ᒪᑎᔪᐤ 12:41 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴¹ ᐃᔅᐱ ᒪᒃ ᑎᐸᔅᑯᓂᒐᐅ ᒋᓯᑲᒐ, ᐊᓂᔭᐧᑲ ᐃᔪᒡ ᐊᓐᑕ ᓂᓇᐸᒡ ᑲᒋ ᑕᒡ ᒋᑭ ᐅᐱᑲᐳᐅᒡ ᒐ ᐃᔅᒋᔄᒡ ᒐᒋ ᐛᐛᓯᐃᑯᐅᔭᒄ ᒋᔨᐛᐤ ᐊᓄᒡ ᑲ ᐱᒪᑎᓯᔭᒄ᙮ ᐛᔅ ᐊᑯᑕ ᑲ ᐅᒋ ᒂᔅᑲᑎᓯᒡ ᐃᔅᐱ ᑲ ᐸᑐᐛᒡ ᒍᓇᔨᒋ ᐊ ᑭᒐᔅᒋᒧᔨᒋ, ᑕᐤ ᒪᒃ ᐊᐛᓐ ᐅᑕ ᐅᔅᑕ ᐊ ᐃᑕᔨᑕᑯᓯᑦ ᐃᔅᐱᔅ ᒍᓇᔨᒋ, ᐃᔭᐱᒡ ᒪᒃ ᓇᒪ ᒋ ᐅᒋ ᒂᔅᑲᑎᓯᓇᐛᐤ᙮

ᒪᑎᔪᐤ 12:41 ပူးပေါင်းရင်းမြစ်များ

ᒪᑎᔪᐤ 12:39

ᐊᑯ ᒋᓴᔅ ᐊᑕᑦ, “ᐊᓄᒡ ᐊᐛᓐᒋ ᑲ ᐱᒪᑎᓯᒡ ᓇᔅᒡ ᑕᑈ ᒥᒐᑎᓯᐅᒡ ᑭᔭ ᐱᓯᒂᑎᓯᐅᒡ᙮ ᑲ ᑯᒂᒋᒐᒧᔭᒄ ᒐᒋ ᐛᐸᑎᔨᑯᐅᔭᒄ ᒪᒥᔅᑲᒡ ᐛᐸᑎᔨᐛᐅᓐ, ᓇᒪ ᒋᑭ ᐅᒋ ᐛᐸᑎᔨᑯᐅᓇᐛᐤ᙮ ᒥᒄ ᐊᓂᔭᔪᐛ ᑕᓐ ᑲ ᐃᓯ ᒪᒥᔅᑲᒡ ᐃᔅᐱᔨᑦ ᐊᓂᔭ ᐅᒋᔅᒋᐛᐃᒐᓱᐤ ᒍᓇ ᐊᐅᒄ ᒥᒄ ᐊᓐ ᒐ ᐛᐸᑎᔨᑯᐅᔭᒄ᙮

ᒪᑎᔪᐤ 12:42

ᐃᔅᐱ ᒪᒃ ᑎᐸᔅᑯᓂᒐᐅ ᒋᓯᑲᐤ ᐅᑎᒋᐱᔨᒐ, ᐊᓂᔭ ᒋᓴᐅᒋᒪᔎᐤ ᓴᐅᓄᑕᒡ ᑲ ᑎᐸᔨᒋᒐᑯᐱᓇ ᒋᑭ ᐅᒋ ᐱᓯᑯᐤ ᒐ ᓂᓱᐅᓇᒋᒪᑦ ᐊᓂᔭ ᐊᐛᔪᐛ ᐊᓄᒡ ᑲ ᐱᒪᑎᓯᔨᒋ᙮ ᐛᔅ ᐎᔾ ᓇᔅᒡ ᑕᑈ ᐛᔪᐤ ᒋ ᐅᑐᑕᐤ ᒥᒄ ᒐᒋ ᓂᑐᑎᒺᑦ ᐊᓂᔭ ᒋᓴᐅᒋᒪᐛ ᓴᓚᒥᓇ ᐅᑭᒐᑕᐛᔨᑎᒧᐅᓂᔪᐤ᙮ ᑕᐤ ᒪᒃ ᐅᑕ ᐊᐛᓐ ᐅᔅᑕ ᐊ ᐃᑕᔨᑕᑯᓯᑦ ᐃᔅᐱᔅ ᓴᓚᒥᓇ, ᓇᒪ ᒪᒃ ᐊᐱᓯᑐᐛᑭᓄᐤ᙮”

ᒪᑎᔪᐤ 12:45

ᐅᔭ ᒪᒃ ᐎᔭᐸᑕᐧᒃ ᐊ ᐃᓯᓇᑯᓂᔨᒡ ᐊᑯ ᒐ ᑐᑕᑦ, ᓂᔭᓂᑐᐛᔨᒪᑦ ᓂᔄᐅᑕᒡ ᒥᒋ ᐊᒐᒂ ᐅᔅᑕ ᐊ ᐃᑕᔨᑕᑯᓯᔨᒋ ᐃᔅᐱᔅ ᐎᔾ ᐊ ᐃᑕᔨᑕᑯᓯᑦ, ᒐᒋ ᐎᒋᒥᑯᑦ ᐊᓐᑕ ᐊᓂᔭ ᓇᐸᐛ ᐱᒡ ᐊ ᑕᔨᒋ᙮ ᐊᑯ ᒪᒃ ᐊᓐ ᓇᐸᐤ ᐊᑐᐎᔅ ᒋᑭ ᐃᑕᔨᑕᑯᐃᑯᐤ ᐊᓂᔭ ᓂᔄᐅᑕᒡ ᒥᒋ ᐊᒐᒂ ᑕᓐ ᑲ ᐃᑕᔨᑕᑯᓯᑦ ᓂᔅᑎᒻ, ᒥᒄ ᐊᒋ ᐸᐃᑯᓯᔨᒋ᙮ ᐊᐅᑯᓐ ᒪᒃ ᒐ ᐃᔅᐱᔨᒡ ᐊᓐᒡ ᐊᓄᒡ ᐊᐛᓐᒋ ᑲ ᒥᒐᑎᓯᒡ᙮”

ᒪᑎᔪᐤ 12:6

ᒋ ᐎᑎᒪᑎᓇᐛᐤ, ᑕᐤ ᐊᐛᓐ ᐅᑕ ᐅᔅᑕ ᐊ ᐃᔅᐸᔨᑕᑯᓯᑦ ᐃᔅᐱᔅ ᐎ ᑕᓐ ᐊ ᐃᑐᑕᑭᓄᐅᒡ ᒍᐤ ᒋᓴᐊᔭᒥᐊᐅᒋᐛᑉ᙮

ᒪᑎᔪᐤ 16:4

ᐊᓄᒡ ᐃᔪᒡ ᓇᔅᒡ ᑕᑈ ᒥᒐᑎᓯᐅᒡ ᑭᔭ ᓇᔅᒡ ᐱᓯᒂᑎᓯᐅᒡ᙮ ᒥᒄ ᐊ ᐎ ᐛᐸᑕᒡ ᒪᒥᔅᑲᒡ ᐛᐸᑎᔨᐛᐅᓇ, ᓇᒪ ᒪᒃ ᒋᑭ ᒋ ᐛᐸᑎᔭᑭᓄᐎᒡ᙮ ᒥᒄ ᐊᓂᔭ ᒪᒥᔅᑲᒡ ᒐᒂᔪᐤ ᑲ ᐃᔅᐱᔨᑦ ᒍᓇ ᐊᔪᐅᒄ ᒥᒄ ᐊᓂᔭ ᒐ ᐛᐸᑎᔭᑭᓄᐎᒡ᙮” ᐊᑯ ᒋᓴᔅ ᒂ ᓂᑭᑕᑦ ᒂ ᐊᑎ ᔅᑐᑕᑦ᙮

ᒪᑎᔪᐤ 17:17

ᒋᓴᔅ ᒪᒃ ᒋ ᐃᑕᐤ ᐊᓂᔭ ᐃᔪᐛ ᐊᓐᑕ ᑲ ᑕᔨᒋ, “ᒋᔨᐛᐤ ᐃᔪᒡ ᐊᓄᒡ ᑲ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ ᑭᔭ ᐊᑲ ᒂᔅᑲᑎᓯᔭᒄ, ᑕᓐ ᒐ ᐃᔅᐱᔅ ᑕᔭᓐ ᐅᑕ ᐊ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ ? ᐸᓱᐛᒄ ᐊᓐ ᓇᐸᔅ᙮”

ᒪᑎᔪᐤ 23:36

ᓂᐦᐃ, ᒋ ᐎᑎᒪᑎᓇᐛᐤ, ᑭᔭ ᒋᔨᐛᐤ ᐊᓄᒡ ᑲ ᐱᒪᑎᓯᔭᒄ ᒋᑭ ᐊᓂᔅᒐ ᒪᑎᑯᔅᑲᑯᓇᐛᐤ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᐅᒡ᙮”

ᓗᒃ 11:32

ᐃᔅᐱ ᒪᒃ ᑎᐸᔅᑯᓂᒐᐅ ᒋᓯᑲᒐ, ᐊᓂᔭᐧᑲ ᐃᔪᒡ ᐊᓐᑕ ᓂᓇᐸᒡ ᑲᒋ ᑕᒡ ᒋᑭ ᐅᐱᑲᐳᐅᒡ ᒐ ᐃᔅᒋᔄᒡ ᒐᒋ ᐛᐛᓯᐃᑯᐛᒄ ᒋᔨᐛᐤ ᐊᓄᒡ ᑲ ᐱᒪᑎᓯᔭᒄ᙮ ᐛᔅ ᐊᑯᑕ ᑲ ᐅᒋ ᒂᔅᑲᑎᓯᒡ ᐃᔅᐱᔅ ᑲ ᐸᑐᐛᒡ ᒍᓇᔨᒋ ᐊ ᑭᒐᔅᒋᒧᔨᒋ᙮ ᑕᐤ ᒪᒃ ᐊᐛᓐ ᐅᑕ ᐅᔅᑕ ᐊ ᐃᑕᔨᑕᑯᓯᑦ ᐃᔅᐱᔅ ᒍᓇᔨᒋ᙮”

ᒠᓐ 3:31

ᐛᔅ ᐊᓐ ᐃᔅᐱᒥᒡ ᑲ ᐅᑐᑕᑦ ᐊᐅᒄ ᐊᓐ ᐊᑐᐎᔅ ᐊ ᐃᔅᐸᔨᑕᑯᓯᑦ᙮ ᐊᓐ ᐊᔅᒋᒡ ᑲ ᐅᒋᑦ, ᐊᔅᒋᒡ ᐃᓯ ᐱᒪᑎᓯᐤ, ᑭᔭ ᐊᔅᒋᔪᐤ ᐊᔨᒧᑎᒻ᙮ ᐊᓐ ᐊᐛᓐ ᒋᒋᒋᓯᑯᒡ ᑲ ᐅᒋᑦ ᐎᔾ ᓇᔅᒡ ᐃᔅᐸᔨᑕᑯᓱᐤ᙮

ᒠᓐ 4:12

ᐛᔅᑭᒡ ᐊᓐᑕ ᐅᑕᒡ ᒋᑦ ᐊᓂᔅᒐ ᐛᐧᑯᒪᑭᓄᐤ ᒐᑭᑉ ᔅᒋ ᒥᔨᑯᓄᐤ ᐅᔭ ᐅᑕᐃᐸᓂᔪᐤ᙮ ᒋ ᒥᓄᐤ ᐅᔭ ᓂᐱᔪᐤ ᑭᔭ ᐅᑯᓴ ᑭᔭ ᐅᒪᔭᑕᓂᓯᒪ ᐊᑯᑕ ᑲ ᐅᒋ ᒥᓂᔨᒋ᙮ ᐃᐛᒃ ᐊ ᒋᔾ ᒋᑦ ᐃᑕᔨᒥᓱᓐ ᐃᔅᐱᔅ ᐎᔾ ᐊᓂᔭ ᒋᑦ ᐊᓂᔅᒐ ᐛᐧᑯᒪᑭᓄᐤ ᒐᑭᑉ ?”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:27

ᐊᑯ ᒪᒃ ᒋᔨᐛᐤ ᒍᐤ ᑲ ᐃᑎᔅᑲᓇᓯᔭᒄ ᒐ ᓂᓱᐅᓇᒋᒥᑕᑯᒡ ᐅᒡ ᐊᑲ ᒍᐤ ᐃᑎᔅᑲᓇᓯᒡ ᐛᔅ ᑕᐸ ᒋ ᓂᓇᐃᑎᒺᓇᐛᐤ ᒋᔨᐛᐤ ᒋᓴᒪᓂᑐᐤ ᐅᐎᓱᐛᐅᓐ ᐊᑎ ᒋᔨᐛᐤ ᐊ ᐊᔭᐛᒄ ᐊᒋ ᒥᓯᓇᐃᑭᓄᐎᒡ ᑭᔭ ᐊᑎ ᐊᒋ ᒋᔅᒋᓄᐛᒋᔄᑯᔭᒄ᙮ ᐎᔨᐛᐤ ᒪᒃ ᐅᒡ ᐊᑲ ᒍᐤ ᐃᑎᔅᑲᓇᓯᒡ ᓂᓇᐃᑕᒧᒡ ᐎᓱᐛᐅᓂᔪᐤ ᐊᑎ ᐊᑲ ᐅᒋ ᒋᔅᒋᓄᐛᒋᔄᑭᓄᐎᒡ ᐎᔨᐛᐤ᙮

ᐃᑉᕈᐛ 11:7

ᓄᐛ ᒋ ᐃᓯᓂᐧᑲᓱᐤ ᒥᓐ ᑯᑎᒃ ᓇᐸᐤ ᐊᒋ ᑕᑈᔭᔨᒪᑦ ᒋᓴᒪᓂᑐᐛ᙮ ᐃᔅᐱ ᒋᓴᒪᓂᑐᐛ ᑲ ᐎᑎᒪᑯᑦ ᑕᓐ ᒐ ᐃᔅᐱᔨᒡ ᐃᔅᒋᐳᑕᔨᒐ ᐊᔅᒋᔪᐤ, ᐊᑎ ᐊᑲ ᐅᒋ ᐛᐸᑕᐧᒃ ᐊᓂᔭ ᒐᒋ ᐃᔅᐱᔨᒡ ᐃᔅᐱ ᑲ ᐎᑎᒧᐛᑭᓄᐅᑦ, ᐃᔭᐱᒡ ᒋ ᑕᑈᑐᐛᐤ ᒋᓴᒪᓂᑐᐛ ᐊᑯ ᑲ ᒋᒋ ᐅᓯᑕᑦ ᐊ ᒥᓴᔨᒡ ᐅᐤᑎᔪᐤ ᐊᓐᑕ ᒐ ᑕᑦ ᐊ ᐸᐃᑯᔅᑲᓇᓯᑦ ᒐ ᐊᑲ ᒋ ᓂᔅᑕᐸᐛᒡ᙮ ᐊᓂᔭ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᓄᐛ ᑭᔭ ᐊᒋ ᓂᓇᐃᑐᐛᑦ, ᒋ ᐛᐸᑎᔨᐛᐤ ᒋᓴᒪᓂᑐᐛ ᒐ ᑎᐸᔅᑯᓇᔨᒋ ᑭᔭ ᒐ ᐛᐛᓯᐊᔨᒋ ᒥᓯᐛ ᐊᓂᔭ ᑯᑎᑲ ᐊᐛᔪᐛ ᐛᔅ ᓇᒪ ᐅᒋ ᐎ ᑕᑈᑎᒥᔪᐛ᙮ ᓄᐛ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᐅᑯᐃᔅᑯᑕᑎᓯᐤ ᒋ ᐃᓯ ᑭᓄᐛᐱᒥᑯᐤ᙮