ᒪᑎᔪᐤ 14:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐃᔅᐱ ᒪᒃ ᑲᐸᑦ ᒋᓴᔅ, ᐎᔭᐱᒪᑦ ᒪᒃ ᐊᓂᔭ ᒥᒐᑦ ᐃᔪᐛ, ᒋ ᒋᔅᑎᒪᒐᔨᒪᐤ, ᑭᔭ ᒋ ᒥᓏᒋᐊᐤ ᐊᓂᔭ ᑲ ᐸᓱᐛᑭᓄᔨᒋ ᑲ ᐊᐧᑯᓯᔨᒋ᙮

ᒪᑎᔪᐤ 14:14 ပူးပေါင်းရင်းမြစ်များ

ᒪᑎᔪᐤ 14:15

ᐊᓂᔭ ᒪᒃ ᐊ ᐊᑎ ᐅᑕᑯᓯᔨᒡ ᐅᒋᔅᒋᓄᐊᒧᐛᑭᓇ ᒋ ᐸᒋ ᓂᑐᐛᐱᒥᑯᐤ, ᐊᑯ ᒂ ᐃᑎᑯᑦ, “ᓴᔅ ᒋᒋᐛ ᐅᑕᑯᓯᐤ ᑭᔭ ᓇᒪ ᑎᑯᓐ ᐅᑕᓇᐤ ᐅᑕ ᐊᓐ ᐊ ᑕᔭᐧᒄ᙮ ᐃᑎᓴᐅᒡ ᒪ ᐊᓐᑕ ᐅᑕᓇᒡ ᐊᓐᒡ ᐃᔪᒡ ᒐ ᓇᓂᑐᐛᔨᑕᒡ ᒐᒂᔪᐤ ᒐ ᒥᒋᒡ᙮”

ᒪᑎᔪᐤ 4:23

ᒋᓴᔅ ᒪᒃ ᒋ ᐃᑐᑕᐤ ᐊᓐᑕ ᒥᓯᐛ ᑲᓕᓕᒡ ᐊ ᐃᔅᐱᓴᔨᒡ ᐊ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑕᐧᒃ, ᑭᔭ ᐊ ᒥᓏᒋᐊᑦ ᐊᐛᔪᐛ ᒥᓯᐛ ᓂᓇᐧᑯᐤ ᑲ ᐃᑕᔅᐱᓇᔨᒋ᙮

ᒪᑎᔪᐤ 9:36

ᐃᔅᐱ ᒪᒃ ᐎᔭᐱᒪᑦ ᐊᓂᔭ ᒥᒐᑦ ᐃᔪᐛ, ᓇᔅᒡ ᒋ ᒋᔅᑎᒪᒐᔨᒪᐤ ᐛᔅ ᓇᔅᒡ ᐊ ᒥᑯᔅᑲᑕᔨᑎᒥᐊᑭᓄᔨᒋ ᑭᔭ ᐊᑲ ᐊᔭᔨᒋ ᐊᔅᐸᔨᒧᐅᓂᔪᐤ, ᒧᔭᒻ ᒪᔭᑕᓂᓯᒡ ᐊ ᐃᓯᓇᑯᓯᒡ ᐊᑲ ᐊᔭᐛᒡ ᒪᔭᑕᓂᓯᐅ-ᐃᔪᐛ ᒐ ᑭᓄᐛᔨᒥᑯᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:34

ᐃᔅᐱ ᒋᓴᔅ ᑲᐸᑦ ᐊᓂᔭ ᐅᐤᑎᔪᐤ ᒋ ᐛᐱᒪᐤ ᐊᓂᔭ ᐃᔪᐛ ᐊ ᒥᒐᑎᔨᒋ᙮ ᓇᔅᒡ ᒪᒃ ᒋ ᒧᓯᑕᐤ ᐊ ᒋᔅᑎᒪᒐᔨᒪᑦ ᒧᔭᒻ ᒪᔭᑕᓂᓯᒡ ᐊᑲ ᐊᔭᐛᒡ ᒪᔭᑕᓂᓯᐅ-ᐃᔪᐛ ᒐ ᓂᓇᑭᑐᐛᔨᒥᑯᒡ ᐊ ᐃᓯᓇᑯᓯᒡ᙮ ᐊᑯ ᒂ ᒋᔅᑯᑎᒧᐛᑦ ᒥᒐᑦ ᒐᒂᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:22

ᑭᔭ ᒋ ᐃᑕᐤ, “ᓴᔅ ᒥᒐᑥᐤ ᒋ ᐎ ᓂᐸᐃᑯᐤ ᐊᓂᔭ ᒥᒋ ᐊᒐᒂ ᐃᔅᑯᑕᒡ ᒪᒃ ᑭᔭ ᓂᐱᒡ ᐊ ᐃᓯ ᐛᐱᓂᑯᑦ᙮ ᒋᔅᑎᒪᒐᔨᒥᓇᓐ ᒪ, ᐎᒋᐃᓇᓐ, ᒐᒋ ᐎ ᐎᒋᐃᐛᐛᒐ᙮”

ᓗᒃ 19:41

ᐊᔭᔅᒃ ᒪᒃ ᒋ ᐊᑎ ᐸᓱᐛᐸᑎᒻ ᒋᓴᔅ ᒋᕈᓯᓕᒥᔪᐤ, ᐃᔅᐱ ᒪᒃ ᐎᔭᐸᑕᐧᒃ ᒋ ᒪᑎᒻ᙮

ᓗᒃ 7:13

ᐃᔅᐱ ᒪᒃ ᐅᑎᐸᔨᒋᒐᐤ ᐎᔭᐱᒪᑦ ᐊᓂᔭ ᐃᔎᐛ, ᓇᔅᒡ ᒋ ᒋᔅᑎᒪᒐᔨᒪᐤ ᐊᑯ ᒂ ᐃᑕᑦ, “ᐊᑲᐎᔾ ᒪᒄ᙮”

ᐃᑉᕈᐛ 2:17

ᐊᐅᒄ ᐊᓂᔭ ᐛᒋ ᓇᔅᒡ ᐃᔨᒡ ᒋ ᐃᓯᐊᑭᓄᐅᑦ᙮ ᒋ ᓂᑐᐛᔨᑕᑯᓱᐤ ᐎᐧᑲᓂᓴ ᒐᒋ ᓂᔅᐱᑐᐛᑦ ᐊᓐᑕ ᒐᒋ ᐅᒋ ᒋᓴᐊᔭᒥᐊᐅᒋᒪᐅᑦ ᒋᓴᒪᓂᑐᐛ ᐊ ᐊᑐᔅᑯᐛᑦ, ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᐃᑉᕈᐛ 4:15

ᐛᔅ ᐊᓐ ᒋᒋᓴᐊᔭᒥᐊᐅᒋᒪᒥᓄᐤ ᒋᔅᑎᒪᒐᔨᒥᑯᓄᐤ᙮ ᓇᔅᒡ ᒋ ᒋᔅᒐᔨᒥᑯᓄᐤ ᐊᑲ ᓇᔅᒡ ᓱᒋᑲᐳᐅᔭᐧᒄ ᐃᔅᐱ ᐊ ᑯᒂᒋᐃᑯᔭᐧᑯ ᒐᒋ ᒥᒋᑐᑎᒪᐧᒄ᙮ ᐛᔅ ᑭᔭ ᐎᔾ ᒋ ᑯᒂᒋᐊᑭᓄᐤ ᒐᒋ ᒥᒋᑐᑕᐧᒄ ᒧᔭᒻ ᒋᔭᓄᐤ ᐊ ᐃᑐᑕᑯᐅᔭᐧᒄ, ᒥᒄ ᒪᒃ ᐎᔾ ᓇᒪ ᐅᒋ ᒥᒋᑐᑎᒻ᙮

ᐃᑉᕈᐛ 5:2

ᐊᓐ ᐊᐛᓐ ᑲ ᒋᓴᐊᔭᒥᐊᐅᒋᒪᐅᑦ ᒋᔅᒐᔨᑎᒻ ᑭᔭ ᐎᔾ ᑕᓐ ᐊ ᐃᑕᔨᑕᑯᓂᔨᒡ ᐊ ᓂᒋᔅᑲᑭᓄᔨᒋ ᑯᒂᒋᐃᐛᐅᓂᔪᐤ᙮ ᐊᑯ ᒪᒃ ᒐᔅᒐᔨᒪᑦ ᐃᔭᒂ ᒐᒋ ᐃᑐᑐᐛᑦ ᐊᓂᔭ ᐅᑦ ᐃᔨᒪ ᐊᑲ ᐃᑈᐧᑲᔨᒋ ᐊᑲ ᑯᐃᔅᒄ ᑎᔨᒋ᙮