ᒪᑎᔪᐤ 16:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᒋᓴᔅ ᒋ ᐃᑐᑕᐤ ᐊᓐᑕ ᐛᔅᑲ ᐊᓂᔭ ᐊᔅᒋᔪᐤ ᓯᓴᕆᔭ ᐱᓕᐸᐃ ᑲ ᐃᓯᓂᐧᑲᑕᔨᒡ ᐊᑯ ᒂ ᑯᒂᒋᒪᑦ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᐊᐛᔪᐛ ᐃᔪᐤ ᐅᑯᓯᓴᓇ ᐊ ᐃᓯ ᐊᔭᐛᔨᒪᒡ ᐃᔪᒡ ?”

ᒪᑎᔪᐤ 16:13 ပူးပေါင်းရင်းမြစ်များ

ᒪᑎᔪᐤ 12:32

ᒥᓯᐛ ᐊᐛᓐ ᑲ ᒪᔭᔨᒪᑦ ᐃᔪᐤ ᐅᑯᓯᓴᓇ ᒋᑭ ᒋ ᐛᐸᔨᑎᒧᐛᑭᓄᐤ᙮ ᓇᒪ ᓂᑕ ᒋᑭ ᒋ ᐛᐸᔨᑎᒧᐛᑭᓄᐤ ᐊᐛᓐ ᒪᔭᔨᒪᒐ ᑲ ᐸᔭᒋᓯᔨᒋ ᐊᒐᒂ᙮”

ᒪᑎᔪᐤ 12:40

ᒧᔭᒻ ᒍᓇ ᑲ ᐃᔅᐱᔅ ᑕᑦ ᐊᓐᑕ ᒥᔅᑎ ᓂᒪᓴ ᐎᑕᔨᒡ ᓂᔅᑐ ᒋᓯᑲᐛ ᑭᔭ ᓂᔅᑐ ᑎᐱᔅᑲᐛ, ᐊᐅᑯᓐ ᑭᔭ ᐃᔪᐤ ᐅᑯᓯᓴᓐ ᒐ ᐃᔅᐱᔅ ᒋ ᓇᐃᐧᑯᐛᑭᓄᐅᑦ ᐊᓐᑕ ᐃᔅ ᐊᔅᒋᒡ᙮

ᒪᑎᔪᐤ 12:8

ᐛᔅ ᐃᔪᐤ ᐅᑯᓯᓴᓐ, ᐛᐛᒡ ᐊ ᐊᔭᒥᐊᐅᒋᓯᑲᔨᒡ ᑎᐸᔨᑎᒻ᙮”

ᒪᑎᔪᐤ 13:37

ᐊᑯ ᒋᓴᔅ ᐊᑕᑦ, “ᐊᓐ ᓇᐸᐤ ᑲ ᓂᑕᐅᒋᐊᑦ ᑲ ᒥᔪᓯᔨᒋ ᓂᑕᐅᒋᑕᑭᓇ ᐊᐅᒄ ᐃᔪᐤ ᐅᑯᓯᓴᓐ᙮

ᒪᑎᔪᐤ 13:41

ᐃᔪᐤ ᐅᑯᓯᓴᓐ ᒋᑭ ᐃᑎᓴᐛᐤ ᐅᑦ ᐊᓐᒋᓂᒪ ᒐᒋ ᓇᒋ ᒪᒧᓴᒋᓂᒐᔨᒋ ᐊᓐᑕ ᐅᒋᓴᐅᒋᒪᐅᓂᔨᒡ ᐅᒡ ᐊᓂᔭ ᑲ ᐃᑐᑐᐛᔨᒋ ᑯᑎᑲ ᐊᐛᔪᐛ ᒐᒋ ᒥᒋᑐᑎᒥᔨᒋ ᑭᔭ ᒥᓯᐛ ᐊᓂᔭ ᐊᐛᔪᐛ ᑲ ᒥᒋᐱᒪᑎᓯᔨᒋ᙮

ᒪᑎᔪᐤ 15:21

ᐊᑯ ᒋᓴᔅ ᒂ ᔅᑐᑕᑦ ᐊᓐᑕ ᐅᒋ, ᐊᓐᑕ ᐃᑕᒐ ᒂ ᐃᑐᑕᑦ ᐊᓂᔭ ᐊᔅᒋᔪᐤ ᐛᔅᑲ ᑲ ᑎᑯᓂᔨᒋ ᐊᓂᔭ ᐅᑕᓇᐛ ᑕᐃᕋ ᑭᔭ ᓴᐃᑐᓐ ᑲ ᐃᓯᓂᐧᑲᑕᔨᒋ᙮

ᒪᑎᔪᐤ 16:27

ᐛᔅ ᐃᔪᐤ ᐅᑯᓯᓴᓇ ᒋᑭ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ᐎᒐᐅᑯᔨᒋ, ᑭᔭ ᒐ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ᐃᑐᑎᒥᔨᒋ᙮

ᒪᑎᔪᐤ 16:28

ᒋ ᐎᑎᒪᑎᓇᐛᐤ, ᑕᑈ ᐊ ᑕᒡ ᐅᑕ ᐊᐛᓐᒋ ᐊᔅᒄ ᒐ ᐱᒪᑎᓯᒡ ᐃᔅᐱ ᐅᑎᒋᐱᔨᒐ ᒐ ᑎᑯᓯᓂᔨᒋ ᐃᔪᐤ ᐅᑯᓯᓴᓇ ᒐ ᐸᒋ ᒋᓴᐅᒋᒪᐎᔨᒋ᙮”

ᒪᑎᔪᐤ 25:31

“ᐊᓐᑕ ᒪᒃ ᓂᑲᓐ ᐃᔅᐱ ᐃᔪᐤ ᐅᑯᓯᓴᓐ ᑎᑯᓯᓐᒐ ᓇᔅᒡ ᐊ ᒋᔅᑕᔨᑕᑯᓯᑦ ᑭᔭ ᐊ ᓱᒐᔨᑕᑯᓯᑦ ᒥᓯᐛ ᐊᓐᒋᓇ ᐊ ᐸᒋ ᐎᒐᐛᑦ, ᐊᑯ ᒐ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐊᓐᑕ ᒐᒋ ᐅᒋ ᑎᐸᔅᑯᓇᑦ ᐊᐛᔪᐛ᙮

ᒪᑎᔪᐤ 8:20

ᐊᑯ ᒋᓴᔅ ᐊᑕᑦ, “ᒪᒐᓱᐅᒡ ᑎᑯᓂᔪᐛ ᐅᐛᑎᑯᐛᐛ, ᐱᔭᓯᓯᒡ ᑭᔭ ᑎᑯᓂᔪᐛ ᐅᔅᑎᓄᐛᐛ, ᒥᒄ ᒪᒃ ᐃᔪᐤ ᐅᑯᓯᓴᓐ ᓇᒪ ᐊᔭᐤ ᐊᓐᑕ ᒐᒋ ᐛᐛᔨᓯᓐᑦ ᒐᒋ ᐊᔅᑕᔭᔅᑯᓯᑦ᙮”

ᒪᑎᔪᐤ 9:6

ᒥᒄ ᒋᑭ ᐛᐸᑎᔨᑎᓇᐛᐤ ᐃᔪᐤ ᐅᑯᓯᓴᓐ ᑕᑈ ᐎᔾ ᐊᔭᑦ ᑎᐸᔨᒋᒐᐅᓂᔪᐤ ᐅᑕ ᐊᔅᒋᒡ ᒐᒋ ᐛᐸᔨᑎᒪᒐᑦ ᒥᒋᑥᐅᓇ,” ᐊᑯ ᐊᑕᑦ ᐊᓂᔭ ᐊᑲ ᐊᒋᔨᒋ ᓇᐸᐛ, “ᐱᓯᑯ, ᐅᑎᓇ ᒋᑦ ᐊᔅᐱᓯᒧᓐ, ᒐ ᒋᐛᔨᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:45

ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:38

ᐊᓐ ᐊᐛᓐ ᒐ ᓴᒂᔨᒧᑐᐅᒂ ᑭᔭ ᒐ ᓴᒂᔨᒧᐃᑯᒂ ᐊᓂᔭ ᓂᒋᔅᑯᑎᒪᒐᐅᓇ ᐊᓄᒡ ᐅᔭ ᒪᒂᒡ ᐊᔅᐱᔅ ᐊᑲ ᑯᐃᔅᒄ ᐃᑎᒡ ᐊᐛᓐᒋ ᑭᔭ ᐊᔅᐱᔅ ᒥᒐᑎᓯᒡ, ᑭᔭ ᐎᔾ ᐃᔪᐤ ᐅᑯᓯᓴᓇ ᒋᑭ ᓴᒂᔨᒧᐃᑯᐤ ᐃᔅᐱ ᑎᑯᓯᓂᔨᒐᓂ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔨᒡ ᐸᔭᒋ ᐊᓐᒋᓇ ᐊ ᐸᒋ ᐎᒐᐅᑯᔨᒋ᙮”

ᒠᓐ 1:51

ᐊᑯ ᒥᓐ ᒂ ᐊᑎ ᐃᔅᒋᔄᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᒋᑭ ᐛᐸᑕᓇᐛᐤ ᒋᒋᒋᓯᒄ ᐊ ᔪᑕᐱᔨᒡ, ᑭᔭ ᒋᓴᒪᓂᑐᐤ ᐅᑦ ᐊᓐᒋᓂᒪ ᐊ ᐅᐱᔨᒋ ᑭᔭ ᐊ ᐸᒋ ᔭᓯᑐᑐᐛᒡ ᐃᔪᐤ ᐅᑯᓯᓴᓇ᙮”

ᒠᓐ 12:34

ᐊᑯ ᐊᓐᒡ ᐊᐛᓐᒋ ᑲ ᑕᒡ ᐊᓐᑕ ᒋ ᐃᓯ ᐎᑎᒧᐊᐅᒡ ᐊ ᐃᑕᒡ, “ᓂ ᐎᑎᒪᑯᐅᓇᓐ ᐊᓐᑕ ᓂᐎᓱᐛᐅᓇᒡ ᙭ ᑲᒋᒡ ᒐ ᐱᒪᑎᓯᑦ᙮ ᒐᒂᓐ ᒪᒃ ᐛᒋ ᐃᔅᒋᔄᔨᓐ, ᐃᔪᐤ ᐅᑯᓯᓴᓐ ᒐ ᓂᐸᐊᑭᓄᐅᑦ ? ᐊᐛᓐ ᐊᓐ ᐃᔪᐤ ᐅᑯᓯᓴᓐ ᑲ ᐃᓯᓂᐧᑲᑕᑭᓄᐅᑦ ?”

ᒠᓐ 3:14

ᒧᔭᒻ ᐊᓂᔭ ᑲ ᐃᑎᑦ ᒧᓱᔅ ᒪᒂᒡ ᐸᐧᑯᑎᔅᑭᒥᑲᒡ ᑲ ᑕᒡ ᑲ ᒋᑭᒺᐊᑦ ᒋᓇᐱᑯᐧᑲᓇ ᒥᔅᑎᑯᒡ ᒥᓯᐛ ᐊᐛᔪᐛ ᒐᒋ ᐛᐱᒪᔨᒋ, ᐊᐅᑯᓐ ᒧᔭᒻ ᒐ ᐃᑐᑐᐛᑭᓄᐅᑦ ᐃᔪᐤ ᐅᑯᓯᓴᓐ᙮

ᒠᓐ 5:27

ᒋ ᒥᔭᐤ ᑭᔭ ᐅᑯᓯᓯᒪᐛ ᑎᐸᔨᒋᒐᐅᓂᔪᐤ ᒐᒋ ᑎᐸᔅᑯᓂᒐᔨᒋ ᐛᔅ ᐎᔾ ᐊᐅᒄ ᐃᔪᐤ ᐅᑯᓯᓴᓐ᙮”

ᐊᑈᔅᑕᓇᒡ 10:38

ᔅᒋ ᐸᑕᓇᐛᐤ ᒋᓴᔅ ᓇᓴᕆᑎᒡ ᑲ ᐅᒋᑦ ᐊᒋ ᑐᒥᓂᑯᑦ ᒋᓴᒪᓂᑐᐛ ᑭᔭ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᑭᔭ ᑲ ᐸᔭᒋᓯᔨᒋ ᐊᒐᒂ᙮ ᒥᒄ ᒪᒃ ᑕᓐᑕ ᑲ ᐊᑎ ᐃᑕᑦ ᒋ ᒥᔪᑐᑎᒪᒐᐤ ᑭᔭ ᒋ ᒥᓏᒋᐊᐤ ᐊᓂᔭ ᐃᔪᐛ ᒥᒋᒥᓂᑐᐛ ᑲ ᓂᓇᐧᑲᒋᐃᑯᔨᒋ ᐛᔅ ᒧᔅ ᒋ ᐎᒐᐅᑯᐤ ᒋᓴᒪᓂᑐᐛ᙮”

ᐊᑈᔅᑕᓇᒡ 7:56

ᒋ ᐃᑕᐤ ᒪᒃ ᔅᑎᐱᓐ, “ᑭᓄᐛᐸᑎᒧᒄ ᒪ, ᓂ ᐛᐸᑕᓐ ᒋᒋᒋᓯᒄ ᐊ ᔪᑕᐱᔨᒡ ᑭᔭ ᓂ ᐛᐱᒪᐤ ᐃᔪᐤ ᐅᑯᓯᓴᓐ ᐊ ᓂᐳᐅᑦ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮”