ᒪᑎᔪᐤ 15:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᐃᔎᐤ ᒪᒃ ᒋ ᐎᒍᐤ ᐊᓐᑕ ᑲᐃᓇᓐ ᐊᒋ ᐅᒋᑦ, ᐊᔪᑯᓂ ᐅᔭ ᑲ ᐸᒋ ᓂᑐᐛᐱᒥᑯᑦ ᒋᓴᔅ, ᐊ ᑕᑈᔨᒋ ᐊ ᐃᑎᑯᑦ, “ᐅᑎᐸᔨᒋᒐᐤ, ᐊᓂᔭ ᒋᓴᐅᒋᒪᐤ ᑎᐱᑦ ᐅᑯᓴ, ᐸᒋ ᒋᔅᑎᒪᒐᔨᒥ ᒪ᙮ ᓂᑕᓂᔅ ᓇᔅᒡ ᑕᑈ ᐛᐎᓯᒐᔨᑎᒥᐃᑯᐤ ᒥᒋ ᐊᒐᒂ ᐊ ᐱᒋᔅᑲᑯᑦ᙮”

ᒪᑎᔪᐤ 15:22 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 4:1

ᓂᑐᑐᐎ ᐃᔅᐱ ᑎᔭᑈᔭᓂ, ᐅ ᒋᓴᒪᓂᑐᐤ ᐊᓐᑕ ᐛᒋᐱᔨᒡ ᓂᑯᐃᔅᑯᑕᑎᓯᐅᓐ: ᔅᒋ ᒋᔅᑎᒪᒐᔨᒥᓐ ᒪᒂᒡ ᑲ ᐊᔨᒥᓯᐛᐱᓇ, ᒋᔅᑎᒪᒐᔨᒥ, ᓂᑐᑕ ᑭᔭ ᓂᑦ ᐊᔭᒥᐊᐅᓐ᙮

ᑎᐱᑦ ᐅᓂᑭᒧᐅᓇ 45:12

ᑕᐃᕐ ᐅᑕᓂᓴ ᒪᒃ ᐊᓐᑕ ᒋᑭ ᐸᑕᔪᐛ ᒥᔨᐛᐅᓂᔪᐤ; ᑭᔭ ᒥᒄ ᑲ ᐛᔪᑎᓯᒡ ᐃᔪᒡ ᒋᑭ ᓂᑐᐛᔨᑎᒧᒡ ᒋᒥᔪᒂᔅᑕᒐᐅᓂᔪᐤ᙮

ᑎᐱᑦ ᐅᓂᑭᒧᐅᓇ 6:2

ᒋᔅᑎᒪᒐᔨᒥ, ᐅ ᑎᐸᔨᒋᒐᓱᐤ, ᐛᔅ ᓂ ᐃᔨᔨᒥᓯᓐ: ᐅ ᑎᐸᔨᒋᒐᓱᐤ, ᒥᓏᒋᐃ, ᐛᔅ ᓂᐅᔅᑕᒪᒋᐅᓐ ᓂᔅᑭᓂᒡ᙮

ᒪᑎᔪᐤ 1:1

ᒋᓴᔅ ᙭ ᓂᑭ ᐊᔨᒧᒪᐤ᙮ ᓂᔅᑎᒻ ᐅᑦ ᐊᓂᔅᒐᓯᒪ ᐊ ᑕᔨᒋ ᓂᑭ ᐅᒋ ᒋᒋᐱᔨᓐ ᐊ ᐊᔨᒧᒥᒃ᙮ ᐊᓂᔭᐧᑲ ᒋᓴᐅᒋᒪᐛ ᑎᐱᑕ ᑭᔭ ᐊᓂᔭᐧᑲ ᐊᑉᕋᐊᒪ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐤ᙮

ᒪᑎᔪᐤ 15:23

ᒥᒄ ᒪᒃ ᓇᒪ ᓇᔅᒡ ᐅᒋ ᔅᑐᑕᐤ ᒋᓴᔅ ᐊᓂᔭ ᐃᔎᐛ᙮ ᐊᑯ ᐅᒋᔅᒋᓄᐊᒧᐛᑭᓇ ᑲ ᐸᒋ ᓂᑐᐛᐱᒥᑯᑦ, ᑲ ᐊᔨᐧᑭᒥᐃᑯᑦ ᐊ ᐃᑎᑯᑦ, “ᐃᒐᑎᓴᐅᐤ ᒪ ᐊᓐ ᐃᔎᐤ, ᒺᔅᑕᓯᑕᑯᓱᐤ ᐊᓂᔭ ᐊ ᐃᓯ ᐃᔨᒥᑦ ᐊ ᓇᓴᐅᑕᐧᒄ᙮”

ᒪᑎᔪᐤ 17:15

“ᐅᑎᐸᔨᒋᒐᐤ, ᒋᔅᑎᒪᒐᔨᒻ ᓂᑯᔅ᙮ ᐅᒋᐱᑎᑯᐤ ᒪᓐ, ᓇᔅᒡ ᓂᓇᐧᑲᑕᔨᒧᐤ ᐛᔅ ᒥᒐᑥᐤ ᒪᓐ ᒥᑐᔅᑕᐱᔪᐤ ᐃᔅᑯᑕᒡ ᑭᔭ ᒥᒐᑥᐤ ᐱᑭᔅᑐᐛᐱᔪᐤ ᓂᐱᒡ ᒪᒂᒡ ᐊᓂᔭ ᐊ ᐅᒋᐱᑎᑯᑦ᙮

ᒪᑎᔪᐤ 4:24

ᒋ ᑎᐸᒋᒪᑭᓄᐤ ᒪᒃ ᒥᓯᐛ ᐊᓐᑕ ᓯᕆᔭᒡ, ᒋ ᐸᓱᐛᐅᒡ ᒪᒃ ᒥᓯᐛ ᑲ ᐊᐧᑯᓯᔨᒋ ᐃᔪᐛ ᓂᓇᐧᑯᐤ ᑲ ᐃᑕᔅᐱᓇᔨᒋ, ᐊᓂᔭ ᑭᔭ ᐊ ᐎᓯᒐᔨᑎᒥᔨᒋ ᑭᔭ ᐊᓂᔭ ᑲ ᐱᒋᔅᑲᑯᔨᒋ ᒥᒋ ᐊᒐᒂ, ᑭᔭ ᐊᓂᔭᔪᐛ ᑲ ᐅᒋᐱᑎᑯᔨᒋ ᑭᔭ ᐊᓂᔭ ᐊᑲ ᓂᔅᑐᓯᔨᒋ᙮ ᒥᓯᐛ ᒪᒃ ᒋ ᒥᓏᒋᐊᐤ ᒋᓴᔅ ᐅᔭ ᐊᐛᔪᐛ ᑲ ᐸᑐᐛᑭᓄᐅᑦ᙮

ᒪᑎᔪᐤ 9:27

ᐃᔅᐱ ᒪᒃ ᒋᓴᔅ ᑲ ᔅᑐᑕᑦ ᐊᓐᑕ ᐅᒡ, ᓂᓱ ᓇᐸᐛ ᐊᑲ ᐛᐸᑎᒥᔨᒋ ᒋ ᓇᓴᐅᑯᐤ ᐊ ᑕᑈᔨᒋ ᐊ ᐃᔅᒋᔄᔨᒋ, “ᑎᐱᑦ ᐛᑯᓯᓯᒥᔅᒃ, ᐸᒋ ᒋᔅᑎᒪᒐᔨᒥᓇᓐ᙮”

ᓗᒃ 17:13

ᐊᑲ ᒪᒃ ᐅᒋ ᐸᓱᒋᑲᐳᔅᑕᑯᑦ᙮ ᐊᑯ ᒂ ᑕᑈᑕᒡ ᒋᓴᓴ ᐊ ᐃᔅᒋᔄᒡ, “ᒋᔅᑯᑎᒪᒐᓱᐤ, ᐸᒋ ᒋᔅᑎᒪᒐᔨᒥᓇᓐ ᐅ ᐊ ᐃᓯᓇᑯᓯᔭᒡ᙮”

ᓗᒃ 18:13

“ᐊᑯ ᒪᒃ ᐊᓐ ᓇᐸᐤ ᑲ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᑦ, ᐃᔅᐱ ᐊ ᐊᔭᒥᐊᑦ ᐛᔪᐎᔅ ᐊᓐᑕ ᒋ ᐅᒋᑲᐳᐤ ᐊᓐᑕ ᑲ ᓂᐳᔨᒋ ᐊᓂᔭ ᐸᕆᓯᐊ ᓇᒪ ᑭᔭ ᐛᐛᒡ ᐅᒋ ᑎᔅᑎᓴᐳᐤ ᒋᒋᒋᓯᑯᒡ ᐛᔅ ᒋ ᑯᓯᑯᑕᐊᐤ᙮ ᒋ ᐃᔅᒋᔄᐤ, ‘ᒋᓴᒪᓂᑐᐤ ᐸᒋ ᒋᔅᑎᒪᒐᔨᒥ ᐊ ᒥᒋᑐᑎᒪᓐ᙮’ ” ᐊᑯ ᒋᓴᔅ ᒥᓐ ᒂ ᐊᑎ ᐃᔅᒋᔄᑦ ᐃᔅᐱ ᑲᒋ ᐃᓯ ᑎᐸᒋᒧᑦ᙮

ᓗᒃ 6:18

ᒋ ᑎᑯᓯᓄᐅᒡ ᒐᒋ ᐸᒋ ᓂᑐᑐᐛᒡ ᒋᓴᓴ, ᑭᔭ ᒐᒋ ᒥᓏᒋᐃᑯᒡ ᒥᓯᐛ ᓂᓇᐧᑯᐤ ᐅᑦ ᐃᑕᔅᐱᓇᐅᓄᐛᐛ᙮ ᒋ ᑎᑯᓯᓄᐅᒡ ᑭᔭ ᐊᓐᒡ ᐊᐛᓐᒋ ᑲ ᒥᑯᔅᑲᒋᐃᑯᒡ ᒥᒋ ᐊᒐᒂ, ᒋ ᒥᓏᒋᐊᑭᓄᐅᒡ ᒪᒃ᙮