ᒪᑎᔪᐤ 17:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᐊᑯ ᒋᓴᔅ ᒂ ᐃᑕᑦ, “ᑭᑈ ᐊᓐ ᐊᑲ ᐃᔅᐱᓴᒡ ᒋᑕᑈᑎᒧᐅᓄᐛᐤ᙮ ᑕᑈ ᒋᑦ ᐃᑎᓇᐛᐤ ᐊᑎ ᒥᒄ ᐊᐱᓴᓯᒐ ᒋᑕᑈᑎᒧᐅᓐ ᒧᔭᒻ ᐊ ᐃᔅᐱᔅ ᐊᐱᓯᓯᑦ ᓂᑕᐅᒋᑕᑭᓐ ᒪᔅᑎᕐᑦ ᑲ ᐃᓯᓂᐧᑲᓱᑦ ᐃᔅᐱᓴᒐ, ᐱᔅᑯᑎᓇᐤ ᒋᑭ ᒋ ᐃᑎᓱᐛᑕᓐ, ‘ᓇᑕ ᐃᓯ ᐊᒋᑲᐳᐅᐤ᙮’ ᒋᑭ ᐱᓯᒋᐃᑯᓐ ᒪᒃ᙮ ᒥᒄ ᒐᒂᓐ ᐛ ᐃᑐᑎᒥᓐ ᒋᑭ ᒋ ᐃᑐᑕᓐ ᐊᔭᔨᓇ ᑕᑈᑎᒧᐅᓐ᙮

ᒪᑎᔪᐤ 17:20 ပူးပေါင်းရင်းမြစ်များ

ᒪᑎᔪᐤ 13:31

ᐊᑯ ᒋᓴᔅ ᒂ ᐎᑎᒧᐛᑦ ᑯᑎᒋᔪᐤ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ᐃᑕᑦ, “ᒧᔭᒻ ᐊᓐ ᓂᑕᐅᒋᑕᑭᓐ ᑲ ᐊᐱᓯᓯᑦ ᒪᔅᑎᕐᑦ ᑲ ᐃᓯᓂᐧᑲᑕᑭᓄᐅᑦ ᐊᐅᑯᓐ ᐊ ᐃᓯᓇᒂᒡ ᒋᒋᒋᓯᒄ ᐅᒋᒪᐅᓐ᙮ ᐊᔪᐅᒄ ᐅᔭ ᐛᑎᓇᑦ ᓇᐸᐤ ᐊ ᐊᑎ ᓂᑕᐅᒋᑕᑦ ᐊᓐᑕ ᐅᓂᑕᐅᒋᑕᑭᓐ ᐊᔅᒋᒡ᙮

ᒪᑎᔪᐤ 14:29

ᐊᑯ ᒋᓴᔅ ᐊᑕᑦ, “ᐊᔅᑎᒻ᙮” ᐊᑯ ᐱᑕᕐ ᑲ ᑭᐸᑦ ᓇᑐᐛᐱᒪᑦ ᐊᓂᔭ ᒋᓴᓴ ᓂᐱᒡ ᐊ ᐱᒧᑕᑦ᙮

ᒪᑎᔪᐤ 17:17

ᒋᓴᔅ ᒪᒃ ᒋ ᐃᑕᐤ ᐊᓂᔭ ᐃᔪᐛ ᐊᓐᑕ ᑲ ᑕᔨᒋ, “ᒋᔨᐛᐤ ᐃᔪᒡ ᐊᓄᒡ ᑲ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ ᑭᔭ ᐊᑲ ᒂᔅᑲᑎᓯᔭᒄ, ᑕᓐ ᒐ ᐃᔅᐱᔅ ᑕᔭᓐ ᐅᑕ ᐊ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ ? ᐸᓱᐛᒄ ᐊᓐ ᓇᐸᔅ᙮”

ᒪᑎᔪᐤ 17:19

ᐊᑯ ᐊᓂᔭ ᐅᒋᔅᒋᓄᐊᒧᐛᑭᓇ ᑲ ᐸᒋ ᓂᑐᐛᐱᒥᑯᑦ ᑎᐸᓐ ᑲ ᐃᑐᑕᐃᑯᑦ ᐊᑯ ᒂ ᐃᑎᑯᑦ, “ᑕᓐᑕ ᐛᒋ ᐊᑲ ᐅᒋ ᐎᐎᑎᓴᐅᒋᑦ ᐊᓐ ᒥᒋ ᐊᒐᐧᒄ ?”

ᒪᑎᔪᐤ 17:9

ᒪᒂᒡ ᒪᒃ ᐊ ᓂᑎᒋᐛᒡ ᐊᓂᔭᔪᐤ ᐱᔅᑯᑎᓇᔪᐤ, ᒋᓴᓴ ᒋ ᐃᑎᑯᐅᒡ ᔭᐃᑕᔾ ᒐ ᐊᑲ ᐎᑎᒧᐛᒡ ᐊᐛᔪᐛ ᐅᔭ ᐛᐸᑎᔨᐛᐅᓂᔪᐤ ᑲ ᐛᐸᑕᒡ ᐸᑐᔅ ᒋ ᐅᓂᔅᑲᓇᑭᓄᔨᒐᓂ ᐃᔪᐤ ᐅᑯᓯᓴᓇ ᓂᐳᐅᓂᒡ ᐅᒡ᙮

ᒪᑎᔪᐤ 21:21

ᐊᑯ ᒋᓴᔅ ᐊᑕᑦ, “ᒋ ᐎᑎᒪᑎᓇᐛᐤ, ᐊᑲ ᓇᔅᒡ ᒐ ᐅᒋ ᐊᓏᑎᒧᐛᒂ ᑭᔭ ᓇᔅᒡ ᒐ ᑕᑈᑎᒧᐛᒂ, ᒋᑭ ᒋ ᐃᑐᑐᐛᐛᐤ ᑭᔭ ᒋᔨᐛᐤ ᑕᓐ ᑲ ᐃᑐᑐᐅᒃ ᐅ ᒥᓯᓱᒥᓇᑎᒄ᙮ ᓇᒪᐎᔾ ᒥᒄ ᐊᓐ ᒐᒂᓐ ᒐᒋ ᐃᑐᑎᒪᒄ ᑭᔭ ᒋᑭ ᒋ ᐃᑎᓱᐛᑕᓐ ᐱᔅᑯᑎᓇᐤ, ‘ᐃᓯ ᐛᐱᓂᓱᐤ ᐊᓐᑕ ᐎᓂᐸᑯᒡ᙮’ ᒋᑭ ᐱᓯᒋᐃᑯᓐ ᒪᒃ᙮

ᒪᑎᔪᐤ 8:26

ᐊᑯ ᒋᓴᔅ ᐊᑕᑦ, “ᒐᒂᓐ ᐛᒋ ᓇᔅᒡ ᑯᔅᑕᒋᔭᒄ, ᐅ ᒋᔨᐛᐤ ᑕᑈ ᐊᐱᓴᓯᒡ ᒋᑕᑈᑎᒧᐅᓄᐛᐤ ?” ᐊᑯ ᐛᓂᑦ ᒂ ᐃᑎᓱᐛᑕᐧᒃ ᐊᓂᔭ ᐊ ᔪᑎᓂᔨᒡ ᒐᒋ ᐳᓂᐱᔨᒡ ᑭᔭ ᐊᓂᔭ ᑭᔅᑭᓇ ᐊ ᐃᑕᑦ, “ᒋᔭᒥᓯᒄ᙮” ᑎᐛᒡ ᒪᒃ ᒋ ᐅᒋ ᐃᔽᔅᑎᓂᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:22

ᒋᓴᔅ ᒋ ᐃᑕᐤ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᑕᑈᐅᒐᔨᒪᒄ ᒋᓴᒪᓂᑐᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:23

ᑯᐃᔅᒄ ᒋ ᐎᑎᒪᑎᓇᐛᐤ, ᐊᐛᓐ ᒐᒋ ᐃᑎᓱᐛᑕᒧᒂ ᐅᔭ ᐱᔅᑯᑎᓇᔪᐤ, ‘ᐱᐧᑯᒋ, ᐊᑯ ᐊᓐᑕ ᐎᓂᐸᑯᒡ ᒐ ᐃᓯ ᐛᐱᓂᓱᔨᓐ,’ ᐊᑲ ᒪᒃ ᓇᔅᒡ ᐊᓏᑕᒐ ᒐᒋ ᐃᔅᐱᔨᒡ ᐅᔭᔪᐤ, ᓇᔅᒡ ᑕᑈᑕᒐ ᐊᓂᔭ ᑲ ᐃᔅᒋᔄᑦ ᒐ ᐃᔅᐱᔨᒡ, ᐊᑯᓐ ᒐ ᐃᑐᑎᒧᐛᑭᓄᐅᑦ ᑕᓐ ᑲ ᐃᓯ ᓂᑐᐛᔨᑕᐧᒃ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:31

ᒧᔭᒻ ᐊᓐ ᓂᑕᐅᒋᑕᑭᓐ ᒪᐅᒡ ᑲ ᐊᐱᓯᓯᑦ ᐅᑕ ᐊᔅᒋᒡ ᒪᔅᑎᕐᑦ ᑲ ᐃᓯᓂᐧᑲᑕᑭᓄᐅᑦ ᐊᐅᑯᓐ ᐊ ᐃᓯᓇᒂᒡ ᒋᒋᒋᓯᒄ ᐅᒋᒪᐅᓐ᙮ ᓇᐸᐤ ᐅᑎᓇᐤ ᐅᔭ ᓂᑕᐅᒋᑕᑭᓇ ᐊᑯ ᐊᔅᒋᒡ ᐊ ᐱᔅᑎᓇᑦ ᒐᒋ ᓂᑕᐅᒋᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:23

ᒋ ᐃᑕᐤ ᒪᒃ ᒋᓴᔅ, “ᒐᒂᓐ ᐛᒋ ᐃᔅᒋᔄᔨᓐ ‘ᒐᒋ ᐎ ᐎᒋᐃᐛᐛᒐ’ ? ᐛᔅ ᐊᐛᓐ ᑲ ᑕᑈᑕᐧᒃ ᒥᓯᐛ ᑕᓐ ᐛ ᐃᑎᑦ ᒋᑭ ᒋ ᐃᑐᑎᒻ᙮”

ᓗᒃ 1:37

ᓇᒪ ᑎᑯᓂᔪᐤ ᒐᒂᔪᐤ ᒋᓴᒪᓂᑐᐤ ᒐ ᐊᑲ ᒋ ᐃᑐᑕᐧᒃ᙮”

ᓗᒃ 17:6

ᐊᑯ ᐅᑎᐸᔨᒋᒐᐤ ᒂ ᐃᑕᑦ, “ᐊᑎ ᓇᔅᒡ ᐊᐱᓴᓯᒐ ᒋᑕᑈᑎᒧᐅᓄᐛᐛ ᒧᔭᒻ ᓇᔅᒡ ᐊ ᐃᔅᐱᔅ ᐊᐱᓯᓯᑦ ᓂᑕᐅᒋᑕᑭᓐ ᒪᔅᑎᕐᑦ ᑲ ᐃᓯᓂᐧᑲᓱᑦ ᑲ ᐃᔅᐱᑎᑦ ᐃᔅᐱᓴᒐ, ᒥᔅᑎᒄ ᒋᑭ ᒋ ᐃᑕᐤ, ‘ᐱᐧᑯᒋᐱᑎᓂᑎᓱᐤ ᐊᓐᑕ ᑲ ᓂᑕᐅᒋᔨᓐ ᐊᑯ ᐊᓐᑕ ᒐ ᐃᓯ ᐛᐱᓂᓱᔨᓐ ᐎᓂᐸᑯᒡ,’ ᒋᑭ ᑕᑈᑕᒄ᙮”

ᓗᒃ 18:27

ᒋᓴᔅ ᒪᒃ ᒋ ᐃᑕᐤ, “ᑕᓐ ᐊᓂᔭᔪᐛ ᐊᑲ ᑲᒋ ᐃᑐᑕᐧᒃ ᐃᔪᐤ ᒋᑭ ᒋ ᐃᑐᑎᒻ ᐎᔾ ᒋᓴᒪᓂᑐᐤ᙮”

ᒠᓐ 11:40

ᐊᑯ ᒋᓴᔅ ᒂ ᐃᑕᑦ ᐊᓂᔭ ᒪᕐᑕᔨᒋ, “ᓇᒪᐎᔾ ᐊ ᓴᔅ ᒋ ᐅᒋ ᐎᑎᒪᑎᓐ, ᑕᑈᑎᒥᓇ ᒐ ᐛᐸᑎᒧᑦ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ?”

1 ᑯᕆᓐᑎᔭᓇ 12:9

ᐊᑯ ᑯᑎᑲ ᐊᐛᔪᐛ ᒪᔭᑦ ᓇᔅᒡ ᒐᒋ ᑕᑈᔭᔨᒪᔨᒋ ᒋᓴᒪᓂᑐᐛ᙮ ᒥᓐ ᑯᑎᑲ ᒥᔭᐤ ᓱᐧᑲᑎᓯᐅᓂᔪᐤ ᒐᒋ ᒥᓏᒋᐊᔨᒋ ᐊᐛᔪᐛ᙮

1 ᑯᕆᓐᑎᔭᓇ 13:2

ᑭᔭ ᐊᑎ ᒥᔨᑯᐅᔭᓐ ᒐᒋ ᑭᔅᒋᐅᔭᓐ ᐊ ᒋᔅᒋᐛᐃᒐᔭᓐ, ᑭᔭ ᐊᑎ ᒥᓯᐛ ᒋᔅᒐᔨᑎᒪᓐ ᓂᔾ ᑕᓐ ᐊ ᐃᓯ ᐊᑲ ᒋᔅᒐᔨᑕᒡ ᑯᑎᑭᒡ ᐊᐛᓐᒋ, ᑭᔭ ᐊᑎ ᒥᔨᑯᐅᔭᓐ ᒥᓯᐛ ᒐᒋ ᒋᔅᒐᔨᑎᒪᓐ ᒐᒂᓐ ᐊᑲ ᐅᒋ ᒋᔅᒐᔨᑎᒥᐃᐛᓄᐅᒡ ᐊᓐᑕ ᐅᑕᒡ ᑭᔭ ᐊᑎ ᐊᔭᔭᓐ ᑕᑈᑎᒧᐅᓐ ᒐᒋ ᐊᑎᓂᒪᓐ ᐱᔅᑯᑎᓇᐛ ᐊᑲ ᒪᒃ ᐊᔭᔭᓐ ᓴᒋᐃᐛᐅᓐ ᐃᔭᐱᒡ ᓇᒪ ᓇᔅᒡ ᒐᒂᓐ ᓂᐸ ᐅᒋ ᐃᑕᔨᑕᑯᓯᓐ᙮

ᐃᑉᕈᐛ 3:19

ᐊᑯ ᒪᒃ ᒐᔅᒐᔨᑎᒪᐧᒄ ᐅᑦ ᐊᓏᔨᑎᒧᐅᓄᐛᐤ ᐊᒋ ᐃᑐᑕᑯᒡ ᐊᓐᒡ ᐃᔪᒡ ᐛᒋ ᐊᑲ ᐅᒋ ᐱᒐᐛᒡ ᐊᓂᔭ ᐊᔅᒋᔪᐤ ᒋᓴᒪᓂᑐᐛ ᑲ ᐊᔭᔅᑯᔅᑎᒪᑯᒡ ᐊᓐᑕ ᒐ ᐊᔽᐱᒡ᙮