ᒪᑎᔪᐤ 13:48 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁸ ᐃᔅᐱ ᒪᒃ ᓯᔭᑭᔅᒋᓇᔨᒋ ᐊᓂᔭ ᐅᑦ ᐊᐃᐱᐛᐛ, ᐊᑯ ᐊ ᐊᒂᓯᐱᑕᒡ ᐊᓐᑕ ᓯᓱᒡ ᒐᒋ ᑎᐸᓇᐊᒡ ᐊᓂᔭ ᓂᒪᓴ, ᐊᓂᔭ ᑲ ᒥᔪᓯᔨᒋ ᐊᓐᑕ ᐊᔅᒋᐧᑯᒡ ᒋ ᐱᑕᐛᐅᒡ, ᐊᑯ ᐊᓂᔭ ᐊᑲ ᒥᔪᓯᔨᒋ ᒋ ᐛᐱᓇᐅᒡ᙮

ᒪᑎᔪᐤ 13:48 ပူးပေါင်းရင်းမြစ်များ

ᒪᑎᔪᐤ 13:30

ᐊᑯᔅ ᑕᐱᔅᑯᓐ ᐊᓂᔭ ᒥᒋ ᓂᑕᐅᒋᑕᑭᓇ ᑭᔭ ᐊᓂᔭᔪᐛ ᑲ ᐎ ᓂᑕᐅᒋᑕᔭᓐ ᒋᑭ ᒋᓯᓂᑕᐅᒋᓇ, ᐸᑐᔅ ᒪᒧᓴᒋᓂᑭᓄᒂᐛ᙮ ᐊᑯ ᒪᒃ ᒐ ᐃᑎᒂᐤ ᐊᓐᒡ ᒐ ᒪᒧᓴᒋᓇᒡ, ᓂᔅᑎᒻ ᐊᓂᔭᔪᐛ ᒥᒋ ᓂᑕᐅᒋᑕᑭᓇ ᒐᒋ ᒪᒧᓴᒋᓇᒡ, ᑭᔭ ᒐᒋ ᑕᐱᑐᐛᐱᐧᑲᑕᒡ ᒐ ᐃᔎᓴᒡ, ᐊᑯ ᐃᔭᒄ ᐊᓂᔭᔪᐛ ᐸᒂᓯᑭᓂᒥᓇᑎᒂ ᒐᒋ ᒪᒧᓴᒋᓇᒡ, ᐊᓐᑕ ᒐ ᐊᔅᑕᒡ ᓂᑦ ᐊᔅᑕᓱᐅᒋᐛᐱᒡ᙮’ ”

ᒪᑎᔪᐤ 13:47

“ᒪᐅ ᒥᓐ ᐃᔭᐱᒡ ᐊ ᐃᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒧᔭᒻ ᓇᐸᐅᒡ ᐊᒋ ᐱᔅᑕᐛᒡ ᓴᑲᐃᑭᓂᒡ ᓂᓇᐧᑯᐤ ᒪᒃ ᐊ ᐃᓯᓇᑯᓯᔨᒋ ᓂᒪᓴ ᐊ ᐱᑕᐎᔭᒡ᙮

ᒪᑎᔪᐤ 13:49

ᐊᐅᑯᓐ ᒪᒃ ᒧᔭᒻ ᒐ ᐃᓯᓇᒂᒡ ᐃᔅᐱ ᐃᔎᐱᔨᒐ ᐊᔅᒋᔾ, ᐊᓐᒋᓐᒡ ᒋᑭ ᑎᐸᓇᐅᒡ ᐊᓂᔭ ᑲ ᒥᒐᑎᓯᔨᒋ ᐊᓐᑕ ᐅᒋ ᒪᒂᒡ ᐊᓂᔭ ᑲ ᑯᐃᔅᑯᑕᑎᓯᔨᒋ ᐊ ᑕᔨᒋ᙮

ᒪᑎᔪᐤ 3:12

ᐅ ᒐ ᑎᑯᓯᐧᒃ ᒋᑭ ᐃᑕᔨᑕᑯᓱᐤ ᒧᔭᒻ ᓇᐸᐤ ᑲ ᐸᔭᒋᑕᑦ ᐸᒂᓯᑭᓂᒥᓇᑎᑯᔪᐤ ᐊᓐᑕ ᒐᒋ ᐅᑎᓇᑦ ᐸᒂᓯᑭᓇ ᑭᔭ ᑎᐸᓂᔅᑕᐤ ᐊᓂᔭᔪᐛ ᑲ ᒥᔽᔨᒋ ᐊᓐᑕ ᐊᔅᑕᓱᐅᒋᐛᐱᒡ᙮ ᐊᑯ ᐊᓂᔭᔪᐛ ᐊᑲ ᐎᔭᔅ ᐃᑕᐱᑎᓂᔨᒋ ᐃᔎᓯᒻ ᐊᓐᑕ ᐊᑲ ᓂᑕ ᐊᔅᑐᐛᔨᒡ ᐃᔅᑯᑕᔪᐤ᙮” ᐊᐅᒄ ᒪᒃ ᐅᔭ ᑲ ᐃᑕᑦ ᒠᓐ ᐅᓯᑲᐃᑕᒐᐤ ᐊᓂᔭᔪᐛ ᐃᔪᐛ ᑲ ᐸᒋ ᓂᑐᑕᑯᑦ ᐊ ᑭᒐᔅᒋᒧᑦ᙮

ᒪᑎᔪᐤ 4:18

ᒪᒂᒡ ᒪᒃ ᒋᓴᔅ ᐊ ᐱᒧᑕᑦ ᐊᓐᑕ ᔭᔭᐤ ᑲᓕᓕ ᓴᑲᐃᑭᓂᔪᐤ, ᒋ ᐛᐱᒪᐤ ᑲᓄᑎᒪᓴᓯᔨᒋ ᐊ ᐎᐧᑲᓂᓯᑕᑐᔨᒋ ᓂᓱ ᓇᐸᐛ, ᓴᐃᒥᓇ ᐱᑕᕐ ᐃᔭᐱᒡ ᑲ ᐃᓯᓂᐧᑲᑕᑭᓄᐅᑦ ᑭᔭ ᐊᓂᔭ ᐎᐧᑲᓂᓯᔨᔪᐛ ᐊᓐᑎᕈᐛ, ᐊ ᐱᔅᑕᐛᔨᒋ ᐊᓐᑕ ᓴᑲᐃᑭᓂᒡ᙮