ᒪᑎᔪᐤ 18:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊᑲ ᒪᒃ ᓂᑐᑕᔅᒐ ᐊᑯ ᒥᓐ ᑯᑎᒃ ᐊᐛᓐ ᑭᔭ ᒪᒃ ᓂᓱ ᐊᐛᓐᒋ ᒐ ᐎᓴᒥᑥᐤ ᒐᒋ ᐎᒐᐅᔅᒡ ᒐᒋ ᐸᑕᔅᒡ ᑕᓐ ᐊ ᐃᓯ ᐃᔨᒥᐃᒥᑎ, ᐊᑯ ᑭᔭ ᐎᔨᐛᐤ ᒐᒋ ᐃᔨᒪᐊᒡ᙮ ᐛᔅ ᒥᓯᐛ ᑕᓐ ᐊᑎᔅᑕᒡ ᐊᓐᑕ ᒥᓯᓇᐃᑭᓂᒡ ᒥᓯᐛ ᒐᒂᓐ ᐊᑯᓐ ᒐ ᐃᓯᓇᒂᒡ ᑕᓐ ᐊᓂᔭ ᑲ ᐃᔅᒋᔄᒡ ᐊᓐᒡ ᓂᓱ ᑭᔭ ᒪᒃ ᓂᔅᑐ ᑲ ᐎᓴᒪᑭᓄᐎᒡ ᒐᒋ ᓂᑐᑐᐛᒡ᙮

ᒪᑎᔪᐤ 18:16 ပူးပေါင်းရင်းမြစ်များ

ᒠᓐ 8:17

ᐃᑎᔅᑕᐤ ᐊᓐᑕ ᒋᐎᓱᐛᐅᓄᐛᒡ ᓂᓱ ᐊᐛᓐᒋ ᐸᐃᑯᓄᒡ ᐊ ᐃᑎᑕᑯᓯᒡ ᐊ ᐎᑕᒡ ᑕᓐ ᑲ ᐃᓯ ᐛᐸᑕᒡ ᐊ ᐃᔅᐱᔨᒡ ᒐᒂᔪᐤ, ᑕᑈᒥᑭᓂᔪᐤ ᐊᓂᔭ ᑕᓐ ᐊ ᐃᔅᒋᔄᒡ᙮

2 ᑯᕆᓐᑎᔭᓇ 13:1

ᐊᐅᒄ ᓂᔍᐤ ᒐ ᒧᐱᔅᑕᑎᑯᒡ᙮ ᒐ ᐎ ᒋᔅᒋᓯᔭᒄ ᐛᔅ ᒧᔭᒻ ᐊᑕᒂ ᐊᐛᓐ ᐊ ᑎᑯᓂᔨᒡ ᑕᓐ ᐛ ᐃᓯ ᒪᒥᓯᒪᑦ ᐊᐛᔪᐛ ᒐᒂᔪᐤ ᔭᐃᑕᔾ ᓂᓱ ᒪᒃ ᓂᔅᑐ ᐊᐛᓐᒋ ᐊᒋ ᑕᒡ ᐊᓐᑕ ᐊᓂᔭ ᐛᒋᐱᔨᒡ ᐊ ᒪᒥᓯᒧᐛᓄᐎᒡ ᒋᑭ ᑕᐅᒡ ᒐᒋ ᑎᐸᒋᒧᒡ᙮

1 ᑎᒧᑎ 5:19

ᐊᑲᐎᔾ ᐊᔨᒪᔨᑎᒧᒄ ᑕᓐ ᐊ ᐃᑕᑭᓄᐅᑦ ᐊ ᐃᓯ ᐊᑕᒪᔨᑕᑯᓯᑦ ᑲᓂᑲᓂᔅᑲᐧᒃ ᐊᔭᒥᐊᐅᒋᐛᐱᔪᐤ ᐸᑐᔅ ᓂᓱ ᑭᔭ ᒪᒃ ᓂᔅᑐ ᐊᐛᓐᒋ ᐸᐃᑯᓂᔨᒐ ᑕᓐ ᐊ ᐃᑕᒋᒪᒡ᙮

ᐃᑉᕈᐛ 10:28

ᐅᑕ ᒪ ᐃᓯ ᑭᓄᐛᐸᑎᒧᒄ᙮ ᒧᔭᒻ ᐊᐛᓐ ᐊᑲ ᐅᒋ ᐊᐱᑕᔨᑎᒧᑯᐱᓇ ᒧᓱᓴ ᐅᐎᓱᐛᐅᓂᔪᐤ ᑭᔭ ᓂᓱ ᒪᒃ ᓂᔅᑐ ᐊᐛᔪᐛ ᐃᔅᒋᔄᔨᒐ ᑕᑈ ᐊᓂᔭ ᐊᒋ ᐃᑎᑯᐱᓇ, ᓇᒪ ᓇᔅᒡ ᒋᐸ ᐅᒋ ᒋᔅᑎᒪᒐᔨᒪᑭᓄᐤ ᑎᐛᒡ ᒥᒄ ᒋᐸ ᐃᓯ ᓂᐸᐊᑭᓄᐤ᙮

ᒋᔅᒐᔨᑕᑯᑕᒐᐅᓐ 11:3

ᒪᒂᒡ ᒪᒃ ᐊᓂᔭᔪᐛ ᐊ ᒋᓯᑲᒋ, ᓂᑭ ᐃᑎᓴᐛᐅᒡ ᓂᓱ ᐊᐛᓐᒋ ᒐ ᐅᑦ ᐊᐱᒋᐊᑭᓂᔭᓐ ᒐᒋ ᒋᔅᒋᐛᐃᒐᒡ᙮ ᑲᐛᑭᓐ ᐱᒍᐎᔭᓂᓯᔪᐤ ᐊ ᒋᔅᑲᒡ᙮ ᐸᐃᒂᐤ ᒐᓯᐱᔪᐤ ᐊᓱ ᓂᓱ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐛ ᒋᓯᑲᐛ ᐊᐅᑯᓐ ᒐ ᐃᔅᐱᔅ ᐛᐎᑕᒡ ᑕᓐ ᒐ ᐃᔅᐱᔅ ᒥᔨᒂᐤ ᒐᒋ ᐃᓯ ᐊᔨᒧᑕᒡ᙮ ᐊᐅᑯᓐ ᐊ ᑕᑎᒋ ᐊ ᒋᓯᑲᔨᒋ ᓇᐎᔪᐤ ᐊᓱ ᓂᓱ ᐱᓯᒺ᙮