ᒪᑎᔪᐤ 12:40 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁰ ᒧᔭᒻ ᒍᓇ ᑲ ᐃᔅᐱᔅ ᑕᑦ ᐊᓐᑕ ᒥᔅᑎ ᓂᒪᓴ ᐎᑕᔨᒡ ᓂᔅᑐ ᒋᓯᑲᐛ ᑭᔭ ᓂᔅᑐ ᑎᐱᔅᑲᐛ, ᐊᐅᑯᓐ ᑭᔭ ᐃᔪᐤ ᐅᑯᓯᓴᓐ ᒐ ᐃᔅᐱᔅ ᒋ ᓇᐃᐧᑯᐛᑭᓄᐅᑦ ᐊᓐᑕ ᐃᔅ ᐊᔅᒋᒡ᙮

ᒪᑎᔪᐤ 12:40 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 63:9

ᐊᓐᒡ ᒪᒃ ᑲ ᓇᓂᑐᐛᔨᒪᒡ ᓂᑦ ᐊᒐᒂ ᒐᒋ ᓂᓱᐅᓇᒋᐊᒡ, ᒋᑭ ᐃᑐᑕᐅᒡ ᒪᐅᒡ ᐊ ᑕᒥᔅᑭᒥᑲᒡ᙮

ᒪᑎᔪᐤ 12:8

ᐛᔅ ᐃᔪᐤ ᐅᑯᓯᓴᓐ, ᐛᐛᒡ ᐊ ᐊᔭᒥᐊᐅᒋᓯᑲᔨᒡ ᑎᐸᔨᑎᒻ᙮”

ᒪᑎᔪᐤ 16:21

ᐃᔅᐱ ᒪᒃ ᐅᔭ ᑲ ᐃᓯ ᐃᔨᒪᐊᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ᒋᒋᐱᔨᑦ ᐊ ᐎᑎᒧᐛᑦ ᐊ ᐱᔭᑭᔅᒋᑕᑯᓯᑦ ᐊ ᐃᑕᑦ, “ᓂᑭ ᐃᑐᑕᓐ ᐊᓐᑕ ᒋᕈᓯᓕᒥᒡ, ᐊᑯᑕ ᒪᒃ ᐊᓐᑕ ᒐ ᒥᔅᑎ ᐛᐎᓯᒐᔨᑎᒥᐃᒡ ᐊᓐᒡ ᑲ ᓂᑲᓂᔅᑯᐛᒡ ᐊᓂᔭᔪᐛ ᐃᔪᐛ, ᑭᔭ ᐊᓐᒡ ᓂᑲᓂᐊᔭᒥᐊᐅᒋᒪᐅᒡ, ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ᙮ ᑭᔭ ᒐ ᓂᐸᐃᑯᔭᓐ, ᓂᔅᑐ ᒋᓯᑲᐛ ᒪᒃ ᒥᓐ ᓂᑭ ᐱᒪᑎᓯᓐ᙮”

ᒪᑎᔪᐤ 17:23

ᒋᑭ ᓂᐸᐊᑭᓄᐤ, ᒥᒄ ᒪᒃ ᓂᔅᑐ ᒋᓯᑲᐛ ᐃᔅᐱᔅ ᐊᑯ ᒐ ᐅᓂᑦ ᓂᐳᐅᓂᒡ ᐅᒡ᙮” ᓇᔅᒡ ᒪᒃ ᒋ ᒥᒐᔨᑎᒧᒡ ᐊᓐᒡ ᒋᔅᒋᓄᐊᒧᐛᑭᓐᒡ ᐃᔅᐱ ᐱᔭᑐᐛᒡ ᐊᓂᔭ ᐊ ᐃᔅᒋᔄᔨᒋ᙮

ᒪᑎᔪᐤ 27:40

ᒋ ᐃᑕᐅᒡ, “ᒋᔾ ᑲ ᐃᔅᒋᔄᔨᓐ ᒐᒋ ᓂᓱᐅᓇᒋᑕᔨᓐ ᒋᓴᐊᔭᒥᐊᐅᒋᐛᑉ ᑭᔭ ᓂᔅᑐ ᒋᓯᑲᐛ ᐃᔅᐱᔅ ᑲᐤ ᒐᒋ ᐎᑲᐳᐎᑕᔨᓐ, ᑕᑈ ᐊ ᐊᐎᓇ ᒋᓴᒪᓂᑐᐤ ᐅᑯᓴ, ᐎᒋᐃᓱᐤ ᐸᒋ ᓂᑎᒋᐛ ᐊᓐᑕ ᒋᒋᐱᔭᑎᑯᒥᒡ᙮”

ᒪᑎᔪᐤ 28:6

ᓇᒪ ᑕᐤ ᐅᑕ, ᐛᔅ ᒋ ᐅᓂᔅᑲᐤ ᒧᔭᒻ ᑕᓐ ᑲ ᐃᔅᒋᔄᑦ ᒐ ᐃᑎᑦ᙮ ᐸᑐᑕᒄ ᐸᒋ ᑭᓄᐛᐸᑎᒺᐧᒄ ᐊᓐᑕ ᑲ ᐱᒥᓯᒪᑭᓄᐅᑦ᙮

ᒪᑎᔪᐤ 8:20

ᐊᑯ ᒋᓴᔅ ᐊᑕᑦ, “ᒪᒐᓱᐅᒡ ᑎᑯᓂᔪᐛ ᐅᐛᑎᑯᐛᐛ, ᐱᔭᓯᓯᒡ ᑭᔭ ᑎᑯᓂᔪᐛ ᐅᔅᑎᓄᐛᐛ, ᒥᒄ ᒪᒃ ᐃᔪᐤ ᐅᑯᓯᓴᓐ ᓇᒪ ᐊᔭᐤ ᐊᓐᑕ ᒐᒋ ᐛᐛᔨᓯᓐᑦ ᒐᒋ ᐊᔅᑕᔭᔅᑯᓯᑦ᙮”

ᒠᓐ 2:19

ᐊᑯ ᒋᓴᔅ ᒂ ᐃᓯ ᐎᑎᒧᐛᑦ, “ᓂᓱᐅᓇᒋᑕᒄ ᐅ ᒋᓴᐊᔭᒥᐊᐅᒋᐛᑉ, ᓂᔅᑐ ᒋᓯᑲᐛ ᒪᒃ ᐃᔅᐱᔅ ᒥᓐ ᑯᑎᒡ ᓂᑭ ᐎᔨᑲᐳᐅᑕᓐ᙮”