ᒪᑎᔪᐤ 17:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᐊᑯ ᒪᒃ ᒥᒄ ᐊᔭᒪᐛᑎᓯᒐ ᑭᔭ ᐊᑲ ᐅᑎᓇᐧᒃ ᐊᐛᓐ ᒥᒋᒥᔪᐤ ᐊᑯᑕ ᒥᒄ ᒐᒋ ᐎᐎᔨᒋ ᐅᔭ ᑲ ᐃᑕᔨᑕᑯᓯᔨᒋ ᒥᒋ ᐊᒐᒂ᙮ ᓇᒪ ᒥᓐ ᑎᑯᓂᔪᐤ ᑕᓐ ᒐᒋ ᐃᑎᑦ ᐊᐛᓐ᙮”

ᒪᑎᔪᐤ 17:21 ပူးပေါင်းရင်းမြစ်များ

ᒪᑎᔪᐤ 12:45

ᐅᔭ ᒪᒃ ᐎᔭᐸᑕᐧᒃ ᐊ ᐃᓯᓇᑯᓂᔨᒡ ᐊᑯ ᒐ ᑐᑕᑦ, ᓂᔭᓂᑐᐛᔨᒪᑦ ᓂᔄᐅᑕᒡ ᒥᒋ ᐊᒐᒂ ᐅᔅᑕ ᐊ ᐃᑕᔨᑕᑯᓯᔨᒋ ᐃᔅᐱᔅ ᐎᔾ ᐊ ᐃᑕᔨᑕᑯᓯᑦ, ᒐᒋ ᐎᒋᒥᑯᑦ ᐊᓐᑕ ᐊᓂᔭ ᓇᐸᐛ ᐱᒡ ᐊ ᑕᔨᒋ᙮ ᐊᑯ ᒪᒃ ᐊᓐ ᓇᐸᐤ ᐊᑐᐎᔅ ᒋᑭ ᐃᑕᔨᑕᑯᐃᑯᐤ ᐊᓂᔭ ᓂᔄᐅᑕᒡ ᒥᒋ ᐊᒐᒂ ᑕᓐ ᑲ ᐃᑕᔨᑕᑯᓯᑦ ᓂᔅᑎᒻ, ᒥᒄ ᐊᒋ ᐸᐃᑯᓯᔨᒋ᙮ ᐊᐅᑯᓐ ᒪᒃ ᒐ ᐃᔅᐱᔨᒡ ᐊᓐᒡ ᐊᓄᒡ ᐊᐛᓐᒋ ᑲ ᒥᒐᑎᓯᒡ᙮”

ᒪᑎᔪᐤ 17:22

ᐃᔅᐱ ᒪᒃ ᒥᓯᐛ ᐊᓐᒡ ᒋᔅᒋᓄᐊᒧᐛᑭᓐᒡ ᑲ ᐸᒋ ᒪᒧᐎᒡ ᐊᓐᑕ ᑲᓕᓕᒡ, ᒋᓴᔅ ᒋ ᐃᑕᐤ, “ᓴᔅ ᐎᐱᒡ ᒋᑭ ᐱᔅᑎᓇᑭᓄᐎᒡ ᐃᔪᒡ ᑕᓐ ᐛ ᐃᑐᑐᐛᒡ ᒐᒋ ᐃᑐᑐᐛᒡ ᐃᔪᐤ ᐅᑯᓯᓴᓇ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:29

ᒋ ᐃᓯ ᐎᑎᒪᑯᐅᒡ ᒪᒃ ᒋᓴᓴ, “ᒥᒄ ᐊᔭᒪᐛᑎᓯᒐ ᑭᔭ ᐊᑲ ᐅᑎᓇᒐ ᐊᐛᓐ ᒥᒋᒥᔪᐤ, ᐊᑯᑕ ᒥᒄ ᒐᒋ ᐎᐎᔨᒋ ᐅᔭ ᑲ ᐃᑕᔨᑕᑯᓯᔨᒋ ᒥᒋ ᐊᒐᒂ᙮ ᓇᒪ ᒥᓐ ᑎᑯᓂᔪᐤ ᑕᓐ ᒐᒋ ᐃᑎᑦ ᐊᐛᓐ᙮”

ᐊᑈᔅᑕᓇᒡ 13:2

ᒪᒂᒡ ᒪᒃ ᐊᓐᑕ ᐊ ᐊᑲ ᒥᒋᓱᒡ ᒥᒄ ᐊ ᒪᒧᐤ ᐊᔭᒥᐊᔅᑐᐛᒡ ᒋᓴᒪᓂᑐᐛ, ᐊᑯᑕ ᑲ ᐃᔨᒥᐃᑯᒡ ᑲ ᐸᔭᒋᓯᔨᒋ ᐊᒐᒂ ᐊ ᐃᑎᑯᒡ, “ᐸᒋ ᑎᐸᓇᐊᐧᑯᒡ ᐸᕐᓇᐸᔅ ᑭᔭ ᓴᓪ ᐛᔅ ᓂᒋ ᐎᔭᔨᒪᐅᒡ ᒐᒋ ᐃᑐᑎᒧᐅᒡ ᐊᑐᔅᒐᐅᓂᔪᐤ᙮”

ᐊᑈᔅᑕᓇᒡ 14:23

ᐊᑯ ᒪᒃ ᒥᓯᐛ ᐊᓐᑕ ᑲ ᐊᑎ ᑕᔨᒋ ᐅᒪᒧᐊᔭᒥᐊᐛ ᑈᓪ ᑭᔭ ᐸᕐᓇᐸᔅ ᒋ ᐎᔭᔨᒪᐅᒡ ᐊᐛᔪᐛ ᒐᒋ ᓂᑲᓂᔅᑯᐛᔨᒋ ᐊᓂᔭ ᐅᒪᒧᐊᔭᒥᐊᐛ ᐊᓐᑕ ᑲ ᑕᔨᒋ᙮ ᐃᔅᐱ ᒪᒃ ᑲ ᒋᔅᑕᒡ ᐊᓂᔭ ᐊ ᐊᑲ ᒥᒋᓱᒡ ᒥᒄ ᐊ ᐊᔭᒥᐊᒡ ᐊᑯ ᑲ ᐊᔭᒥᐊᔅᑎᒧᐛᒡ ᒐᒋ ᐊᐱᒋᐃᑯᒡ ᐅᑎᐸᔨᒋᒐᐛ, ᐊᓂᔭᔪᐛ ᑲ ᑕᑈᔭᔨᒪᒡ᙮

1 ᑯᕆᓐᑎᔭᓇ 7:5

ᓇᒪ ᒋᐸ ᐅᒋ ᐃᑎᓇᐛᐤ ᒐ ᐊᑲ ᒋ ᐱᒪᔨᒥᑐᔭᒄ᙮ ᒥᒄ ᑭᑈ ᓂᑲᓐ ᑕᐱᔅᑯᓐ ᐃᓯ ᐊᑕᔨᑎᒧᐛᒂ ᐛᐃᐱᔅᒋᔅ ᒐ ᐊᑲ ᒋ ᐱᒪᔨᒥᑐᔭᒄ ᒥᒄ ᒐᒋ ᐊᔭᒥᐊᔭᒄ᙮ ᐊᑯ ᒪᒃ ᐃᔅᐱ ᐅᑎᒋᐱᔨᒐ ᐊᓐᑕ ᑲ ᐃᔅᒋᔄᔭᒄ ᒐ ᐃᔅᐱᔅ ᐊᑲ ᐱᒪᔨᒥᑐᔭᒄ ᐊᑯ ᒥᓐ ᒋᐸ ᒋ ᐱᒪᔨᒥᑐᓇᐛᐤ᙮ ᐛᔅ ᓱᒐᔨᑕᑯᓯᔭᒂ ᓇᒪ ᒋᑭ ᐅᒋ ᓴᐧᑯᒋᐃᑯᐛᐤ ᒥᒋᒥᓂᑐᐤ ᓂᑎᒥᒄ ᒐᒋ ᐃᑐᐛᒄ᙮

2 ᑯᕆᓐᑎᔭᓇ 11:27

ᓇᔅᒡ ᑕᑈ ᓂᒋ ᒥᔅᑎ ᐊᑐᔅᒐᓐ᙮ ᒥᒐᑥᐤ ᓂᒋ ᒥᔅᑎ ᐊᔭᔅᑯᓯᓐ, ᒥᒐᑥᐤ ᑭᔭ ᓇᒪ ᐛᐛᒡ ᓂ ᐅᒋ ᓂᐸᓐ᙮ ᒥᒐᑥᐤ ᓂᒋ ᓄᑕᐱᔨᓐ ᒥᒋᒻ ᑭᔭ ᑲ ᐊᑎ ᓯᐛᔨᔭᓐ, ᑭᔭ ᓂᒋ ᓄᑕᔭᐸᒂᓐ᙮ ᓇᓂᑯᑎᓂᔾ ᓇᒪ ᐛᐛᒡ ᐅᒋ ᑎᑯᓐ ᑕᓐᑕ ᒐ ᑕᔭᓐ ᑭᔭ ᓇᓂᑯᑎᓂᔾ ᓂᒋ ᓯᐧᑭᒋᓐ᙮

ᐃᐱᓯᔭᓇ 6:18

ᐊᒐᐧᑯᐅᓂᒡ ᒧᔅ ᐃᓯ ᐊᔭᒥᐊᑕᐤ ᓂᓇᐧᑯᐤ ᐊ ᐃᓯ ᐊᔭᒥᐊᔭᐧᒄ ᑭᔭ ᓂᓇᐧᑯᐤ ᐊ ᐃᓯ ᓂᑐᑎᒪᔭᐧᒄ᙮ ᐅ ᒪᒃ ᐊ ᐃᓯ ᒋᔅᒋᓯᔭᐧᒄ ᐊᔭᔅᑯᐎᑕᐤ ᑭᔭ ᐊᑲᐎᔾ ᐳᓂᑕᐤ ᐊ ᐊᔭᒥᐊᔭᐧᒄ, ᒧᔅ ᑭᔭ ᐊᔭᒥᐊᔅᑎᒧᐛᑕᐅᓂᒋ ᐊᓐᒡ ᑲ ᑕᑈᑕᒡ᙮