ᒪᑎᔪᐤ 15:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᐊᑯ ᒋᓴᔅ ᐊᑕᑦ, “ᐃᔎᐤ, ᑕᑈ ᓱᒋᓯᒥᑭᓐ ᒋᑕᑈᑎᒧᐅᓐ᙮ ᒋᑭ ᐃᓯ ᐃᑐᑎᒪᑯᐅᓐ ᒪᒃ ᑕᓐ ᐊ ᐃᓯ ᐱᑯᓴᔨᑎᒥᓐ᙮” ᑎᐛᒡ ᒪᒃ ᒋ ᒥᓏᑎᓯᔪᐛ ᐊᓂᔭ ᐅᑕᓂᓴ ᐊᓐ ᐃᔎᐤ᙮

ᒪᑎᔪᐤ 15:28 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 145:19

ᒋᑭ ᑎᐱᐸᔨᑕᐤ ᐊ ᐃᓯ ᓂᑐᐛᔨᑎᒥᔨᒋ ᐊᓂᔭᔪᐛ ᑲ ᓇᓂᒋᔅᑕᑯᑦ: ᒋᑭ ᓂᑐᑐᐛᐤ ᒪᒃ ᐊ ᒪᑕᑯᑦ, ᑭᔭ ᒋᑭ ᐱᒪᒋᐊᐤ:

ᒪᑎᔪᐤ 14:31

ᑎᐛᒡ ᒪᒃ ᒋᓴᔅ ᒋ ᓱᐎᓂᔅᒐᔪᐤ, ᒂ ᒪᑯᓇᑦ ᐊᑯ ᐊᑕᑦ, “ᒐᒂᓐ ᐛᒋ ᐳᓂᔨᓐ ᐊ ᑕᑈᑎᒥᓐ ᒐᒋ ᑐᑕᑕᓐ ᒐᒋ ᐱᒧᑕᔨᓐ ᓂᐱᒡ ?”

ᒪᑎᔪᐤ 15:27

ᐊᑯ ᐊᓐ ᐃᔎᐤ ᐊᑕᑦ, “ᒋ ᑕᑈᓐ ᐅᑎᐸᔨᒋᒐᐤ, ᒥᒄ ᒪᒃ ᐃᔭᐱᒡ ᒥᒍᐛᐅᒡ ᐊᑎᒧᒡ ᐅᒋᒪᒧᐛᐛ ᐅᐱᓂᑐᐛᓂᔪᐤ ᐊ ᐸᒋᑎᓂᔨᒡ ᐊᓐᑕ ᓯᐸ ᐅᒥᒋᓱᐛᑭᓇᑎᑯᔨᒡ᙮”

ᒪᑎᔪᐤ 8:10

ᐃᔅᐱ ᒪᒃ ᒋᓴᔅ ᐱᔭᑐᐛᑦ ᐅᔭ ᐊ ᐃᔅᒋᔄᔨᒋ ᓇᔅᒡ ᑕᑈ ᒋ ᒥᔅᑲᑕᔨᑎᒥᐃᑯᐤ ᐅᑕᑈᑎᒧᐅᓂᔪᐤ᙮ ᐊᑯ ᐊᑕᑦ ᐊᓂᔭ ᐊᐛᔪᐛ ᑲ ᐎᒐᐅᑯᑦ, “ᑕᑈ ᒋᑦ ᐃᑎᓇᐛᐤ, ᓇᒪᐎᔾ ᐛᐛᒡ ᐅᑕ ᐃᔅᕋᐃᓕᒡ ᓂ ᐅᒋ ᐛᐱᒪᐤ ᐊᐛᓐ ᐊᔅᐱᔅ ᓱᒋᑕᑈᑕᐧᒃ᙮

ᒪᑎᔪᐤ 8:13

ᐊᑯ ᒋᓴᔅ ᐊᑕᑦ ᐊᓂᔭ ᐊᓯᒪᑭᓂᓯᐤ ᐅᒋᒪᐛ, “ᒋᐛ, ᐛᔅ ᑕᓐ ᑲ ᐃᓯ ᑕᑈᑎᒥᓐ ᐊᑯᓐ ᒐ ᐃᓯ ᐃᑐᑎᒪᑯᔨᓐ᙮” ᒪᒂᒡ ᒪᒃ ᐊᓂᔭ ᑲ ᐃᑕᑦ ᐊᓯᒪᑭᓂᓴ, ᐊᑯᑕ ᒧᔭᒻ ᐊᓂᔭ ᑎᐸᐃᑭᓂᔪᐤ ᑲ ᒥᓏᑎᓯᔨᒋ ᐊᓂᔭ ᐅᑦ ᐊᐱᒋᐊᑭᓇ ᐊᓐ ᐊᓯᒪᑭᓂᓯᐤ ᐅᒋᒪᐤ᙮

ᒪᑎᔪᐤ 9:22

ᐊᑯ ᒋᓴᔅ ᑲ ᒂᔅᒋᑲᐳᐅᑦ, ᐃᔅᐱ ᒪᒃ ᐎᔭᐱᒪᑦ ᐊᓂᔭ ᐃᔎᐛ ᐊᑯ ᐊᑕᑦ, “ᒥᔽᔨᑕ ᓂᑕᓂᔅ, ᒋᑕᑈᔭᔨᑎᒧᐅᓐ ᒋ ᒥᓏᒋᐃᑯᓐ᙮” ᑎᐛᒡ ᒪᒃ ᒋ ᒥᓏᑎᓯᐤ ᐊᓐ ᐃᔎᐤ ᐊᓂᔭ ᑲ ᐃᑕᔅᐱᓇᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:34

ᐊᑯ ᒋᓴᔅ ᒂ ᐃᑕᑦ ᐅᔭ ᐃᔎᐛ, “ᓂᑕᓂᔅ, ᒋᑕᑈᑎᒧᐅᓐ ᒋ ᒥᓏᒋᐃᑯᓐ᙮ ᒪᒋ ᒪᒃ ᒋᔭᒪᔨᑎᒧᐅᓐ ᐊᔭ᙮ ᐛᔅ ᓴᔅ ᑕᑈ ᒋ ᒥᓏᑎᓯᓐ᙮”

ᓗᒃ 17:5

ᒋᓴᔅ ᐅᑦ ᐊᑈᔅᑕᓂᒪ ᒋ ᐃᑎᑯᐤ, “ᐅᑎᐸᔨᒋᒐᐤ, ᑐᑕ ᒪ ᓂᑕᑈᑎᒧᐅᓇᓇ ᐊᑐᐎᔅ ᒐᒋ ᓱᒐᔨᑕᒂᒋ᙮”

ᓗᒃ 7:50

ᒋᓴᔅ ᒪᒃ ᒋ ᐃᑕᐤ ᐊᓂᔭ ᐃᔎᐛ, “ᒋᑕᑈᑎᒧᐅᓇ ᒋ ᐱᒪᒋᐃᑯᓐ᙮ ᒪᒋ ᒪᒃ ᒋᔭᒪᔨᑎᒧᐅᓐ ᒐ ᐊᔭᔨᓐ᙮”

ᓗᒃ 7:9

ᐃᔅᐱᔅ ᒋᓴᔅ ᐱᔭᑕᐧᒃ ᐅᔭ ᓇᔅᒡ ᑕᑈ ᒋ ᒪᒥᒋᐃᑯᐤ ᐅᑕᑈᑎᒧᐅᓂᔪᐤ᙮ ᐊᑯ ᒂ ᒂᔅᒋᑲᐳᔅᑐᐛᑦ ᐊᓂᔭ ᑲ ᓇᓴᐅᑯᑦ ᒂ ᐃᑕᑦ, “ᒋᑦ ᐃᑎᓇᐛᐤ, ᓇᒪ ᐛᐛᒡ ᐅᑕ ᐃᔅᕋᐃᓕᒡ ᐊᔅᒄ ᓂ ᐅᒋ ᐛᐱᒪᐤ ᐊᐛᓐ ᐊ ᐃᔅᐱᔅ ᓱᒋᑕᑈᑕᐧᒃ᙮”

2 ᑕᓴᓗᓂᔭᓇ 1:3

ᓂᐧᑲᓂᓯᑐᒄ, ᐃᑕᔨᑕᑯᓐ ᒧᔅ ᒐᒋ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ ᐛᔅ ᐊᑐᐎᔅ ᒋᑦ ᐊᑎ ᑕᑈᐅᒐᔨᒪᐛᐤ ᙭ ᑭᔭ ᐊᔭᔅᒃ ᐊᑐᐎᔅ ᒋ ᓴᒋᐃᑐᓇᐛᐤ᙮