ᒪᑎᔪᐤ 16:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᐛᔅ ᐃᔪᐤ ᐅᑯᓯᓴᓇ ᒋᑭ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ᐎᒐᐅᑯᔨᒋ, ᑭᔭ ᒐ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ᐃᑐᑎᒥᔨᒋ᙮

ᒪᑎᔪᐤ 16:27 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 62:12

ᒋᔾ ᑭᔭ, ᐅ ᑎᐸᔨᒋᒐᓱᐤ, ᒋ ᑎᐱᔽᐅᓯᓐ ᓱᐛᔨᒋᒐᐅᓐ; ᐛᔅ ᒋᑦ ᐃᓯ ᒥᔭᐤ ᒥᓯᐛ ᑕᑐᐤ ᐃᔪᐤ ᑲ ᐃᓯᓇᒂᓂᔨᒡ ᐅᑦ ᐊᑐᔅᒐᐅᓐ᙮

ᒪᑎᔪᐤ 13:41

ᐃᔪᐤ ᐅᑯᓯᓴᓐ ᒋᑭ ᐃᑎᓴᐛᐤ ᐅᑦ ᐊᓐᒋᓂᒪ ᒐᒋ ᓇᒋ ᒪᒧᓴᒋᓂᒐᔨᒋ ᐊᓐᑕ ᐅᒋᓴᐅᒋᒪᐅᓂᔨᒡ ᐅᒡ ᐊᓂᔭ ᑲ ᐃᑐᑐᐛᔨᒋ ᑯᑎᑲ ᐊᐛᔪᐛ ᒐᒋ ᒥᒋᑐᑎᒥᔨᒋ ᑭᔭ ᒥᓯᐛ ᐊᓂᔭ ᐊᐛᔪᐛ ᑲ ᒥᒋᐱᒪᑎᓯᔨᒋ᙮

ᒪᑎᔪᐤ 13:49

ᐊᐅᑯᓐ ᒪᒃ ᒧᔭᒻ ᒐ ᐃᓯᓇᒂᒡ ᐃᔅᐱ ᐃᔎᐱᔨᒐ ᐊᔅᒋᔾ, ᐊᓐᒋᓐᒡ ᒋᑭ ᑎᐸᓇᐅᒡ ᐊᓂᔭ ᑲ ᒥᒐᑎᓯᔨᒋ ᐊᓐᑕ ᐅᒋ ᒪᒂᒡ ᐊᓂᔭ ᑲ ᑯᐃᔅᑯᑕᑎᓯᔨᒋ ᐊ ᑕᔨᒋ᙮

ᒪᑎᔪᐤ 24:30

“ᐊᑯ ᒪᒃ ᒐ ᓄᑯᓂᔨᒡ ᐊᓐᑕ ᒋᓯᑯᒡ ᓴᔅ ᐊ ᐸᒋ ᑎᑯᓯᐧᒃ ᐃᔪᐤ ᐅᑯᓯᓴᓐ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᒋᑭ ᒪᐅᒡ᙮ ᒋᑭ ᐛᐱᒪᐅᒡ ᒪᒃ ᐃᔪᐤ ᐅᑯᓯᓴᓇ ᐊ ᐸᒋ ᔭᓯᔨᒋ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᒪᑎᔪᐤ 25:31

“ᐊᓐᑕ ᒪᒃ ᓂᑲᓐ ᐃᔅᐱ ᐃᔪᐤ ᐅᑯᓯᓴᓐ ᑎᑯᓯᓐᒐ ᓇᔅᒡ ᐊ ᒋᔅᑕᔨᑕᑯᓯᑦ ᑭᔭ ᐊ ᓱᒐᔨᑕᑯᓯᑦ ᒥᓯᐛ ᐊᓐᒋᓇ ᐊ ᐸᒋ ᐎᒐᐛᑦ, ᐊᑯ ᒐ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐊᓐᑕ ᒐᒋ ᐅᒋ ᑎᐸᔅᑯᓇᑦ ᐊᐛᔪᐛ᙮

ᒪᑎᔪᐤ 26:64

ᒋᓴᔅ ᒋ ᐃᑕᐤ, “ᐊᐅᑯᓐ ᐊ ᐃᔅᒋᔄᔨᓐ᙮ ᒥᒄ ᒪᒃ ᒋ ᐎᑎᒪᑎᓇᐛᐤ ᒋᑭ ᐛᐱᒪᐛᐤ ᐃᔪᐤ ᐅᑯᓯᓴᓐ ᐊ ᐊᐱᑦ ᐊᓐᑕ ᑲ ᓱᐧᑲᑎᓯᔨᒋ ᐅᒥᔪᓂᔨᒡ ᐃᑕᒐ ᐊ ᑕᔨᒋ᙮ ᑭᔭ ᒋᑭ ᐛᐱᒪᐛᐤ ᐸᒋ ᑎᑯᓯᓂᒐ ᒋᒋᒋᓯᒄ ᑭᔅᑯᐅᓂᔅᑯᒡ ᐊ ᐅᒋ ᓄᑯᓯᑦ᙮”

ᒪᑎᔪᐤ 8:20

ᐊᑯ ᒋᓴᔅ ᐊᑕᑦ, “ᒪᒐᓱᐅᒡ ᑎᑯᓂᔪᐛ ᐅᐛᑎᑯᐛᐛ, ᐱᔭᓯᓯᒡ ᑭᔭ ᑎᑯᓂᔪᐛ ᐅᔅᑎᓄᐛᐛ, ᒥᒄ ᒪᒃ ᐃᔪᐤ ᐅᑯᓯᓴᓐ ᓇᒪ ᐊᔭᐤ ᐊᓐᑕ ᒐᒋ ᐛᐛᔨᓯᓐᑦ ᒐᒋ ᐊᔅᑕᔭᔅᑯᓯᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:62

ᒋᓴᔅ ᒪᒃ ᒋ ᐃᑕᐤ, “ᓂᐦᐃ, ᐊᐅᒄ ᓂᔾ᙮ ᒋᑭ ᐛᐱᒪᐛᐤ ᒪᒃ ᐃᔪᐤ ᐅᑯᓯᓴᓐ ᐊ ᐊᐱᑦ ᐅᒥᔪᓂᔨᒡ ᐃᑕᒐ ᑲ ᓱᐧᑲᑎᓯᔨᒋ ᑭᔭ ᒋᑭ ᐛᐱᒪᐛᐤ ᒋᒋᒋᓯᒄ ᑭᔅᑯᐅᓂᔅᑯᒡ ᐸᒋ ᑎᑯᓯᓐᒐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:38

ᐊᓐ ᐊᐛᓐ ᒐ ᓴᒂᔨᒧᑐᐅᒂ ᑭᔭ ᒐ ᓴᒂᔨᒧᐃᑯᒂ ᐊᓂᔭ ᓂᒋᔅᑯᑎᒪᒐᐅᓇ ᐊᓄᒡ ᐅᔭ ᒪᒂᒡ ᐊᔅᐱᔅ ᐊᑲ ᑯᐃᔅᒄ ᐃᑎᒡ ᐊᐛᓐᒋ ᑭᔭ ᐊᔅᐱᔅ ᒥᒐᑎᓯᒡ, ᑭᔭ ᐎᔾ ᐃᔪᐤ ᐅᑯᓯᓴᓇ ᒋᑭ ᓴᒂᔨᒧᐃᑯᐤ ᐃᔅᐱ ᑎᑯᓯᓂᔨᒐᓂ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔨᒡ ᐸᔭᒋ ᐊᓐᒋᓇ ᐊ ᐸᒋ ᐎᒐᐅᑯᔨᒋ᙮”

ᓗᒃ 21:27

ᐊᑯ ᒪᒃ ᒐ ᐛᐱᒪᑭᓄᐅᑦ ᐃᔪᐤ ᐅᑯᓯᓴᓐ ᐊ ᐸᒋ ᔭᓯᑦ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᓗᒃ 22:69

ᒥᒄ ᒪᒃ ᐊᑯ ᐛᑎᒋᐱᔨᒡ ᐃᔪᐤ ᐅᑯᓯᓴᓐ ᒐ ᐊᐱᑦ ᒋᓴᒪᓂᑐᐛ ᒪᐅᒡ ᑲ ᒋᔅᑕᔨᑕᑯᓯᔨᒋ ᐅᒥᔪᓂᔨᒡ ᐃᑕᒐ᙮”

ᓗᒃ 9:26

ᐊᐛᓐ ᒪᒃ ᓴᒂᔨᒧᒐ ᓂᔾ ᐅᒋ ᑭᔭ ᓂᑦ ᐃᔨᒧᐅᓂᔪᐤ ᐅᒋ ᐊᐅᒄ ᒐ ᓴᒂᔨᒧᐊᑦ ᐃᔪᐤ ᐅᑯᓯᓴᓐ ᐃᔅᐱ ᒥᓐ ᑎᑯᓯᓂᔨᒐᓂ ᐅᒋᔅᑕᔨᑕᑯᓱᐅᓂᔨᒡ᙮ ᐊᑯᑕ ᒐ ᒋᔅᒐᔨᑕᒡ ᐊᐛᓐᒋ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᐃᔪᐤ ᐅᑯᓯᓴᓇ ᐛᔅ ᒋᑭ ᐛᐸᑎᔨᐛᐅᒡ ᐅᑕᐎᒪᐤ ᑭᔭ ᑲ ᐸᔭᒋᓯᒡ ᐊᓐᒋᓐᒡ ᐊ ᐃᔅᐱᔅ ᒋᔅᑕᔨᑕᑯᓯᔨᒋ᙮

ᒠᓐ 21:22

ᒋᓴᓴ ᒋ ᐃᑎᑯᐤ, “ᓂᑐᐛᔨᒥᑲ ᒐᒋ ᐱᒪᑎᓯᑦ ᐸᑐᔅ ᒥᓐ ᑎᑯᓯᓄᒐ, ᑕᓐ ᒪᒃ ᒐ ᐃᑎᔨᓐ ᒋᔾ ? ᐸᒋ ᓇᓴᐎ ᒋᔾ᙮”

ᒠᓐ 21:23

ᐊᑯ ᒂ ᒥᓯᑕᐱᔨᒡ ᑎᐸᒋᒧᐅᓐ ᐊᓐᑕ ᒥᓯᑕ ᐎᐧᑲᓂᓯᒪᐅᒡ ᐊ ᑕᒡ ᐊᓂᔭ ᒐ ᐊᑲ ᐅᒋ ᓂᐱᑦ ᐅ ᒋᔅᒋᓄᐊᒧᐛᑭᓐ᙮ ᒥᒄ ᒪᒃ ᓇᒪ ᐅᒋ ᐃᔅᒋᔄᑯᐱᓇ ᒋᓴᔅ ᒐ ᐊᑲ ᐅᒋ ᓂᐱᔨᒋ᙮ ᒋ ᐃᑕᐤ, “ᓇᑐᐛᔨᒪᐅᑕ ᐊᔅᒄ ᒐᒋ ᐱᒪᑎᓯᑦ ᑎᑯᓯᓄᒐ, ᑕᓐ ᒪᒃ ᒐ ᐃᑎᔨᓐ ᒋᔾ ?”

ᐊᑈᔅᑕᓇᒡ 1:11

ᐊᑯ ᒂ ᐃᑎᑯᒡ, “ᒋᔨᐛᐤ ᓇᐸᑐᒄ ᑲᓕᓕᒡ ᑲ ᐅᒋᔭᒄ, ᒐᒂᓐ ᐛᒋ ᓂᐳᐅᔭᒄ ᐅᑕ, ᐃᔅᐱᒥᒡ ᐊ ᐃᑕᐱᔭᒄ ? ᐅ ᒋᓴᔅ ᑕᓐ ᑲ ᐃᓯ ᐸᒋ ᐅᑎᓇᑭᓄᐅᑦ ᒋᒋᒋᓯᑯᒡ ᐃᔅ, ᑲ ᐃᓯ ᐛᐱᒪᒄ ᐊ ᐃᑐᑕᑦ ᒋᒋᒋᓯᑯᒡ ᐊᐅᑯᓐ ᒧᔭᒻ ᒐ ᐃᓯᓇᑯᓯᑦ ᒥᓐ ᑎᑯᓯᒐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:12

ᒥᓯᐛ ᐊ ᑎᓯᔭᐧᒄ ᒋᑭ ᐛᐎᑎᒧᐛᓄᐤ ᒋᓴᒪᓂᑐᐤ ᑕᓐ ᑲ ᐃᑐᐛᐧᒄ ᑭᔭ ᒐᒂᔪᐤ ᐊᓂᔭ ᐛᒋ ᐃᑐᐛᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:6

ᐛᔅ ᒥᓯᐛ ᐊᐛᔪᐛ ᐊᓂᔭ ᑕᓐ ᑲ ᐊᐃᑎᔨᒋ ᒋᑭ ᑎᑯᓂᔪᐤ ᑕᓐ ᒐ ᐃᓯ ᑎᐸᔅᑯᓇᑦ᙮

1 ᑯᕆᓐᑎᔭᓇ 15:23

ᒥᓯᐛ ᒪᒃ ᐊᐛᓐ ᑎᑯᓂᔪᐤ ᑕᐃᔅᐱ ᒐ ᐅᓂᔅᑲᓇᑭᓄᐅᑦ᙮ ᙭ ᓂᔅᑎᒻ ᒋ ᐅᓂᔅᑲᓇᑭᓄᐤ᙮ ᐊᑯ ᒪᒃ ᒐ ᐅᓂᔅᑲᓇᑭᓄᔨᒋ ᐊᓂᔭᔪᐛ ᐊᐛᔪᐛ ᑲ ᑎᐱᔨᐛᐅᓯᑦ ᐃᔅᐱ ᒥᓐ ᑎᑯᓯᒐ᙮

1 ᑯᕆᓐᑎᔭᓇ 3:13

ᒥᓯᐛ ᒪᒃ ᐊᐛᓐ ᒋᑭ ᓄᑯᑕᑭᓄᐅᔪᐤ ᑕᓐ ᐊᓐ ᐊ ᐃᑕᔨᑕᑯᓂᔨᒡ ᐅᑦ ᐊᑐᔅᒐᐅᓐ ᑎᐸᔅᑯᓂᒐᐅ ᒋᓯᑲᔨᒐ᙮ ᐛᔅ ᐃᔅᑯᑕᔪᐤ ᒋᑭ ᐊᐱᑎᓂᔪᐤ ᐊ ᓂᑐ ᒋᔅᒐᔨᑕᑯᓂᔨᒡ ᑕᓐ ᐊᓐ ᐊ ᐃᑕᔨᑕᑯᓂᔨᒡ ᐊᐛᓐ ᐅᑦ ᐊᑐᔅᒐᐅᓐ᙮ ᐊᑯᑕ ᒐ ᐅᒋ ᒋᔅᒐᔨᑕᑯᓂᔨᒡ ᑕᑈ ᒪᔽᔨᒂ ᐅᑦ ᐊᑐᔅᒐᐅᓐ᙮

1 ᑯᕆᓐᑎᔭᓇ 8:8

ᓇᒪ ᒥᒋᒻ ᒋᑭ ᐅᒋ ᐃᑐᑕᑯᓇᓄᐤ ᐃᐛᒃ ᒐᒋ ᐃᑕᔨᑕᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮ ᓇᒪ ᐃᐛᒃ ᒋᑭ ᐅᒋ ᐃᑕᔨᑕᑯᓯᓇᓄᐤ ᐊᑎ ᒥᒋᔭᒂ ᑭᔭ ᓇᒪ ᐃᐛᒃ ᒋᑭ ᐅᒋ ᐃᑕᔨᑕᑯᓯᓇᓄᐤ ᐊᑎ ᐊᑲ ᒥᒋᔭᒂ᙮

2 ᑯᕆᓐᑎᔭᓇ 5:10

ᐛᔅ ᒥᓯᐛ ᐸᐸᐃᒄ ᐊ ᑎᓯᔭᐧᒄ ᒋᑭ ᐅᑎᔅᑯᑲᐳᔅᑐᐛᓄᐤ ᙭ ᐊᓐᑕ ᐊ ᐱᑦ ᒐᒋ ᑎᐸᔅᑯᓂᑕᐧᒄ ᐊᑯ ᒪᒃ ᒥᓯᐛ ᐸᐸᐃᒄ ᒐ ᒥᔨᑕᐧᒄ ᑕᓐ ᐊᓐ ᐊ ᐃᑕᔨᑕᒂᒡ ᒐᒋ ᒥᔨᑯᐛᐅᐧᑯᐱᓇ ᒥᒄ ᑕᓐ ᑲ ᐃᑐᐛᐛᒂ ᒪᒂᒡ ᐅᑕ ᐊᔅᒋᒡ ᑲ ᐱᒪᑎᓯᔭᐧᒄ, ᑲ ᒥᔪ ᐃᑐᐛᐛᒂ ᑭᔭ ᒪᒃ ᐊᑲ ᐅᒋ ᒥᔪ ᐃᑐᐛᐛᒂ᙮

ᐃᐱᓯᔭᓇ 6:8

ᐎ ᒋᔅᒐᔨᑎᒧᒄ ᑕᐸ ᐃᔭᒡ ᒋᑭ ᐅᒋ ᐃᓯ ᑎᐸᐊᒧᐛᐤ ᐅᑎᐸᔨᒋᒐᐤ ᐊᐛᔪᐛ ᐊᑎ ᐊᓂᔭ ᑲ ᐅᒋᒪᐎᔨᒋ ᑭᔭ ᒪᒃ ᐊᓂᔭ ᑲ ᑯᐸᓇᐎᔨᒋ᙮ ᒥᒄ ᑕᓐ ᐊ ᐃᓯ ᓄᑯᑕᔨᒋ ᐊᒋ ᐃᓯ ᒥᔪ ᐊᐱᑎᓯᔨᒋ ᐊᐛᔪᐛ ᐊᐅᑯᓐ ᒐ ᐃᓯ ᑎᐸᐊᒧᐛᑦ᙮

ᑯᓚᓯᔭᓇ 3:25

ᐊᓐ ᐊᐛᓐ ᐊᑲ ᒪᒧᔭᒻ ᐃᑎᑦ ᒋᑭ ᑎᑯᓂᔪᐤ ᑕᓐ ᒐ ᐃᓯ ᑎᐸᐊᒧᐛᑭᓄᐅᑦ᙮ ᐛᔅ ᒥᓯᐛ ᐊᐛᓐ ᒋᑭ ᐛᐛᓯᐊᑭᓄᐤ ᑕᓐ ᐊ ᐃᓯ ᓂᑐᐛᔨᑕᑯᓂᔨᒡ ᒐᒋ ᐃᓯ ᐛᐛᓯᐊᑭᓄᐅᑦ᙮

1 ᑕᓴᓗᓂᔭᓇ 1:10

ᑭᔭ ᐊ ᐊᓱᐛᐱᒪᑯ ᒋᓴᒪᓂᑐᐛ ᐅᑯᓯᔪᐛ ᒥᓐ ᑲᐤ ᒐᒋ ᑎᑯᓯᓂᔨᒋ ᒋᒋᒋᓯᑯᒡ ᐅᒋ᙮ ᐊᔪᐅᒄ ᐅᔭ ᐅᑯᓴ ᑲ ᐅᓂᔅᑲᓇᑦ ᓂᐳᐅᓂᒡ ᐅᒋ᙮ ᐊᐅᒄ ᒪᒃ ᐅ ᒋᓴᔅ ᑲ ᐱᒪᒋᐃᑕᐧᒄ ᒐ ᐊᑲ ᒋ ᐛᐛᓯᐃᑎᑕᐧᑯ ᒋᓴᒪᓂᑐᐛ ᑎᐸᔅᑯᓂᒐᐅ ᒋᓯᑲᔨᒐ᙮

1 ᑕᓴᓗᓂᔭᓇ 4:16

ᐅᑎᐸᔨᒋᒐᐤ ᒋᑭ ᐸᒋ ᔭᓯᐤ ᒋᒋᒋᓯᑯᒡ ᐅᒋ ᐊ ᒋᔄᐛᑦ ᐊ ᑕᑈᑦ᙮ ᑭᔭ ᐊᓐ ᑲ ᓂᑲᓂᔅᑯᐛᑦ ᐊᓐᒋᓇ ᒋᑭ ᐸᑕᑯᓱᐤ ᐊ ᑕᑈᑦ ᑭᔭ ᒋᓴᒪᓂᑐᐤ ᐅᐳᑕᒋᑭᓐ ᒋᑭ ᐸᑕᑯᓂᔪᐤ᙮ ᐊᑯ ᐊᓐᒡ ᑲ ᓂᐱᒡ ᐊᒋ ᑕᑈᔭᔨᒪᒡ ᙭ᑕ ᐎᔨᐛᐤ ᓂᔅᑎᒻ ᒋᑭ ᐅᐱᐱᔪᐅᒡ᙮

ᒋᒥᔅ ᐅᒥᓯᓇᐊᒪᒐᐅᓐ 5:7

ᓂᐧᑲᓂᓯᑐᒄ, ᓯᐱᔪᐛᓯᒄ ᒐ ᐃᔅᐱᔅ ᐊᑲ ᑎᑯᓯᐧᒃ ᐅᑎᐸᔨᒋᒐᐤ᙮ ᒋ ᒋᔅᒐᔨᒪᐤ ᑲ ᓂᑕᐅᒋᑕᑦ ᐊ ᐃᔅᐱᔅ ᓯᐱᔪᐛᓯᑦ ᐊ ᐊᓱᐛᐸᑕᐧᒃ ᒐᒋ ᒋ ᐃᓯ ᓂᑕᐅᒋᓂᔨᒋ ᐊ ᒥᔽᓯᔨᒋ ᓂᑕᐅᒋᑕᑭᓇ ᐊᓐᑕ ᑲ ᓂᑕᐅᒋᑕᑦ᙮ ᓯᐱᔪᐛᓱᐤ ᐊ ᐊᓱᐛᐸᑕᐧᒃ ᒐᒋ ᒋᒧᓂᔨᒡ ᐊ ᓯᑯᓂᔨᒡ ᑭᔭ ᐊ ᑎᒂᒋᓂᔨᒡ᙮

1 ᐱᑕᕐ 1:17

ᓱᒃ ᒪᒃ ᒧᔅ ᒋᔅᑕᔨᒪᐧᒄ ᒋᓴᒪᓂᑐᐤ ᐎᔾ ᓄᑕᐎᓇᓐ ᑲ ᐃᓯᓂᐧᑲᑕᒄ ᐊ ᐊᔭᒥᐊᔭᒄ᙮ ᐊᐅᒄ ᐛᔅ ᐅ ᑯᐃᔅᒄ ᑲ ᐃᓯ ᑎᐸᔅᑯᓇᑦ ᒥᓯᐛ ᐊᐛᔪᐛ ᑕᓐ ᐊᓐ ᐊ ᐃᑎᔨᒋ᙮ ᐊᓂᔭ ᑕᓐ ᑲ ᐃᓯ ᐊᑐᔅᒐᔨᒋ, ᐊᑯᑕ ᐛᒋ ᑎᐸᔅᑯᓇᑦ᙮ ᓱᒃ ᒪᒃ ᒧᔅ ᐎ ᒋᔅᑕᔨᒪᐧᒄ ᒋᓴᒪᓂᑐᐤ ᒐ ᐃᔅᑯᑕᒂ ᒋᐱᒪᑎᓯᐅᓄᐛᐛ ᐅᑕ ᐊᔅᒋᒡ᙮

1 ᒠᓐ 2:28

ᐊᐛᓯᑐᒄ, ᒧᔅ ᐎᒐᐛᐧᒄ ᒋᓴᔅ᙮ ᐊᑯ ᒪᒃ ᒐ ᒐᔅᑎᓇᑕᔨᒧᔭᒄ ᐸᒋ ᓄᑯᓯᒐ ᑭᔭ ᓇᒪ ᒋᑭ ᐅᒋ ᓴᒂᔨᒧᓇᐛᐤ ᑎᑯᓯᒐ᙮

ᒍᑦ 1:14

ᐃᓄᒃ, ᐊᓐ ᓂᔄᐅᑕᒡ ᑲ ᑕᑦ ᐊᑕᒪ ᐊ ᑕᔨᒋ ᐊᒋ ᐅᒋ ᐊᓂᔅᒐ ᐱᒪᑎᓯᑦ, ᓴᔅ ᐊᓐᑕ ᐛᔅᑭᒡ ᓂᑲᓐ ᒋ ᐊᔨᒧᒪᐤ ᐅᔭ᙮ ᒋ ᐃᑕᐤ, “ᐃᑕᐱᒄ ᒪ᙮ ᐅᑎᐸᔨᒋᒐᐤ ᒥᒐᑥᐤ ᒐᓯᐱᔪᐤ ᐅᐸᔭᒋ ᐊᓐᒋᓂᒪ ᒋᑭ ᐸᒋ ᐎᒐᐛᐤ

ᒋᔅᒐᔨᑕᑯᑕᒐᐅᓐ 1:7

ᐃᑕᐱᒄ ᒪ᙮ ᐸᒋ ᑎᑯᓯᓄᐤ ᑭᔅᑯᐅᓂᔅᑯᒡ ᐊ ᐸᒋ ᔭᓯᑦ᙮ ᒥᓯᐛ ᐊᐛᔪᐛ ᒋᑭ ᐛᐱᒥᑯᐤ, ᐛᐛᒡ ᐊᓂᔭᔪᐛ ᑲ ᑕᐧᑭᒥᑯᑦ᙮ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᒋᑭ ᒥᔅᑎ ᒪᔪᐛ ᐛᐱᒥᑯᒐ᙮ ᒐᔅᑎᓇᔅ ᒋᑭ ᐃᔅᐱᔪᐤ ᐅ᙮ ᐊᒥᓐ᙮

ᒋᔅᒐᔨᑕᑯᑕᒐᐅᓐ 2:23

ᓂᑭ ᓂᐸᐃᒪᐛ ᐊᓂᔭ ᑲ ᓇᓴᐅᑯᑦ᙮ ᐊᑯ ᒪᒃ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒐ ᒋᔅᒐᔨᒥᒡ ᓂᔾ ᐊ ᐊᐎᔭᓐ ᐊᓐ ᑲ ᒋᔅᒐᔨᒪᑦ ᐊᐛᔪᐛ ᑕᓐ ᐊᓐ ᐊ ᐃᑕᔨᑎᒥᔨᒋ ᑭᔭ ᑕᓐ ᐊᓐ ᐊ ᐃᓯ ᑕᐊᔨᒋ᙮ ᒥᓯᐛ ᐊ ᑎᓯᔭᒄ ᒋᑭ ᐛᐛᓯᐃᑎᓇᐛᐤ ᑕᓐ ᒥᒄ ᑲ ᐃᓯ ᒥᒋᑐᑎᒧᐛᒂ᙮

ᒋᔅᒐᔨᑕᑯᑕᒐᐅᓐ 20:12

ᓂᒋ ᐛᐱᒪᐅᒡ ᒪᒃ ᒥᓯᐛ ᐊᓐᒡ ᐊᐛᓐᒋ ᑲ ᓂᐳᐛᑯᐱᓇ᙮ ᒥᓯᐛ ᑲ ᒋᔅᑕᔨᑕᑯᓯᒡ ᑭᔭ ᐊᓐᒡ ᐊᑲ ᒋᔅᑕᔨᑕᑯᓯᒡ ᓂᒋ ᐛᐱᒪᐅᒡ᙮ ᒋ ᐅᑎᔅᑯᑲᐳᔅᑎᒧᒡ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ᙮ ᒋ ᑎᑯᓐ ᒪᒃ ᒥᓯᓇᐃᑭᓇ ᐊ ᓴᓂᑭᓄᐅᒋ᙮ ᒥᓐ ᒪᒃ ᑯᑎᒡ ᒥᓯᓇᐃᑭᓐ ᒋ ᓴᓂᑭᓄᐤ᙮ ᐅ ᒪᒃ ᒥᓯᓇᐃᑭᓐ ᐊᑯᑕ ᒪᓯᓇᓱᒡ ᐊᓐᒡ ᐊᐛᓐᒋ ᒐ ᐊᔭᒡ ᑲᒋᒡ ᐱᒪᑎᓯᐅᓂᔪᐤ᙮ ᐊᓐᒡ ᒪᒃ ᑲ ᓂᐱᒡ ᒋ ᑎᐸᔅᑯᓇᑭᓄᐎᒡ ᒥᒄ ᑕᓐ ᑲ ᐃᑐᐛᑯᐱᓇ᙮ ᒥᓯᐛ ᑕᓐ ᑲ ᐃᑎᒡ ᒋ ᒥᓯᓇᑕᔪᐤ ᐊᓐᑕ ᐊᓂᔭᔪᐛ ᒥᓯᓇᐃᑭᓇ᙮