ᒪᑎᔪᐤ 12:46 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁶ ᐊᔅᒄ ᒪᒂᒡ ᒋᓴᔅ ᒋ ᐃᔨᒪᐊᐤ ᐊᓂᔭ ᐃᔪᐛ, ᒂ ᐅᒋ ᑎᑯᓯᓂᔨᒋ ᐅᑲᐎᔭ ᑭᔭ ᐎᐧᑲᓂᓴ᙮ ᐎᐎᑎᒥᒡ ᐊᓐᑕ ᒋ ᓂᐳᐅᔪᐛ ᐊ ᐎ ᐃᔨᒥᐃᑯᑦ᙮

ᒪᑎᔪᐤ 12:46 ပူးပေါင်းရင်းမြစ်များ

ᒪᑎᔪᐤ 1:18

ᒪᐅ ᒪᒃ ᑲ ᐃᔅᐱᔨᒡ ᐃᔅᐱ ᒐ ᐱᒪᑎᓯᑦ ᒋᓴᔅ ᙭᙮ ᒪᕆ, ᐊᓂᔭᔪᐛ ᒋᓴᔅ ᒐ ᐅᑲᐎᑦ ᒋᐸ ᓂᐳᐅᒡ ᐊᓂᔭᔪᐛ ᒍᓯᐸ, ᒥᒄ ᒪᒃ ᐊᔅᒄ ᐊᑲ ᐅᒋ ᓂᐳᐅᒡ ᒋᔅᒐᔨᑎᒻ ᒪᕆ ᐊ ᑭᓄᐛᔨᒪᐅᓱᑦ᙮ ᐊᓂᔭ ᒪᒃ ᐊᐛᓴ ᑲ ᐊᔭᐛᑦ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐤ ᒐᒋ ᐊᔭᐛᑦ᙮

ᒪᑎᔪᐤ 12:47

ᐊᑯ ᐸᐃᒄ ᐊᓐᑕ ᐊᐛᔪᐛ ᒂ ᐃᑎᑯᑦ, “ᒋᑲᐎᔾ ᑭᔭ ᒋᐧᑲᓂᓯᒡ ᐎᐎᑎᒥᒡ ᐊᓐᑕ ᓂᐳᐅᒡ ᐊ ᐎ ᐃᔨᒥᐃᔅᒡ᙮”

ᒪᑎᔪᐤ 13:55

ᓇᒪᔭᔪᐛ ᐊ ᐅᔭ ᒥᔅᑎᑯᓇᐸᐤ ᐅᑯᓴ ? ᓇᒪᐎᔾ ᐊ ᒪᕆ ᐃᓯᓂᐧᑲᓱᔪᐛ ᐅᑲᐎᔭ, ᑭᔭ ᓇᒪᔭᔪᐛ ᐊ ᐅᔭ ᒋᒥᔅ, ᒍᓯᑉ, ᓴᐃᒥᓐ ᑭᔭ ᒍᑎᔅ ᐎᐧᑲᓂᓱᐛᐛ ?

ᒪᑎᔪᐤ 2:11

ᐊᑯ ᒂ ᐱᒐᒡ ᐊᓂᔭᔪᐤ ᒥᒋᐛᐱᔪᐤ ᐊᓐᑕ ᑲ ᑕᔨᒋ ᐊᐛᓴ ᐊᓯᒡ ᐅᑲᐎᔪᐛ ᒪᕆᔨᒋ᙮ ᐃᔅᐱ ᒪᒃ ᐎᔭᐱᒪᒡ ᐊᓂᔭᔪᐛ ᐊᐛᓴ ᒋ ᐅᒋᒋᐧᑯᓂᐱᔪᐅᒡ ᐊ ᐊᔭᒥᐊᔅᑐᐛᒡ᙮ ᐊᑯ ᒂ ᑯᐃᑯᓇᒡ ᐊᓂᔭ ᒥᔨᐛᐅᓇ ᑲ ᐎ ᒥᔭᒡ ᐊᓂᔭᔪᐛ ᐊᐛᓴ, ᐎᔄᐅᓱᓇᔭᐱᔎ ᒋ ᒥᔭᐅᒡ, ᑭᔭ ᑲᒋ ᐃᔎᓯᑭᓄᔨᒋ ᑲᐎᒋᒪᑯᓯᔨᒋ ᑭᔭ ᑲ ᓱᓇᔭᐎᒡ ᑐᒥᓂᑭᓂᔪᐤ ᑲᐎᒋᒪᑯᑉᓴᓯᔨᒡ᙮

ᒪᑎᔪᐤ 2:20

“ᐅᓂᔾ, ᔅᑐᑕᐃ ᐊᓐ ᐊᐛᔅ ᑭᔭ ᐊᓂᔭ ᐅᑲᐎᔭ, ᑲᐤ ᒐ ᒋᐛᔭᒄ ᐊᓐᑕ ᐃᔅᕋᐃᓪ ᐊᔅᒋᒡ ᐛᔅ ᓴᔅ ᓇᒪ ᐱᒪᑎᓯᐅᒡ ᐊᓐᒡ ᑲ ᐎ ᓂᐸᐊᒡ ᐊᓂᔭᔪᐛ ᐊᐛᓴ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:21

“ᓇᒪ ᐊᐛᓐ ᐊᐱᒋᑕᐤ ᐱᒍᐎᔭᓂᓯᔪᐤ ᐊᑲ ᐅᒋ ᐅᒋᐱᔨᒡ ᐊ ᐎ ᒥᓴᐊᒃ ᐊᑯᐱᔅᒋᓯᔪᐤ᙮ ᐛᔅ ᐅᔭ ᒥᓯᐃᑲᒐᒐ ᐅᒋᐱᔨᒐ ᒪᒃ ᐊᑐᐎᔅ ᒋᑭ ᐱᑯᐱᔪᐤ ᐊᓐ ᐊᑯᑉ ᑕᓐᑕ ᐊᓐᑕ ᑲ ᐱᑯᐱᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:3

ᓇᒪᐎᔾ ᐊ ᐅᔭ ᑲ ᒥᔅᑎᑯᓇᐸᐎᔨᒋ ᒪᕆ ᐅᑯᓴ ? ᓇᒪᐎᔾ ᐊ ᐅᔭ ᐎᐧᑲᓂᓱᐛᐛ ᒋᒥᔅ, ᒍᓯᔅ, ᒍᑎᔅ ᑭᔭ ᓴᐃᒥᓐ ? ᓇᒪᐎᔾ ᐊ ᐅᑕ ᐎᒡ ᐃᔪᐛ ᑭᔭ ᐅᓯᒪ ?” ᐊᔪᐅᒄ ᐅᔭ ᑲ ᐃᓯ ᑯᒂᒋᒥᑐᒡ ᐛᔅ ᑕᐸ ᐅᒋ ᓇᐃᔅᑲᑯᐅᒡ ᑕᓐ ᑲ ᐃᑎᔨᒋ ᒋᓴᓴ᙮

ᓗᒃ 1:43

ᓂ ᒥᔅᑲᑕᔨᑕᓐ ᒪᒃ ᒐᒂᓐ ᓂᔾ ᐛᒋ ᐸᒋ ᒧᐱᔅᑐᐎᓐ ᓂᑎᐸᔨᒋᒐᓯᒻ ᐅᑲᐎᔭ ?

ᓗᒃ 2:33

ᒋ ᒥᔅᑲᓯᑎᒥᔪᐛ ᒪᒃ ᐊᓂᔭ ᐅᓂᒋᐃᒂ ᒋᓴᔅ ᑕᓐ ᑲ ᐃᓯ ᐸᑎᒥᔨᒋ ᐊ ᐃᓯ ᐊᔨᒧᒪᑭᓄᐅᑦ᙮

ᓗᒃ 2:34

ᐊᑯ ᐊᓐ ᒋᓴᐃᔪᐤ ᓯᒥᐅᓐ ᒥᓯᐛ ᑲ ᓱᐛᔨᒪᑦ, ᐊᑯ ᒂ ᐃᑕᑦ ᐊᓂᔭ ᒪᕆᔨᒋ, ᒋᓴᓴ ᐅᑲᐎᔪᐛ, “ᐅ ᐊᐛᔅ ᒋ ᐅᑎᓂᑯᐤ ᒋᓴᒪᓂᑐᐛ, ᒋᑭ ᐃᑐᑐᐛᐤ ᐊᓂᔭ ᐃᔅᕋᐃᓪ ᐃᔪᐛ ᒐᒋ ᐸᒋᓯᓂᔨᒋ, ᐊᑯ ᐊᓂᔭᔪᐛ ᑲ ᑕᑈᔭᔨᒥᑯᑦ ᒋᑭ ᐅᐱᑲᐳᐛᐤ᙮ ᐅ ᐊᐛᔅ ᒋᑭ ᐛᐸᑎᔨᐛᐤ ᒋᓴᒪᓂᑐᐛ ᐅᐱᒪᒋᐃᑯᓯᐅᓂᔪᐤ, ᒥᒄ ᒪᒃ ᒥᒐᑦ ᐊᐛᔪᐛ ᒋᑭ ᓂᔅᑯᔅᑕᑯᐤ᙮

ᓗᒃ 2:48

ᐊᓂᔭᔪᐛ ᒪᒃ ᐅᓂᒋᐃᒂ ᑲ ᐛᐱᒥᑯᑦ ᒋ ᑯᔅᑯᐱᔪᐛ ᐊᓐᑕ ᐊ ᒥᔅᑲᑯᑦ᙮ ᐊᓂᔭ ᒪᒃ ᐅᑲᐎᔭ ᒋ ᐃᑎᑯᐤ, “ᓂᑯᓴ, ᒐᒂᓐ ᐛᒋ ᓇᔅᒡ ᐊᔨᒪᔨᑎᒥᐃᔭᒡ, ᔅᒋ ᒥᔅᑎ ᓇᓂᑐᐛᐱᒥᑎᓇᓐ ᒍᑕᐎᔾ ᐊ ᓂᓯᔭᒡ ?”

ᓗᒃ 2:51

ᐊᑯ ᒂ ᐎᒐᐛᑦ ᐊ ᒋᐛᔨᒋ ᐊᓐᑕ ᓇᓴᕆᑎᒡ, ᒋ ᐱᓯᒋᐊᐤ ᒪᒃ ᒐᒂᔪᐤ ᐊ ᐃᑎᓱᒥᑯᑦ᙮ ᐅᑲᐎᔭ ᒪᒃ ᒋ ᑭᓄᐛᔨᑎᒥᔪᐛ ᐅᑕᐃᒡ ᒥᓯᐛ ᑕᓐ ᑲ ᐃᔅᐱᔨᒡ᙮

ᓗᒃ 8:10

ᐊᑯ ᒂ ᐃᑕᑦ, “ᔅᒋ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒪᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᐅᒡ ᐊᐛᓐᒋ, ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊᐱᑎᓂᔪᐤ ᐊ ᐊᔨᒧᑎᒧᐛᑭᓄᐎᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᐊᑎ ᐊ ᐛᐸᑕᒡ ᓇᒪ ᒋ ᓂᔅᑐᓂᒧᒡ, ᑭᔭ ᐊ ᐸᑕᒡ ᓇᒪ ᒋ ᓂᔅᑐᑎᒧᒡ᙮”

ᒠᓐ 19:25

ᒋᓴᔅ ᒪᒃ ᐅᑲᐎᐊ ᒥᒋᒪ ᒋ ᓂᐳᐅᔪᐛ ᐊᓐᑕ ᒋᓴᓴ ᐅᒋᐱᔭᑎᑯᒥᔨᒡ ᑭᔭ ᐅᑲᐎᐊ ᐎᐧᑲᓂᓯᔪᐛ ᐊᑯᑕ ᑲ ᓂᐳᔨᒋ ᑭᔭ ᒪᕆ, ᑲᓗᐸᔅ ᐎᐛ ᑭᔭ ᒪᕆ ᒪᒃᑕᓕᓐ᙮

ᒠᓐ 2:1

ᑲᒋ ᓂᓱ ᒋᓯᑲᒡ ᒪᒃ ᒋ ᓂᐳᐅᓇᓄᐤ ᐊᓐᑕ ᐊᓐ ᐅᑕᓇᐤ ᑲᐃᓇ ᑲ ᐃᓯᓂᐧᑲᑕᒡ ᐊᓐᑕ ᑲᓕᓕ ᐊᔅᒋᒡ ᑲ ᑎᒂᒡ᙮ ᐊᑯᑕ ᐊᓐᑕ ᑲ ᑕᔨᒋ ᒋᓴᔅ ᐅᑲᐎᔭ᙮

ᒠᓐ 2:12

ᐊᑯ ᒋᓴᔅ ᑭᔭ ᐅᑲᐎᔭ ᑭᔭ ᐎᐧᑲᓂᓴ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᒋ ᐃᑐᑕᐅᒡ ᐊᓐᑕ ᐅᑕᓇᔪᐤ ᑲᐳᕐᓇᐊᒻ ᑲ ᐃᓯᓂᐧᑲᑕᔨᒡ, ᐊᑯᑕ ᐊᓐᑕ ᑲ ᑕᒡ᙮ ᓇᒪ ᒥᒄ ᓇᔅᒡ ᒥᒐᑐᐤ ᒋᓯᑲᐛ ᐅᒋ ᑕᐅᒡ ᐊᓐᑕ᙮

ᒠᓐ 2:5

ᐊᑯ ᒋᓴᔅ ᐅᑲᐎᔭ ᒂ ᐃᑕᑦ ᐊᓂᔭ ᐊᐱᒋᐊᑭᓇ, “ᒥᒄ ᑕᓐ ᒐ ᐃᑎᓱᒥᑕᒂ ᐊᐅᒄ ᐊᓂᔭ ᐃᑐᑎᒺᐧᒄ᙮”

ᒠᓐ 7:10

ᐃᔅᐱ ᒪᒃ ᑲ ᔅᑐᑕᔨᒋ ᐊᓂᔭ ᒋᓴᔅ ᐎᐧᑲᓂᓴ ᐊᓐᑕ ᐊᓂᔭ ᐊ ᒥᑯᓴᓄᐎᒡ ᐊ ᐃᑐᑕᔨᒋ, ᑭᔭ ᐎᔾ ᒋ ᐃᑐᑕᐤ ᐊᓐᑕ ᐊᑲ ᒋᔅᒐᔨᒥᑯᑦ ᐛᔅ ᓇᒪ ᐅᒋ ᓂᑐᐛᔨᒪᐤ ᒐᒋ ᒋᔅᒐᔨᒥᑯᑦ ᐊᐛᔪᐛ ᐊᓐᑕ ᐊ ᑕᑦ᙮

ᒠᓐ 7:3

ᐊᑯ ᒋᓴᔅ ᐎᐧᑲᓂᓴ ᒂ ᐃᑎᑯᑦ, “ᔅᑐᑕ ᒪ, ᓇᑕ ᒍᑎᔭᒡ ᒐ ᐃᑐᑕᔨᓐ, ᒐ ᐛᐸᑕᒡ ᐊᓐᒡ ᑲ ᓇᓴᐅᔅᒡ ᑕᓐ ᐊ ᐃᓯ ᒪᒥᔅᑲᒡ ᐃᑐᐅᑦ᙮

ᒠᓐ 7:5

ᐛᔅ ᐛᐛᒡ ᑎᐱᔨᐛ ᐎᐧᑲᓂᓴ ᓇᒪ ᐅᒋ ᑕᑈᔭᔨᒥᑯᐤ ᒋᓴᔅ᙮

ᐊᑈᔅᑕᓇᒡ 1:14

ᒥᓯᐛ ᒪᒃ ᒋ ᓇᐊᔨᑎᒧᒡ ᒧᔅ ᒐᒋ ᐸᐃᑯᒪᒧᐎᒡ ᐊ ᒪᒧᐤ ᐊᔭᒥᐊᒡ᙮ ᐊᑯᑕ ᑲᒋ ᑕᒡ ᑭᔭ ᐊᓐᒡ ᐃᔎᐅᒡ, ᑭᔭ ᒪᕆ ᒋᓴᔅ ᐅᑲᐎᔭ, ᑭᔭ ᒋᓴᔅ ᐎᐧᑲᓂᓴ ᑲ ᓇᐸᐎᔨᒋ᙮

1 ᑯᕆᓐᑎᔭᓇ 9:5

ᓇᒪᐎᔾ ᐊ ᒪᒃ ᓂᐸ ᒋ ᓂᐳᐅᓐ ᑭᔭ ᓂᔾ ᑭᔭ ᓂᐸ ᒋ ᐱᐸᐎᒐᐛᐤ ᓂᐅ ᐊ ᐛᐎᑎᒪᓐ ᒥᔽᒋᒧᐅᓐ᙮ ᐊᐅᑯᓐ ᐊ ᐃᑎᒡ ᐊᓐᒡ ᑯᑎᑭᒡ ᐊᑈᔅᑕᓇᒡ ᑭᔭ ᐅᑎᐸᔨᒋᒐᐤ ᐎᐧᑲᓂᓴ ᑭᔭ ᐱᑕᕐ ᐊᐅᑯᓐ ᐊ ᐃᑎᑦ᙮

ᑲᓚᓯᔭᓇ 1:19

ᓇᒪ ᒥᒄ ᓂ ᐅᒋ ᐛᐱᒪᔪᐛ ᐊᓂᔭᔪᐛ ᑯᑎᑲ ᐅᑦ ᐊᑈᔅᑕᓂᒪ ᒋᓴᔅ᙮ ᒥᒄ ᒋᒥᔅ ᒋᑎᐸᔨᒋᒐᓯᒥᓄᐤ ᐎᐧᑲᓂᓴ ᐊᐅᑯᓐ ᐊᓐ ᑲ ᐛᐱᒥᒃ᙮