐃᓯ ᓱᐧᑲᑎᓯᑦ᙮ ᓂᑐᑐᐎᓇ ᑭᔭ ᓇᓂᑎᒻ ᑯᐃᔅᒄ ᐃᑐᑎᒥᓇ,

ᒐᓂᓯᔅ 6:9

ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᑦ ᓄᐛ ᐅᑦ ᐊᓂᔅᑯᑕᐸᓇ᙮ ᓄᐛ ᒥᒄ ᒋ ᐸᐃᑯᓱᐤ ᑲ ᑯᐃᔅᑯᑕᑎᓯᑦ ᐃᔪᐤ ᐅᑕ ᐊᔅᒋᒡ ᑭᔭ ᓇᓂᑎᒻ ᒋ ᓇᐊᔨᑎᒪᐊᐤ ᒋᓴᒪᓂᑐᐛ ᒥᒄ ᒐᒂᔪᐤ ᑲ ᐃᑐᑕᐧᒃ,

ᑎᐱᑦ ᐅᓂᑭᒧᐅᓇ 37:37

ᐱᓯᔅᒐᔨᒥᐧᒄ ᐅᒥᔽᑎᓯᐤ, ᑭᓄᐛᐱᒥᐧᒄ ᒪᒃ ᐅᑯᐃᔅᑯᑐᐤ, ᐛᔅ ᐊ ᐳᓂ ᐃᑕᑦ ᐊᓐ ᐃᔪᐤ ᒋᔭᒪᔨᑎᒻ᙮

ᒪᑎᔪᐤ 16:24

ᐊᑯ ᒋᓴᔅ ᐊᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐊᐛᓐ ᐛ ᓇᓴᐅᒂ ᐊᑯᔅ ᒋᑭ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᒋᑭ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᑭ ᐸᒋ ᐎᒐᐅᒄ᙮

ᒪᑎᔪᐤ 19:20

ᐊᑯ ᐊᓐ ᓇᐸᐤ ᒂ ᐃᔅᒋᔄᑦ, “ᑲ ᐸᒋ ᐊᐛᓯᐅᔭᓐ ᓴᔅ ᓂᒋ ᓂᓇᐃᑕᓐ ᐅᔭ ᐎᓱᐛᐅᓇ᙮ ᒐᒂᓐ ᒪᒃ ᐃᔭᐱᒡ ᐊᔅᒄ ᓂᐸ ᐃᑐᑕᓐ ?”

ᒪᑎᔪᐤ 19:22

ᐃᔅᐱ ᒪᒃ ᐱᔭᑕᐧᒃ ᐊᓐ ᓇᐸᐤ ᐅᔭᔪᐤ ᓇᔅᒡ ᑕᑈ ᒋ ᒥᒐᔨᑎᒻ ᐛᔅ ᓇᔅᒡ ᒋ ᐛᔪᑎᓯᐤ᙮

ᒪᑎᔪᐤ 19:28

ᐊᑯ ᒋᓴᔅ ᒂ ᐃᑕᑦ, “ᒋᑭ ᒐᔅᑎᓇᐅᓇᐛᐤ, ᐃᔅᐱ ᐃᔪᐤ ᐅᑯᓯᓴᓐ ᐊᐱᒐ ᒋᓴᐅᒋᒪᐤ ᑕᑎᐳᐛᑭᓂᒡ ᒥᓐ ᐅᔅᑲᒐ ᐊᔅᒋᔾ, ᐊᑯ ᑭᔭ ᒋᔨᐛᐤ ᓂᒋᔅᒋᓄᐊᒧᐛᑭᓂᑎᒄ ᒐ ᐊᐱᔭᒄ ᓂᓱᓴᑉ ᐅᒋᒪᐤ ᑕᑎᐳᐛᑭᓇ, ᒐ ᑎᐸᔅᑯᓇᑯᒡ ᓂᓱᓴᑉ ᑲ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮

ᒪᑎᔪᐤ 4:19

ᐊᑯ ᒋᓴᔅ ᐊᑕᑦ, “ᐸᑐᑕᒄ ᐸᒋ ᐎᒐᐅᒄ, ᒋᑭ ᒋᔅᑯᑎᒪᑎᓇᐛᐤ ᒐᒋ ᐱᑕᐅᔭᔭᒄ ᐃᔪᒡ ᒧᔭᒻ ᐊ ᐃᓯ ᐱᑕᐅᔭᔭᒄ ᓂᒪᓯᒡ᙮”

ᒪᑎᔪᐤ 5:48

ᒧᔭᒻ ᒍᑕᐎᔾ ᒋᒋᒋᓯᑯᒡ ᐊ ᑕᑦ ᐊᔅᐱᔅ ᓇᔅᒡ ᑯᐃᔅᑯᓯᑦ ᐊᐅᑯᓐ ᒧᔭᒻ ᑭᔭ ᒋᔾ ᒋᐸ ᐃᓯ ᑯᐃᔅᑯᓯᓐ᙮”

ᒪᑎᔪᐤ 8:22

ᐊᑯ ᒋᓴᔅ ᐊᑕᑦ, “ᐸᒋ ᓇᓴᐎ᙮ ᐊᑯᔅ ᐊᓐᒡ ᒧᔭᒻ ᐊ ᓂᐱᒡ ᑲ ᐃᑕᔨᑕᑯᓯᒡ ᐊᐛᓐᒋ ᒋᑭ ᓇᐃᐧᑯᐛᐅᒡ ᐊᓂᔭ ᑲ ᓂᐱᔨᒋ ᐅᑦ ᐃᔨᒧᐛᐛ᙮”

ᒪᑎᔪᐤ 9:9

ᐊᑯ ᒋᓴᔅ ᒂ ᔅᑐᑕᑦ ᐊᓐᑕ ᐅᒋ, ᒪᒂᒡ ᒪᒃ ᐊ ᐊᑎ ᐱᒧᑕᑦ, ᒋ ᐛᐱᒪᐤ ᓇᐸᐛ ᐊᐱᔨᒋ ᒥᓯᓇᐃᒐᐅᒋᐛᐱᒡ ᒪᑎᔪᐤ ᐊ ᐃᓯᓂᐧᑲᓱᔨᒋ, ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᐊᒋ ᐃᑕᐱᑎᓯᔨᒋ᙮ ᐊᑯ ᒋᓴᔅ ᐊᑕᑦ, “ᐸᒋ ᓇᓴᐎ᙮” ᐊᑯ ᒪᑎᔪᐤ ᒂ ᐱᓯᑯᑦ, ᒂ ᐊᑎ ᐎᒐᐛᑦ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:21

ᒋᓴᔅ ᒋ ᑭᓄᐛᐱᒪᐤ ᐊ ᓴᒋᐊᑦ ᐊᑯ ᐊᑕᑦ, “ᐸᐃᒄ ᒐᒂᓐ ᐊᔅᒄ ᓇᒪ ᒋ ᑭᓄᐛᔨᑕᓐ᙮ ᒪᒋ ᐊᑕᐛ ᒥᓯᐛ ᑕᓐ ᐊ ᐃᓯ ᐊᔭᔨᓐ ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ, ᐊᑯ ᒐ ᐊᔭᔨᓐ ᐛᔪᑎᓯᐅᓐ ᐊᓐᑕ ᒋᒋᒋᓯᑯᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᒋ ᓇᓴᐎᔨᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:14

ᐊᓂᔭ ᒪᒃ ᐊ ᐊᑎ ᐱᒧᑕᑦ ᒋ ᐅᑎᑕᐤ ᓇᐸᐛ ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᐊ ᐃᑕᐱᑎᓯᔨᒋ᙮ ᓕᐸᐃ ᒋ ᐃᓯᓂᐧᑲᓱᔪᐛ᙮ ᐊᓪᐱᔭᔅ ᒋ ᐃᓯᓂᐧᑲᓱᔪᐛ ᐅᑕᐎᔪᐛ᙮ ᒪᒂᒡ ᐊᓐᑕ ᐅᒥᓯᓇᐃᑭᓂᒋᐛᐱᒡ ᒋ ᐊᐳᐤ ᐅ ᓕᐸᐃ᙮ ᐊᑯ ᒂ ᐃᑕᑦ ᒋᓴᔅ, “ᐸᒋ ᐱᐸᐎᒐᐎ᙮” ᒋ ᐱᓯᑯᐤ ᒪᒃ ᓕᐸᐃ ᒂ ᐊᑎ ᐎᒐᐛᑦ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:34

ᐊᑯ ᒋᓴᔅ ᒂ ᐎᓴᒪᑦ ᒥᒋᒪ ᒐᒋ ᐸᒋ ᓇᒋᑲᐳᔨᒋ ᐊᓂᔭ ᐊᓐᑕ ᑲ ᒪᒧᔨᒋ ᐊᐛᔪᐛ ᑭᔭ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᐊᑯ ᐊᑕᑦ, “ᐊᐛᓐ ᐛ ᓇᓴᐅᒂ ᐊᑯᔅ ᒋᐸ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᒋᐸ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᐸ ᐸᒋ ᓇᓴᐅᒄ᙮

ᓗᒃ 12:33

ᐊᑕᐛᒐᒄ ᐊᓂᔭ ᒐᒂᔪᐛ ᐊ ᐃᓯ ᑎᐱᔨᐛᐅᓯᔭᒄ ᐊᑯ ᒐ ᒥᔭᑯᒡ ᑲ ᒋᔅᑎᒪᑎᓯᒡ ᐊᓂᔭ ᓱᓇᔭᔪᐤ᙮ ᐛᔅ ᐅ ᐃᓯ ᐃᑐᑎᒪᒂ ᒋᓴᒪᓂᑐᐤ ᒋᑭ ᑎᐸᐊᒪᑯᐛᐤ ᐊᓐᑕ ᒋᒋᒋᓯᑯᒡ᙮ ᐛᔅ ᑕᓐ ᒐ ᐃᓯ ᑎᐸᐊᒪᑕᒄ ᒋᓴᒪᓂᑐᐤ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᐛᔅ ᓇᒪ ᓂᑕ ᒋᑭ ᒋ ᑭᒐᒧᑎᒪᑯᓇᐛᐤ ᑭᔭ ᒥᓐᑐᓯᒡ ᓇᒪ ᒋᑭ ᒋ ᓂᓱᐅᓇᒋᑕᐅᒡ᙮

ᓗᒃ 14:33

ᐊᑯ ᒋᓴᔅ ᒥᓐ ᒂ ᐊᑎ ᐃᔅᒋᔄᑦ, ᐊᐅᑯᓐ ᒪᒃ ᒧᔭᒻ ᐊ ᐃᓯᓇᑯᓂᔨᒡ ᐊᐛᓐ ᑲ ᓂᑐᐛᔨᑕᐧᒃ ᒐᒋ ᐅᒋᔅᒋᓄᐊᒧᐛᑭᓂᑐᑐᐅᒃ, ᐸᑐᔅ ᒋᑭ ᐱᔅᑎᓂᒻ ᒥᓯᐛ ᒐᒂᔪᐤ ᐊ ᐃᓯ ᐊᔭᑦ᙮”

ᓗᒃ 16:9

ᐊᑯ ᒋᓴᔅ ᒥᓐ ᒂ ᐊᑎ ᐃᑕᑦ, “ᒋ ᐎᑎᒪᑎᓇᐛᐤ, ᐊᐱᒋᑕᒄ ᑕᓐ ᐊ ᐃᓯ ᐊᔭᔭᒄ ᒐᒋ ᒥᔪᑐᑎᒪᒄ ᑭᔭ ᒐᒋ ᐎᒐᐛᑭᓂᔭᒄ᙮ ᐃᔅᐱ ᒪᒃ ᐳᓂᐱᒪᑎᓯᔭᒂ ᐊᑯ ᒐ ᐱᑎᑲᐃᑯᔭᒄ ᐊᓐᑕ ᑲᒋᒡ ᒐ ᐎᒋᔭᒄ᙮”

ᓗᒃ 18:22

ᐃᔅᐱ ᒪᒃ ᒋᓴᔅ ᐱᔭᑐᐛᑦ ᐅᔭ ᐊ ᐃᔅᒋᔄᔨᒋ ᒋ ᐃᑕᐤ, “ᐊᔅᒄ ᒪᒃ ᐸᐃᒄ ᒐᒂᓐ ᒥᓐ ᓂᑐᐛᔨᑕᑯᓐ ᒐᒋ ᐃᑐᑎᒥᓐ᙮ ᐊᑕᐛ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᐊ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᒋ ᓇᓴᐎᔨᓐ᙮”

ᓗᒃ 5:27

ᐃᔅᐱ ᒪᒃ ᑲ ᒋᔅᐱᔨᒡ ᐅ ᒋ ᐎᐎᐤ ᒋᓴᔅ ᐊᓂᔭ ᒥᒋᐛᐱᔪᐤ ᐊᑯ ᒂ ᔅᑐᑕᑦ᙮ ᒋ ᐛᐱᒪᐤ ᒪᒃ ᓇᐸᐛ ᐊ ᐊᐱᔨᒋ ᐅᒥᓯᓇᐃᒐᐅᒋᐛᐱᒡ, ᓕᐸᐃ ᐊ ᐃᓯᓂᐧᑲᓱᔨᒋ, ᑲ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ ᐊ ᐃᑕᐱᑎᓯᔨᒋ᙮ ᐊᑯ ᒋᓴᔅ ᒂ ᐃᑕᑦ, “ᐸᒋ ᐛᐎᒐᐎ᙮”

ᓗᒃ 6:40

ᐊᓐ ᑲ ᒋᔅᑯᑎᒧᐛᑭᓄᐅᑦ ᐊᐛᓐ ᓇᒪᐎᔾ ᐅᔅᑕ ᐃᑕᔨᑕᑯᓱᐤ ᐊ ᐃᑕᔨᑕᑯᓯᔨᒋ ᐊᓂᔭ ᑲ ᒋᔅᑯᑎᒪᑯᑦ᙮ ᐛᔅ ᐃᔅᐱ ᒋ ᐃᓯ ᒋᔅᑯᑎᒧᐛᑭᓄᒐ ᐊᐅᑯᓐ ᒐ ᐃᑕᔨᑕᑯᓯᑦ ᒧᔭᒻ ᐊᓂᔭ ᑲ ᒋᔅᑯᑎᒪᑯᑦ᙮”

ᓗᒃ 9:23

ᐊᑯ ᒥᓯᐛ ᒂ ᐃᑕᑦ, “ᐊᐛᓐ ᐛ ᓇᓴᐅᒂ ᐊᑯᔅ ᒋᐸ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᐊᓯᑯᒻ ᒋᓯᑲᐛ ᒋᐸ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᐸ ᐸᒋ ᓇᓴᐅᒄ᙮

ᒠᓐ 10:27

ᓂᑐᑎᒧᒡ ᓂᐸᑕᑯᓱᐅᓂᔪᐤ ᓂᒪᔭᑕᓂᓯᒥᒡ᙮ ᑭᔭ ᓂ ᒋᔅᒐᔨᒪᐅᒡ, ᑭᔭ ᐱᔭᒋ ᓇᓴᐅᒡ᙮

ᒠᓐ 12:26

ᐊᓐ ᒪᒃ ᐊᐛᓐ ᓂᔾ ᑲ ᐊᑐᔅᑯᐅᑦ ᓂᑭ ᐸᒋ ᓇᓴᐅᒄ᙮ ᐊᑯ ᒪᒃ ᒐ ᑕᑦ ᓂᑦ ᐊᐱᒋᐊᑭᓐ ᐊᓐᑕ ᒐ ᐊᑎ ᐃᑕᐅᒡ᙮ ᒋᑭ ᒋᔅᑕᔨᒥᑯᐤ ᓄᑕᐎᔭ ᐊᓐ ᐊᐛᓐ ᒐ ᐊᑐᔅᑯᐅᒂ᙮”

ᐊᑈᔅᑕᓇᒡ 2:45

ᒋ ᐊᑕᐛᐅᒡ ᑕᓐ ᐊ ᐃᓯ ᑎᐱᔨᐛᐅᓯᒡ ᐊᑯ ᒂ ᒪᑎᓂᒪᑐᒡ ᐊᓂᔭᔪᐤ ᓱᓇᔭᔪᐤ ᒥᓯᐛ ᐊᓐᑕ ᐊ ᑎᓯᒡ᙮ ᒥᒄ ᑕᓐ ᐊ ᐃᓯ ᓄᑕᐱᔨᑦ ᐊᐛᓐ ᐊᐅᑯᓐ ᑲ ᐃᓯ ᒥᔭᑭᓄᐅᑦ᙮

ᐃᑉᕈᐛ 10:34

ᔅᒋ ᒋᔅᑎᒪᒐᔨᒪᐛᐅᒡ ᐊᓐᒡ ᑲᒪᑯᓄᐛᓯᐅᒋᐛᐱᒡ ᑲ ᑕᒡ ᐊᓐᒡ ᑲ ᑕᑈᑕᒡ ᐛᔅ ᑭᔭ ᒋᔨᐛᐤ ᐊᐅᑯᓐ ᒧᔭᒻ ᑲ ᐃᓯ ᓂᒋᔅᑭᒪᒄ᙮ ᐃᔅᐱᔅ ᑲ ᒪᑯᓂᑭᓄᐅᒋ ᒋᑦ ᐊᐱᒋᑕᐅᓄᐛᐛ ᐊ ᒪᔭᔨᒥᑯᔭᒄ ᔅᒋ ᒥᔽᔨᑕᓇᐛᐤ ᐛᔅ ᔅᒋ ᒋᔅᒐᔨᑕᓇᐛᐤ ᐊᑐᐎᔅ ᐊ ᒥᔽᒡ ᐊᓐ ᒐᒂᓐ ᑲ ᐃᓯ ᐊᔭᔭᒄ, ᑭᔭ ᑲᒋᒡ ᒐ ᑎᒂᒡ᙮