ᒪᑎᔪᐤ 16:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᒋ ᐎᑎᒪᑎᓐ ᐱᑕᕐ, ᐊᐅᑯᐤ ᒋᔾ ᐊ ᐸᐸᒋᐱᔅᑲᒡ᙮ ᐊᑯᑕ ᒪᒃ ᐅᑕ ᐊ ᐸᐸᒋᐱᔅᑲᒡ ᒐ ᐎᔨᑲᐳᐅᑕᔭᓐ ᓂᑦ ᐊᔭᒥᐊᐅᒋᐛᑉ, ᓇᒪ ᒪᒃ ᐛᐛᒡ ᐊᐃᑎᔅ ᑲ ᐃᓯᓂᐧᑲᑕᔨᒋ ᒋᐱᔾ ᐊᔅᒋᔭ, ᐊᐅᑯᐤ ᓂᐳᐅᓐ, ᒋᑭ ᐅᒋ ᓴᐧᑯᒋᑕᒥᑭᓐ ᐅᑕ ᓂᑦ ᐊᔭᒥᐊᐅᒋᐛᐱᒡ᙮

ᒪᑎᔪᐤ 16:18 ပူးပေါင်းရင်းမြစ်များ

ᒐᓂᓯᔅ 22:17

ᒋᑭ ᒥᔪᑐᑕᑎᓐ, ᓂᑭ ᒥᒐᑐᐛᐅᒡ ᒋᑦ ᐊᐛᓯᒥᒡ ᒧᔭᒻ ᐊᔅᐱᒐᑎᒡ ᐅᒐᑭᑕᐧᑯᒡ ᒋᓯᑯᒡ ᑭᔭ ᒧᔭᒻ ᐃᔭᑲᐤ ᐊᓐᑕ ᓇᓯᐸᑎᒥᒡ᙮ ᒋᑭ ᓴᒂᐅᒡ ᒋᑦ ᐊᐛᓯᒥᒡ ᐊᓂᔭ ᑲ ᐛᐧᑲᑎᑯᒡ ᑭᔭ ᐅᑦ ᐃᑕᐅᓂᔪᐛ ᒋᑭ ᓴᑯᑕᐛᐅᒡ᙮

ᑎᐱᑦ ᐅᓂᑭᒧᐅᓇ 107:18

ᐅᑦ ᐊᒐᐧᑯᐛᐛ ᐊᑐᐛᔨᑎᒥᔨᐛ ᒥᓯᐛ ᐊᓯᓇᑯᓂᔨᒡ ᒥᒋᒥᔪᐤ; ᐸᔄᐸᑎᒧᒡ ᒪᒃ ᓂᐳᐅᓂ ᒋᒋᐃᔎᑕᒪ᙮

ᑎᐱᑦ ᐅᓂᑭᒧᐅᓇ 127:5

ᒥᔽᔨᒧᐤ ᐊᓇ ᐃᔪᐤ ᑲ ᓴᑭᔅᒋᓇᔨᒡ ᐅᐱᑕᑥᓐ ᐊᓂᔭᔪᐤ ᐅᒡ: ᓇᒪᐎᔾ ᒋᑭ ᓯᓴᒂᔨᒧᐅᒡ, ᒪᒃ ᒋᑭ ᐃᔨᒪᐅᒡ ᐅᒪᓯᒐᐛ ᒋᒋᐃᔎᑕᒥᒡ᙮

ᑎᐱᑦ ᐅᓂᑭᒧᐅᓇ 129:2

ᒥᒐᑥᐤ ᓂᒋ ᐊᔨᒥᐃᑯᒡ ᑲ ᐸᒋ ᐅᔅᒋᓂᒋᐅᔭᓐ; ᐃᔭᐱᒡ ᒪᒃ ᓇᒪᐎᔾ ᓂᒋ ᓴᐧᑯᒋᐃᑯᐅᒡ᙮

ᑎᐱᑦ ᐅᓂᑭᒧᐅᓇ 69:12

ᐊᓐᒡ ᑲ ᐊᐱᒡ ᒋᒋᐃᔎᑕᒥᒡ ᓂ ᐱᑯᓄᒥᑯᒡ; ᑭᔭ ᓂᒋ ᓂᑭᒧᑕᑯᒡ ᐅᒋᔎᐸᐅᒡ᙮

ᑎᐱᑦ ᐅᓂᑭᒧᐅᓇ 9:13

ᒋᔅᑎᒪᒐᔨᒥ, ᐅ ᑎᐸᔨᒋᒐᓱᐤ; ᒪᒥᑐᓇᔨᑕ ᓂᑦ ᐊᔨᒥᓯᐅᓐ ᐊ ᐃᓯ ᐊᔨᒥᐃᒡ ᐊᓐᒡ ᑲ ᐅᐧᑲᓯᒡ, ᒋᔾ ᑲ ᐅᐱᓂᔨᓐ ᓂᐳᐅᓂ ᒋᒋᐃᔎᑕᒥᒡ ᐅᒡ᙮

ᒪᑎᔪᐤ 10:2

ᒪᐅ ᒪᒃ ᑲ ᐃᓯᓂᐧᑲᓱᔨᒋ ᐊᓂᔭ ᓂᓱᓴᑉ ᐊᑈᔅᑕᓇ, ᓴᐃᒥᓐ, ᐊᐅᒄ ᐱᑕᕐ ᑲ ᐃᓯᓂᐧᑲᑕᑭᓄᐅᑦ, ᑭᔭ ᐊᓐᑎᕈᐛ ᐱᑕᕐ ᐅᓯᒪ, ᒋᒥᔅ ᑭᔭ ᐊᓂᔭ ᐎᐧᑲᓂᓴ ᒠᓇ, ᐊᐅᒄ ᐅᔭ ᓴᐱᑎ ᐅᑯᓴ,

ᒪᑎᔪᐤ 11:23

ᐊᑯ ᒪᒃ ᒋᔨᐛᐤ ᐊᓐᑕ ᑲᐳᕐᓇᐊᒥᒡ ᑲ ᑕᔭᒄ ᓇᔅᒡ ᑕᑈ ᒋᑦ ᐊᔅᐸᔨᒧᓇᐛᐤ ᐊᓐᑕ ᒋᒋᒋᓯᑯᒡ ᒐᒋ ᐃᓯ ᐅᑎᓂᑯᐅᔭᒄ᙮ ᓇᒪ ᒪᒃ, ᒥᒋ ᐃᔅᑯᑕᒡ ᒋᑭ ᐃᓯ ᓂᑎᒋᐛᐱᓂᑯᓇᐛᐤ᙮ ᒪᒥᔅᑲᒡ ᒐᒂᔪᐛ ᒋ ᐃᓯ ᐃᑐᑕᑭᓄᐛ ᐊᓐᑕ ᒋᑦ ᐃᑕᐅᓄᐛᒡ ᐃᔭᐱᒡ ᒪᒃ ᓇᒪ ᒋ ᐅᒋ ᒂᔅᑲᑎᓯᓇᐛᐤ ᑭᔭ ᐊᓂᔭ ᒪᒥᔅᑲᒡ ᒐᒂᔪᐛ ᑲ ᐃᓯ ᐃᑐᑎᒪᑯᐅᔭᒄ, ᒋ ᐃᑐᑕᑭᓄᐎᒂᓂ ᐊᓐᑕ ᓱᑕᒻ ᐅᑕᓇᒡ ᒋᐸ ᒂᔅᑲᑎᓱᐅᒡ ᐊᓐᒡ ᐊᓐᑕ ᑲ ᑕᒡ ᑭᔭ ᐊᓄᒡ ᐊᔅᒄ ᒋᐸ ᑎᑯᓐ ᐊᓐ ᐅᑕᓇᐤ᙮

ᒪᑎᔪᐤ 18:17

ᐊᑲ ᒪᒃ ᓂᑐᑕᒐ ᑭᔭ ᐊᑲ ᓂᑐᑐᐛᒐ ᐊᓂᔭ ᑯᑎᑲ ᐊᐛᔪᐛ, ᐊᑯ ᒐ ᐎᑎᒧᒥᑎ ᐅᒪᒧᐊᔭᒥᐊᐛ ᑕᓐ ᑲ ᐃᓯ ᒥᒋᑐᑕᔅᒃ, ᐊᑲ ᒪᒃ ᓂᑐᑐᐛᒐ ᑭᔭ ᐊᓂᔭ ᐅᒪᒧᐊᔭᒥᐊᐛ ᐊᑲ ᐎ ᒋᑭ ᐅᒋ ᐊᐱᑕᔨᒪᑭᓄᐤ ᒧᔭᒻ ᐊᐛᓐ ᐊᑲ ᒋᔅᒐᔨᒪᑦ ᒋᓴᒪᓂᑐᐛ ᐊᑯᓐ ᒐ ᐃᓯ ᑭᓄᐛᐱᒪᑭᓄᐅᑦ ᑭᔭ ᒪᒃ ᐊᐛᓐ ᐊᑲ ᐎ ᒂᔅᑲᑎᓯᑦ ᐊᑯᓐ ᒐ ᐃᓯ ᑭᓄᐛᐱᒪᑭᓄᐅᑦ᙮”

ᒪᑎᔪᐤ 4:18

ᒪᒂᒡ ᒪᒃ ᒋᓴᔅ ᐊ ᐱᒧᑕᑦ ᐊᓐᑕ ᔭᔭᐤ ᑲᓕᓕ ᓴᑲᐃᑭᓂᔪᐤ, ᒋ ᐛᐱᒪᐤ ᑲᓄᑎᒪᓴᓯᔨᒋ ᐊ ᐎᐧᑲᓂᓯᑕᑐᔨᒋ ᓂᓱ ᓇᐸᐛ, ᓴᐃᒥᓇ ᐱᑕᕐ ᐃᔭᐱᒡ ᑲ ᐃᓯᓂᐧᑲᑕᑭᓄᐅᑦ ᑭᔭ ᐊᓂᔭ ᐎᐧᑲᓂᓯᔨᔪᐛ ᐊᓐᑎᕈᐛ, ᐊ ᐱᔅᑕᐛᔨᒋ ᐊᓐᑕ ᓴᑲᐃᑭᓂᒡ᙮

ᒪᑎᔪᐤ 7:24

“ᒥᓯᐛ ᑕᑐᐤ ᐊᐛᓐ ᑲ ᐸᑕᐧᒃ ᓂᑦ ᐃᔨᒧᐅᓂᔪᐤ ᑲ ᐊᑎ ᐃᑐᑕᐧᒃ ᒪᒃ ᐊᓂᔭ ᑲ ᐃᔅᒋᔄᐅᒡ, ᒧᔭᒻ ᓇᐸᐤ ᑲ ᑭᒐᑕᐛᔨᑕᐧᒃ ᐊᓐᑕ ᐊ ᐸᐸᒋᐱᔅᑲᔨᒡ ᑲ ᐎᔨᑲᐳᐅᑕᑦ ᒥᒋᐛᐱᔪᐤ ᐃᑕᔨᑕᑯᓱᐤ᙮”

ᒠᓐ 1:42

ᐊᑯ ᒂ ᐃᑐᑕᐊᑦ ᓴᐃᒥᓇ ᐊᓐᑕ ᒋᓴᓴ ᐊ ᑕᔨᒋ᙮ ᒋᓴᔅ ᒪᒃ ᒋ ᑭᓄᐛᐱᒪᐤ ᐊᓂᔭ ᓴᐃᒥᓇ ᐊᑯ ᒂ ᐃᑕᑦ, “ᒋᔾ ᓴᐃᒥᓐ, ᒠᓐ ᐅᑯᓴ, ᓯᐸᔅ ᒋᑭ ᐃᓯᓂᐧᑲᓱᓐ᙮” ᓯᐸᔅ ᐊ ᐱᔭᑭᔅᒋᑕᑯᓯᓇᓄᐅᒡ ᐱᑕᕐ ᒪᒃ ᐊᓯᓂᔾ ᐃᓇᓄᐤ᙮

ᐊᑈᔅᑕᓇᒡ 2:47

ᒧᔅ ᒋ ᒪᒥᒋᒪᐅᒡ ᐅᑎᐸᔨᒋᒐᐛ᙮ ᒥᓯᐛ ᒪᒃ ᐊᐛᔪᐛ ᒋ ᒥᔽᔨᒥᑯᐅᒡ᙮ ᐊᓯᑯᒻ ᒋᓯᑲᐛ ᒪᒃ ᒋ ᐊᑎ ᒥᒐᑎᔪᐛ ᐊᐛᔪᐛ ᒋᓴᒪᓂᑐᐤ ᐊ ᐱᒪᒋᐊᑦ᙮

ᐊᑈᔅᑕᓇᒡ 20:28

ᓱᒃ ᒪᒃ ᓂᓇᑭᑐᐛᔨᒥᓱᒄ ᑭᔭ ᓱᒃ ᐎ ᒥᔪ ᑭᓄᐛᔨᒪᐧᑯᒡ ᐊᓂᔭᔪᐛ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᑕᒄ ᒐᒋ ᓂᓇᑭᑐᐛᔨᒥᒪᑯ᙮ ᐃᔭᒂ ᐃᓯ ᑭᓄᐛᔨᒪᐧᑯᒡ ᒪᒧᐤ ᑲ ᐊᔭᒥᐊᐛᑎᓯᒡ, ᐛᔅ ᒋᓴᒪᓂᑐᐤ ᐎᔾ ᒋ ᑎᐸᐊᐛᐤ ᐅᔭ ᐃᔅᐱᔅ ᐅᑯᓴ ᑲ ᐱᔅᑎᓇᑦ ᒐᒋ ᓂᐸᐊᑭᓄᔨᒋ᙮

ᐊᑈᔅᑕᓇᒡ 8:1

ᓴᓪ ᒪᒃ ᒋ ᒥᔽᔨᑎᒻ ᐊᒋ ᓂᐸᐊᑭᓄᔨᒋ ᔅᑎᐱᓇ᙮ ᐊᓂᔭ ᒪᒃ ᐊ ᐸᐃᑯᓂᔨᒡ ᐊ ᒋᓯᑲᔨᒡ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᒋᕈᓯᓕᒥᒡ ᐊᑯᑕ ᑲ ᐅᒋ ᒋᒋ ᓂᓇᐧᑲᒋᐊᑭᓄᐎᒡ᙮ ᐊᔪᐅᒄ ᐅᔭ ᐛᒋ ᓂᑭᑕᒡ ᒋᕈᓯᓕᒥᔪᐤ ᐊᑯ ᐊᓐᑕ ᒍᑎᔭᒡ ᑭᔭ ᓴᒪᕆᔭᐃᒡ ᒂ ᐎᒋᒡ᙮ ᒥᒄ ᐊᓐᒡ ᐊᑈᔅᑕᓇᒡ ᐊᑯᑕ ᐃᔭᐱᒡ ᑲ ᑕᒡ ᐎᔨᐛᐤ ᐊᓐᑕ ᒋᕈᓯᓕᒥᒡ᙮

1 ᑯᕆᓐᑎᔭᓇ 15:55

ᓴᔅ ᓇᔅᒡ ᒋ ᔭᔪᑕᑭᓄᐤ ᓂᐳᐅᓐ᙮ ᓇᒪ ᐛᐛᒡ ᒋᑭ ᒋ ᐊᐧᑯᐃᑯᓇᓄᐤ ᐊᑯ᙮

ᑲᓚᓯᔭᓇ 2:9

ᒋᒥᔅ, ᐱᑕᕐ ᑭᔭ ᒠᓐ, ᐊᓐᒡ ᑲ ᓂᑲᓂᐊᑭᓄᐎᒡ ᑭᔭ ᒪᐅᒡ ᑲ ᒋᔅᑕᔨᒪᑭᓄᐎᒡ ᒋ ᒋᔅᒐᔨᑎᒧᒡ ᒋᓴᒪᓂᑐᐛ ᐊᒋ ᒥᔨᒋ ᐅᔭ ᒐᒋ ᐃᑕᐱᑎᓯᐅᒡ᙮ ᐊᑯ ᒪᒃ ᐸᕐᓇᐸᔅ ᐊ ᓂᓯᔭᒡ ᑲ ᐊᑎᒥᔅᑯᐎᔨᒥᒡ ᐅᒡ ᐊ ᓂᔅᑎᒡ᙮ ᐊ ᓄᑯᑕᔭᒡ ᐸᐃᑯᓄᒡ ᐊ ᐃᓯᑲᐳᐅᔭᒡ᙮ ᒪᐅ ᒪᒃ ᑲ ᐃᓯ ᓂᔅᑯᒧᔭᒡ᙮ ᐸᕐᓇᐸᔅ ᐊ ᓂᓯᔭᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐ ᐛᐎᑎᒧᐅᒋᒡ ᒥᔽᒋᒧᐅᓂᔪᐤ ᑭᔭ ᐎᔨᐛᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒐ ᐛᐎᑎᒧᐛᒡ᙮

ᐃᐱᓯᔭᓇ 3:10

ᐊᓄᒡ ᒪᒃ ᐊᑯ ᒐᔅᒐᔨᑕᑯᑕᑦ ᒋᓴᒪᓂᑐᐤ ᑕᓐ ᑲ ᐎ ᐃᑐᑕᐧᒃ, ᐊᔪᐅᒄ ᐅᔭ ᐊᓐᑕ ᐅᒪᒧᐊᔭᒥᐊᐛ ᐊ ᑕᔨᒋ ᒐᒋ ᐅᒋ ᒋᔅᒐᔨᑎᒥᐊᑦ ᐊᓂᔭ ᑲ ᑎᐸᔨᒋᒐᔨᒋ ᑭᔭ ᑲ ᓱᒐᔨᑕᑯᓯᔨᒋ ᐃᔅᐱᒥᒡ ᐊ ᑕᔨᒋ ᑕᓐ ᐊ ᐃᓯ ᓂᓇᐧᑯᐤ ᐃᑕᔨᑕᑯᓂᔨᒡ ᐅᑭᒐᑕᐛᔨᑎᒧᐅᓐ᙮

ᐃᐱᓯᔭᓇ 5:32

ᐊᓐ ᒪᒃ ᑲ ᐃᓯ ᒥᓯᓇᐃᑭᓄᐅᒡ ᐊᑐᐎᔅ ᑎᑯᓐ ᐊ ᐃᓯ ᐎᑎᒪᒐᒥᑲᒡ᙮ ᓂᔾ ᑭᑈ ᐊ ᐃᓯ ᓂᔅᑐᑎᒪᓐ, ᙭ ᑭᔭ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᔨᒧᒪᑭᓄᐎᒡ ᐊᓐᑕ᙮

ᑯᓚᓯᔭᓇ 1:18

ᐎᔾ ᓂᑲᓂᔅᑭᒻ ᐎᔪᐤ, ᐊᐅᑯᓂ ᐅᔭ ᐅᒪᒧᐊᔭᒥᐊᐛ᙮ ᐎᔾ ᓇᔅᒡ ᓂᔅᑎᒻ ᒋ ᑕᐤ ᙭ ᑭᔭ ᐎᔾ ᓇᔅᒡ ᓂᔅᑎᒻ ᑲ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒡ, ᑭᔭ ᒥᓯᐛ ᒐᒂᓐ ᑕᓐ ᐊ ᐃᓯ ᑎᒂᒡ ᐎᔾ ᓇᔅᒡ ᓂᑲᓐ ᐃᑕᔨᑕᑯᓱᐤ᙮

1 ᑎᒧᑎ 3:15

ᐊᑲ ᒪᒃ ᐎᐱᒡ ᑎᑯᓯᓂᔭᓇ, ᐅ ᑲ ᒥᓯᓇᐊᒪᑎᑯᒡ ᐊᐅᒄ ᐅ ᒐ ᐎᒋᐃᑯᔭᒄ ᒐᒋ ᒋᔅᒐᔨᑎᒪᒄ ᑕᓐ ᒋᐸ ᐃᑕᔨᑕᑯᓯᓇᓄᐤ ᐊᓐᑕ ᐊ ᐃᓯ ᐸᐃᑯᑕᐅᓯᔭᐧᒄ ᒋᓴᒪᓂᑐᐤ ᐊ ᑕᑦ᙮ ᐛᔅ ᐅ ᐊ ᐃᓯ ᐸᐃᑯᑕᐅᓯᔭᐧᒄ ᐊᐅᒄ ᐅᔭ ᐅᑦ ᐊᔭᒥᐊᐅᒋᐛᑉ ᐊᓐ ᑲ ᐱᒪᑎᓯᑦ ᒋᓴᒪᓂᑐᐤ ᑭᔭ ᐊᑯᑕ ᐛᒋ ᐊᔨᒋᑲᐳᐅᔭᐧᒄ ᑭᔭ ᐊᐅᒄ ᐛᒋ ᐃᔭᐃᑕᔨᑕᑯᓯᔭᐧᒄ ᑕᑈᐅᓂᒡ ᐃᔅ᙮

1 ᑎᒧᑎ 3:5

ᐛᔅ ᐊᐛᓐ ᒐ ᐊᑲ ᒋ ᒥᔪ ᓂᓇᑭᑐᐛᔨᑎᒥᐃᑯᒂ ᐊᓐᑕ ᐊ ᐸᐃᑯᔅᑲᓇᓯᑦ ᑕᓐᑕ ᒐᒋ ᐅᒋ ᒥᔪ ᓂᓇᑭᑐᐛᔨᒪᑦ ᐊᓂᔭ ᒋᓴᒪᓂᑐᐛ ᐅᑦ ᐃᔨᒥᔨᐛ᙮

ᐃᑉᕈᐛ 12:28

ᐊᐅᒄ ᒪᒃ ᐅᔭ ᒋᐸ ᐅᒋ ᓂᓇᔅᑯᒪᓄᐤ ᒋᓴᒪᓂᑐᐤ ᐊ ᒥᔨᑕᐧᒄ ᒋᓴᐅᒋᒪᐅᓂᔪᐤ ᐊᓐ ᐊᑲ ᓂᑕ ᒐᒋ ᐃᑐᑕᑭᓄᐅᒡ ᒐᒋ ᐊᒋᐱᔨᒡ᙮ ᐊᑯ ᒪᒃ ᐊᔭᒥᐊᔅᑐᐛᑕᐤ ᐊᓂᔭ ᐎᔾ ᐊ ᐃᓯ ᓂᑐᐛᔨᒥᑕᐧᒄ ᒐᒋ ᐃᓯ ᐊᔭᒥᐊᔅᑐᐛᐧᒄ ᑭᔭ ᒐᒋ ᒥᔪ ᐊᑐᔅᑯᐅᐛᐧᒄ ᓇᔅᒡ ᐊ ᒋᔅᑕᔨᒪᐧᒄ᙮

ᒋᔅᒐᔨᑕᑯᑕᒐᐅᓐ 11:15

ᐊᑯ ᒥᓐ ᑯᑎᒃ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᐊᐅᒄ ᐅ ᓂᔄᐅᑕᒡ ᐊ ᑕᑦ ᐊᓐᒋᓐ᙮ ᓂᒋ ᐸᑐᐛᐅᒡ ᒪᒃ ᐊᐛᓐᒋ ᐊ ᒋᔄᐛᒡ, ᐊᓐᑕ ᒋᒋᒋᓯᑯᒡ ᐊ ᐃᔨᒥᒡ ᐊ ᐃᔅᒋᔄᒡ, “ᐊᐅᑯᐤ ᐛᑎᓂᒪᓱᑦ ᒋᑎᐸᔨᒋᒐᓯᒥᓄᐤ ᑭᔭ ᐊᓂᔭᔪᐛ ᑲ ᐸᒋ ᐃᑎᓴᐛᑦ ᒐᒋ ᐅᒋᒪᐅᔨᒋ ᐅᑕ ᐊᔅᒋᒡ᙮ ᐎᔾ ᒪᒃ ᐅᑎᐸᔨᒋᒐᐤ ᒋᑭ ᐅᒋᒪᐤ ᑲᒋᒡ ᑭᔭ ᑲᒋᒡ᙮”

ᒋᔅᒐᔨᑕᑯᑕᒐᐅᓐ 21:14

ᒋ ᓂᓱᓴᐳᐅᒡ ᐊ ᒪᒥᒐᐱᔅᒋᓯᒡ ᐊᓯᓂᔨᒡ ᐊᓐᑕ ᑲ ᑕᒋᑲᐳᐅᒡ ᐊᓐ ᒥᓯᐛ ᑲ ᐃᓯ ᐛᔅᑲᑲᐳᐅᒡ ᐊᓐᑕ ᐅᑕᓇᒡ᙮ ᐅᒡ ᒪᒃ ᐊᓯᓂᔨᒡ, ᐊᑯᑕ ᑲ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐛ ᐊᓐᒡ ᑲ ᓂᓱᓴᐳᒡ ᐊᑈᔅᑕᓇᒡ ᐊᓂᔭᔪᐛ ᒪᔭᑕᓂᔅ ᑲ ᐅᑎᓇᑦ᙮