ᒪᑎᔪᐤ 13:46 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁶ ᐃᔅᐱ ᒪᔅᑯᐛᑦ ᐸᐃᒄ ᓇᔅᒡ ᐊ ᒥᔪᓯᔨᒋ ᐊ ᓱᓇᔭᐎᔨᒋ, ᓂᑐᐤ ᐊᑕᐛᒐᐤ ᒥᓯᐛ ᒐᒂᔪᐤ ᐊ ᐃᓯ ᐊᔭᑦ ᐊᑯ ᐛᑎᓇᑦ ᐊᓂᔭ ᒥᒋᓴ᙮”

ᒪᑎᔪᐤ 13:46 ပူးပေါင်းရင်းမြစ်များ

ᒪᑎᔪᐤ 13:44

“ᒪᐅ ᐊ ᐃᑕᔨᑕᒂᒡ ᒋᒋᒋᓯᒄ ᒋᓴᐅᒋᒪᐅᓐ, ᒧᔭᒻ ᐊ ᒥᔅᑎ ᓱᓇᔭᐎᔨᒋ ᒐᒂᔪᐛ ᐊᒋ ᐊᔭᐅᐧᑲᐃᑭᓄᐛᒂᓂ ᑭᔭ ᓇᐸᐤ ᐊ ᒥᔅᑲᐧᒃ ᐊᐅᑯᓐ ᐊ ᐃᓯᓇᒂᒡ᙮ ᒥᓐ ᐊ ᐊᑎ ᐊᔭᐅᐧᑯᐊᒃ᙮ ᐊᓂᔭ ᒪᒃ ᐊ ᐃᔅᐱᔅ ᒪᔽᔨᑕᐧᒃ ᐊᑯ ᓇᑐ ᐊᑕᐛᒐᑦ ᒥᓯᐛ ᑕᓐ ᐊ ᐃᓯ ᑎᐱᔨᐛᐅᓯᑦ, ᐊᑯ ᐛᑎᓇᐧᒃ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ ᐊᓐᑕ ᑲ ᒥᔅᑲᐧᒃ ᐊᓂᔭᔪᐛ ᑲ ᓱᓇᔭᐎᔨᒋ ᒐᒂᔪᐛ᙮”

ᒪᑎᔪᐤ 13:45

“ᒪᐅ ᑭᔭ ᐊ ᐃᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ, ᒧᔭᒻ ᓇᐸᐤ ᑲ ᓇᓂᑐᐛᔨᒪᑦ ᒥᒋᓴ ᑲ ᒥᔅᑎ ᓱᓇᔭᐎᔨᒋ᙮

ᒪᑎᔪᐤ 13:47

“ᒪᐅ ᒥᓐ ᐃᔭᐱᒡ ᐊ ᐃᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒧᔭᒻ ᓇᐸᐅᒡ ᐊᒋ ᐱᔅᑕᐛᒡ ᓴᑲᐃᑭᓂᒡ ᓂᓇᐧᑯᐤ ᒪᒃ ᐊ ᐃᓯᓇᑯᓯᔨᒋ ᓂᒪᓴ ᐊ ᐱᑕᐎᔭᒡ᙮

ᐊᑈᔅᑕᓇᒡ 20:24

ᓇᒪ ᒪᒃ ᓇᔅᒡ ᓄᔭᔅᑕᔨᑎᒥᐃᑯᓐ ᓂᐱᒪᑎᓯᐅᓐ ᐃᔭᐱᒡ ᒪᒃ ᒧᔅ ᐃᔅᐱᔅ ᒋᔅᐱᔨᒐ ᓂᐱᒪᑎᓯᐅᓐ ᐅᑕ ᐊᔅᒋᒡ ᒋ ᒋᔅᑕᔭᓇ ᑕᓐ ᑲ ᐃᑎᓱᒥᑦ ᐅᑎᐸᔨᒋᒐᐤ ᒋᓴᔅ ᒐ ᐃᑕᐱᑎᓯᐅᒡ, ᐊᐅᒄ ᐅᔭ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅᑕ ᒪᒃ ᒥᔽᒋᒧᐅᓂᒡ ᐊᑯᑕ ᐊ ᐊᔨᒧᑕᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮”

ᑲᓚᓯᔭᓇ 6:14

ᓂᔾ ᒪᒃ ᐎ ᒥᒄ ᐸᐃᒄ ᒐᒂᓐ ᓂ ᒪᒥᒋᐃᑯᓐ, ᐊᐅᒄ ᐅᑎᐸᔨᒋᒐᐤ ᒋᓴᔅ ᙭ ᐅᒋᐱᔭᑎᑯᒪ᙮ ᐛᔅ ᐊᓂᔭ ᑕᓐ ᑲ ᐃᑎᑦ ᙭ ᒋᐱᔭᑎᑯᒡ ᐊᐅᒄ ᐛᒋ ᐊᑲ ᐊᐱᑕᔨᑎᒥᐃᑯᔭᓐ ᐊᓂᔭᔪᐛ ᒐᒂᔪᐛ ᐊᓐᒡ ᐊᑲ ᑕᑈᐅᒐᔨᒪᒡ ᒋᓴᓴ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ᙮ ᑭᔭ ᐎᔨᐛᐤ ᒪᒃ ᓇᒪ ᓇᔅᒡ ᐊᐱᑕᔨᑎᒧᒡ ᐊᓂᔭᔪᐛ ᒐᒂᔪᐛ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ᙮

ᐃᐱᓯᔭᓇ 3:8

ᐊᑎ ᒪᒃ ᓂᔾ ᒪᐅᒡ ᓄᑕᔭᔅ ᐊ ᐃᑕᔨᑕᑯᓯᔭᓐ ᐊ ᐃᑕᔨᑕᑯᓯᒡ ᑲ ᑕᑈᑕᒡ, ᐃᔭᐱᒡ ᓂᔾ ᓂᒋ ᓱᐛᔨᒥᒄ ᒋᓴᒪᓂᑐᐤ ᐊᒋ ᒥᔨᑦ ᒐᒋ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐊᔅᐱᔅ ᓇᔅᐱᒡ ᐛᔪᑎᓂᔨᒡ ᑭᔭ ᐊᔅᐱᔅ ᐊᑲ ᓂᑕ ᐳᓂᐱᔨᒡ ᑕᓐ ᐛ ᐃᓯ ᓱᐛᔨᒥᑕᒄ ᒋᓴᒪᓂᑐᐤ ᙭ᑕ ᐊ ᑕᔨᒋ ᐅᒋ᙮

ᑯᓚᓯᔭᓇ 2:3

ᒥᒄ ᙭ ᒋ ᒥᔨᑯᓄᐤ ᑕᑈ ᒐᒋ ᓂᔅᑐᑎᒪᒄ ᒋᓴᒪᓂᑐᐤ ᐅᐛᔪᐅᒡ ᑭᒐᑕᐛᔨᑎᒧᐅᓐ ᑭᔭ ᐅᐛᔪᐅᒡ ᒋᔅᒐᔨᑎᒧᐅᓐ᙮

ᒋᔅᒐᔨᑕᑯᑕᒐᐅᓐ 18:12

ᓇᒪ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᑕᓐ ᐊ ᐃᓯ ᐊᔭᒡ ᒐᒂᔪᐛ ᐎᔄᐅᓱᓇᔭᐱᔅᑯᒡ ᒪᒃ ᐛᐱᓱᓇᔭᐱᔅᑯᒡ ᐊᒋ ᐅᒋ ᐅᓯᑕᑭᓄᔨᒋ᙮ ᓇᒪ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓇᔨᒋ ᐅᑦ ᐊᓯᓂᒧᐛᐛ ᑲ ᒥᔪᓯᓯᔨᒋ, ᒪᒃ ᐊᓂᔭᔪᐛ ᑲ ᐎᔄᐛᐱᔅᒋᓯᔨᒋ᙮ ᓇᒪ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᐅᑦ ᐊᐱᒋᑕᐅᓄᐛᐛ ᑲ ᓱᓯᐛᑭᓂᔨᒋ ᓇᔅᒡ ᑲ ᒥᔪᐛᑭᓯᔨᒋ ᒪᒃ ᐊᓂᔭᔪᐛ ᐅᑦ ᐊᐱᒋᑕᐅᓄᐛᐛ ᑲ ᐅᑐᒋᒥᒂᑭᓂᔨᒋ ᒪᒃ ᐊᓂᔭᔪᐛ ᑲ ᐃᓯᓂᐧᑲᓂᔨᒋ ᑭᔭ ᐊᓂᔭᔪᐛ ᑲ ᒥᒂᑭᓂᔨᒋ᙮ ᓇᒪ ᐊᑯ ᑕᔪᐛ ᐊᐛᔪᐛ ᒐ ᐅᑎᓇᔨᒋ ᒥᓯᐛ ᐊ ᐃᓯᓇᑯᓯᔨᒋ ᑲ ᐎᒋᒪᑯᓯᔨᒋ ᒥᔅᑎᒂ ᑲ ᐊᔭᐛᒡ ᒐᒋ ᐊᑕᐛᒡ᙮ ᓇᒪ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᓂᓇᐧᑯᐤ ᐊ ᐃᓯᓇᑯᓂᔨᒋ ᒐᒂᔪᐛ ᐛᐱᑯᓂᒡ ᒪᒃ ᑲ ᓱᓇᔭᐎᔨᒋ ᒥᔅᑎᒂ ᒪᒃ ᑲ ᐎᐸᐱᔅᒋᓯᔨᒋ ᓱᓇᔭᐱᔎ ᑲ ᐅᒋ ᐅᓯᑕᑭᓄᐎᒡ᙮ ᓇᒪ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᐊᓂᔭᔪᐛ ᒐᒂᔪᐛ ᐃᓴᑯᒡ ᒪᒃ ᐊᓯᓂᔭ ᑲ ᓱᓱᐛᐱᔅᒋᓯᔨᒋ ᑲ ᐅᒋ ᐅᓯᑕᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 21:21

ᐊᓂᔭ ᒪᒃ ᓂᓱᓴᑉ ᒋᐱᔎᐛ ᑲ ᒥᔪᓯᓯᑦ ᑭᔭ ᐊ ᒥᓯᑎᑦ ᐊᔅ ᑲ ᐛᐱᓯᑦ ᒋ ᐅᒋ ᐅᓯᑕᑭᓄᐛ᙮ ᐊᑯ ᐊᓂᔭᔪᐛ ᒪᔅᑭᓄᐛ ᐊᓐ ᐅᑕᓇᐤ ᓇᔅᒡ ᒋ ᐎᔄᐅᓱᓇᔭᐱᔅᑯᐛ, ᒋ ᓴᐳᓇᑯᓇ ᒧᔭᒻ ᓯᐳᐛᔅᑕᔨᑕᑭᓐ ᐊ ᐃᓯᓇᒂᒡ᙮