ᒪᑎᔪᐤ 15:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐊᑯᔅ ᐊᑲ ᐊᔨᒪᔨᒪᐧᑯᒡ ᐊᓐᒡ ᐸᕆᓯᔨᒡ᙮ ᐛᔅ ᒧᔭᒻ ᐊᐛᓐᒋ ᐊᑲ ᐛᐸᑕᒡ ᐃᔭᐱᒡ ᒪᒃ ᑲ ᐎ ᒋᔅᒋᓄᑕᐊᒡ ᐊᐛᔪᐛ ᐊᑲ ᐛᐸᑎᒥᔨᒋ ᐊᑯᓐ ᐊ ᐃᑕᔨᑕᑯᓯᒡ᙮ ᑕᐱᔅᑯᓐ ᒪᒃ ᐊᑲ ᐛᐸᑕᒡ ᐛᑎᓂᔪᐤ ᒐᒋ ᐳᑎᓱᐛᐱᔨᒡ ᐊᓐᑕ ᐊ ᐱᑯᓇᔭᔨᒡ᙮”

ᒪᑎᔪᐤ 15:14 ပူးပေါင်းရင်းမြစ်များ

ᓗᒃ 6:39

ᒋᓴᔅ ᒪᒃ ᒋ ᐎᑎᒧᐛᐤ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ᐃᑕᑦ, “ᐊ ᐊᑲ ᐛᐸᑕᐧᒃ ᐊᐛᓐ ᒋᑭ ᒋ ᐊ ᒋᔅᒋᓄᑕᐊᐤ ᑯᑎᑲ ᐊᐛᔪᐛ ᐊ ᐊᑲ ᐛᐸᑎᒥᔨᒋ ? ᓇᒪ ᑭᑈ᙮ ᐛᔅ ᑕᐱᔅᑯᓐ ᒋᑭ ᐳᒋᐱᔪᐅᒡ ᐊ ᒂᐃᑕᐛᐧᑲᔨᒡ᙮

ᒠᓐ 9:39

ᒋᓴᔅ ᒂ ᐃᑕᑦ, “ᓂᒋ ᐸᒋ ᑎᑯᓯᓐ ᐅᑕ ᐊᔅᒋᒡ ᒐᒋ ᑎᐸᔅᑯᓂᒐᔭᓐ ᐊᓐᑕ ᒐᒋ ᐅᒋ ᐛᐸᑕᒡ ᐊᓐᒡ ᐊᑲ ᐛᐸᑕᒡ, ᐊᑯ ᐊᓐᒡ ᑲ ᐛᐸᑕᒡ ᒐ ᐊᑲ ᒋ ᐛᐸᑕᒡ᙮”

1 ᑎᒧᑎ 6:5

ᐅᒡ ᒪᒃ ᑲ ᒪᒥᒋᐱᔨᑕᒡ ᓇᒪ ᒋᔅᒐᔨᑎᒧᒡ ᑕᑈᐅᓂᔪᐤ ᑭᔭ ᓇᒪ ᑯᐃᔅᒄ ᒋ ᐃᓯ ᓂᔅᑐᑎᒧᒡ ᑕᑈᐅᓂᔪᐤ᙮ ᑭᔭ ᐃᑕᔨᑎᒧᒡ ᐊ ᒋᓴᒪᓂᑐᐛᑎᓯᓇᓄᐎᒡ ᐊᑯᑕ ᒐᒋ ᐅᒋ ᐅᑎᓯᒡ᙮

2 ᐱᑕᕐ 2:1

ᒋ ᐸᒋ ᑕᐅᒡ ᒪᓐ ᐊᓐᑕ ᐅᑕᒡ ᓂᑎᒥᒄ ᐅᒋᔅᒋᐛᐃᒐᓱᒡ᙮ ᐊᐅᑯᓐ ᒪᒃ ᐃᔭᐱᒡ ᒐ ᐃᔅᐱᔨᒡ ᐊᓐᑕ ᓂᔅᑕᒥᒡ᙮ ᒋᑭ ᑕᐅᒡ ᓂᑎᒥᒄ ᒐ ᐃᓯ ᒋᔅᑯᑎᒪᒐᒡ ᒪᒂᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ᑕᔨᒋ᙮ ᓂᑎᒥᒄ ᒋᑭ ᐃᓯ ᒋᔅᑯᑎᒪᒐᐅᒡ, ᑭᔭ ᓇᔅᒡ ᑕᑈ ᒋᑭ ᐅᓂᑕᐃᐛᒥᑭᓂᔪᐤ ᑕᓐ ᒐ ᐃᓯ ᒋᔅᑯᑎᒪᒐᒡ᙮ ᐛᐛᒡ ᐊᓂᔭ ᑲ ᓂᐱᔅᑎᒪᑯᒡ ᓇᔅᒡ ᒋᑭ ᐊᑐᐛᔨᒪᐅᒡ᙮ ᐊᑯᑕ ᒪᒃ ᐊᓐᑕ ᒐ ᐅᒋ ᐃᑐᑕᓱᒡ ᓯᔅᒋᑯᒡ ᒐᒋ ᓂᓱᐅᓇᑎᓯᒡ᙮

2 ᐱᑕᕐ 2:17

ᐅᒡ ᒪᒃ ᐊᐛᓐᒋ ᒧᔭᒻ ᐅᑕᐃᐸᓐ ᐊ ᐸᒂᐱᔨᒋ ᐃᑕᔨᑕᑯᓱᐅᒡ, ᑭᔭ ᒧᔭᒻ ᑭᔅᑯᐅᓂᔅᑯᒡ ᐊ ᐱᐸᒪᓯᒡ᙮ ᐊᓐᑕ ᒪᐅᒡ ᐊ ᐅᑲᔅᑕᔭᔨᒡ ᐊᑯᑕ ᐊ ᐊᔭᔅᑯᔍᑯᒡ ᒋᓴᒪᓂᑐᐛ ᒐᒋ ᑕᒡ᙮

ᒋᔅᒐᔨᑕᑯᑕᒐᐅᓐ 19:20

ᐊᑯ ᒂ ᒪᑯᓇᑭᓄᐅᑦ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ᙮ ᐊᐅᒄ ᐅ ᒥᒋ ᐅᒋᔅᒋᐛᐃᒐᓱᐤ ᑲ ᒪᒥᔅᑲᒡ ᐃᑎᑦ ᐅᑎᔅᑯᐤ ᐊᓂᔭᔪᐛ ᒥᒋ ᐊᐛᓯᓴ ᐊ ᑕᔨᒋ᙮ ᐊᑯᑕ ᑲ ᐅᒋ ᐎᔭᓯᐊᑦ ᐊᓂᔭᔪᐛ ᐊᐛᔪᐛ ᑲ ᐅᑎᓂᒥᔨᒋ ᐊᓂᔭᔪᐛ ᒥᒋ ᐊᐛᓯᓴ ᐅᒋᔅᒋᓄᐛᒋᐃᐛᐅᓂᔪᐤ ᑭᔭ ᑲ ᐊᔭᒥᐊᔅᑐᐛᔨᒋ ᐊᓂᔭ ᒥᓂᑐᐧᑲᓇ ᒧᔭᒻ ᐊᓂᔭᔪᐛ ᒥᒋ ᐊᐛᓯᓴ ᐊ ᐃᓯᓇᑯᓯᔨᒋ ᑲ ᐃᓯᐊᑭᓄᔨᒋ᙮ ᑕᐱᔅᑯᓐ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ ᐊᐱᒪᑎᓯᒡ ᒋ ᐃᓯ ᐛᐱᓇᑭᓄᐎᒡ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᐊᓐᑕ ᐊ ᐃᔎᑕᔨᒡ ᐊ ᐎᔄᐛᐸᑕᔨᒡ ᒐᒂᔪᐤ ᓇᔅᒡ ᐊ ᐎᓂᒪᔅᑕᔨᒡ᙮

ᒋᔅᒐᔨᑕᑯᑕᒐᐅᓐ 22:15

ᐊᓐᒡ ᒪᒃ ᑲ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐅᒡ, ᐊᓐᒡ ᐎᓂᓱᐅᓂᒡ ᑲ ᐃᓯ ᐱᒥᐧᑯᐛᒡ ᐊᐛᔪᐛ, ᐊᓐᒡ ᑲ ᓂᐸᐃᐛᒡ ᑭᔭ ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᓇᒪ ᒋᑭ ᒋ ᐱᒐᐅᒡ ᐊᓂᔭᔪᐤ ᐅᑕᓇᔪᐤ᙮