ᒪᑎᔪᐤ 13:44 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁴ “ᒪᐅ ᐊ ᐃᑕᔨᑕᒂᒡ ᒋᒋᒋᓯᒄ ᒋᓴᐅᒋᒪᐅᓐ, ᒧᔭᒻ ᐊ ᒥᔅᑎ ᓱᓇᔭᐎᔨᒋ ᒐᒂᔪᐛ ᐊᒋ ᐊᔭᐅᐧᑲᐃᑭᓄᐛᒂᓂ ᑭᔭ ᓇᐸᐤ ᐊ ᒥᔅᑲᐧᒃ ᐊᐅᑯᓐ ᐊ ᐃᓯᓇᒂᒡ᙮ ᒥᓐ ᐊ ᐊᑎ ᐊᔭᐅᐧᑯᐊᒃ᙮ ᐊᓂᔭ ᒪᒃ ᐊ ᐃᔅᐱᔅ ᒪᔽᔨᑕᐧᒃ ᐊᑯ ᓇᑐ ᐊᑕᐛᒐᑦ ᒥᓯᐛ ᑕᓐ ᐊ ᐃᓯ ᑎᐱᔨᐛᐅᓯᑦ, ᐊᑯ ᐛᑎᓇᐧᒃ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ ᐊᓐᑕ ᑲ ᒥᔅᑲᐧᒃ ᐊᓂᔭᔪᐛ ᑲ ᓱᓇᔭᐎᔨᒋ ᒐᒂᔪᐛ᙮”

ᒪᑎᔪᐤ 13:44 ပူးပေါင်းရင်းမြစ်များ

ᒪᑎᔪᐤ 13:24

ᐊᑯ ᒋᓴᔅ ᒂ ᐎᑎᒧᐛᑦ ᑯᑎᒋᔪᐤ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ᐃᑕᑦ, “ᒋᒋᒋᓯᒄ ᒋᓴᐅᒋᒪᐅᓐ ᐊᐅᒄ ᒧᔭᒻ ᐊ ᐃᓯᓇᒂᒡ ᓇᐸᐤ ᐊ ᓂᑕᐅᒋᑕᑦ ᐊ ᒥᔪᓯᔨᒋ ᓂᑕᐅᒋᑕᑭᓇ ᐊᓐᑕ ᐅᓂᑕᐅᒋᑕᑭᓐ ᐊᔅᒋᒡ᙮

ᒪᑎᔪᐤ 13:46

ᐃᔅᐱ ᒪᔅᑯᐛᑦ ᐸᐃᒄ ᓇᔅᒡ ᐊ ᒥᔪᓯᔨᒋ ᐊ ᓱᓇᔭᐎᔨᒋ, ᓂᑐᐤ ᐊᑕᐛᒐᐤ ᒥᓯᐛ ᒐᒂᔪᐤ ᐊ ᐃᓯ ᐊᔭᑦ ᐊᑯ ᐛᑎᓇᑦ ᐊᓂᔭ ᒥᒋᓴ᙮”

ᒪᑎᔪᐤ 13:47

“ᒪᐅ ᒥᓐ ᐃᔭᐱᒡ ᐊ ᐃᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒧᔭᒻ ᓇᐸᐅᒡ ᐊᒋ ᐱᔅᑕᐛᒡ ᓴᑲᐃᑭᓂᒡ ᓂᓇᐧᑯᐤ ᒪᒃ ᐊ ᐃᓯᓇᑯᓯᔨᒋ ᓂᒪᓴ ᐊ ᐱᑕᐎᔭᒡ᙮

ᒪᑎᔪᐤ 19:21

ᐊᑯ ᒋᓴᔅ ᒂ ᐃᑕᑦ, “ᓇᔅᒡ ᒥᓯᐛ ᒐᒂᓐ ᐛ ᐃᑐᑎᒧᐎᓇ ᒐᒋ ᑯᐃᔅᑯᑕᑎᓯᔨᓐ, ᐊᑕᐛᒐ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᑲ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᑐᑕᔨᓐ ᒐ ᐸᒋ ᓇᓴᐎᔨᓐ᙮”

ᒪᑎᔪᐤ 19:27

ᐊᑯ ᐱᑕᕐ ᒂ ᐃᔅᒋᔄᑦ, “ᑭᓄᐛᐸᑕ ᒪ᙮ ᓴᔅ ᒥᓯᐛ ᒐᒂᓐ ᓂᒋ ᓂᑭᑕᓇᓐ ᒐᒋ ᓇᓴᐅᑕᒡ᙮ ᐅ ᒪᒃ ᑲ ᐃᓯ ᐃᑐᑎᒪᒡ ᒐᒂᔪᐤ ᒪᒃ ᒐ ᒥᔨᒥᑦ ᒋᓴᒪᓂᑐᐤ ?”

ᒪᑎᔪᐤ 19:29

ᒥᓯᐛ ᐊᐛᓐ ᑲ ᓂᑭᑕᐧᒃ ᐎᒡ ᑭᔭ ᑲ ᓂᑭᑕᑦ ᐎᐧᑲᓂᓴ, ᐅᓂᒋᐃᒂ ᑭᔭ ᐅᑦ ᐊᐛᓯᒪ ᑭᔭ ᒪᒃ ᑲ ᓂᑭᑕᐧᒃ ᐅᑦ ᐊᔅᒋᔾ ᓂᔾ ᐅᒋ, ᐅᔅᑕ ᐸᐃᒄ ᒥᑕᓯᒥᑎᓄᐤ ᒋᑭ ᒋᐛᒥᔭᑭᓄᐤ ᑭᔭ ᑲᒋᒡ ᐱᒪᑎᓯᐅᓂᔪᐤ ᒋᑭ ᒥᔭᑭᓄᐤ᙮

ᒪᑎᔪᐤ 6:21

ᐛᔅ ᐊᓐᑕ ᐊ ᐃᓯ ᑎᒂᒡ ᒋᐛᔪᑎᓯᐅᓐ ᐊᑯᑕ ᑭᔭ ᒐ ᑎᒂᒡ ᒋᑕᐃ᙮”

ᓗᒃ 14:33

ᐊᑯ ᒋᓴᔅ ᒥᓐ ᒂ ᐊᑎ ᐃᔅᒋᔄᑦ, ᐊᐅᑯᓐ ᒪᒃ ᒧᔭᒻ ᐊ ᐃᓯᓇᑯᓂᔨᒡ ᐊᐛᓐ ᑲ ᓂᑐᐛᔨᑕᐧᒃ ᒐᒋ ᐅᒋᔅᒋᓄᐊᒧᐛᑭᓂᑐᑐᐅᒃ, ᐸᑐᔅ ᒋᑭ ᐱᔅᑎᓂᒻ ᒥᓯᐛ ᒐᒂᔪᐤ ᐊ ᐃᓯ ᐊᔭᑦ᙮”

ᒠᓐ 6:35

ᒋᓴᔅ ᒪᒃ ᒋ ᐃᑕᐤ, “ᓂᔾ ᐊᐅᒄ ᐊᓐ ᐸᒂᓯᑭᓐ ᐊᓐᑕ ᒐᒋ ᐅᒋ ᐱᒪᑎᓯᑦ ᐊᐛᓐ᙮ ᐊᐛᓐ ᒪᒃ ᒐ ᐸᒋ ᓇᓯᒂ ᑭᔭ ᒐ ᐸᒋ ᑕᑈᔭᔨᒥᒂ, ᓇᒪ ᓂᑕ ᒥᓐ ᒋᑭ ᐅᒋ ᓯᐛᔪᐤ ᑭᔭ ᓇᒪ ᓂᑕ ᒥᓐ ᒋᑭ ᐅᒋ ᓄᑕᔭᐸᒂᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:4

ᒥᓯᐛ ᑕᓐ ᑲ ᐸᒋ ᐃᑎᓯᓇᐃᑭᓄᐅᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᔅᒋ ᐎ ᒋᔅᑯᑎᒪᑯᓇᓄᐤ ᐊᓐᑕ ᐅᒡ᙮ ᐊᑯᑕ ᐛᒋ ᓯᒋᒥᑯᐅᔭᐧᒄ ᑭᔭ ᐊᑯᑕ ᐛᒋ ᐊᔭᔭᐧᒄ ᓯᐱᔪᐛᓯᐅᓐ ᑭᔭ ᒐᒋ ᐊᔭᔭᐧᒄ ᐊᔅᐸᔨᒧᐅᓐ᙮

ᑯᓚᓯᔭᓇ 2:3

ᒥᒄ ᙭ ᒋ ᒥᔨᑯᓄᐤ ᑕᑈ ᒐᒋ ᓂᔅᑐᑎᒪᒄ ᒋᓴᒪᓂᑐᐤ ᐅᐛᔪᐅᒡ ᑭᒐᑕᐛᔨᑎᒧᐅᓐ ᑭᔭ ᐅᐛᔪᐅᒡ ᒋᔅᒐᔨᑎᒧᐅᓐ᙮

ᑯᓚᓯᔭᓇ 3:16

ᒧᔅ ᒪᒥᑐᓇᔨᑎᒥᐃᑯᐛᒄ ᒥᓯᐛ ᑲ ᐃᓯ ᐊᔨᒧᑎᒪᑕᒄ ᙭, ᒋᑕᐃᐛᒡ ᐊ ᑭᓄᐛᔨᑎᒺᒄ᙮ ᓱᒃ ᐎ ᑭᒐᑕᐛᔨᑎᒧᒄ ᐊ ᒋᔅᑯᑎᒪᑐᔭᒄ ᑭᔭ ᐊ ᑭᒐᔅᒋᒥᑐᔭᒄ᙮ ᒋᑕᐃᐛᒡ ᐅᒡ ᓂᑭᒧᔅᑐᐛᐧᒄ ᒋᓴᒪᓂᑐᐤ᙮ ᓂᓇᔅᑯᒪᐧᒄ ᐊ ᓂᑭᒧᔅᑐᐛᒄ ᐊᔭᒥᐊᐅ ᓂᑭᒧᐅᓇ, ᑎᐱᑦ ᐅᓂᑭᒧᐅᓇ ᑭᔭ ᑕᓐ ᐊ ᐃᓯ ᒥᔨᑕᒄ ᑲ ᐸᔭᒋᓯᑦ ᐊᒐᐧᒄ ᓂᑭᒧᐅᓇ᙮

ᐃᑉᕈᐛ 10:34

ᔅᒋ ᒋᔅᑎᒪᒐᔨᒪᐛᐅᒡ ᐊᓐᒡ ᑲᒪᑯᓄᐛᓯᐅᒋᐛᐱᒡ ᑲ ᑕᒡ ᐊᓐᒡ ᑲ ᑕᑈᑕᒡ ᐛᔅ ᑭᔭ ᒋᔨᐛᐤ ᐊᐅᑯᓐ ᒧᔭᒻ ᑲ ᐃᓯ ᓂᒋᔅᑭᒪᒄ᙮ ᐃᔅᐱᔅ ᑲ ᒪᑯᓂᑭᓄᐅᒋ ᒋᑦ ᐊᐱᒋᑕᐅᓄᐛᐛ ᐊ ᒪᔭᔨᒥᑯᔭᒄ ᔅᒋ ᒥᔽᔨᑕᓇᐛᐤ ᐛᔅ ᔅᒋ ᒋᔅᒐᔨᑕᓇᐛᐤ ᐊᑐᐎᔅ ᐊ ᒥᔽᒡ ᐊᓐ ᒐᒂᓐ ᑲ ᐃᓯ ᐊᔭᔭᒄ, ᑭᔭ ᑲᒋᒡ ᒐ ᑎᒂᒡ᙮

ᒋᔅᒐᔨᑕᑯᑕᒐᐅᓐ 3:18

ᐊᐅᒄ ᐅ ᒐ ᐅᒋ ᐎᑎᒪᑎᑯᒡ ᑕᓐ ᒐ ᐃᑎᔭᒄ᙮ ᐊ ᑕᔭᓐ ᐅᑎᓇᒄ ᐎᔄᐅᓱᓇᔭᐱᔅᒄ᙮ ᐅ ᐎᔄᐅᓱᓇᔭᐱᔅᒄ, ᐃᔅᑯᑕᒡ ᒋ ᑎᑕᑭᓄᐤ ᒐᒋ ᐸᔭᒋᑕᑭᓄᐅᒡ᙮ ᐊᔭᐛᒂ ᒪᒃ, ᐊᑯ ᒐ ᐛᔪᑎᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ᙮ ᐅᑎᓂᒧᒄ ᑭᔭ ᐊ ᐛᐸᓯᔨᒋ ᐊᐱᒋᑕᐅᓇ ᒐᒋ ᒋᔅᑭᒪᒄ ᒐ ᐊᑲ ᒋ ᓴᒂᔨᒧᔭᒄ, ᐛᔅ ᓇᒪ ᐊᑯ ᒋᑭ ᐅᒋ ᒧᓴᔅᑭᑕᓇᐛᐤ᙮ ᑭᔭ ᐅᑎᓂᒧᒄ ᓂᑐᐧᑯᐅᓐ ᒐ ᐊᔅᑕᔭᒄ ᒋᔅᒋᓯᑯᐛᒡ ᒐᒋ ᐛᐸᑎᒪᒄ᙮