ᒪᑎᔪᐤ 16:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐊᑯ ᒋᓴᔅ ᐊᑕᑦ ᐊᓂᔭ ᐱᑕᕋ, “ᒋ ᓱᐛᔨᑕᑯᓯᓐ ᓴᐃᒥᓐ, ᒠᓐ ᐅᑯᓴ, ᐛᔅ ᐅ ᑲ ᐃᓯ ᒋᔅᒐᔨᒥᔨᓐ, ᓇᒪ ᐃᔪᐤ ᒋ ᐅᒋ ᐎᑎᒪᒄ, ᓄᑕᐎᔾ ᒋᒋᒋᓯᑯᒡ ᐊ ᑕᑦ ᐊᑯᑕ ᑲ ᐅᒋ ᒥᔨᑯᔨᓐ ᐅ ᒐᒋ ᐃᓯ ᒋᔅᒐᔨᒥᔨᓐ᙮

ᒪᑎᔪᐤ 16:17 ပူးပေါင်းရင်းမြစ်များ

ᓗᒃ 22:32

ᔅᒋ ᐊᔭᒥᐊᔅᑎᒪᑎᓐ ᒪᒃ ᒋᔾ ᒐ ᐊᑲ ᒋ ᐳᓂᔨᓐ ᐊ ᑕᑈᑎᒥᓐ᙮ ᐃᔅᐱ ᒪᒃ ᒋ ᑯᒂᒋᐃᔅᒐ ᒥᒋᒥᓂᑐᐤ ᒥᓐ ᒪᒃ ᑲᐤ ᒐ ᐸᒋ ᓇᓯᔨᓐ ᒐ ᐊᔨᒋᑲᐳᐃᑥᐤ ᒋᐧᑲᓂᓯᒡ ᑕᑈᑎᒧᐅᓂᒡ ᐃᔅ᙮”

ᒠᓐ 1:42

ᐊᑯ ᒂ ᐃᑐᑕᐊᑦ ᓴᐃᒥᓇ ᐊᓐᑕ ᒋᓴᓴ ᐊ ᑕᔨᒋ᙮ ᒋᓴᔅ ᒪᒃ ᒋ ᑭᓄᐛᐱᒪᐤ ᐊᓂᔭ ᓴᐃᒥᓇ ᐊᑯ ᒂ ᐃᑕᑦ, “ᒋᔾ ᓴᐃᒥᓐ, ᒠᓐ ᐅᑯᓴ, ᓯᐸᔅ ᒋᑭ ᐃᓯᓂᐧᑲᓱᓐ᙮” ᓯᐸᔅ ᐊ ᐱᔭᑭᔅᒋᑕᑯᓯᓇᓄᐅᒡ ᐱᑕᕐ ᒪᒃ ᐊᓯᓂᔾ ᐃᓇᓄᐤ᙮

ᒠᓐ 6:45

ᒪᐅᔭ ᑲ ᐃᑎᓯᓇᐃᒐᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᒋᓴᒪᓂᑐᐤ ᒋᑭ ᒋᔅᑯᑎᒧᐛᐤ ᒥᓯᐛ ᐊᐛᔪᐛ᙮ ᒥᓯᐛ ᒪᒃ ᐊᓐᒡ ᑲ ᐸᑐᐛᒡ ᑭᔭ ᑲ ᒋᔅᑯᑎᒪᑯᒡ ᓄᑕᐎᔭ ᓂᑭ ᐸᒋ ᓇᑎᑯᒡ᙮

1 ᑯᕆᓐᑎᔭᓇ 15:50

ᒪᐅ ᐛ ᐃᓯ ᐎᑎᒪᑎᑯᒡ ᓂᐧᑲᓂᓯᑐᒄ᙮ ᐅᔭ ᒋᔭᓄᐛ ᑲ ᐎᔭᓱᐅᒋ ᑭᔭ ᑲ ᒥᐧᑯᐅᒋ ᓇᒪ ᒋᑭ ᒋ ᑎᑯᓇ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ, ᑭᔭ ᐊᓐ ᒐᒂᓐ ᒐ ᓂᐱᒥᑲᒡ ᑲ ᐅᓯᑕᑭᓄᐅᒡ ᓇᒪ ᑲᒋᒡ ᒋᑭ ᒋ ᐱᒪᑎᓯᒥᑭᓐ᙮

ᑲᓚᓯᔭᓇ 1:16

ᐊᑯᑕ ᑲ ᐃᑐᑐᐅᑦ ᒐᒋ ᒋᔅᒐᔨᒥᒡ, ᐊᓐᑕ ᒐᒋ ᐅᒋ ᐊᑎ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ᙮ ᒪᒂᒡ ᒪᒃ ᐊᓐ ᑲ ᐃᔅᐱᔨᒡ ᓇᒪ ᐊᐛᓐ ᓂ ᐅᒋ ᑯᒂᒋᒪᐤ ᑕᓐ ᒐ ᐃᑐᐅᒡ᙮

ᐃᐱᓯᔭᓇ 2:8

ᒋᓴᒪᓂᑐᐤ ᓴᒐᔾ ᔅᒋ ᓱᐛᔨᒥᑯᐛᐤ ᑲ ᐱᒪᒋᐃᑕᒄ ᐊᓐ ᐊ ᑕᑈᑎᒪᒄ ᐅᒡ᙮ ᓇᒪᐎᔾ ᐎ ᒋᔨᐛᐤ ᐅᒋ ᑲ ᐅᒋᐱᔨᒡ ᒐᒋ ᐱᒪᒋᐅᔭᒄ᙮ ᒋᓴᒪᓂᑐᐤ ᐅᔭ ᐅᒥᔨᐛᐅᓐ᙮

ᐃᐱᓯᔭᓇ 3:5

ᐛᔅᑭᒡ ᐊᓐᑕ ᓇᒪ ᐅᒋ ᒥᔭᑭᓄᐎᒡ ᐊᐛᓐᒋ ᒐᒋ ᒋᔅᒐᔨᑕᒡ ᐅᔭ᙮ ᐊᓄᒡ ᒪᒃ ᒋᓴᒪᓂᑐᐤ ᒋ ᐎᑎᒧᐛᐤ ᑲ ᐸᔭᒋᓯᔨᒋ ᐅᑦ ᐊᑈᔅᑕᓂᒪ ᑭᔭ ᐅᒋᔅᒋᐛᐃᒐᓯᒪ ᐅᔭ ᐅᑦ ᐊᒐᒂ ᐅᒋ᙮

ᐃᐱᓯᔭᓇ 6:12

ᐛᔅ ᑕᐸ ᐃᔪᒡ ᒋᒪᓯᐊᓄᐅᒡ᙮ ᒥᒋ ᐊᒐᐧᑯᒡ ᑲ ᑎᐸᔨᒋᒐᒡ ᒋᒪᓯᐊᓄᐅᒡ ᑭᔭ ᐊᓐᒡ ᓇᔅᒡ ᑲ ᓱᒐᔨᑕᑯᓯᒡ ᑭᔭ ᐊᓐᒡ ᑲ ᓂᑲᓂᔅᑲᒡ ᐅᓂᑎᐱᔅᒋᓯᐅᓂᔪᐤ ᐅᑕ ᐊᔅᒋᒡ ᐊ ᑎᑯᓂᔨᒡ᙮ ᒋᒪᓯᐊᓄᐅᒡ ᑭᔭ ᐊᓐᒡ ᒥᒐᑦ ᒥᒋ ᐊᒐᐧᑯᒡ ᐊᓐᑕ ᐃᔅᐱᒥᒡ ᐊ ᑕᒡ᙮

ᐃᑉᕈᐛ 2:14

ᐃᔪᐛ ᐊᓂᔭᔪᐛ ᑲ ᐃᑕᑦ ᐊᓂᔭ ᑲ ᐃᔅᒋᔄᑦ ᓂᑦ ᐊᐛᓯᒥᒡ᙮ ᒋᓴᔅ ᑭᔭ ᐎᔾ ᒋᒋᐛ ᓇᔅᒡ ᐃᔪᐛ ᒋ ᐃᓯᓇᑯᓱᐤ ᑭᔭ ᓇᔅᒡ ᐃᔪᐛ ᒋ ᐃᑕᔨᑕᑯᓱᐤ᙮ ᐊᐅᒄ ᐅᔭ ᐃᔪᐛ ᐛᒋ ᑕᑦ ᒐᒋ ᓂᐱᑦ, ᒐᒋ ᐅᒋ ᓴᐧᑯᒋᐊᑦ ᒥᒋᒥᓂᑐᐛ, ᐊᓂᔭ ᑲ ᑎᐸᔨᑎᒥᔨᒋ ᓂᐳᐅᓂᔪᐤ᙮

1 ᐱᑕᕐ 5:1

ᒪᐅᔭᔪᐤ ᐛ ᐃᑎᒂᐤ ᐊᓐᒡ ᑲ ᐎᒋᐃᐛᒡ ᐊ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ ᐊᓐᑕ ᐊ ᑕᔭᒄ ᐊ ᑕᒡ ᐛᔅ ᑭᔭ ᓂᔾ ᓂᐎᒋᐃᐛᓐ ᐊ ᐱᒥᐱᔨᑕᑭᓄᐅᒡ ᐊᔭᒥᐊᐅᒋᐛᑉ᙮ ᓂᑭ ᒋ ᑎᐸᑐᑎᒺᓐ ᑭᔭ ᑕᓐ ᑲ ᐃᓯ ᓂᓇᐧᑲᑕᔨᒧᐊᑭᓄᐅᑦ ᙭ ᑭᔭ ᓂᑭ ᒋᔅᑕᔨᑕᑯᐃᑯᐅᓐ ᑭᔭ ᓂᔾ ᐃᔅᐱ ᓄᑯᑕᑭᓄᔨᒐ ᐊᓐᑕ ᙭ ᒐ ᒋᔅᑕᔨᑕᑯᐊᑭᓄᐅᑦ᙮ ᒪᐅᔭᔪᐤ ᐛ ᐃᑎᒂᐤ,

1 ᒠᓐ 4:15

ᐊᓐ ᐊᐛᓐ ᒐ ᐎᑎᒧᒂ ᒋᓴᓴ ᐊ ᐊᐎᔨᒋ ᒋᓴᒪᓂᑐᐛ ᐅᑯᓯᔪᐛ, ᒋᓴᒪᓂᑐᐛ ᐱᒋᔅᑲᑯᐤ, ᐎᔾ ᑭᔭ ᐱᔅᑯᐛᐤ ᒋᓴᒪᓂᑐᐛ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮