ᒪᑎᔪᐤ 16:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᐃᔅᐱ ᒪᒃ ᐅᔭ ᑲ ᐃᓯ ᐃᔨᒪᐊᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ᒋᒋᐱᔨᑦ ᐊ ᐎᑎᒧᐛᑦ ᐊ ᐱᔭᑭᔅᒋᑕᑯᓯᑦ ᐊ ᐃᑕᑦ, “ᓂᑭ ᐃᑐᑕᓐ ᐊᓐᑕ ᒋᕈᓯᓕᒥᒡ, ᐊᑯᑕ ᒪᒃ ᐊᓐᑕ ᒐ ᒥᔅᑎ ᐛᐎᓯᒐᔨᑎᒥᐃᒡ ᐊᓐᒡ ᑲ ᓂᑲᓂᔅᑯᐛᒡ ᐊᓂᔭᔪᐛ ᐃᔪᐛ, ᑭᔭ ᐊᓐᒡ ᓂᑲᓂᐊᔭᒥᐊᐅᒋᒪᐅᒡ, ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ᙮ ᑭᔭ ᒐ ᓂᐸᐃᑯᔭᓐ, ᓂᔅᑐ ᒋᓯᑲᐛ ᒪᒃ ᒥᓐ ᓂᑭ ᐱᒪᑎᓯᓐ᙮”

ᒪᑎᔪᐤ 16:21 ပူးပေါင်းရင်းမြစ်များ

ᒪᑎᔪᐤ 12:40

ᒧᔭᒻ ᒍᓇ ᑲ ᐃᔅᐱᔅ ᑕᑦ ᐊᓐᑕ ᒥᔅᑎ ᓂᒪᓴ ᐎᑕᔨᒡ ᓂᔅᑐ ᒋᓯᑲᐛ ᑭᔭ ᓂᔅᑐ ᑎᐱᔅᑲᐛ, ᐊᐅᑯᓐ ᑭᔭ ᐃᔪᐤ ᐅᑯᓯᓴᓐ ᒐ ᐃᔅᐱᔅ ᒋ ᓇᐃᐧᑯᐛᑭᓄᐅᑦ ᐊᓐᑕ ᐃᔅ ᐊᔅᒋᒡ᙮

ᒪᑎᔪᐤ 16:22

ᐊᑯ ᐱᑕᕐ ᑎᐸᓐ ᐊᑐᑕᐊᑦ ᐊᓂᔭ ᒋᓴᓴ, ᒂ ᒋᑕᐊᒧᐛᑦ ᐊᓂᔭ ᑲ ᐃᔅᒋᔄᔨᒋ ᐊ ᐃᑕᑦ, “ᐅᑎᐸᔨᒋᒐᐤ, ᓇᒪ ᒋᑭ ᐅᒋ ᐱᔅᑎᓂᒻ ᒋᓴᒪᓂᑐᐤ ᐅᔭ ᒐᒋ ᐃᔅᐱᔨᒡ᙮ ᓇᒪ ᓂᑕ ᐅ ᒋᑭ ᒋ ᐃᑐᑕᑯᐅᓐ᙮”

ᒪᑎᔪᐤ 16:28

ᒋ ᐎᑎᒪᑎᓇᐛᐤ, ᑕᑈ ᐊ ᑕᒡ ᐅᑕ ᐊᐛᓐᒋ ᐊᔅᒄ ᒐ ᐱᒪᑎᓯᒡ ᐃᔅᐱ ᐅᑎᒋᐱᔨᒐ ᒐ ᑎᑯᓯᓂᔨᒋ ᐃᔪᐤ ᐅᑯᓯᓴᓇ ᒐ ᐸᒋ ᒋᓴᐅᒋᒪᐎᔨᒋ᙮”

ᒪᑎᔪᐤ 17:12

ᒥᒄ ᒪᒃ ᒋ ᐎᑎᒪᑎᓇᐛᐤ ᓴᔅ ᒥᓐ ᐊᒋ ᑎᑯᓯᐧᒃ ᐃᓚᐃᒐ ᒥᒄ ᓇᒪ ᐅᒋ ᓂᔅᑐᐅᓇᑯᐤ ᐃᔪᐛ᙮ ᒥᒄ ᒪᒃ ᐛ ᐃᑐᑐᐛᒡ ᒋ ᐃᑐᑐᐛᐅᒡ᙮ ᐊᐅᑯᓐ ᒪᒃ ᒧᔭᒻ ᒐ ᐃᔅᐱᔅ ᐎᓯᒐᔨᑎᒥᐊᒡ ᐃᔪᐤ ᐅᑯᓯᓴᓇ᙮”

ᒪᑎᔪᐤ 17:9

ᒪᒂᒡ ᒪᒃ ᐊ ᓂᑎᒋᐛᒡ ᐊᓂᔭᔪᐤ ᐱᔅᑯᑎᓇᔪᐤ, ᒋᓴᓴ ᒋ ᐃᑎᑯᐅᒡ ᔭᐃᑕᔾ ᒐ ᐊᑲ ᐎᑎᒧᐛᒡ ᐊᐛᔪᐛ ᐅᔭ ᐛᐸᑎᔨᐛᐅᓂᔪᐤ ᑲ ᐛᐸᑕᒡ ᐸᑐᔅ ᒋ ᐅᓂᔅᑲᓇᑭᓄᔨᒐᓂ ᐃᔪᐤ ᐅᑯᓯᓴᓇ ᓂᐳᐅᓂᒡ ᐅᒡ᙮

ᒪᑎᔪᐤ 20:28

ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”

ᒪᑎᔪᐤ 26:2

“ᒋ ᒋᔅᒐᔨᑕᓇᐛᐤ ᓂᓱ ᒋᓯᑲᐛ ᐃᔅᐱᔅ ᐊᑯ ᒐ ᒋᒋᐱᔨᒡ ᐎᒪᔅᑲᒐᐅ-ᒥᑯᓴᐅᓐ᙮ ᐊᑯᑕ ᒪᒃ ᐊᓐ ᒪᒂᒡ ᐃᔅᐱᔨᒐ ᒐ ᐱᔅᑎᓇᑭᓄᐅᑦ ᐃᔪᐤ ᐅᑯᓯᓴᓐ ᒐᒋ ᒋᔅᑕᔎᑕᑭᓄᐅᑦ᙮”

ᒪᑎᔪᐤ 26:47

ᐊᔅᒄ ᒪᒃ ᒪᒂᒡ ᐊ ᐃᔨᒥᑦ ᒋᓴᔅ ᒋ ᐅᒋ ᑎᑯᓯᓂᔪᐛ ᐸᐃᒄ ᐊᓂᔭ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᒍᑎᔅ ᑲ ᐃᓯᓂᐧᑲᓱᔨᒋ᙮ ᒋ ᐸᒋ ᐎᒐᐅᑯᔪᐛ ᒥᒐᑦ ᐊᐛᔪᐛ ᐊᒋ ᐸᒋ ᐃᑎᓴᐅᑯᔨᒋ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐃᔪᐛ ᑲ ᓂᑲᓂᔅᑯᐛᔨᒋ᙮ ᒋ ᐸᒋ ᑕᐧᑯᓂᒧᒡ ᒪᒃ ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒥᐃᑭᓇᑎᒂ᙮

ᒪᑎᔪᐤ 27:12

ᐊᑯ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᓂᓇᐧᑯᐤ ᒋ ᐃᓯ ᒪᒥᒐᒋᒥᑯᐤ᙮ ᓇᒪ ᒪᒃ ᐅᒋ ᒋᔅᑐᐤ ᒋᓴᔅ᙮

ᒪᑎᔪᐤ 27:63

ᐊᑯ ᒂ ᐃᑕᒡ, “ᐅᒋᒪᐤ, ᓂ ᒋᔅᒋᓯᓇᓐ ᐊᔅᒄ ᐊᒋ ᐱᒪᑎᓯᑦ ᐊᓐ ᑲ ᑭᑭᒋᔭᑦ ᐊᒋ ᐃᔅᒋᔄᑦ, ‘ᓂᔅᑐ ᒋᓯᑲᐛ ᐃᔅᐱᔅ ᐊᑯ ᒐ ᐅᓂᔅᑲᓂᑯᐅᔭᓐ ᓂᐳᐅᓂᒡ ᐅᒡ᙮’

ᒪᑎᔪᐤ 28:6

ᓇᒪ ᑕᐤ ᐅᑕ, ᐛᔅ ᒋ ᐅᓂᔅᑲᐤ ᒧᔭᒻ ᑕᓐ ᑲ ᐃᔅᒋᔄᑦ ᒐ ᐃᑎᑦ᙮ ᐸᑐᑕᒄ ᐸᒋ ᑭᓄᐛᐸᑎᒺᐧᒄ ᐊᓐᑕ ᑲ ᐱᒥᓯᒪᑭᓄᐅᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:31

ᐊᑯ ᒋᓴᔅ ᒂ ᒋᒋᐱᔨᑦ ᐊ ᒋᔅᑯᑎᒧᐛᑦ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᓂᑐᐛᔨᑕᑯᓂᔪᐤ ᐃᔪᐤ ᐅᑯᓯᓴᓐ ᒐᒋ ᒥᔅᑎ ᐎᓯᒐᔨᑎᒥᐊᑭᓄᐅᑦ ᑭᔭ ᓇᒪ ᒋᑭ ᐅᒋ ᐊᐱᑕᔨᒥᑯᐤ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᑭᔭ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ᙮ ᒋᑭ ᓂᐸᐊᑭᓄᐤ, ᒥᒄ ᒪᒃ ᐃᔅᐱ ᓂᔅᑐ ᒋᓯᑲᐛ ᐅᑎᒋᐱᔨᒐ ᒋᑭ ᐅᓂᐤ ᓂᐳᐅᓂᒡ ᐅᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:12

ᐊᑯ ᒂ ᐃᓯ ᐎᑎᒪᑯᒡ, “ᑕᑈ ᑭᑈ ᐃᓚᐃᒐ ᓂᔅᑎᒻ ᒋᑭ ᑎᑯᓯᓐ ᒐᒋ ᐊᔭᔅᑯᔅᑕᑦ ᒥᓯᐛ ᒐᒂᔪᐤ᙮ ᒐᒂᓐ ᒪᒃ ᐛᒋ ᐃᑎᔅᑕᒡ ᒋᓴᒪᓂᑐᐤ ᐅᒥᓯᓇᐃᑭᓂᒡ ᐃᔪᐤ ᐅᑯᓯᓴᓐ ᒥᔅᑎ ᒐ ᓂᓇᐧᑲᑕᔨᒧᑦ ᑭᔭ ᒐ ᐊᑲ ᐅᒋ ᐊᐱᑕᔨᒪᑭᓄᐅᑦ ?

ᓗᒃ 17:25

ᒥᒄ ᒪᒃ ᐊᔅᒄ ᐊᑲ ᐅᑎᒋᐱᔨᒐ ᐅ ᐊᓐᒡ ᐊᐛᓐᒋ ᒪᒂᒡ ᐊᓄᒡ ᑲ ᐱᒪᑎᓯᒡ ᓇᔅᒡ ᓂᑭ ᐎᓯᒐᔨᑎᒥᐃᑯᒡ ᑭᔭ ᓂᑭ ᐊᑐᐛᔨᒥᑯᒡ᙮”

ᓗᒃ 24:46

ᐊ ᐃᑕᑦ, “ᐃᑎᔅᑕᐤ ᙭ ᔭᐃᑕᔾ ᒐ ᐎᓯᒐᔨᑕᐧᒃ, ᑭᔭ ᑲᐤ ᒐ ᐅᓂᔅᑲᑦ ᓂᐳᐅᓂᒡ ᐅᒡ ᒋ ᓂᔅᑐᒋᓯᑲᔨᒐ᙮

ᓗᒃ 9:31

ᐊᑯ ᒂ ᐊᔨᒧᑎᒧᐛᒡ ᒋᓴᓴ ᓴᔅ ᐊ ᐸᓱᓇᑯᓂᔨᒡ ᒐ ᓂᐱᔨᒋ ᐊᓐᑕ ᒋᕈᓯᓕᒥᒡ, ᐊᓂᔭ ᒋᓴᒪᓂᑐᐛ ᑲ ᐃᓯ ᐎᔅᑕᔨᒋ ᒐ ᐃᔅᐱᔨᒡ᙮ ᓇᔅᒡ ᒪᒃ ᐊ ᒥᔽᔅᑕᔨᒡ ᒋᒋᒋᓯᒄ ᐛᔅᑕᐅᓂᔪᐤ ᒋ ᐛᔅᑕᔪᐤ ᐊᓐᑕ ᐛᔅᑲ ᐊ ᑕᒡ᙮