ᒪᑎᔪᐤ 18:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐊᑲ ᒪᒃ ᓂᑐᑕᒐ ᑭᔭ ᐊᑲ ᓂᑐᑐᐛᒐ ᐊᓂᔭ ᑯᑎᑲ ᐊᐛᔪᐛ, ᐊᑯ ᒐ ᐎᑎᒧᒥᑎ ᐅᒪᒧᐊᔭᒥᐊᐛ ᑕᓐ ᑲ ᐃᓯ ᒥᒋᑐᑕᔅᒃ, ᐊᑲ ᒪᒃ ᓂᑐᑐᐛᒐ ᑭᔭ ᐊᓂᔭ ᐅᒪᒧᐊᔭᒥᐊᐛ ᐊᑲ ᐎ ᒋᑭ ᐅᒋ ᐊᐱᑕᔨᒪᑭᓄᐤ ᒧᔭᒻ ᐊᐛᓐ ᐊᑲ ᒋᔅᒐᔨᒪᑦ ᒋᓴᒪᓂᑐᐛ ᐊᑯᓐ ᒐ ᐃᓯ ᑭᓄᐛᐱᒪᑭᓄᐅᑦ ᑭᔭ ᒪᒃ ᐊᐛᓐ ᐊᑲ ᐎ ᒂᔅᑲᑎᓯᑦ ᐊᑯᓐ ᒐ ᐃᓯ ᑭᓄᐛᐱᒪᑭᓄᐅᑦ᙮”

ᒪᑎᔪᐤ 18:17 ပူးပေါင်းရင်းမြစ်များ

ᒪᑎᔪᐤ 10:3

ᐱᓕᑉ, ᑭᔭ ᐸᕐᑥᓚᒥᔪ, ᑥᒥᔅ, ᑭᔭ ᒪᑎᔪᐤ, ᐊᓐ ᑲᒋ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ, ᑭᔭ ᒋᒥᔅ, ᐊᓪᐱᔭᔅ ᑭᔭ ᑕᑎᔭᔅ ᐅᑯᓱᐛᐛ᙮

ᒪᑎᔪᐤ 11:19

ᐊᑯ ᒪᒃ ᐃᔪᐤ ᐅᑯᓯᓴᓐ ᒋ ᒥᒋᓱᐤ ᑭᔭ ᒋ ᒥᓄᐤ, ᒋ ᐃᔅᒋᔄᔪᐛ ᒪᒃ ᐊᐛᔪᐛ, ‘ᑭᓄᐛᐱᒪᐧᒄ ᒪ ᐅ ᓇᐸᐤ, ᑕᑈ ᒥᔅᑎ ᒥᒋᓱᐤ ᑭᔭ ᑕᑈ ᐎᒋᐸᐤ, ᐊ ᐅᐎᒐᐛᑭᓂᑦ ᐅᒥᒐᑎᓯᐛ, ᑭᔭ ᐊᓂᔭᔪᐛ ᓂᑎᒥᒄ ᑲ ᐃᑎᔨᒋ ᑲ ᒪᒧᓴᒋᓂᒥᔨᒋ ᒋᓴᐅᒋᒪᐤ ᓱᓇᔭᔪᐤ᙮’ ᒥᒄ ᒪᒃ ᑕᓐ ᐊ ᐃᓯ ᐱᒪᑎᓯᑦ ᐊᐛᓐ ᐊᑯᑕ ᐊ ᓄᑯᓂᔨᒡ ᑕᓐ ᐊ ᐃᓯ ᑭᒐᑕᐛᔨᑕᐧᒃ᙮”

ᒪᑎᔪᐤ 5:46

ᒐᒂᔪᐤ ᒋᐸ ᐅᒋ ᒥᔨᒄ ᒋᓴᒪᓂᑐᐤ ᒋᑲᓂᔪᐅᓂᔪᐤ ᒥᒄ ᓴᒋᐃᑥᐛ ᐊᓐᒡ ᐊᐛᓐᒋ ᑲ ᓴᒋᐃᔅᒡ ? ᐛᔅ ᐊᐅᑯᓐ ᒥᓯᐛ ᐊᑎᒡ ᐊᓐᒡ ᑲ ᒪᒧᓴᒋᓇᒡ ᓱᓇᔭᔪᐤ᙮

ᒪᑎᔪᐤ 6:7

“ᑭᔭ ᐊ ᐊᔭᒥᐊᔭᑯ, ᐊᑲᐎᔾ ᐊᐱᒋᑕᒄ ᐃᔨᒧᐅᓐ ᐊᑲ ᒐᒂᓐ ᓇᔅᒡ ᐃᔅᒋᔄᒥᑲᒡ ᒧᔭᒻ ᐊᑎᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ, ᐛᔅ ᐃᑕᔨᑎᒧᒡ ᒐ ᐸᑕᑯᒡ ᒋᓴᒪᓂᑐᐛ ᒥᒄ ᐊᓂᔭ ᓇᐅᔅ ᐊ ᐊᔭᒥᐊᒡ᙮

ᓗᒃ 15:1

ᐸᐃᒂᐤ ᐊᓐᒡ ᑲ ᒪᒧᓴᒋᓇᒡ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᒡ ᒋ ᐸᒋ ᓂᑐᑐᐛᐅᒡ ᒋᓴᓴ ᐊ ᐸᒋ ᒥᒐᑎᒡ᙮ ᑭᔭ ᑯᑎᑭᒡ ᐃᔪᒡ ᐊ ᒋᔅᒐᔨᒪᑭᓄᐎᒡ ᐊ ᒥᒐᑎᓯᒡ ᒋ ᐸᒋ ᑎᑯᓯᓄᐅᒡ᙮

ᓗᒃ 18:11

ᐊᑯ ᐊᓐ ᐸᕆᓯ ᒋ ᐸᐃᑯᑲᐳᐤ ᐊ ᐃᓯ ᐊᔭᒥᐊᑦ, ‘ᒋᓴᒪᓂᑐᐤ, ᒋ ᓂᓇᔅᑯᒥᑎᓐ ᐊᑲ ᐃᓯᓇᑯᓯᔭᓐ ᑯᑎᑭᒡ ᐊ ᐃᓯᓇᑯᓯᒡ ᐊᐛᓐᒋ ᑭᔭ ᐊᑲ ᒥᔅᑎᒪᐅᒋᑎᒪᓱᔭᓐ ᓱᓇᔭᐤ ᑭᔭ ᐊᑲ ᓂᑎᒥᒄ ᐃᑐᑐᐅᒂᐤ ᐊᐛᓐᒋ ᑭᔭ ᐊᑲ ᐱᓯᒂᑎᓯᔭᓐ᙮ ᒋ ᓂᓇᔅᑯᒥᑎᓐ ᐊᑲ ᐃᓯᓇᑯᓯᔭᓐ ᑕᓐ ᐊ ᐃᓯᓇᑯᓯᑦ ᐊᓇ ᑲ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᑦ᙮

1 ᑯᕆᓐᑎᔭᓇ 5:9

ᔅᒋ ᐎᑎᒪᑎᓇᐛᐤ ᐅᑕ ᑲ ᒥᓯᓇᐊᒪᑎᑯᒡ, ᒐ ᐊᑲ ᒋ ᐎᒐᐛᑯᒡ ᐊᓐᒡ ᓂᑎᒥᒄ ᑲ ᐃᑕᑎᓯᒡ᙮

1 ᑯᕆᓐᑎᔭᓇ 6:1

ᐊ ᑎᑯᓂᒂ ᐊ ᐃᑕᔨᒥᑦ ᐊᒋ ᐃᓯ ᐅᓂᑐᑕᔅᒃ ᒋᐧᑲᓂᔅ ᓇᒪ ᐎ ᐊᑲ ᒂᔅᑲᑎᓯᑦ, ᑎᐸᔅᑯᓂᒐᓱᐤ ᒋᐸ ᐅᒋ ᐃᑐᑐᐛᐤ ᒐᒋ ᐛᐛᓯᑥᑕᒄ ᐊᓂᔭ᙮ ᐃᔭᐱᒡ ᑲ ᑕᑈᑕᒡ ᐊ ᑕᒡ ᐃᑐᑕᐃ᙮

2 ᑕᓴᓗᓂᔭᓇ 3:6

ᓂᐧᑲᓂᓯᑐᒄ, ᒋᑦ ᐃᑎᓱᒥᑎᓇᓐ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓐ ᐅᒋ, ᐊᑲᐎᔾ ᐊᐱᑕᔨᒪᐧᑯᒡ ᐊᓐᒡ ᐊᐛᓐᒋ ᐊᑲ ᓇᔅᒡ ᒐᒂᓂᒡ ᐃᑕᐱᑎᓯᒡ ᑭᔭ ᐊᑲ ᐊᐱᑕᔨᑕᒡ ᑕᓐ ᑲ ᐃᓯ ᒋᔅᑯᑎᒪᑕᒡ᙮

1 ᑎᒧᑎ 6:5

ᐅᒡ ᒪᒃ ᑲ ᒪᒥᒋᐱᔨᑕᒡ ᓇᒪ ᒋᔅᒐᔨᑎᒧᒡ ᑕᑈᐅᓂᔪᐤ ᑭᔭ ᓇᒪ ᑯᐃᔅᒄ ᒋ ᐃᓯ ᓂᔅᑐᑎᒧᒡ ᑕᑈᐅᓂᔪᐤ᙮ ᑭᔭ ᐃᑕᔨᑎᒧᒡ ᐊ ᒋᓴᒪᓂᑐᐛᑎᓯᓇᓄᐎᒡ ᐊᑯᑕ ᒐᒋ ᐅᒋ ᐅᑎᓯᒡ᙮