ᒪᑎᔪᐤ 18:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᐛᔅ ᐊᑎ ᒥᒄ ᓂᓱ ᑭᔭ ᒪᒃ ᓂᔅᑐ ᐊᐛᓐᒋ ᒪᐅᒋᐃᑐᑥᐛ ᓂᑦ ᐃᓯᓂᐧᑲᓱᐅᓂᒡ ᐅᒋ, ᐊᑯᑕ ᑭᔭ ᓂᔾ ᒐ ᑕᔭᓐ᙮”

ᒪᑎᔪᐤ 18:20 ပူးပေါင်းရင်းမြစ်များ

ᒐᓂᓯᔅ 49:10

ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ᑎᑯᓐ ᐊᓐᑕ ᐊ ᑕᒡ ᐊ ᐸᐃᑯᔅᑲᓇᓯᔨᓐ, ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ, ᐸᑎᒪ ᒋ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮

ᐊᒃᓱᑕᔅ 20:24

ᒐ ᐛᓯᑕᔭᒄ ᐱᔅᑎᓂᒐᐅᓇᐱᔅᒄ ᐊᔅᒋᒡ ᐅᒡ ᑭᔭ ᒐ ᐱᔅᑎᓇᑯᒡ ᐊᓐᑕ ᒪᔭᑕᓂᓯᒡ, ᑲ ᐅᑦ ᐊᔅᑭᓂᓯᒡ ᑭᔭ ᒥᔅᑐᓯᒡ ᒥᑐᔅᑕᐊᒪᒐᐅᓇ ᒥᓯᐛ ᒐᒋ ᐃᔎᓱᒡ ᑭᔭ ᒧᔭᒻ ᒋᔭᒪᔨᑎᒧᐅ ᐱᔅᑎᓂᒐᐅᓇ᙮ ᑕᓐᑕ ᒥᒄ ᒐ ᐎᔭᔨᑎᒪᓐ ᒐᒋ ᐊᔭᒥᐊᔅᑕᑯᐅᔭᓐ, ᓂᑭ ᑎᑯᓯᓐ ᒐᒋ ᓱᐛᑕᑯᐎᑎᑯᒡ᙮

ᒪᑎᔪᐤ 18:21

ᐊᑯ ᐱᑕᕐ ᒂ ᐸᒋ ᓂᑐᐛᐱᒪᑦ ᒋᓴᓴ ᒋ ᐃᑕᐤ, “ᐅᑎᐸᔨᒋᒐᐤ, ᓂᐧᑲᓂᔅ ᒪᒃ ᐎᔾ ᐊᑲ ᐳᓂᒐ ᐊ ᐸᒋ ᐅᓂᑐᑐᐅᑦ, ᑕᓐ ᑕᑥᐤ ᒐ ᐛᐸᔨᑎᒧᐅᒃ, ᓂᔄᐅᑕᒡ ᑕᑥᐤ ᐊ ?”

ᒪᑎᔪᐤ 28:20

ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”

ᒠᓐ 20:19

ᐊᓂᔭ ᒪᒃ ᐊ ᐊᑎ ᐅᑕᑯᓯᔨᒡ ᐊᓂᔭ ᓂᔅᑎᒻ ᐊᑎ ᒋᓯᑲᔨᒡ ᒋ ᒪᒧᐎᐅᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ ᒋ ᐊᑎᓴᑲᐎᓱᐅᒡ ᒪᒂᒡ ᐊᓂᔭ ᐊ ᒪᒧᐎᒡ ᐛᔅ ᒋ ᑯᔅᑕᐅᒡ ᐊᓂᔭ ᒍᐤ ᐅᒋᒪᐛ᙮ ᓯᔅᒋᑯᒡ ᒪᒃ ᒋ ᐅᒋ ᐛᐱᒪᐅᒡ ᒋᓴᓴ ᐊ ᓂᐳᔨᒋ ᐊᓐᑕ ᐊ ᑕᒡ᙮ ᒋ ᐃᑎᑯᐅᒡ ᒪᒃ, “ᒋᔭᒪᔨᑎᒧᒄ᙮”

ᒠᓐ 20:26

ᔭᓇᐤ ᑕᑐᐤ ᒋᓯᑲᐛ ᒪᒃ ᐃᔅᐱᔅ ᐊᑯ ᒥᓐ ᑲ ᒪᒧᐎᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ ᑥᒥᔅ ᒪᒃ ᑭᔭ ᐎᔾ ᐊᑯᑕ ᑲ ᑕᑦ᙮ ᒋ ᐊᑎᓴᑲᐛᑭᓄᐎᒡ ᔅᑐᐧᑭᓐᒡ ᐃᔭᐱᒡ ᒪᒃ ᒋᓴᔅ ᒋ ᐸᒋ ᐱᒐᐤ ᒂ ᐸᒋ ᐅᑎᔅᑯᑲᐳᔅᑐᐛᑦ᙮

ᒠᓐ 8:58

ᒋᓴᔅ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᐊᔅᒄ ᐊᑲ ᐅᒋ ᐱᒪᑎᓯᑦ ᐊᑉᕋᐊᒻ, ᓴᔅ ᓂᒋ ᑕᓐ᙮”

1 ᑯᕆᓐᑎᔭᓇ 5:4

ᐅᑎᐸᔨᒋᒐᐤ ᒋᓴᔅ ᐊᒋ ᐸᒋ ᒥᔨᑦ ᒐᒋ ᐃᓯ ᐎᔭᔨᑎᒧᒡ᙮ ᒪᒧᐎᔭᒂ ᒐ ᐊᔭᒥᐊᔭᒄ, ᒧᔭᒻ ᐊᓐᑕ ᐊ ᑕᔭᒄ ᐊ ᑕᔭᓐ ᒋᑭ ᐃᑕᔨᑕᑯᓐ ᑭᔭ ᐅᑎᐸᔨᒋᒐᐤ ᒋᓴᔅ ᐅᓱᐧᑲᑎᓯᐅᓐ ᒋᑭ ᑎᑯᓂᔪᐤ᙮

1 ᑕᓴᓗᓂᔭᓇ 1:1

ᓂᔭᓐ ᑈᓪ, ᓴᓂᔅ, ᑭᔭ ᑎᒧᑎ, ᒋ ᒥᓯᓇᐊᒪᑎᓇᓐ ᒋᔨᐛᐤ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᑕᓴᓗᓇᐃᑲ ᐊ ᑕᔭᒄ ᒋᓴᒪᓂᑐᐤ ᐅᑕᐎᒪᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᑲ ᑎᐱᔨᐛᐅᓯᑐᑕᑕᒄ᙮ ᒋᑦ ᐊᔭᒥᐊᔅᑎᒪᑎᓇᓐ ᒋᓴᒪᓂᑐᐤ ᒐᒋ ᒋᒋᐛ ᒥᔪᑐᑕᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮

ᐸᐃᓕᒪᓐ 1:2

ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋᒋᒡ ᑲ ᒪᒧᐤ ᐊᔭᒥᐊᒡ ᐊᐅᑯᓐᒡ ᑭᔭ ᒪᓯᓇᐊᒧᐅᒂᐤ᙮ ᒋᒥᓯᓄᐤ ᐊᐱᔭ ᑲ ᐃᓯᓂᐧᑲᓱᑦ ᑭᔭ ᐊᕐᑭᐸᔅ ᐊᐅᑯᓐᒡ ᑭᔭ ᒪᓯᓇᐊᒧᐅᒂᐤ᙮ ᑭᔭ ᐎᔾ ᐊᕐᑭᐸᔅ ᓱᒋᑲᐳᐤ ᐊ ᐊᑐᔅᑯᐛᑦ ᒋᓴᓴ ᒧᔭᒻ ᓂᔾ ᐊ ᐃᑐᐅᒡ᙮

ᒋᔅᒐᔨᑕᑯᑕᒐᐅᓐ 2:1

“ᐊᐅᒄ ᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᐃᐱᓴᔅ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᑕᐧᑯᓇᑦ ᓂᔄᐅᑕᒡ ᐅᒐᑭᑕᒂ ᐅᒥᔪᐅᓂᒡ, ᐊᓐ ᑲ ᐱᐸᒧᑕᑦ ᐊᓐᑕ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᔨᒋ ᐛᔅᑕᓂᐱᒪᑭᓇᑎᒂ ᐊ ᑎᑯᓂᔨᒋ᙮

ᒋᔅᒐᔨᑕᑯᑕᒐᐅᓐ 21:3

ᐊᑯ ᒂ ᐸᑐᐅᒃ ᐊᐛᓐ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᔪᐤ ᐊ ᑎᑯᓂᔨᒡ ᐊ ᐅᒋ ᐃᔨᒥᑦ, ᒋ ᒋᔄᐛᐤ᙮ ᒪᐅ ᑲ ᐃᔅᒋᔄᑦ, “ᐊᓐᑕ ᐊᐛᔪᐛ ᐊ ᑕᔨᒋ ᐊᑯᑕ ᒐ ᑕᑦ ᐊᐅᒄ ᒋᓴᒪᓂᑐᐤ ᒋᑭ ᐎᒋᒪᐤ᙮ ᐊᐅᑯᓂ ᐊᓂᔭᔪᐛ ᐃᔪᐛ ᒐ ᐅᑦ ᐃᔨᒥᑦ᙮ ᐎᔾ ᒋᑭ ᑕᐤ ᒪᒂᒡ ᐊ ᑕᔨᒋ ᐊᓂᔭᔪᐛ ᐛᒋᓴᒪᓂᑐᒥᑐᑕᑯᑦ᙮