ᒪᑎᔪᐤ 13:35 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁵ ᐊᐅᒄ ᒪᒃ ᐅᔭ ᑲ ᐃᑎᑦ ᒐᒋ ᑕᑈᒥᑭᓂᔨᒡ ᑕᓐ ᑲ ᐃᔅᒋᔄᒂ ᐊᓐ ᐅᒋᔅᒋᐛᐃᒐᓱᐤ, ᒋᔅᑯᑎᒪᒐᐤ ᑎᐸᒋᒧᐅᓇ ᓂᑭ ᐊᐱᒋᑕᐛᓐ ᐊ ᐎᑎᒧᐅᒂᐤ ᐊᐛᓐᒋ ᑕᓐ ᐊᓂᔭᔪᐛ ᐊᔅᒄ ᐊᑲ ᐅᒋ ᒋᔅᒐᔨᑕᑯᓂᔨᒋ ᑲ ᐃᔅᐱᔅ ᐅᓯᑕᑭᓄᐅᒡ ᐅ ᐊᔅᒋᔾ᙮

ᒪᑎᔪᐤ 13:35 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 49:4

ᓂᑭ ᓂᑐᑕᓐ ᓂᔅᐱᑎᐛᐤ ᐊᑎᔪᐧᑭᓐ: ᓂᑭ ᓄᑯᑕᓐ ᓂ ᑎᐱᔅᒋᓱᐎ ᐃᔨᒧᐅᓐ ᐊᓯᑭᓇᔭᐱᔾ ᒋᔍᐛᐱᒋᑭᓂᒡ᙮

ᑎᐱᑦ ᐅᓂᑭᒧᐅᓇ 78:2

ᓂᑭ ᐸᔅᒋᑐᓇᔨᓐ ᐊ ᓂᔅᐱᑐᐛᐤ ᐊᑎᔪᒐᔭᓐ: ᓂᑭ ᐎᑕᓐ ᐎᐱᒡ ᐅᓂᑎᐱᔅᑲᐤ ᐃᔨᒧᐅᓇ;

ᒪᑎᔪᐤ 13:14

ᒧᔭᒻ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ᐃᔅᒋᔄᒂ, ᐅᒡ ᐃᔪᒡ ᒋᑭ ᐸᑎᒧᒡ, ᓇᒪ ᒥᒄ ᒋᑭ ᐅᒋ ᓂᔅᑐᑎᒧᒡ, ᒋᑭ ᐛᐸᑎᒧᒡ, ᓇᒪ ᒥᒄ ᒋᑭ ᐅᒋ ᓂᔅᑐᐅᓂᒧᒡ᙮

ᒪᑎᔪᐤ 13:3

ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒪᒃ ᒋ ᐊᐱᒋᑕᐤ ᒋᓴᔅ ᐊ ᐛᐎᑎᒧᐛᑦ ᒥᒐᑦ ᒐᒂᔪᐛ, ᐊᑯ ᐊᑕᑦ, “ᐸᐃᒂᐤ ᓇᐸᐤ ᒋ ᓂᑕᐅᒋᑕᐤ ᐊᓐᑕ ᐅᓂᑕᐅᒋᑕᑭᓐ ᐊᔅᒋᒡ᙮

ᒪᑎᔪᐤ 25:34

ᐊᑯ ᒐ ᐃᑕᑦ ᐊᓐ ᒋᓴᐅᒋᒪᐤ ᐊᓂᔭ ᐃᔪᐛ ᐊᓐᑕ ᐅᒥᔪᐅᓂᒡ ᐊ ᑕᔨᒋ, ‘ᐊᔅᑎᒧᒄ ᒋᔨᐛᐤ ᑲ ᓱᐛᔨᒥᑕᒄ ᓄᑕᐎᔾ᙮ ᐊᔅᑎᒧᒄ, ᐅᑎᓂᒧᒄ ᐊᓐ ᒋᓴᐅᒋᒪᐅᓐ ᐊᓐ ᑲ ᐊᓱᑎᒪᑯᐅᔭᒄ ᐃᔅᐱ ᒪᐅᒡ ᓂᔅᑎᒻ ᑲ ᐅᓯᑕᑭᓄᐅᒡ ᐅ ᐊᔅᒋᔾ᙮

ᒪᑎᔪᐤ 5:2

ᐊᑯ ᒂ ᒋᒋᐱᔨᑦ ᐊ ᒋᔅᑯᑎᒧᐛᑦ ᐅᒋᔅᒋᓄᐊᒧᐛᑭᓇ ᐊ ᐃᑕᑦ,

ᓗᒃ 10:14

ᐃᔅᐱ ᐅᑎᒋᐱᔨᒐ ᑎᐸᔅᑯᓂᒐᐅ ᒋᓯᑲᔨᒐ, ᒋᓴᒪᓂᑐᐤ ᒋᑭ ᐛᐛᓯᐊᐤ ᐊᓂᔭ ᑕᐃᕋᒡ ᑭᔭ ᓴᐃᑐᓂᒡ ᐊ ᑕᔨᒋ᙮ ᐊᑐᐎᔅ ᒪᒃ ᒋᔨᐛᐤ ᒋᑭ ᐛᐛᓯᐃᑯᓇᐛᐤ᙮

ᒠᓐ 17:24

“ᓄᑕ, ᒋᔾ ᔅᒋ ᐸᒋ ᒥᔨᓐ ᐅᒡ, ᒋ ᓂᑐᑎᒪᑎᓐ ᒪᒃ ᑭᔭ ᐎᔨᐛᐤ ᐊᔅᒄ ᒐᒋ ᑕᒡ ᐊᓐᑕ ᒐ ᑕᐅᒡ᙮ ᐊᑯ ᒪᒃ ᒐ ᐛᐸᑕᒡ ᓂᒋᔅᑕᔨᑕᑯᓱᐅᓂᔪᐤ, ᐊᓂᔭ ᒋᔅᑕᔨᑕᑯᓱᐅᓂᔪᐤ ᑲ ᐸᒋ ᒥᔨᓐ ᐛᔅ ᔅᒋ ᓴᒋᐃᓐ ᐊᔅᒄ ᐊᑲ ᐅᒋ ᐅᓯᑕᔨᓐ ᐅ ᐊᔅᒋᔾ᙮”

ᐊᑈᔅᑕᓇᒡ 15:18

ᐊᐅᒄ ᐅᔭ ᑲ ᐃᔅᒋᔄᑦ ᐅᑎᐸᔨᒋᒐᐤ ᐊᓐ ᐛᔅᑭᒡ ᑲ ᒋᔅᒐᔨᑕᑯᑕᑦ ᐅᔭ ᐊᒋ ᐃᓯ ᐎᔭᔨᑕᐧᒃ᙮”

1 ᑯᕆᓐᑎᔭᓇ 2:7

ᒋᓴᒪᓂᑐᐤ ᐅᑭᒐᑕᐛᔨᑎᒧᐅᓐ ᐊᐅᒄ ᑲ ᐊᔨᒧᑎᒪᑕᒡ ᐊᓐ ᐊᑲ ᐅᒋ ᒋᔅᒐᔨᑕᑯᑕᑭᓄᐅᒡ ᐅᑕ ᐸᒋ ᐅᑕᒡ᙮ ᐊᔅᒄ ᐊᑲ ᐅᒋ ᐅᓯᑕᑦ ᒋᓴᒪᓂᑐᐤ ᐅᔭ ᐊᔅᒋᔪᐤ, ᓴᔅ ᒋ ᐎᔭᔨᑎᒻ ᑕᓐ ᒐ ᐃᑎᑦ ᐊᓐᑕ ᓂᔅᑕᒥᒡ ᐊᓐᑕ ᒐᒋ ᐅᒋ ᒋᔅᑕᔨᑕᑯᐃᑕᐧᒄ᙮

ᐃᐱᓯᔭᓇ 3:5

ᐛᔅᑭᒡ ᐊᓐᑕ ᓇᒪ ᐅᒋ ᒥᔭᑭᓄᐎᒡ ᐊᐛᓐᒋ ᒐᒋ ᒋᔅᒐᔨᑕᒡ ᐅᔭ᙮ ᐊᓄᒡ ᒪᒃ ᒋᓴᒪᓂᑐᐤ ᒋ ᐎᑎᒧᐛᐤ ᑲ ᐸᔭᒋᓯᔨᒋ ᐅᑦ ᐊᑈᔅᑕᓂᒪ ᑭᔭ ᐅᒋᔅᒋᐛᐃᒐᓯᒪ ᐅᔭ ᐅᑦ ᐊᒐᒂ ᐅᒋ᙮

ᐃᐱᓯᔭᓇ 3:9

ᑭᔭ ᓂᔾ ᓂᒋ ᒥᔨᒄ ᒥᓯᐛ ᐊᐛᔪᐛ ᒐᒋ ᒋᔅᒐᔨᑎᒥᐃᒥᒋ ᐊᓂᔭ ᒐᒂᔪᐤ ᐊᑲ ᐅᒋ ᒋᔅᒐᔨᑕᑯᓂᔨᒡ ᑲ ᐃᓯ ᐎᔭᔨᑎᒥᑯᐱᓇ ᒋᓴᒪᓂᑐᐤ ᒐ ᐃᑐᑕᐧᒃ᙮ ᒋᓴᒪᓂᑐᐤ ᐊᓐ ᒥᓯᐛ ᒐᒂᔪᐤ ᑲ ᐅᓯᑕᑦ ᒋ ᑭᓄᐛᔨᑎᒧᑯᐱᓇ ᒥᒄ ᐅᔭ ᑕᓐ ᑲ ᐃᓯ ᐎᔭᔨᑎᒥᑯᐱᓇ ᒐ ᐃᑐᑕᐧᒃ ᐊᓐᑕ ᓂᔅᑕᒥᒡ᙮

ᐃᑉᕈᐛ 1:1

ᐊᓐᑕ ᐛᔅᑭᒡ ᒋᓴᒪᓂᑐᐤ ᒥᒐᑥᐤ ᒋ ᐃᔨᒪᐊᐤ ᐊᓂᔭᐧᑲ ᐊᓂᔅᒐ ᒍᑕᐎᓄᐛ᙮ ᒋ ᐊᐱᒋᐊᐤ ᐊᓂᔭ ᐅᒋᔅᒋᐛᐃᒐᓱᐛ ᓂᓇᐧᑯᐤ ᒐᒋ ᐃᓯ ᐎᑎᒥᔨᒋ ᑕᓐ ᑲ ᐸᒋ ᐃᔅᒋᔄᑦ᙮

ᒋᔅᒐᔨᑕᑯᑕᒐᐅᓐ 13:8

ᐊᑯ ᒪᒃ ᒥᓯᐛ ᐊᐛᓐ ᐊᔅᒋᒡ ᐊ ᑕᑦ ᒋᑭ ᐊᔭᒥᐊᔅᑐᐛᐤ ᐊᓂᔭ ᒥᒋ ᐊᐛᓯᓴ᙮ ᒥᒄ ᐊᓐᒡ ᐱᒪᑎᓯᐤ ᒥᓯᓇᐃᑭᓂᒡ ᑲ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐤ, ᐊᓂᔭ ᒥᓯᓇᐃᑭᓂᔪᐤ ᐊᓐᑕ ᑲ ᒥᓯᓇᓱᒡ ᐊᐛᓐᒋ ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐊᔅᒋᔾ, ᐊᐅᑯᓐᒡ ᐊᓐᒡ ᓇᒪ ᐅᒋ ᐊᔭᒥᐊᔅᑐᐛᐅᒡ ᐊᓂᔭ ᒥᒋ ᐊᐛᓯᓴ᙮ ᐅ ᒪᒃ ᒥᓯᓇᐃᑭᓐ ᐊᓐ ᒪᔭᑕᓂᔅ ᑲ ᓂᐸᐊᑭᓄᐅᑦ ᑎᐸᔨᑎᒻ᙮

ᒋᔅᒐᔨᑕᑯᑕᒐᐅᓐ 17:8

ᐊᓐ ᒥᒋ ᐊᐛᓯᔅ ᑲ ᐛᐱᒥᑦ, ᒋ ᐱᒪᑎᓯᐤ ᐸᐃᒂᐤ ᒥᒄ ᒪᒃ ᓇᒪ ᓴᔅ ᐱᒪᑎᓯᐤ᙮ ᐊᓐᑕ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᒋᑭ ᐅᒋ ᓄᑯᐃᓱᐤ ᑭᔭ ᒐ ᓂᓱᐅᓇᒋᐊᑭᓄᐅᑦ᙮ ᐊᓐᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᑲ ᐱᒪᑎᓯᒡ ᐊᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᒥᓯᓇᐃᑭᓂᒡ ᐊᓐᑕ ᑲ ᒥᓯᓇᐛᑭᓄᔨᒋ ᐊᐛᔪᐛ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ, ᒋᑭ ᒥᔅᑲᓯᓄᐛᐅᒡ ᐛᐱᒪᑥᐛ ᐊᓂᔭᔪᐛ ᒥᒋ ᐊᐛᓯᓴ᙮ ᐛᔅ ᒋ ᐱᒪᑎᓯᔪᐛ ᒥᒄ ᒪᒃ ᓇᒪ ᓴᔅ ᐱᒪᑎᓯᔪᐛ᙮ ᑲᐤ ᒪᒃ ᒋᑭ ᐅᒋ ᓄᑯᓯᔪᐛ ᐊ ᐱᒪᑎᓯᔨᒋ᙮”