ᒪᑎᔪᐤ 12:34 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁴ ᑕᓐᑕ ᒐᒋ ᐅᒋ ᐃᔅᒋᔄᔭᒄ ᒐᒂᓐ ᐊ ᒥᔪᑕᒂᒡ ᐊ ᒥᒐᑎᓯᔭᒄ ᒪᒃ ᒧᔭᒻ ᒋᓇᐱᑯᒡ ᐊ ᐃᑕᔨᑕᑯᓯᔭᒄ᙮ ᑕᓐ ᐊ ᐃᓯ ᐃᔨᒥᑦ ᐊᐛᓐ ᐊᑯᑕ ᐛᒋ ᒋᔅᒐᔨᑕᑯᓯᑦ ᑕᓐ ᐊ ᐃᓯᑕᐊᑦ ?

ᒪᑎᔪᐤ 12:34 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 53:1

ᐅᒥᒐᑎᓯᐤ ᒋ ᐃᔅᒋᔄᐤ ᐅᑕᐃᒡ, “ᓇᒪ ᑕᐤ ᒋᓴᒪᓂᑐᐤ᙮” ᐅᓂᓱᐅᒡ, ᑭᔭ ᒋ ᐃᑐᑎᒧᒡ ᑲ ᒥᒐᐃᑕᑯᓂᔨᒡ ᒥᒐᑎᓯᐅᓂᔪᐤ: ᓇᒪ ᑕᐤ ᐊᐛᓐ ᐊ ᒥᔪᑐᑕᐧᒄ᙮

ᑎᐱᑦ ᐅᓂᑭᒧᐅᓇ 64:3

ᑲ ᒋᓂᑕᒡ ᐅᑕᔨᔪᐛᐛ ᒧᔭᒻ ᓂᑐᐱᔪᐅ-ᒧᐧᑯᒪᓂᔪᐤ, ᑭᔭ ᑲ ᐛᒋᓇᒡ ᐅᑦ ᐊᒐᐱᐛᐛ, ᒐᒋ ᐱᒧᒐᒡ ᐅᑦ ᐊᑭᔅᑯᐛᐛ, ᐊᑯ ᐃᔨᒧᐅᓇ ᐅᑎ;

ᑎᐱᑦ ᐅᓂᑭᒧᐅᓇ 64:5

ᓯᒋᒥᑐᐅᒡ ᒥᒋ ᒐᒂᔪᐤ: ᓯᒋᒥᑐᐅᒡ ᒋᒧᑦ ᒐᒋ ᑕᐱᒂᒡ; ᐃᔅᒋᔄᐅᒡ, “ᐊᐛᔪᐛ ᒐ ᐛᐱᒥᑯᒡ ?”

ᒪᑎᔪᐤ 12:35

ᐛᔅ ᑕᓐ ᐊ ᐃᓯ ᐊᔭᑦ ᐊᐛᓐ ᐅᐱᒪᑎᓯᐅᓂᒡ ᒋᑭ ᓄᑯᓂᔪᐤ᙮ ᐛᔅ ᐊ ᐃᓯ ᐃᔨᒥᑦ ᐊᐛᓐ ᐊᑯᑕ ᐛᒋ ᒋᔅᒐᔨᑕᑯᓯᑦ ᑕᓐ ᐊ ᐃᓯᑕᐊᑦ᙮”

ᒪᑎᔪᐤ 15:18

ᒥᒄ ᒪᒃ ᐊᓂᔭ ᐊ ᐃᓯ ᐸᒋ ᐎᐎᐱᔨᒡ ᐊᐛᓐ ᐅᑐᓂᒡ ᐊ ᐃᔨᒥᑦ, ᐅᑕᐃᒡ ᐊᓂᔭ ᐅᒋᐱᔪᐤ, ᐊᔪᐅᒄ ᒪᒃ ᐅᔭ ᑲ ᐃᑐᑕᑯᑦ ᐊᐛᓐ ᒐᒋ ᒥᒐᑎᓯᑦ᙮

ᒪᑎᔪᐤ 23:33

“ᒋᔨᐛᐤ ᒋᓇᐱᑯᒡ ᑭᔭ ᑲ ᐅᑯᓯᑐᑕᑕᑯᒡ ᒋᓇᐱᑯᒡ ᓇᔅᒡ ᑲ ᑭᔅᒋᐅᔭᒄ ᓂᑎᒥᒄ ᐊ ᐃᓯ ᐎᔭᓯᒪᑯᒡ ᐊᐛᓐᒋ, ᑕᓐᑕ ᒐᒋ ᐅᒋ ᐎᐧᑯᒋᐅᔭᒄ ᒐ ᐊᑲ ᒋ ᐃᑐᑕᔭᒄ ᒥᒋ ᐃᔅᑯᑕᒡ ?”

ᒪᑎᔪᐤ 3:7

ᐃᔅᐱ ᒪᒃ ᒠᓐ ᐎᔭᐱᒪᑦ ᒥᒐᑦ ᐸᕆᓯᐊ ᑭᔭ ᓴᑎᔪᓯᐊ ᐊ ᐸᒋ ᑎᑯᓯᓂᔨᒋ ᒐᒋ ᓯᑲᐃᑐᐛᑭᓄᔨᒋ, ᒋ ᐃᑕᐤ, “ᒧᔭᒻ ᑕᑈ ᒋᓇᐱᑯᒡ ᒂ ᐃᑕᔨᑕᑯᓯᔭᒄ᙮ ᐊᐛᓐ ᑲ ᐃᑎᑕᒄ ᒐᒋ ᒋᑎᓯᒧᑎᒺᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ?

ᓗᒃ 3:7

ᒥᒐᑦ ᒪᒃ ᐃᔪᒡ ᒋ ᓂᑐᐛᐱᒪᐅᒡ ᒠᓇ ᒐᒋ ᓯᑲᐃᑕᑯᒡ ᐊᑯ ᒂ ᐃᑎᑯᒡ, “ᒧᔭᒻ ᑕᑈ ᒋᓇᐱᑯᒡ ᐊ ᐃᑕᔨᑕᑯᓯᔭᒄ᙮ ᒋᑦ ᐃᑕᔨᑕᓇᐛᐤ ᐊ ᒐᒋ ᒋᑎᓯᒧᑎᒺᒄ ᒋᓴᒪᓂᑐᐤ ᓂᑲᓐ ᐅᑦ ᐊᐧᑯᔪᐛᓱᐅᓐ, ᐊ ᓯᑲᐃᑕᑯᔭᒄ ᐊᑲ ᒪᒃ ᐎ ᒂᔅᑲᑎᓯᔭᒄ᙮

ᓗᒃ 6:45

ᐛᔅ ᐊᐛᓐ ᑲ ᑯᐃᔅᑯᑕᑎᓯᑦ, ᑕᓐ ᐊ ᐃᓯ ᒥᔪ ᐊᔭᑦ ᐅᑕᐃᒡ ᒋᑭ ᒋᔅᒐᔨᑕᑯᓂᔪᐤ ᐅᐱᒪᑎᓯᐅᓂᒡ, ᑭᔭ ᐊᐛᓐ ᐊ ᒥᒐᑎᓯᑦ, ᑕᓐ ᐊ ᐃᓯ ᒪᔭᒡ ᐊᔭᑦ ᐅᑕᐃᒡ ᒋᑭ ᒋᔅᒐᔨᑕᑯᓂᔪᐤ ᐅᐱᒪᑎᓯᐅᓂᒡ᙮ ᐛᔅ ᐊ ᐃᓯ ᐃᔨᒥᑦ ᐊᐛᓐ ᐊᑯᑕ ᐛᒋ ᒋᔅᒐᔨᑕᑯᓯᑦ ᑕᓐ ᐊ ᐃᓯ ᑕᐊᑦ᙮”

ᒠᓐ 8:44

ᒥᒋᒥᓂᑐᐤ ᐊᐅᒄ ᐛᑕᐎᔭᒄ, ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒐᒋ ᐃᓯ ᒥᒋᑐᑎᒺᒄ ᐊᐅᑯᓐ ᒥᒄ ᐛ ᐃᑐᑎᒪᒄ᙮ ᒧᔅ ᒋ ᓂᐸᐃᐛᐤ ᑲ ᐃᔅᐱᔅ ᑎᑯᓂᔨᒡ ᐅᔭ ᐊᔅᒋᔪᐤ᙮ ᓇᒪ ᓂᑕ ᐅᒋ ᓂᑐᐛᔨᑎᒻ ᑯᐃᔅᒄ ᒐᒋ ᐃᓯ ᐎᑕᑭᓄᐎᒡ ᒐᒂᔪᐤ ᐛᔅ ᓇᒪ ᓇᔅᒡ ᑎᑯᓂᔪᐤ ᑕᑈᐅᓂᔪᐤ ᐊᓐᑕ ᐊ ᑕᑦ᙮ ᒧᔅ ᑭᑭᒋᔭᐤ ᐛᔅ ᐊᐅᑯᓐ ᒋᒋᐛ ᐊ ᐃᑕᑎᓯᑦ, ᐊᐅᒄ ᒪᒃ ᐊᓐ ᑕᑈ ᐛᐅᑕᐎᑐᑕᑯᑦ ᐊᓂᔭᔪᐛ ᑲ ᑭᑭᒋᔭᔨᒋ᙮

ᐃᐱᓯᔭᓇ 4:29

ᐊᑲᐎᔾ ᓂᑎᒥᒄ ᐃᔨᒧᐅᓐ ᐊᐱᒋᑕᒄ, ᑯᐃᔅᒄ ᐃᓯ ᐃᔨᒧᒄ ᐊᓂᔭ ᒐ ᒥᔪ ᐎᒋᐃᑯᒡ ᐊᓐᒡ ᑲ ᐸᑕᑕᑯᒡ ᐊᐛᓐᒋ ᒥᒄ ᑕᓐ ᐊ ᐃᔅᐱᔪᐛᒂ ᐅᐱᒪᑎᓯᐅᓄᐛᒡ᙮

ᐃᐱᓯᔭᓇ 5:4

ᓇᒪ ᑯᐃᔅᑯᓇᑯᓂᔪᐤ ᒋᓴᒪᓂᑐᐤ ᐅᑦ ᐃᔨᒪ ᒐᒋ ᒥᒋᑕᑯᓂᔨᒡ ᐅᑦ ᐃᔨᒧᐅᓂᔪᐤ ᒪᒃ ᒐᒋ ᒋᔎᐤ ᐃᔨᒥᔨᒋ ᒪᒃ ᓂᑎᒥᒄ ᒐᒋ ᐃᓯ ᐅᐎᑥᔨᒋ᙮ ᐃᔭᐱᒡ ᒧᔅ ᒋᐸ ᓂᓇᔅᑯᒪᐅᒡ ᐅᑎᐸᔨᒋᒐᐛ ᒥᓯᐛ ᒐᒂᔪᐤ ᐅᒡ᙮

ᒋᒥᔅ ᐅᒥᓯᓇᐊᒪᒐᐅᓐ 3:2

ᒥᓯᐛ ᐊᐛᓐ ᒥᒐᑥᐤ ᐅᓂᐱᔪᐤ᙮ ᐊᓐ ᐊᐛᓐ ᐊᑲ ᓂᑕ ᐅᓂᐱᔨᑦ ᑕᓐ ᐊ ᐃᔅᒋᔄᑦ ᓇᒪ ᑎᑯᓂᔪᐤ ᒥᒐᑎᓯᐅᓂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ, ᑭᔭ ᒋ ᐃᑐᐤ ᒐᒋ ᓂᓇᑭᑐᐛᔨᑕᐧᒃ ᒥᓯᐛ ᑕᓐ ᐊ ᐃᑎᑦ᙮

1 ᒠᓐ 3:10

ᐊᐛᓐ ᐊᑲ ᑯᐃᔅᑯᑕᑎᓯᑦ ᒪᒃ ᐊᑲ ᓴᒋᐊᑦ ᐎᐧᑲᓂᓴ, ᓇᒪ ᐅᑦ ᐊᐛᓯᒥᑐᑕᑯᐤ ᒋᓴᒪᓂᑐᐛ᙮ ᐊᑯᑕ ᐛᒋ ᒋᔅᒐᔨᒪᑭᓄᐅᑦ ᐊᐛᓐ ᐊᐛᔪᐛ ᐊ ᐅᑦ ᐊᐛᓯᒥᑐᑕᑯᑦ, ᒋᓴᒪᓂᑐᐛ ᑭᔭ ᒪᒃ ᒥᒋᒥᓂᑐᐛ᙮