ᒪᑎᔪᐤ 17:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᐊᑯ ᐱᑕᕐ ᐊᑕᑦ, “ᓂᐦᐃ᙮” ᐃᔅᐱ ᒪᒃ ᐱᑕᕐ ᐊ ᐊᑎ ᐱᒐᑦ ᐊᓂᔭ ᒥᒋᐛᐱᔪᐤ, ᐊᔅᒄ ᐊᑲ ᒋ ᐃᑕᑦ ᒐᒂᔪᐤ ᒋᓴᓴ ᒋ ᑯᒂᒋᒥᑯᐤ ᐊ ᐃᑎᑯᑦ, “ᓴᐃᒥᓐ, ᑕᓐ ᐊ ᐃᑕᔨᑎᒥᓐ ᒋᔾ᙮ ᐊᐛᓐ ᒋᐸ ᒥᔭᐤ ᓱᓇᔭᔪᐤ ᐊᓂᔭ ᒋᓴᐅᒋᒪᐛ ᐅᑕ ᐊᔅᒋᒡ ᑲ ᑕᔨᒋ ? ᐅᑦ ᐊᐛᓯᒪ ᐊ ᐊ ᑕᔨᒋ ᒋᐸ ᐅᒋᐱᔪᐤ ᓱᓇᔭᔪᐤ ᑭᔭ ᒪᒃ ᑯᑎᑲ ᐊᐛᔪᐛ ᐊ ᑕᔨᒋ ?”

ᒪᑎᔪᐤ 17:25 ပူးပေါင်းရင်းမြစ်များ

ᒪᑎᔪᐤ 17:26

ᐊᑯ ᐱᑕᕐ ᒂ ᐃᑕᑦ, “ᐊᓂᔭᔪᐛ ᑭᑈ ᑯᑎᑲ ᐊᐛᔪᐛ ᐊ ᑕᔨᒋ ᒋᐸ ᐅᒋᐱᔪᐤ᙮” ᐊᑯ ᒂ ᐃᑎᑯᑦ ᒋᓴᓴ, “ᑭᑈ ᒥᔅᑯᒡ ᓇᒪ ᐅᑦ ᐊᐛᓯᒪ ᒋᑭ ᐅᒋ ᐱᔅᑎᓂᒥᔪᐛ ᓱᓇᔭᔪᐤ᙮

ᒪᑎᔪᐤ 22:17

ᐊᑯ ᐎᑎᒧᐅᓇᓐ ᒪᒃ, ᑕᓐ ᐊᑕᔨᑎᒥᓐ, ᐃᑎᔅᑕᐤ ᐊ ᐎᓱᐛᐅᓂᒡ ᒐᒋ ᒥᔭᑭᓄᐅᑦ ᓯᓴᕐ ᕈᒻ ᒋᓴᐅᒋᒪᐤ ᐊᓂᔭ ᑎᐸᔨᒋᒐᐤ ᓱᓇᔭᔪᐤ ᑲ ᒋᓯᐧᑲᓱᔨᒋ ᐊᐛᔪᐛ ?”

ᒪᑎᔪᐤ 22:19

ᐸᒋ ᐛᐸᑎᔨᒄ ᒪ ᓱᓇᔭᐱᔅᒄ ᒋᓴᐅᒋᒪᐤ ᐊ ᐸᒂᓂᒧᐛᑭᓄᐅᑦ᙮” ᐊᑯ ᒪᔨᑯᑦ ᓱᓇᔭᐱᔅᑯᔪᐤ᙮

ᒪᑎᔪᐤ 22:21

ᐊᑯ ᐊ ᑎᑯᑦ, “ᓯᓴᕐ, ᕈᒻ ᒋᓴᐅᒋᒪᐤ ᐊᓂᔭ ᐅᑕᔅᑎᒥᐧᒄ ᑭᔭ ᐎᔾ ᐊᓐᑕ ᒥᓯᓇᑕᐛᑭᓄᐤ᙮” ᐊᑯ ᒋᓴᔅ ᐊᑕᑦ, “ᒥᔭᐧᒄ ᓯᓴᕐ ᐊᓂᔭ ᑕᐱᔨᐛᐅᓯᑦ ᓯᓴᕐ, ᑭᔭ ᒥᔭᐧᒄ ᒋᓴᒪᓂᑐᐤ ᐊᓂᔭ ᑕᐱᔨᐛᐅᓯᑦ ᒋᓴᒪᓂᑐᐤ᙮”

ᒪᑎᔪᐤ 3:15

ᐊᑯ ᒋᓴᔅ ᐊᑕᑦ, “ᐊᓄᒡ ᐅ ᐃᑐᑕ ᑕᓐ ᐊ ᐃᑎᓱᒥᑕᓐ᙮ ᐛᔅ ᐅ ᐃᑐᑎᒪᒂ ᒋᑭ ᐃᑐᑎᒺᓇᓄᐤ ᒥᓯᐛ ᑕᓐ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ᙮” ᑭᑈ ᑲ ᓂᔅᑯᒪᑦ ᒠᓐ᙮

ᓗᒃ 20:22

ᐊᑯ ᒪᒃ ᓇᑐᐛᔨᒥᑕᒡ ᒐᒋ ᐎᑎᒧᐅᔭᒡ, ᐃᑎᔅᑕᐤ ᐊ, ᐎᓱᐛᐅᓂᒡ ᕈᒻ ᒋᓴᐅᒋᒪᐤ ᒐᒋ ᒥᔭᑭᓄᐅᑦ ᐊᓂᔭ ᓱᓇᔭᔪᐤ ᑲ ᒋᓯᐧᑲᓱᔨᒋ ᐊᐛᔪᐛ ?”