ᒪᑎᔪᐤ 18:31 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³¹ ᐃᔅᐱ ᒪᒃ ᐊᓐᒡ ᑯᑎᑭᒡ ᐊᐱᒋᐊᑭᓐᒡ ᐎᔭᐸᑕᒡ ᐅᔭ ᐊ ᐃᔅᐱᔨᒡ, ᓇᔅᒡ ᒋ ᒥᑯᔅᑲᑕᔨᑎᒥᐃᑯᐅᒡ ᐊᑯ ᒂ ᐎᑎᒧᐛᒡ ᐊᓂᔭ ᒋᓴᐅᒋᒪᐛ ᒥᓯᐛ ᑕᓐ ᑲ ᐃᔅᐱᔨᒡ᙮

ᒪᑎᔪᐤ 18:31 ပူးပေါင်းရင်းမြစ်များ

ᒐᓂᓯᔅ 37:2

ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᑦ ᒐᑭᑉ ᐅᑦ ᐊᓂᔅᑯᑕᐸᓇ᙮ ᒍᓯᐸ ᒋ ᐅᑯᓱᐤ᙮ ᐃᔅᐱ ᓂᔄᐅᑕᒡ ᑕᑐᓴᑉ ᑲ ᐃᑕᑐᐳᓇᓯᑦ ᒍᓯᑉ, ᒋ ᐎᒋ ᐊᑐᔅᒐᒪᐤ ᐱᔅᒐ ᐎᐧᑲᓂᓴ, ᐱᓚ ᑭᔭ ᓯᓪᐸ ᐅᑯᓯᔪᐛ᙮ ᒪᒧᐤ ᒋ ᑭᓄᐛᔨᒪᐅᒡ ᐅᑕᐎᐛᐛ ᐅᑦ ᐊᐛᓯᓯᒥᔪᐛ᙮ ᓇᓇᒐ, ᒋ ᐎᑎᒧᐛᐤ ᐅᑕᐎᔭ ᐊ ᐃᓯ ᒥᒋ ᐃᑎᔨᒋ ᐎᐧᑲᓂᓴ᙮

ᑎᐱᑦ ᐅᓂᑭᒧᐅᓇ 119:136

ᓂᐱᔭ ᐊ ᓯᐱᓯᐅᒋ ᐅᒋᑯᐛ ᓂᔅᒋᓯᑯᒡ, ᐊ ᐊᑲ ᑭᓄᐛᔨᑕᒡ ᒋᐎᓱᐛᐅᓂᔪᐤ᙮

ᑎᐱᑦ ᐅᓂᑭᒧᐅᓇ 119:158

ᓂᒋ ᑭᓄᐛᐱᒪᐅᒡ ᑲ ᒥᒋᑐᑕᒡ, ᓂᒋ ᑲᔅᒐᔨᑕᓐ ᒪᒃ; ᐊ ᐊᑲ ᑭᓄᐛᔨᑕᒡ ᒋᑦ ᐃᔨᒧᐅᓂᔪᐤ᙮

ᒪᑎᔪᐤ 14:9

ᓇᔅᒡ ᒋ ᒥᒐᔨᑎᒻ ᒋᓴᐅᒋᒪᐤ ᐊᕈᑦ ᐃᔅᐱ ᑲ ᐸᑕᐧᒃ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᐊᓂᔭ ᐃᔎᓴ, ᒥᒄ ᒪᒃ ᐃᔭᐱᒡ ᒋ ᒥᔭᐤ ᐊᓂᔭ ᑲ ᐃᓯ ᓂᑐᐛᔨᑎᒥᔨᒋ ᐛᔅ ᒥᓯᐛ ᐊᓂᔭ ᐎᒐᐛᑭᓇ ᒋ ᐸᑕᑯᐤ ᐊᒋ ᐃᑕᑦ ᐊᓂᔭ ᐃᔎᓴ ᒐᔅᑎᓇᔅ ᒐ ᒥᔭᑦ ᑕᓐ ᒐ ᐃᓯ ᓂᑐᐛᔨᑎᒥᒂᓂ᙮

ᒪᑎᔪᐤ 18:28

ᐊᑯ ᐊᓐ ᐊᐱᒋᐊᑭᓐ ᒂ ᔅᑐᑕᑦ, ᒂ ᓂᒋᔅᑯᐛᑦ ᐎᒋ ᐊᐱᒋᐊᑭᓇ ᐊᒋ ᒥᓯᓇᐊᒪᑯᑦ ᐊᐱᓯᔅ ᓱᓇᔭᔪᐤ᙮ ᐊᑯ ᒂ ᒪᑯᓇᑦ ᐊ ᐎ ᒋᐳᑕᒥᓇᑦ ᒂ ᐃᑕᑦ, “ᒪᒋ ᐸᒋ ᒋᐛ ᒥᔾ ᐊᓐ ᓱᓇᔭᐤ ᑕᓐ ᑲ ᐃᔅᐱᔅ ᒥᓯᓇᐊᒧᔨᓐ᙮”

ᒪᑎᔪᐤ 18:30

ᒥᒄ ᒪᒃ ᓇᒪ ᐅᒋ ᓂᑐᑐᐛᐤ ᐊᓂᔭ ᐎᒋ ᐊᐱᒋᐊᑭᓇ, ᐊᑯ ᒂ ᐃᑎᓱᐛᑕᑦ ᒐᒋ ᒪᑯᓇᑭᓄᔨᒋ ᐸᑐᔅ ᒋ ᐱᑯᓯᓇᐊᒪᑯᒐ ᑕᓐ ᐊᓂᔭ ᑲ ᐃᔅᐱᔅ ᒥᓯᓇᐊᒪᑯᑦ᙮

ᒪᑎᔪᐤ 18:32

ᐊᑯ ᐊᓐ ᒋᓴᐅᒋᒪᐤ ᒂ ᐎᓴᒪᑦ ᐊᓂᔭ ᐅᑦ ᐊᐱᒋᐊᑭᓇ, ᒂ ᐃᑕᑦ, “ᒋᔾ ᐊᐱᒋᐊᑭᓐ ᑕᑈ ᒋᒥᒋᑐᑕᓐ, ᓇᒪ ᓇᔅᒡ ᒋ ᐅᒋ ᒋᐛ ᓂᑐᐛᔨᑎᒪᑎᓐ ᐛᔅ ᒋᔾ ᔅᒋ ᐱᑯᓴᔨᒥᓐ ᒐᒋ ᒋᔅᑎᒪᒐᔨᒥᑕᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:5

ᒋᓴᔅ ᒋ ᒋᔄᓱᐤ ᐊ ᑭᓄᐛᐱᒪᑦ ᑭᔭ ᒋ ᒥᓯᒥᑕᐃᔅᑲᑯᐤ ᐊᓂᔭ ᐊ ᓯᐱᑎᒥᔨᒋ᙮ ᐊᑯ ᒂ ᐃᑕᑦ ᐊᓂᔭ ᓇᐸᐛ ᑲ ᒪᔅᑲᔨᒡ ᐅᑎᒋᔪᐤ, “ᓴᑐᐱᔨᑕ ᔅᑎᒋᔾ᙮” ᒋ ᓴᑐᐱᔨᑕᐤ ᒪᒃ ᐊᓐ ᓇᐸᐤ ᐊᓂᔭ ᐅᑎᒋᔾ, ᑭᔭ ᑲ ᒥᓏᒋᑕᑭᓄᐎᒡ ᐊᓂᔭ ᐅᑎᒋᔾ, ᒧᔭᒻ ᐊᓂᔭ ᑯᑎᒋᔪᐤ ᐅᑎᒋᔾ ᑲ ᐃᓯ ᒥᔽᔨᒡ ᐊᐅᑯᓐ ᑲ ᐃᓯᓇᑯᓂᔨᒡ ᐊᓂᔭ ᐅᑎᒋᔾ ᑲ ᒪᔅᑲᔨᒡ᙮

ᓗᒃ 14:21

“ᐊᓐ ᒪᒃ ᐊᐱᒋᐊᑭᓐ ᒋ ᐎᑎᒧᐛᐤ ᐅᒋᒪᒪ ᑕᓐ ᑲ ᐃᔅᒋᔄᔨᒡ ᐅᔭ᙮ ᐊᑯ ᒪᒃ ᐊᓐ ᐅᒋᒪᐤ ᑲ ᐎ ᒥᑯᓴᑦ ᓇᔅᒡ ᑕᑈ ᒋ ᒋᔄᓱᐤ᙮ ᒂ ᐃᑕᑦ ᐊᓂᔭ ᐅᑦ ᐊᐱᒋᐊᑭᓇ, ‘ᒋᐱᔾ, ᒪᒋ ᒥᓯᐛ ᐃᑐᑕ ᐅᑕ ᐅᑕᓇᒡ, ᒐ ᐸᓱᐅᑥᐤ ᐊᓐᒡ ᑲ ᒋᔅᑎᒪᑎᓯᒡ, ᑲ ᒪᔅᒋᓂᑕᐅᒋᒡ ᐊᑲ ᐛᐸᑕᒡ ᑭᔭ ᐊᓐᒡ ᐊᑲ ᒋ ᐊᑎᓂᓱᒡ᙮’ ”

ᓗᒃ 19:41

ᐊᔭᔅᒃ ᒪᒃ ᒋ ᐊᑎ ᐸᓱᐛᐸᑎᒻ ᒋᓴᔅ ᒋᕈᓯᓕᒥᔪᐤ, ᐃᔅᐱ ᒪᒃ ᐎᔭᐸᑕᐧᒃ ᒋ ᒪᑎᒻ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:15

ᐎᒋ ᒥᔽᔨᑎᒧᒪᐧᑯᒡ ᐊᓐᒡ ᑲ ᒥᔽᔨᑕᒡ᙮ ᐎᒋ ᒥᓯᒪᔨᑎᒧᒪᐧᑯᒡ ᐊᓐᒡ ᑲ ᒥᓯᒪᔨᑕᒡ᙮

2 ᑯᕆᓐᑎᔭᓇ 11:21

ᑕᑈ ᑭᑈ ᓂᒋ ᐅᓂᐱᔨᓇᓐ ! ᓂ ᓴᒂᔨᒧᓐ ᒐᒋ ᐃᔅᒋᔄᔭᓐ ᐊᑲ ᐅᒋ ᐃᑎᔭᒡ ᐅ ᓂᔭᓐ᙮ ᐊᑲ ᓂᑲᐎᒂ ᐊᐛᓐ ᒐᒋ ᓂᓇᐸᐅᒧᑦ ᑕᓐ ᐊ ᐃᑎᑦ ᓂᐸ ᒋ ᓂᓇᐸᐅᒧᓐ ᑭᔭ ᓂᔾ᙮ ᒥᓐ ᒪᒃ ᓂ ᒋᔎ ᐃᔨᒥᓐ ᐅ ᑲ ᐃᔅᒋᔄᔭᓐ᙮

ᐃᑉᕈᐛ 13:17

ᓂᓇᐃᑐᐛᐧᑯᒡ ᐊᓐᒡ ᑲ ᓂᑲᓂᔅᑲᑕᑯᒡ ᐊᔭᒥᐊᐅᒋᐛᐱᒡ᙮ ᐛᔅ ᒋᐛᐎᒋᐃᑯᐛᐅᒡ ᒋᑕᑈᑎᒧᐅᓄᐛᒡ᙮ ᐊᐅᒄ ᐅᔭ ᐅᑦ ᐊᑐᔅᒐᐅᓄᐛᐤ᙮ ᐛᔅ ᒋᑭ ᓂᑐᐛᔨᑕᑯᓱᐅᒡ ᒐᒋ ᐎᑎᒧᐛᒡ ᒋᓴᒪᓂᑐᐛ ᑕᓐ ᑲ ᐃᑐᐛᒄ᙮ ᒋᑭ ᒥᔽᔨᑎᒧᒡ ᒪᒃ ᒐᒋ ᐃᑐᑕᒡ ᐅᔭ ᐅᑦ ᐊᑐᔅᒐᐅᓄᐛᐤ ᒧᔭᒻ ᒋᔨᐛᐤ ᓂᓇᐃᑐᐛᒂᐛ ᑭᔭ ᒋᔅᑕᔨᑎᒧᐛᒂ ᑕᓐ ᑲ ᐃᓯ ᒥᔭᑭᓄᐎᒡ ᒐᒋ ᓂᑲᓂᔅᑲᑕᑯᒡ᙮ ᐊᑲ ᒪᒃ ᐅ ᑎᔭᒂ ᒋᑭ ᒥᒐᔨᑎᒧᒡ ᑭᔭ ᓇᒪ ᒋᑭ ᒋ ᒥᔪ ᐎᒋᐃᑯᐛᐅᒡ᙮

ᐃᑉᕈᐛ 13:3

ᒪᒥᑐᓇᔨᒪᐧᑯᒡ ᐊᓐᒡ ᐊᐛᓐᒋ ᑲᒪᑯᓄᐛᓯᐅᒋᐛᐱᒡ ᐊ ᑕᒡ᙮ ᒧᔭᒻ ᑭᔭ ᒋᔨᐛᐤ ᐊ ᑕᔭᒄ ᐊᓐᑕ ᐊᓂᔭ ᐊ ᑕᒡ ᒐᒋ ᐃᓯ ᒪᒥᑐᓇᔨᑎᒪᒄ᙮ ᒪᒥᑐᓇᔨᒪᐧᑯᒡ ᑭᔭ ᐊᓐᒡ ᑲ ᓂᓇᐧᑲᒋᐊᑭᓄᐎᒡ ᒧᔭᒻ ᑭᔭ ᒋᔨᐛᐤ ᐊ ᓂᓇᐧᑲᒋᐃᑯᔭᒄ ᒧᔭᒻ ᐎᔨᐛᐤ ᐊ ᐃᓯ ᓂᓇᐧᑲᒋᐊᑭᓄᐎᒡ ᒐᒋ ᐃᑕᔨᑎᒪᒄ᙮