ᒪᑎᔪᐤ 13:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐊᑯ ᒋᓴᔅ ᒂ ᐎᑎᒧᐛᑦ ᑯᑎᒋᔪᐤ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ᐃᑕᑦ, “ᒋᒋᒋᓯᒄ ᒋᓴᐅᒋᒪᐅᓐ ᐊᐅᒄ ᒧᔭᒻ ᐊ ᐃᓯᓇᒂᒡ ᓇᐸᐤ ᐊ ᓂᑕᐅᒋᑕᑦ ᐊ ᒥᔪᓯᔨᒋ ᓂᑕᐅᒋᑕᑭᓇ ᐊᓐᑕ ᐅᓂᑕᐅᒋᑕᑭᓐ ᐊᔅᒋᒡ᙮

ᒪᑎᔪᐤ 13:24 ပူးပေါင်းရင်းမြစ်များ

ᒪᑎᔪᐤ 13:19

ᐊᓐ ᒪᒃ ᐊᐛᓐ ᑲ ᐸᑕᐧᒃ ᐊᓂᔭ ᒥᔽᒋᒧᐅᓂᔪᐤ ᐊ ᐊᔨᒧᑕᑭᓄᔨᒋ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊᑲ ᒪᒃ ᓂᔅᑐᑎᒧᒂ, ᒧᔭᒻ ᐊᓐ ᓂᑕᐅᒋᑕᑭᓐ ᐊᓐᑕ ᐅᐱᒪᔅᑭᓄᐤ ᑲ ᐸᒋᓯᐧᒃ ᐊᐅᑯᓐ ᐊ ᐃᓯᓇᑯᓯᑦ, ᒥᒋᒥᓂᑐᐛ ᒥᔅᑭᒥᑯᐤ ᑕᓐ ᑲ ᐃᓯ ᐸᑕᐧᒃ ᑭᔭ ᓇᒪ ᒋ ᓂᑕᐅᒍᐤ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᒪᑎᔪᐤ 13:25

ᐸᐃᒂᐤ ᒪᒃ ᐊ ᑎᐱᔅᑲᔨᒡ ᒪᒂᒡ ᒥᓯᐛ ᐊᐛᓐ ᐊ ᓂᐸᑦ, ᐊᑲ ᓇᐊᔨᒥᑯᑦ ᐊᐛᔪᐛ ᐊᓐ ᓂᑕᐅᒋᒐᓱᐤ ᒋ ᑎᑯᓯᓂᔪᐛ, ᐊᑯ ᑲ ᐅᔄᐛᐱᓂᒥᔨᒋ ᒥᒋ ᓱᒥᓇ ᐊᓐᑕ ᐅᓂᑕᐅᒋᑕᑭᓂᒡ᙮

ᒪᑎᔪᐤ 13:31

ᐊᑯ ᒋᓴᔅ ᒂ ᐎᑎᒧᐛᑦ ᑯᑎᒋᔪᐤ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ᐃᑕᑦ, “ᒧᔭᒻ ᐊᓐ ᓂᑕᐅᒋᑕᑭᓐ ᑲ ᐊᐱᓯᓯᑦ ᒪᔅᑎᕐᑦ ᑲ ᐃᓯᓂᐧᑲᑕᑭᓄᐅᑦ ᐊᐅᑯᓐ ᐊ ᐃᓯᓇᒂᒡ ᒋᒋᒋᓯᒄ ᐅᒋᒪᐅᓐ᙮ ᐊᔪᐅᒄ ᐅᔭ ᐛᑎᓇᑦ ᓇᐸᐤ ᐊ ᐊᑎ ᓂᑕᐅᒋᑕᑦ ᐊᓐᑕ ᐅᓂᑕᐅᒋᑕᑭᓐ ᐊᔅᒋᒡ᙮

ᒪᑎᔪᐤ 13:33

ᒋᓴᔅ ᒪᒃ ᒥᓐ ᒋ ᐎᑎᒧᐛᐤ ᑯᑎᒋᔪᐤ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ᐃᑕᑦ, “ᒪᐅ ᐊ ᐃᑕᔨᑕᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒧᔭᒻ ᓯᐅᔅᑎᒪᑭᓇ ᐊᓂᔭ ᑲᒋ ᒪᒧᐱᔭᑦ ᐃᔎᐤ ᒥᔅᑎ ᐸᒂᓯᑭᓂᒡ, ᒥᓯᐛ ᒪᒃ ᐅᐱᔪᐛ ᐸᒂᓯᑭᓇ᙮”

ᒪᑎᔪᐤ 13:37

ᐊᑯ ᒋᓴᔅ ᐊᑕᑦ, “ᐊᓐ ᓇᐸᐤ ᑲ ᓂᑕᐅᒋᐊᑦ ᑲ ᒥᔪᓯᔨᒋ ᓂᑕᐅᒋᑕᑭᓇ ᐊᐅᒄ ᐃᔪᐤ ᐅᑯᓯᓴᓐ᙮

ᒪᑎᔪᐤ 13:47

“ᒪᐅ ᒥᓐ ᐃᔭᐱᒡ ᐊ ᐃᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒧᔭᒻ ᓇᐸᐅᒡ ᐊᒋ ᐱᔅᑕᐛᒡ ᓴᑲᐃᑭᓂᒡ ᓂᓇᐧᑯᐤ ᒪᒃ ᐊ ᐃᓯᓇᑯᓯᔨᒋ ᓂᒪᓴ ᐊ ᐱᑕᐎᔭᒡ᙮

ᒪᑎᔪᐤ 18:23

“ᐛᔅ ᒪᐅ ᐊ ᐃᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒧᔭᒻ ᒋᓴᐅᒋᒪᐤ ᐊᒋ ᓂᑐᐛᔨᒪᑦ ᐅᑦ ᐊᐱᒋᐊᑭᓇ ᑲ ᒥᓯᓇᐊᒪᑯᑦ ᒐᒋ ᐱᑯᓯᓇᐃᒐᔨᒋ,

ᒪᑎᔪᐤ 20:1

“ᒪᐅ ᐊᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒋ ᑕᐤ ᐸᐃᒂᐤ ᐅᒋᒪᐤ ᐊ ᑎᐱᔨᐛᐅᓯᑦ ᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᔪᐤ᙮ ᐸᐃᒂᐤ ᒪᒃ ᐎᐱᒡ ᐊ ᒐᒋᓴᐸᔭᔨᒡ ᒋ ᐎᐎᔪᐤ ᐊ ᓇᓂᑐᐛᔨᒪᑦ ᐊᐛᔪᐛ ᒐᒋ ᐅᑎᓇᑦ, ᒐᒋ ᐊᑐᔅᒐᔨᒋ ᐊᓐᑕ ᐅᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮

ᒪᑎᔪᐤ 21:33

ᐊᑯ ᒋᓴᔅ ᐊᑕᑦ, “ᓂᑐᑎᒧᒄ ᒥᓐ ᐅ ᑯᑎᒡ ᒋᔅᑯᑎᒪᒐᐤ ᑎᐸᒋᒧᐅᓐ᙮ ᒋ ᑕᐤ ᐸᐃᒂᐤ ᐅᒋᒪᐤ ᐊ ᓂᑕᐅᒋᑕᑦ ᒥᓂᓴ ᒐᒋ ᐅᒋ ᐅᓯᑕᑦ ᓱᒥᓇᐳᔪᐤ᙮ ᒋ ᒋᐸᐊᒻ ᒪᒃ ᒥᓯᐛ ᐛᔅᑲ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ᙮ ᑭᔭ ᒋ ᒧᓇᐊᒻ ᑕᓐᑕ ᒐ ᐱᒋᔅᒋᔅᑲᑭᓄᔨᒋ ᐊᓂᔭ ᒥᓂᓴ᙮ ᒋ ᐅᓯᑕᐤ ᑭᔭ ᐊᓱᐛᐳᐅᒋᐛᐱᔪᐤ ᐊᓐᑕ ᒐ ᐅᒋ ᓂᓇᑭᑐᐛᔨᑕᑭᓄᔨᒋ ᐊᓂᔭ ᐅᓂᑕᐅᒋᑕᑭᓇ᙮ ᐃᔅᐱ ᒪᒃ ᑲᒋ ᐃᑎᑦ ᒋ ᓇᓂᑐᐛᐱᒪᐤ ᐊᐛᔪᐛ ᒐᒋ ᓂᓇᑭᑐᐛᔨᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒂ ᔅᑐᑕᑦ, ᐛᔪᐤ ᐊ ᑎᑯᓂᔨᒡ ᐊᔅᒋᔪᐤ ᒋ ᐃᑐᑕᐤ᙮

ᒪᑎᔪᐤ 22:2

“ᒋᑭ ᐎᑎᒪᑎᓇᐛᐤ ᑕᓐ ᐊ ᐃᑕᔨᑕᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒧᔭᒻ ᒋᓴᐅᒋᒪᐤ ᐊᒋ ᐊᔭᔅᑯᐅᔅᑕᑦ ᐊ ᒥᓴᔨᒡ ᒥᑯᓴᓂᔪᐤ, ᐅᑯᓴ ᐊ ᒥᑯᓴᐊᑦ ᐊᒋ ᓂᐳᔨᒋ᙮

ᒪᑎᔪᐤ 25:1

“ᒋᑭ ᐎᑎᒪᑎᓇᐛᐤ ᑕᓐ ᒐ ᐃᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ ᐃᔅᐱ ᐃᔪᐤ ᐅᑯᓯᓴᓐ ᑎᑯᓯᒐ ᒐ ᒋᓴᐅᒋᒪᐅᑦ᙮ ᒧᔭᒻ ᐸᐃᑯᔪᐤ ᐅᔅᒋᓂᒋᔎᓯᒡ ᐊ ᑕᐧᑯᓇᒡ ᐅᐛᔅᑕᓂᐱᒪᑭᓄᐛᐛ, ᐊ ᓂᑐᐤ ᓂᒋᔅᑯᐛᒡ ᐅᔅᒋᓂᐳᐛᓇ᙮

ᒪᑎᔪᐤ 3:2

ᐊ ᐃᔅᒋᔄᑦ, “ᒂᔅᑲᑎᓯᒄ, ᐛᔅ ᓴᔅ ᐸᓱᓇᑯᓐ ᐊᓐ ᒋᒋᒋᓯᒄ ᒋᓴᐅᒋᒪᐅᓐ᙮”

ᒪᑎᔪᐤ 4:23

ᒋᓴᔅ ᒪᒃ ᒋ ᐃᑐᑕᐤ ᐊᓐᑕ ᒥᓯᐛ ᑲᓕᓕᒡ ᐊ ᐃᔅᐱᓴᔨᒡ ᐊ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑕᐧᒃ, ᑭᔭ ᐊ ᒥᓏᒋᐊᑦ ᐊᐛᔪᐛ ᒥᓯᐛ ᓂᓇᐧᑯᐤ ᑲ ᐃᑕᔅᐱᓇᔨᒋ᙮

ᓗᒃ 13:18

ᐊᑯ ᒋᓴᔅ ᑲ ᑯᒂᒋᒪᑦ ᐊᓂᔭ ᐊᓐᑕ ᑲ ᑕᔨᒋ, “ᑕᓐ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ? ᑕᓐᑕ ᒐᒋ ᐅᒋ ᐎᑎᒪᑎᑯᒡ ᑕᓐ ᐊᓐ ᐊ ᐃᑕᔨᑕᑯᓂᔨᒡ ?

ᓗᒃ 13:20

ᒥᓐ ᒪᒃ ᒋ ᐃᓯ ᑯᒂᒋᒪᐤ, “ᑕᓐ ᐊ ᐃᑕᔨᑕᒂᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ?

ᑯᓚᓯᔭᓇ 1:5

ᐊᓐᑕ ᐅᔅᑭᒡ ᑲ ᐛᐎᑎᒪᑯᐅᔭᒄ ᒥᔽᒋᒧᐅᓐ, ᐅ ᑕᑈᐅ ᐃᔨᒧᐅᓐ ᑲ ᐃᓯᓂᐧᑲᑕᒡ, ᐊᑯᑕ ᑲ ᐸᑎᒪᒄ ᑕᓐ ᐊ ᐃᓯ ᑎᒂᒡ ᐊᔅᐸᔨᒧᐅᓂᒡ᙮ ᐊᑯ ᒪᒃ ᐊᔅᐸᔨᒧᐅᓐ ᐊᔭᔭᒄ ᐊᑯᑕ ᐛᒋ ᐃᓯᓇᒂᒡ ᒐᒋ ᑕᑈᔭᔨᒪᒄ ᙭ ᑭᔭ ᒐᒋ ᓴᒋᐃᐛᔭᒄ᙮ ᐅ ᒪᒃ ᑕᓐ ᐊ ᐃᓯ ᐊᔅᐸᔨᒧᔭᒄ ᒋᒋᒋᓯᑯᒡ ᑭᓄᐛᔨᑕᑭᓄᐤ᙮

1 ᐱᑕᕐ 1:23

ᐛᔅ ᐃᔅᐱ ᒥᓐ ᐊ ᐱᒪᑎᓯᔭᒄ ᑲ ᐃᓯᓇᑯᓯᔭᒄ ᑲᒋᒡ ᐱᒪᑎᓯᐅᓐ ᔅᒋ ᒥᔨᑯᓇᐛᐤ ᐛᔅ ᒋ ᐅᑦ ᐊᐛᓯᒥᑐᑕᑯᐛᐤ ᒋᓴᒪᓂᑐᐤ ᐅᑕᐎᒪᐤ ᐊᓐᑕ ᒐ ᐊᑲ ᓂᑕ ᐳᓂᐱᒪᑎᓯᑦ, ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓐ ᒐ ᐊᑲ ᓂᑕ ᐅᓂᑎᒡ ᑭᔭ ᒐ ᐊᑲ ᓂᑕ ᐃᔎᐱᔨᒡ, ᐊᑯᑕ ᑲ ᐅᒋ ᐃᓯᓇᑯᓯᔭᒄ ᒥᓐ ᐊ ᐱᒪᑎᓯᔭᒄ᙮