ᒪᑎᔪᐤ 14:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐃᔅᐱ ᒪᒃ ᒋᓴᐅᒋᒪᐤ ᐊᕈᑦ ᐛᒋᓯᑯᒥᑦ ᒋ ᒥᑯᓴᐤ ᐊᑯ ᐊᓂᔭ ᐊᕈᑎᔭᓴ ᐅᑕᓂᓯᔪᐛ ᒋ ᓂᒥᔪᐛ ᐊᓐᑕ ᐅᑎᔅᑯᐤ ᐊ ᒥᒐᑎᓇᓄᐎᒡ᙮ ᐊᕈᑦ ᒪᒃ ᓇᔅᒡ ᒋ ᓇᐊᔨᑎᒥᐃᑯᐤ ᐊᓂᔭ ᐃᔎᓴ ᑲ ᐃᑎᔨᒋ᙮

ᒪᑎᔪᐤ 14:6 ပူးပေါင်းရင်းမြစ်များ

ᒐᓂᓯᔅ 40:20

ᑲᒋ ᓂᔅᑐ ᒋᓯᑲᔨᒡ, ᒋ ᐅᒋᓯᑯᒧᐤ ᑭᔭ ᒋ ᒥᒋᓱᓇᓂᒐᐤ ᒋᓴᐅᒋᒪᐤ, ᒋ ᓂᑐᒪᐤ ᒥᓯᐛ ᐅᑦ ᐊᑐᔅᒐᔭᑭᓇ᙮ ᒋ ᐱᔅᑎᓇᐤ ᒪᒃ ᒥᓇᐃᐛᐤ ᐃᔪᐛ ᑭᔭ ᐅᒋᒪᐤ ᑲ ᐱᒥᓄᐛᓯᔨᒋ ᑭᔭ ᒋ ᐸᑐᐛᑭᓄᐤ ᑲᒪᑯᓄᐛᓯᐅᒋᐛᐱᒡ ᐅᒡ᙮

ᒪᑎᔪᐤ 14:3

ᐛᔅ ᐎᔾ ᐊᕈᑦ ᒋ ᐃᑎᓱᐛᑯᐱᓇ ᒐᒋ ᒪᑯᓇᑭᓄᔨᒋ ᐊᓂᔭ ᒠᓇ, ᑭᔭ ᒐᒋ ᒪᑯᐱᑕᑭᓄᔨᒋ, ᑭᔭ ᒐᒋ ᒋᐸᐛᑭᓄᔨᒋ᙮ ᐊᔪᐅᒄ ᐛᒋ ᐃᑐᑐᐛᑦ ᐅᔭ ᐊᓂᔭ ᐎᐧᑲᓂᓴ ᐱᓕᐸ ᐎᐎᔪᐛ ᐊᕈᑎᔭᔅ ᑲ ᐃᓯᓂᐧᑲᓱᔨᒋ ᐊᒋ ᐃᑎᑯᑦ ᐅᔭ ᒐᒋ ᐃᑎᓱᐛᑦ᙮

ᒪᑎᔪᐤ 14:7

ᐊᑯ ᒂ ᐃᑕᑦ ᒐᔅᑎᓇᔅ ᒐ ᒥᔭᑦ ᒐᒂᔪᐤ ᒥᒄ ᑕᓐ ᒐ ᐃᓯ ᓂᑐᐛᔨᑎᒥᒂᓂ᙮

ᒪᑎᔪᐤ 22:24

ᒋ ᐃᑎᑯᐤ ᐊᓂᔭ ᓴᑎᔪᓯᐊ, “ᒋᔅᑯᑎᒪᒐᓱᐤ, ᒧᓱᔅ ᒋ ᒥᓯᓇᐊᒻ ᐅᔭ ᐎᓱᐛᐅᓂᔪᐤ᙮ ᐃᑎᔅᑕᔪᐤ ᒪᒃ, ‘ᓂᐱᒐ ᓇᐸᐤ, ᐊᑲ ᒪᒃ ᐅᒋ ᐊᔭᐛᒂ ᐊᐛᓴ, ᐊᓂᔭ ᐎᐧᑲᓂᓴ ᐊᓐ ᓇᐸᐤ ᑲ ᓂᐱᑦ ᒋᐸ ᐎᒋᒪᔪᐛ ᐊᓂᔭ ᐎᐛ᙮ ᐊᑯ ᒪᒃ ᒋᐸ ᐊᔭᐛᐅᒡ ᐊᐛᓴ ᐊᓂᔭ ᐅᔅᑕᓴ ᒐᒋ ᓂᑕᐅᒋᑎᒧᐛᑦ᙮’ ”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:14

ᒋᓴᐅᒋᒪᐤ ᐊᕈᑦ ᒪᒃ ᒋ ᐸᑎᒻ ᑕᓐ ᑲ ᐃᔅᐱᔨᒡ, ᐛᔅ ᒋ ᒥᓯᑕᐱᔪᐤ ᑕᓐ ᐊ ᐃᑕᒋᒪᑭᓄᐅᑦ ᒋᓴᔅ᙮ ᐱᔅᒐ ᐊᐛᓐᒋ ᒋ ᐃᔅᒋᔄᐅᒡ, “ᐊᐎᒐ ᐅ ᒠᓐ ᐅᓯᑲᐃᑕᒐᐤ, ᒋ ᐅᓂᔅᑲᒐ ᓂᐳᐅᓂᒡ ᐅᒡ᙮ ᐊᔪᐅᒄ ᐅᔭ ᐛᒋ ᐃᑎᑦ ᐅᔭ ᒪᒥᔅᑲᒡ ᒐᒂᔪᐛ ᒐᒋ ᐃᑐᑕᐧᒃ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:17

ᐎᔾ ᐊᕈᑦ ᒋ ᐃᑎᓱᐛᒐ ᒐᒋ ᒪᑯᓇᑭᓄᔨᒋ ᒠᓇ ᑭᔭ ᒐᒋ ᒪᑯᐱᑕᑭᓄᔨᒋ ᑭᔭ ᑲᒪᑯᓄᐛᓯᐅᒋᐛᐱᒡ ᒐᒋ ᒋᐸᐛᑭᓄᔨᒋ᙮ ᐎᐛ ᐊᕈᑎᔭᓴ ᒋ ᐃᑐᑎᒧᐛᐤ ᐅᔭ ᐛᒋ ᐃᑐᑐᐛᑦ ᒠᓇ᙮ ᐅᔭ ᐃᔎᐛ ᑲ ᐎᒋᒪᑦ ᐊᕈᑦ ᐎᐧᑲᓂᓴ ᐱᓕᐸ ᐊᓂᔭ ᒋ ᐎᐎᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:19

ᐊᑯ ᐊᓐ ᐊᕈᑎᔭᔅ ᓇᒪ ᐅᒋ ᓇᐃᔅᑲᑯᒐ ᐊᓂᔭ ᑕᓐ ᑲ ᐃᔅᒋᔄᔨᒋ ᒠᓇ ᐊᑯ ᒂ ᓂᑐᐛᔨᒪᑦ ᒐᒋ ᓂᐸᐊᑭᓄᔨᒋ᙮ ᒥᒄ ᒪᒃ ᓇᒪ ᐅᒋ ᐃᑐᑎᒻ ᐅᔭ,

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:15

ᒋᓴᓴ ᒋ ᐃᓯ ᐃᔭᒂᒥᒥᑯᐅᒡ, “ᐃᔭᒂᒄ, ᐃᔭᒂᒥᔅᑎᒧᐛᑯ ᐅᐱᓯᑲᓂᒧᐛᐤ ᐸᕆᓯᔨᒡ ᑭᔭ ᒪᒃ ᐊᕈᑦ ᐅᐱᓯᑲᓂᒪ᙮”

ᓗᒃ 13:31

ᐊᓂᔭ ᒪᒃ ᒪᒂᒡ ᒋ ᑕᐅᒡ ᐸᕆᓯᔨᒡ ᐊ ᐸᒋ ᓂᑐᐛᐱᒪᒡ ᒋᓴᓴ᙮ ᒋ ᐃᑕᐅᒡ ᒪᒃ, “ᒪᒋ ᐃᒐᑕ ᐅᑕ ᐅᑕᓇᒡ, ᐃᔭᒡ ᓇᑕ ᐃᑐᑕ, ᐛᔅ ᐊᓐ ᒋᓴᐅᒋᒪᐤ ᐊᕈᑦ ᒋ ᐎ ᓂᐸᐃᒄ᙮”

ᓗᒃ 23:11

ᐊᑯ ᒪᒃ ᐊᕈᑦ ᑭᔭ ᐅᑦ ᐊᓯᒪᑭᓂᓯᒪ ᒋ ᐎᔭᐅᒡ ᒋᓴᓴ ᐊ ᒪᔭᔨᒪᒡ ᑭᔭ ᐊᔭᒡ ᐊ ᐃᑐᑐᐛᒡ ᐊ ᐳᔅᑎᔅᑭᒧᑎᔭᒡ ᐊᑯᐱᔪᐤ ᐊ ᒥᔽᓯᔨᒡ᙮ ᐊᑯ ᒪᒃ ᐊᕈᑦ ᑲᐤ ᒂ ᒋᐛᑎᓴᐛᑦ ᒋᓴᓴ, ᑈᓚᑕ ᐊ ᑕᔨᒋ᙮

ᓗᒃ 23:7

ᐃᔅᐱ ᒪᒃ ᒐᔅᒐᔨᑕᐧᒃ ᑈᓚᑦ ᑲᓕᓕᒡ ᐊ ᐅᒋᔨᒋ ᒋᓴᓴ ᐊᑯ ᑲ ᐃᑎᓴᐛᑦ ᐊᕈᑕ ᐊ ᑕᔨᒋ ᐛᔅ ᑲᓕᓕ ᐊᔅᒋᒡ ᒋ ᒋᓴᐅᒋᒪᐎᔪᐛ᙮ ᒪᒂᒡ ᒪᒃ ᐊᓐᑕ ᒋᕈᓯᓕᒥᒡ ᒋ ᑕᐤ ᐊᕈᑦ᙮

ᓗᒃ 3:1

ᐊᓂᔭ ᐸᐳᓂᔨᒡ ᐱᑕᑕᒡ ᑕᑐᓴᑉ ᐱᐳᓇ ᑲ ᐃᔅᐱᔅ ᒋᓴᐅᒋᒪᐅᑦ ᑕᐃᐱᕆᔭᔅ ᓯᓴᕐ ᑲ ᐃᓯᓂᐧᑲᓱᑦ, ᑈᓐᑎᔭᔅ ᑈᓚᑦ ᒪᒂᒡ ᒋ ᓂᑲᓂᔅᑲᒐᐤ ᐊᓐᑕ ᒍᑎᔭ ᐊᔅᒋᒡ ᐊᑯ ᐊᕈᑦ ᐊᓐᑕ ᑲᓕᓕ ᐊᔅᒋᒡ ᑲ ᓂᑲᓂᔅᑲᒐᑦ, ᐊᑯ ᐎᐧᑲᓂᓴ ᐊᕈᑦ, ᐱᓕᑉ ᑲ ᐃᓯᓂᐧᑲᓱᔨᒋ ᐊᓐᑕ ᒋ ᓂᑲᓂᔅᑲᒐᔪᐛ ᐃᑐᕆᔭ ᑭᔭ ᑐᕋᑯᓇᐃᑎᔅ ᑲ ᐃᓯᓂᐧᑲᑕᔨᒋ ᐊᔅᒋᔭ᙮ ᐊᑯ ᓚᐃᓴᓂᔭᔅ ᑲ ᓂᑲᓂᔅᑲᒐᑦ ᐊᓐᑕ ᐊᐱᓕᓐ ᑲ ᐃᓯᓂᐧᑲᑕᔨᒡ ᐊᔅᒋᔪᐤ᙮

ᓗᒃ 3:19

ᒥᒄ ᒪᒃ ᒠᓐ ᐃᔅᐱ ᑲ ᐊᓏᔨᒪᑦ ᐊᓂᔭ ᒋᓴᐅᒋᒪᐤ ᐊᕈᑕ ᐊᓂᔭ ᐊ ᐎᒋᒪᔨᒋ ᐎᐧᑲᓂᓴ ᐎᐎᔪᐛ, ᐊᕈᑎᔭᔅ ᑲ ᐃᓯᓂᐧᑲᓱᔨᒋ, ᑭᔭ ᑲ ᐊᔨᒧᑎᒺᑦ ᒥᓯᐛ ᒐᒂᔪᐤ ᑕᓐ ᑲ ᐃᓯ ᒥᒋᑐᑎᒥᔨᒋ,

ᓗᒃ 8:3

ᑭᔭ ᒍᐛᓇ ᒋ ᐎᒋᐃᐛᐤ᙮ ᐅ ᐃᔎᐤ ᒍᓴ ᒋ ᐃᓯᓂᐧᑲᓱᔪᐛ ᐅᓇᐸᒪ, ᒋ ᑎᐸᔨᒪᐤ ᑲ ᐊᑐᔅᒐᔅᒋᔨᒋ, ᒋᓴᐅᒋᒪᐛ ᐊᕈᑕ ᒋ ᐊᑐᔅᑯᐛᔪᐛ᙮ ᑭᔭ ᓱᓴᓇ ᒋ ᐎᒋᐃᐛᐤ᙮ ᒥᒐᑦ ᒪᒃ ᒥᓐ ᑯᑎᑭᒡ ᐃᔎᐅᒡ ᒋ ᐎᒐᐛᐅᒡ ᒋᓴᓴ᙮ ᑎᐱᔨᐛ ᒪᒃ ᐅᓱᓇᔭᓂᒧᐛᐤ ᒋ ᐊᐱᒋᑕᐅᒡ ᐅᒡ ᐃᔎᐅᒡ ᐊ ᐎᒋᐊᒡ ᒋᓴᓴ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓂᔪᐛ᙮

ᐊᑈᔅᑕᓇᒡ 12:1

ᐊᑯᑕ ᒪᒃ ᐊᓐᑕ ᓴᓯᑲᓐ ᒋᓴᐅᒋᒪᐤ ᐊᕈᑦ ᑲ ᒋᒋ ᓂᓇᐧᑲᒋᐊᑦ ᐱᔅᒐ ᐊᓂᔭ ᐅᒪᒧᐊᔭᒥᐊᐤ᙮

ᐊᑈᔅᑕᓇᒡ 4:27

ᐊᐅᑯᓐ ᒪᒃ ᑕᑈ ᐊ ᐃᔅᐱᔨᒡ ᐊᓄᒡ ᐛᔅ ᒋᓴᐅᒋᒪᐤ ᐊᕈᑦ, ᑭᔭ ᐊᓐ ᐅᒋᒪᐤ ᑈᓐᑎᔭᔅ ᑈᓚᑦ, ᑭᔭ ᐊᓐᒡ ᒍᐤ ᐃᔪᒡ, ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒪᒧᐎᐅᒡ ᐊ ᓂᔅᑯᔅᑐᐛᒡ ᒋᓴᓴ, ᐊᓂᔭᔪᐛ ᑲ ᐛᔭᐱᒥᑎ ᑲ ᐸᔭᒋᓯᔨᒋ ᒋᑦ ᐊᐱᒋᐊᑭᓇ᙮