ᒪᑎᔪᐤ 17:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᒥᒄ ᒪᒃ ᒋ ᐎᑎᒪᑎᓇᐛᐤ ᓴᔅ ᒥᓐ ᐊᒋ ᑎᑯᓯᐧᒃ ᐃᓚᐃᒐ ᒥᒄ ᓇᒪ ᐅᒋ ᓂᔅᑐᐅᓇᑯᐤ ᐃᔪᐛ᙮ ᒥᒄ ᒪᒃ ᐛ ᐃᑐᑐᐛᒡ ᒋ ᐃᑐᑐᐛᐅᒡ᙮ ᐊᐅᑯᓐ ᒪᒃ ᒧᔭᒻ ᒐ ᐃᔅᐱᔅ ᐎᓯᒐᔨᑎᒥᐊᒡ ᐃᔪᐤ ᐅᑯᓯᓴᓇ᙮”

ᒪᑎᔪᐤ 17:12 ပူးပေါင်းရင်းမြစ်များ

ᒪᑎᔪᐤ 11:2

ᒠᓐ ᐅᓯᑲᐃᑕᒐᐤ ᒪᒃ ᒋ ᒪᑯᓇᑭᓄᐤ ᐊᑯ ᑲ ᒋᐸᐛᑭᓄᐅᑦ ᑲᒪᑯᓄᐛᓯᐅᒋᐛᐱᒡ᙮ ᐊᑯᑕ ᒪᒃ ᐊᓐᑕ ᑲ ᐸᑕᐧᒃ ᐊ ᑎᐸᒋᒪᑭᓄᔨᒋ ᑕᓐ ᐊ ᐃᑎᔨᒋ ᙭ᑕ, ᐊᑯ ᒂ ᐃᑎᓴᐛᑦ ᓂᓱ ᐅᒋᔅᒋᓄᐊᒧᐛᑭᓇ ᐊᓐᑕ ᐊ ᑕᔨᒋ ᒋᓴᓴ᙮

ᒪᑎᔪᐤ 16:21

ᐃᔅᐱ ᒪᒃ ᐅᔭ ᑲ ᐃᓯ ᐃᔨᒪᐊᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ᒋᒋᐱᔨᑦ ᐊ ᐎᑎᒧᐛᑦ ᐊ ᐱᔭᑭᔅᒋᑕᑯᓯᑦ ᐊ ᐃᑕᑦ, “ᓂᑭ ᐃᑐᑕᓐ ᐊᓐᑕ ᒋᕈᓯᓕᒥᒡ, ᐊᑯᑕ ᒪᒃ ᐊᓐᑕ ᒐ ᒥᔅᑎ ᐛᐎᓯᒐᔨᑎᒥᐃᒡ ᐊᓐᒡ ᑲ ᓂᑲᓂᔅᑯᐛᒡ ᐊᓂᔭᔪᐛ ᐃᔪᐛ, ᑭᔭ ᐊᓐᒡ ᓂᑲᓂᐊᔭᒥᐊᐅᒋᒪᐅᒡ, ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ᙮ ᑭᔭ ᒐ ᓂᐸᐃᑯᔭᓐ, ᓂᔅᑐ ᒋᓯᑲᐛ ᒪᒃ ᒥᓐ ᓂᑭ ᐱᒪᑎᓯᓐ᙮”

ᒪᑎᔪᐤ 17:11

ᐊᑯ ᒋᓴᔅ ᒂ ᐃᑕᑦ, “ᑕᑈ ᐃᓚᐃᒐ ᓂᔅᑎᒻ ᒋᑭ ᑎᑯᓯᓄᐤ, ᒥᓯᐛ ᒐᒂᔪᐤ ᐊᑲ ᑯᐃᔅᑯᓇᑯᓂᔨᒡ ᒐ ᑯᐃᔅᑯᓇᑯᑕᑦ᙮

ᒪᑎᔪᐤ 17:13

ᐃᔅᐱ ᒪᒃ ᑲ ᐸᑕᒡ ᐊᓐᒡ ᒋᔅᒋᓄᐊᒧᐛᑭᓐᒡ ᓴᔅ ᒥᓐ ᐊᒋ ᑎᑯᓯᓂᔨᒋ ᐃᓚᐃᒐᔨᒋ ᐊᑯ ᒂ ᒋᔅᒐᔨᑕᒡ ᐊᔪᑯᓐ ᐊᓂᔭ ᒠᓐ ᐅᓯᑲᐃᑕᒐᐛ ᑲ ᐊᔨᒧᒪᑭᓄᔨᒋ᙮

ᒪᑎᔪᐤ 17:22

ᐃᔅᐱ ᒪᒃ ᒥᓯᐛ ᐊᓐᒡ ᒋᔅᒋᓄᐊᒧᐛᑭᓐᒡ ᑲ ᐸᒋ ᒪᒧᐎᒡ ᐊᓐᑕ ᑲᓕᓕᒡ, ᒋᓴᔅ ᒋ ᐃᑕᐤ, “ᓴᔅ ᐎᐱᒡ ᒋᑭ ᐱᔅᑎᓇᑭᓄᐎᒡ ᐃᔪᒡ ᑕᓐ ᐛ ᐃᑐᑐᐛᒡ ᒐᒋ ᐃᑐᑐᐛᒡ ᐃᔪᐤ ᐅᑯᓯᓴᓇ᙮

ᒪᑎᔪᐤ 17:9

ᒪᒂᒡ ᒪᒃ ᐊ ᓂᑎᒋᐛᒡ ᐊᓂᔭᔪᐤ ᐱᔅᑯᑎᓇᔪᐤ, ᒋᓴᓴ ᒋ ᐃᑎᑯᐅᒡ ᔭᐃᑕᔾ ᒐ ᐊᑲ ᐎᑎᒧᐛᒡ ᐊᐛᔪᐛ ᐅᔭ ᐛᐸᑎᔨᐛᐅᓂᔪᐤ ᑲ ᐛᐸᑕᒡ ᐸᑐᔅ ᒋ ᐅᓂᔅᑲᓇᑭᓄᔨᒐᓂ ᐃᔪᐤ ᐅᑯᓯᓴᓇ ᓂᐳᐅᓂᒡ ᐅᒡ᙮

ᒪᑎᔪᐤ 21:32

ᐛᔅ ᒠᓐ ᑲ ᓯᑲᐃᑕᒐᑦ ᔅᒋ ᐸᒋ ᓂᑐᐛᐱᒥᑯᐛᐤ ᐊᒋ ᐎ ᐛᐸᑎᔨᑕᒄ ᑯᐃᔅᑯᑕᑎᓯᐅᓂᔪᐤ, ᓇᒪ ᒪᒃ ᒋ ᐅᒋ ᑕᑈᑐᐛᐛᐤ᙮ ᒥᒄ ᒪᒃ ᐊᓐᒡ ᒋᓴᐅᒋᒪᐛ ᑲ ᐊᐱᒋᐃᑯᒡ ᐊ ᒪᒧᓴᒋᓂᒺᒡ ᐅᓱᓇᔭᓂᒥᔪᐤ ᑭᔭ ᐊᓐᒡ ᐱᓯᒂᑎᓯᔎᐅᒡ ᒋ ᑕᑈᑐᐛᐅᒡ ᑕᓐ ᑲ ᐃᓯ ᐊᔨᒧᑎᒪᑯᒡ ᑯᐃᔅᑯᑕᑎᓯᐅᓂᔪᐤ᙮ ᐊᑎ ᐃᔅᐱᔅ ᐛᐱᒪᑯᒡ ᐊ ᑕᑈᑕᒡ ᐅᒡ, ᓇᒪ ᐃᔭᐱᒡ ᒋ ᐅᒋ ᒂᔅᑲᑎᓯᓇᐛᐤ ᓇᒪ ᐃᔭᐱᒡ ᒋ ᐅᒋ ᑕᑈᑕᓇᐛᐤ᙮”

ᒪᑎᔪᐤ 8:20

ᐊᑯ ᒋᓴᔅ ᐊᑕᑦ, “ᒪᒐᓱᐅᒡ ᑎᑯᓂᔪᐛ ᐅᐛᑎᑯᐛᐛ, ᐱᔭᓯᓯᒡ ᑭᔭ ᑎᑯᓂᔪᐛ ᐅᔅᑎᓄᐛᐛ, ᒥᒄ ᒪᒃ ᐃᔪᐤ ᐅᑯᓯᓴᓐ ᓇᒪ ᐊᔭᐤ ᐊᓐᑕ ᒐᒋ ᐛᐛᔨᓯᓐᑦ ᒐᒋ ᐊᔅᑕᔭᔅᑯᓯᑦ᙮”

ᓗᒃ 7:33

ᐃᔅᐱ ᒪᒃ ᒠᓐ ᐅᓯᑲᐃᑕᒐᐤ ᑲ ᑎᑯᓯᐧᒃ ᓇᒪ ᐊᓯᑯᒻ ᐅᒋ ᒥᒋᓱᐤ, ᓇᒪ ᑭᔭ ᐅᒋ ᒥᓄᐤ ᓱᒥᓇᐳᔪᐤ, ᔅᒋ ᐃᑕᐛᐤ ᒪᒃ ᒥᒋ ᐊᒐᒂ ᐊ ᐱᒋᔅᑲᑯᑦ᙮

ᒠᓐ 1:11

ᑲ ᑎᑯᓯᐧᒃ ᐅᑕ ᐊᔅᒋᒡ ᐎᔾ ᑎᐱᔨᐛ ᐅᑦ ᐃᔨᒪ ᒋ ᐸᒋ ᓂᑐᐛᐱᒪᐤ, ᒥᒄ ᒪᒃ ᓇᒪ ᐅᒋ ᐊᐱᑕᔨᒥᑯᐤ᙮

ᐊᑈᔅᑕᓇᒡ 2:23

ᓴᔅ ᐊᓐᑕ ᒋ ᐎᔭᔨᑎᒻ ᒋᓴᒪᓂᑐᐤ ᒋᔨᐛᐤ ᐊ ᑕᐛᒄ ᒐ ᐃᓯ ᐱᔅᑎᓇᑦ ᒋᓴᓴ, ᒋᔨᐛᐤ ᒪᒃ ᔅᒋ ᓂᐸᐊᐛᐤ ᐊᒋ ᐱᔅᑎᓇᑯᒡ ᓇᐸᐅᒡ ᐊ ᒥᒐᑎᓯᒡ ᒐᒋ ᒋᔅᑕᔎᐛᒡ ᒋᐱᔭᑎᑯᒡ᙮

ᐊᑈᔅᑕᓇᒡ 4:10

ᒋᔅᒐᔨᑎᒥᒄ ᒥᓯᐛ ᐊᑎᓯᔭᒄ ᑭᔭ ᒥᓯᐛ ᐃᔅᕋᐃᓪ ᐃᔪᒡ ᐅᑦ ᐃᓯᓂᐧᑲᓱᐅᓐ ᐅᒋ ᐊᓐ ᒋᓴᔅ ᙭ ᓇᓴᕆᑎᒡ ᑲ ᐅᒋᑦ ᐊᓐ ᑲ ᒋᔅᑕᔎᑕᒄ ᒋᐱᔭᑎᑯᒡ ᑭᔭ ᒋᓴᒪᓂᑐᐤ ᑲ ᐅᓂᔅᑲᓇᑦ ᓂᐳᐅᓂᒡ ᐅᒡ, ᐊᐅᑯᐤ ᐅᒋ ᐅᐛ ᐃᔪᐤ ᒋᑦ ᐅᑎᔅᑯᑲᐳᔅᑕᑯᐛᐤ ᐊᒋ ᒥᓏᒋᐊᑭᓄᐅᑦ᙮

ᐊᑈᔅᑕᓇᒡ 7:52

ᐊᓂᔭᐧᑲ ᐛᔅᑭᒡ ᒋᐧᑲᓂᓱᐛᐅᒡ, ᒥᓯᐛ ᐅᒋᔅᒋᐛᐃᒐᓱᐛ ᒋ ᓂᓇᐧᑲᒋᐊᐅᒡ᙮ ᑭᔭ ᒋ ᓂᐸᐊᐅᒡ ᐊᓂᔭᐧᑲ ᑲ ᐸᒋ ᓂᑲᓐ ᐎᑎᒥᒋ ᒐ ᑎᑯᓯᓂᔨᒋ ᐊᓂᔭ ᐅᑯᐃᔅᑯᑕᑎᓯᐤ ᑲ ᐃᓯᓂᐧᑲᓱᔨᒋ᙮ ᐊᐅᒄ ᒪᒃ ᐅ ᑲ ᐎᔭᓯᐱᔅᑎᓇᒄ ᑭᔭ ᑲ ᓂᐸᐊᒄ᙮