ᒪᑎᔪᐤ 13:43 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴³ ᐊᑯ ᒪᒃ ᒋᓴᒪᓂᑐᐤ ᐅᑦ ᐃᔨᒪ ᒐ ᒋᐧᑲᔭᔅᑐᐛᔨᒋ ᐊᓐᑕ ᐅᑕᐎᒪᐛ ᐅᒋᓴᐅᒋᒪᐅᓂᔨᒡ ᒧᔭᒻ ᐱᓯᒻ ᐊ ᐃᓯ ᒋᐧᑲᔭᔅᑐᐛᑦ᙮ ᐊᓐ ᐊᐛᓐ ᑲ ᐸᑕᐧᒃ ᓱᒃ ᐎ ᓂᔅᑐᑎᒻ ᐅᔭ᙮”

ᒪᑎᔪᐤ 13:43 ပူးပေါင်းရင်းမြစ်များ

ᐊᒃᓱᑕᔅ 34:35

ᑭᔭ ᐃᔪᒡ ᒋ ᐛᐸᑎᒺᐅᒡ ᒧᓱᓴ ᐊᐛᔅᑕᔨᒡ ᐅᑕᔅᑎᒥᐧᑯᔪᐤ ᑭᔭ ᑲᐤ ᐊᑯᐛᐱᒂᐅᓂᔪᐤ ᒋ ᐊᑯᓇᐊᒻ ᐅᑕᔅᑎᒥᐧᒄ ᐸᑐᔅ ᒥᓐ ᐸᒐᒋ ᐸᔭᒋ-ᐱᒍᐎᔭᓂᒋᐛᐱᔪᐤ ᒐᒋ ᐃᔨᒪᐊᑦ ᑎᐸᔨᒋᒐᓱᐛ᙮

ᒪᑎᔪᐤ 11:15

ᐎ ᓂᔅᑐᑎᒧᒄ ᒪᒃ ᑕᓐ ᑲ ᐃᓯ ᐸᑎᒪᒄ᙮”

ᒪᑎᔪᐤ 25:34

ᐊᑯ ᒐ ᐃᑕᑦ ᐊᓐ ᒋᓴᐅᒋᒪᐤ ᐊᓂᔭ ᐃᔪᐛ ᐊᓐᑕ ᐅᒥᔪᐅᓂᒡ ᐊ ᑕᔨᒋ, ‘ᐊᔅᑎᒧᒄ ᒋᔨᐛᐤ ᑲ ᓱᐛᔨᒥᑕᒄ ᓄᑕᐎᔾ᙮ ᐊᔅᑎᒧᒄ, ᐅᑎᓂᒧᒄ ᐊᓐ ᒋᓴᐅᒋᒪᐅᓐ ᐊᓐ ᑲ ᐊᓱᑎᒪᑯᐅᔭᒄ ᐃᔅᐱ ᒪᐅᒡ ᓂᔅᑎᒻ ᑲ ᐅᓯᑕᑭᓄᐅᒡ ᐅ ᐊᔅᒋᔾ᙮

ᒪᑎᔪᐤ 25:36

ᐊᑲ ᐅᒋ ᐅᑦ ᐊᐱᒋᑕᐅᓂᔭᓐ, ᔅᒋ ᐛᑕᔅᐱᓯᓇᐛᐤ, ᑲ ᐊᐧᑯᓯᔭᓐ, ᔅᒋ ᑭᓄᐛᔨᒥᓇᐛᐤ, ᑭᔭ ᑲᒪᑯᓄᐛᓯᐅᒋᐛᐱᒡ ᑲ ᑕᔭᓐ ᔅᒋ ᒧᐱᔅᑐᐅᓇᐛᐤ᙮’

ᒪᑎᔪᐤ 26:29

ᒋ ᐎᑎᒪᑎᓇᐛᐤ ᒪᒃ ᓇᒪ ᒥᓐ ᓂᑭ ᐅᒋ ᒥᓐ ᓱᒥᓇᐳᔾ ᐅᑕ ᐎ ᐸᑐᔅ ᐊᓐᑕ ᓄᑕᐎᔾ ᐅᒋᓴᐅᒋᒪᐅᓂᒡ ᒥᓐ ᒪᒧᐤ ᒥᓂᔭᒂ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:23

ᓂᑐᑎᒧᒄ ᒪᒃ, ᐊᓐ ᐊᐛᓐ ᑲ ᐎᑐᐅᑲᑦ ᐊ ᓂᓇᐃᑕᐧᒃ ᒪᒃ ᐃᔭᒂ ᒋᑭ ᐎ ᓂᑐᑎᒻ᙮”

ᓗᒃ 12:32

“ᐊᑲᐎᔾ ᓴᒋᓯᒄ, ᐊᑎ ᐊᑲ ᒥᒐᑎᔭᒄ, ᐛᔅ ᒍᑕᐎᐛᐤ ᒋᒋᒋᓯᑯᒡ ᐊ ᑕᑦ ᓇᔅᒡ ᑕᑈ ᓇᐊᔨᑎᒥᐃᑯᐤ ᒐᒋ ᒥᔨᑕᒄ ᐅᒋᓴᐅᒋᒪᐅᓐ᙮

ᓗᒃ 22:29

ᓄᑕᐎᔾ ᓂᒋ ᐱᔅᑎᓂᒪᒄ ᑎᐸᔨᒋᒐᐅᓂᔪᐤ ᐊᓐᑕ ᐅᒋᓴᐅᒋᒪᐅᓂᒡ, ᑭᔭ ᓂᔾ ᒐ ᐱᔅᑎᓂᒪᑎᑯᒡ

1 ᑯᕆᓐᑎᔭᓇ 15:58

ᐊᐅᒄ ᒪᒃ ᐅ ᐛᒋ ᓯᒋᒥᑎᑯᒡ ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᐊᔨᒋᑲᐳᐅᒄ ᐊ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᑲᐎᔾ ᓄᑎᐳᓂᒄ᙮ ᓱᒃ ᒧᔅ ᐊᑐᔅᒐᔅᑐᐛᐧᒄ ᐅᑎᐸᔨᒋᒐᐤ᙮ ᐛᔅ ᒋ ᒋᔅᒐᔨᑕᓇᐛᐤ ᒐᔅᑎᓇᔅ ᐊᑲ ᒐᔅᑲ ᔭᐱᑎᓯᔅᑎᐛᒄ ᐅᑎᐸᔨᒋᒐᐤ᙮

ᒋᒥᔅ ᐅᒥᓯᓇᐊᒪᒐᐅᓐ 2:5

ᐃᔭᒂ ᓂᑐᑎᒧᒄ ᓂᐧᑲᓂᓯᑐᒄ᙮ ᓇᒪᔭᐤ ᐊ ᐊᓂᔭ ᑲ ᒋᔅᑎᒪᑎᓯᔨᒋ ᐅᑕ ᐊᔅᒋᒡ ᐊ ᑕᔨᒋ ᐅᒋ ᐃᑕᔨᒪᐤ ᒋᓴᒪᓂᑐᐤ ᒥᔅᑎ ᒐᒋ ᐊᔭᔨᒋ ᑕᑈᑎᒧᐅᓂᔪᐤ ᑭᔭ ᒐᒋ ᐊᔭᔨᒋ ᒋᓴᐅᒋᒪᐅᓂᔪᐤ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᓴᒋᐃᑯᑦ ?