ᒪᑎᔪᐤ 18:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᐊᑯ ᐊᓐ ᒋᓴᐅᒋᒪᐤ ᒋ ᒋᔅᑎᒪᒐᔨᒪᐤ ᐊᓂᔭ ᐅᑦ ᐊᐱᒋᐊᑭᓇ ᑭᔭ ᒋ ᐃᑕᐤ ᐊᑲ ᐊᑯᔅ ᒐ ᐱᑯᓯᓇᐊᒪᑯᑦ ᐊᓂᔭ ᑕᓐ ᑲ ᐃᔅᐱᔅ ᒥᓯᓇᐊᒪᑯᑦ, ᐊᑯ ᑭᔭ ᒂ ᐱᔅᑎᓇᑦ᙮

ᒪᑎᔪᐤ 18:27 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 145:8

ᑎᐸᔨᒋᒐᓱᐤ ᒋᓴᐛᑎᓯᐤ, ᑭᔭ ᓴᑭᔅᒋᓇᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ; ᓇᒪ ᑎᐛᒡ ᒋᔄᓯᑦ, ᑭᔭ ᓇᔅᒡ ᐊ ᓱᐛᔨᒋᒐᑦ᙮

ᑎᐱᑦ ᐅᓂᑭᒧᐅᓇ 78:38

ᒪᒃ ᐎᔾ, ᐊ ᓴᑭᔅᒋᓇᔅᑲᑯᑦ ᒋᔅᑎᒪᒐᔨᒋᒐᐅᓂᔪᐤ, ᒋ ᐛᐸᔨᑎᒺᐤ ᐅᒥᒐᑎᓯᐅᓂᔪᐛ, ᓇᒪ ᑭᔭ ᐅᒋ ᓂᓱᐅᓇᒋᐊᐤ: ᓂᐦᐃ, ᒥᒐᑥᐤ ᒋ ᐃᒐᓂᒻ ᐅᒋᔄᓯᐅᓐ, ᓇᒪ ᑭᔭ ᐅᒋ ᒧᔅᒋᐱᑕᐤ ᒥᓯᐛ ᐅᑦ ᐊᐧᑯᔪᐛᓱᐅᓐ᙮

ᑎᐱᑦ ᐅᓂᑭᒧᐅᓇ 86:15

ᒪᒃ ᒋᔾ, ᐅ ᑎᐸᔨᒋᒐᓱᐤ, ᒋ ᒋᓴᒪᓂᑐᐅᓐ ᑲ ᓴᑭᔅᒋᓇᔅᑲᑯᔨᓐ ᒋᔅᑎᒪᒐᔨᒋᒐᐅᓐ, ᑭᔭ ᑲ ᒋᓴᐛᑎᓯᔨᓐ; ᐊ ᓯᐱᔨᐛᓯᔨᓐ, ᑭᔭ ᐊ ᐛᔪᑎᓯᔨᓐ ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ᙮

ᑎᐱᑦ ᐅᓂᑭᒧᐅᓇ 86:5

ᐛᔅ ᒋᔾ, ᑎᐸᔨᒋᒐᓱᐤ, ᒋ ᒥᔽᑎᓯᓐ, ᑭᔭ ᒋ ᐎ ᐛᐸᔨᑎᒪᒐᓐ; ᑭᔭ ᒋ ᐛᔪᒡ ᒋᔅᑎᒪᒐᔨᒪᐅᒡ ᒥᓯᐛ ᑲ ᓇᓂᑐᒥᔅᒡ᙮

ᒪᑎᔪᐤ 18:28

ᐊᑯ ᐊᓐ ᐊᐱᒋᐊᑭᓐ ᒂ ᔅᑐᑕᑦ, ᒂ ᓂᒋᔅᑯᐛᑦ ᐎᒋ ᐊᐱᒋᐊᑭᓇ ᐊᒋ ᒥᓯᓇᐊᒪᑯᑦ ᐊᐱᓯᔅ ᓱᓇᔭᔪᐤ᙮ ᐊᑯ ᒂ ᒪᑯᓇᑦ ᐊ ᐎ ᒋᐳᑕᒥᓇᑦ ᒂ ᐃᑕᑦ, “ᒪᒋ ᐸᒋ ᒋᐛ ᒥᔾ ᐊᓐ ᓱᓇᔭᐤ ᑕᓐ ᑲ ᐃᔅᐱᔅ ᒥᓯᓇᐊᒧᔨᓐ᙮”

ᒪᑎᔪᐤ 18:32

ᐊᑯ ᐊᓐ ᒋᓴᐅᒋᒪᐤ ᒂ ᐎᓴᒪᑦ ᐊᓂᔭ ᐅᑦ ᐊᐱᒋᐊᑭᓇ, ᒂ ᐃᑕᑦ, “ᒋᔾ ᐊᐱᒋᐊᑭᓐ ᑕᑈ ᒋᒥᒋᑐᑕᓐ, ᓇᒪ ᓇᔅᒡ ᒋ ᐅᒋ ᒋᐛ ᓂᑐᐛᔨᑎᒪᑎᓐ ᐛᔅ ᒋᔾ ᔅᒋ ᐱᑯᓴᔨᒥᓐ ᒐᒋ ᒋᔅᑎᒪᒐᔨᒥᑕᓐ᙮

ᓗᒃ 7:42

ᓇᒪ ᒪᒃ ᐅᒋ ᒋᓯᐧᑲᑯᐤ ᑕᐱᔅᑯᓐ ᐊᓂᔭ ᓇᐸᐛ ᐊᑯ ᒂ ᑲᓯᓯᓇᐊᒧᐛᑦ ᐊᓂᔭ ᑕᓐ ᒋᐸ ᐃᔅᐱᔅ ᒋᓯᐧᑲᑯᐤ᙮ ᑕᓐ ᒪᒃ ᐊᓂᔭᔪᐛ ᐊ ᓂᓯᔨᒋ ᓇᐸᐛ ᐃᐛᒃ ᒐ ᓴᒋᐃᑯᑦ ?”

ᓗᒃ 7:43

ᓴᐃᒥᓐ ᒪᒃ ᒋ ᐃᑕᐤ, “ᑭᑈ ᐊᓂᔭ ᒪᐅᒡ ᒥᔅᑎ ᑲ ᒥᓯᓇᐊᒪᑯᑦ ᐊᐅᑯᓂ ᐊᓂᔭ ᒪᐅᒡ ᒐ ᓴᒋᐃᑯᑦ᙮” ᒋᓴᔅ ᒂ ᐃᑕᑦ, “ᓂᐦᐃ, ᒋ ᑕᑈᓐ᙮”