ᒪᑎᔪᐤ 12:32 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³² ᒥᓯᐛ ᐊᐛᓐ ᑲ ᒪᔭᔨᒪᑦ ᐃᔪᐤ ᐅᑯᓯᓴᓇ ᒋᑭ ᒋ ᐛᐸᔨᑎᒧᐛᑭᓄᐤ᙮ ᓇᒪ ᓂᑕ ᒋᑭ ᒋ ᐛᐸᔨᑎᒧᐛᑭᓄᐤ ᐊᐛᓐ ᒪᔭᔨᒪᒐ ᑲ ᐸᔭᒋᓯᔨᒋ ᐊᒐᒂ᙮”

ᒪᑎᔪᐤ 12:32 ပူးပေါင်းရင်းမြစ်များ

ᒪᑎᔪᐤ 11:19

ᐊᑯ ᒪᒃ ᐃᔪᐤ ᐅᑯᓯᓴᓐ ᒋ ᒥᒋᓱᐤ ᑭᔭ ᒋ ᒥᓄᐤ, ᒋ ᐃᔅᒋᔄᔪᐛ ᒪᒃ ᐊᐛᔪᐛ, ‘ᑭᓄᐛᐱᒪᐧᒄ ᒪ ᐅ ᓇᐸᐤ, ᑕᑈ ᒥᔅᑎ ᒥᒋᓱᐤ ᑭᔭ ᑕᑈ ᐎᒋᐸᐤ, ᐊ ᐅᐎᒐᐛᑭᓂᑦ ᐅᒥᒐᑎᓯᐛ, ᑭᔭ ᐊᓂᔭᔪᐛ ᓂᑎᒥᒄ ᑲ ᐃᑎᔨᒋ ᑲ ᒪᒧᓴᒋᓂᒥᔨᒋ ᒋᓴᐅᒋᒪᐤ ᓱᓇᔭᔪᐤ᙮’ ᒥᒄ ᒪᒃ ᑕᓐ ᐊ ᐃᓯ ᐱᒪᑎᓯᑦ ᐊᐛᓐ ᐊᑯᑕ ᐊ ᓄᑯᓂᔨᒡ ᑕᓐ ᐊ ᐃᓯ ᑭᒐᑕᐛᔨᑕᐧᒃ᙮”

ᒪᑎᔪᐤ 12:31

ᐊᐅᒄ ᒪᒃ ᐅ ᐛᒋ ᐎᑎᒪᑎᑯᒡ, ᒋᑭ ᒋ ᐛᐸᔨᑎᒧᐛᑭᓄᐤ ᐊᐛᓐ ᒥᒄ ᑕᓐ ᐊ ᐃᓯᓇᑯᓂᔨᒡ ᒥᒋᑥᐅᓂᔪᐤ ᐊ ᐃᑐᑕᐧᒃ ᒪᒃ ᐊ ᐃᓯ ᒪᔭᔨᒐᑦ, ᒥᒄ ᒪᒃ ᓇᒪ ᒋᑭ ᒋ ᐛᐸᔨᑎᒧᐛᑭᓄᐤ ᐊᐛᓐ ᑲ ᒥᒐᒋᒪᑦ ᑲ ᐸᔭᒋᓯᔨᒋ ᐊᒐᒂ᙮

ᒪᑎᔪᐤ 12:8

ᐛᔅ ᐃᔪᐤ ᐅᑯᓯᓴᓐ, ᐛᐛᒡ ᐊ ᐊᔭᒥᐊᐅᒋᓯᑲᔨᒡ ᑎᐸᔨᑎᒻ᙮”

ᒪᑎᔪᐤ 13:22

ᐊᑯ ᒪᒃ ᐊᓐ ᑯᑎᒃ ᓂᑕᐅᒋᑕᑭᓐ ᑲ ᐸᒋᓯᐧᒃ ᐊᓐᑕ ᐊ ᑎᑯᓂᔨᒋ ᑲ ᑲᓱᑕᐛᔅᑯᒋ ᓂᐱᓯᔭᑎᑯᒡ, ᐊ ᐊᑎ ᓂᑕᐅᒋᑦ ᒪᒃ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐃᔪᒡ ᑲ ᓂᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐊᓂᔭ ᓇᔅᒡ ᐊ ᒥᑯᔅᑲᒋᑕᒡ ᐊᔅᒋᔪᐤ ᒐᒂᔪᐛ ᑭᔭ ᓇᔅᒡ ᒥᒄ ᐊ ᐎ ᐅᓱᓇᔭᓂᒥᒡ ᐊ ᐃᑎᒡ ᑭᔭ ᐱᓯᒄ ᐊ ᒧᔅᑕᓇᒡ ᒐᒂᔪᐛ ᒐᒋ ᐊᔭᒡ ᐊᔪᐅᒄ ᐅᔭ ᒐᒃ ᐛᒋ ᓂᓱᐅᓇᑎᓂᔨᒡ ᐅᑕᑈᑎᒧᐅᓄᐛᐤ᙮ ᐊᑯ ᒪᒃ ᓇᒪ ᒋ ᒥᓂᓱᐎᒡ ᐅᐱᒪᑎᓯᐅᓄᐛᒡ᙮

ᒪᑎᔪᐤ 13:39

ᐊᓐ ᒪᒃ ᐊᐛᓐ ᑲ ᐛᐧᑲᑕᑦ ᐊᓂᔭ ᑲ ᓂᑕᐅᒋᑕᔨᒋ ᐊᓐ ᑲ ᐛᐛᐱᓇᐧᒃ ᒥᒋ ᓱᒥᓇ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊᐅᒄ ᐊᓐ ᒥᒋᒥᓂᑐᐤ᙮ ᐊᓐ ᒪᒃ ᒐ ᐅᑎᒋᐱᔨᒡ ᒐᒋ ᒪᒧᓴᒋᓂᑭᓄᐅᒋ ᐊᓂᔭ ᓂᑕᐅᒋᑕᑭᓇ ᐊᐅᒄ ᐊᓐ ᒐ ᐃᔎᐱᔨᒡ ᐊᔅᒋᔾ᙮ ᐊᓐᒡ ᒪᒃ ᑲ ᒪᒧᓴᒋᓇᒡ ᐊᓂᔭ ᓂᑕᐅᒋᑕᑭᓇ ᑲ ᐃᔅᒋᔄᔭᓐ, ᐊᐅᑯᓐᒡ ᐊᓐᒡ ᐊᓐᒋᓐᒡ᙮”

ᒪᑎᔪᐤ 13:40

“ᒧᔭᒻ ᒪᒃ ᐊᓐ ᒐ ᐃᓯᓇᒂᒡ ᒐ ᒪᒧᓴᒋᓂᑭᓄᐅᒋ ᐊᓂᔭ ᒥᒋ ᓂᑕᐅᒋᑕᑭᓇ, ᒐ ᐃᔎᓯᑭᓄᐅᒋ ᒪᒃ, ᐊᐅᑯᓐ ᒧᔭᒻ ᒐ ᐃᔅᐱᔨᒡ ᐃᔎᐱᔨᒐ ᐊᔅᒋᔾ᙮

ᒪᑎᔪᐤ 13:55

ᓇᒪᔭᔪᐛ ᐊ ᐅᔭ ᒥᔅᑎᑯᓇᐸᐤ ᐅᑯᓴ ? ᓇᒪᐎᔾ ᐊ ᒪᕆ ᐃᓯᓂᐧᑲᓱᔪᐛ ᐅᑲᐎᔭ, ᑭᔭ ᓇᒪᔭᔪᐛ ᐊ ᐅᔭ ᒋᒥᔅ, ᒍᓯᑉ, ᓴᐃᒥᓐ ᑭᔭ ᒍᑎᔅ ᐎᐧᑲᓂᓱᐛᐛ ?

ᒪᑎᔪᐤ 8:20

ᐊᑯ ᒋᓴᔅ ᐊᑕᑦ, “ᒪᒐᓱᐅᒡ ᑎᑯᓂᔪᐛ ᐅᐛᑎᑯᐛᐛ, ᐱᔭᓯᓯᒡ ᑭᔭ ᑎᑯᓂᔪᐛ ᐅᔅᑎᓄᐛᐛ, ᒥᒄ ᒪᒃ ᐃᔪᐤ ᐅᑯᓯᓴᓐ ᓇᒪ ᐊᔭᐤ ᐊᓐᑕ ᒐᒋ ᐛᐛᔨᓯᓐᑦ ᒐᒋ ᐊᔅᑕᔭᔅᑯᓯᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:30

ᐊᑐᐎᔅ ᒋᑭ ᐃᓯ ᐊᔭᐤ ᐊᓐᑕ ᓂᔅᑕᒥᒡ ᐊᔅᒄ ᐅᑕ ᐊᔅᒋᒡ ᐊ ᑕᑦ ᑭᔭ ᑲᒋᒡ ᐱᒪᑎᓯᐅᓂᔪᐤ ᒋᑭ ᐊᔭᐤ᙮ ᐅᔭ ᐃᑎᒐ ᐸᐃᑯ ᒥᑕᓯᒥᑎᓄᐤ ᐊᔪᐛᒃ ᒋᑭ ᐃᔅᐱᔅ ᒥᔭᑭᓄᐤ ᒥᒋᐛᐸ, ᑭᔭ ᐸᐃᑯ ᒥᑕᓯᒥᑎᓄᐤ ᐊᔪᐛᒃ ᒋᑭ ᐃᔅᐱᔅ ᒥᔭᑭᓄᐤ ᐊᐛᔪᐛ ᒐ ᐎᐧᑲᓂᓯᑦ ᑭᔭ ᒐ ᐅᑲᐎᑦ, ᑭᔭ ᒐ ᐅᑦ ᐊᐛᓯᒥᑦ᙮ ᑭᔭ ᐸᐃᑯ ᒥᑕᓯᒥᑎᓄᐤ ᐊᔪᐛᒃ ᒋᑭ ᐃᔅᐱᔅ ᒥᔭᑭᓄᐤ ᐊᔅᒋᔪᐤ᙮ ᒥᒄ ᒪᒃ ᒋᑭ ᓂᒋᔅᑭᒻ ᐊ ᓂᓇᐧᑲᒋᐊᑭᓄᐅᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:28

“ᑕᑈ ᐛᔅ ᐊᓐ ᒋᑦ ᐃᑎᓇᐛᐤ, ᒋᑭ ᐛᐸᔨᑎᒧᐛᑭᓄᐎᒡ ᐊᐛᓐᒋ ᒥᓯᐛ ᐅᒥᒋᑥᐅᓄᐛᐛ ᑭᔭ ᑕᓐ ᐊ ᐃᓯ ᒥᒋ ᐊᔨᒧᒪᒡ ᐊᐛᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:29

ᒥᒄ ᒪᒃ ᐊᓐ ᐊᐛᓐ ᒐ ᐸᔅᑕᒪᒂ ᑲ ᐸᔭᒋᓯᔨᒋ ᐊᒐᒂ ᓇᒪ ᓂᑕ ᒋᑭ ᐅᒋ ᐛᐸᔨᑎᒧᐛᑭᓄᐤ᙮ ᑲᒋᒡ ᒋᑭ ᓂᓱᐅᓇᒋᒪᑭᓄᐤ ᐅᔭ ᐊ ᐃᓯ ᒥᒋᑐᑕᐧᒃ᙮”

ᓗᒃ 12:10

ᒥᓯᐛ ᐊᐛᓐ ᑲ ᒥᒋ ᐊᔨᒧᒪᑦ ᐃᔪᐤ ᐅᑯᓯᓴᓐ ᒋᑭ ᒋ ᐛᐸᔨᑎᒧᐛᑭᓄᐤ᙮ ᐊᑯ ᒪᒃ ᐊᓐ ᐊᐛᓐ ᑲ ᐸᔅᑕᒪᑦ ᑲ ᐸᔭᒋᓯᔨᒋ ᐊᒐᒂ ᓇᒪ ᒋᑭ ᐅᒋ ᐛᐸᔨᑎᒧᐎᑭᓄᐤ᙮”

ᓗᒃ 16:8

“ᐃᔅᐱ ᐊᓐ ᐅᒋᒪᐤ ᐱᔭᑕᐧᒃ ᑕᓐ ᑲ ᐃᑎᔨᒋ ᐊᓂᔭ ᐅᒋᒪᓯᒪ ᒋ ᒪᒥᒋᐃᑯᐤ, ᐃᑈᐧᑲᐤ ᐊ ᐃᑕᔨᒪᑦ ᐊᑲ ᒪᒃ ᑯᐃᔅᒄ ᐅᒋ ᑎᔨᒋ᙮ ᐛᔅ ᐊᓐᒡ ᐊᑲ ᑯᐃᔅᑯᑕᑎᓯᒡ ᐅᑕ ᐊᔅᒋᒡ ᓇᔅᒡ ᑕᑈ ᑭᔅᒋᐅᐎᒡ ᐊ ᐎᐧᑯᒋᑎᒪᓱᒡ ᒐᒂᔪᐤ ᐃᔅᐱᔅ ᐎ ᐊᓐᒡ ᑲ ᑯᐃᔅᑯᑕᑎᓯᒡ᙮”

ᓗᒃ 18:30

ᐊᑐᐎᔅ ᒐ ᒥᔭᑭᓄᐅᑦ ᐃᔅᐱᔅ ᐊᓂᔭ ᑲ ᐃᓯ ᓂᑭᑕᐧᒃ ᐊᓄᒡ ᒪᒂᒡ ᐊ ᐱᒪᑎᓯᑦ, ᑭᔭ ᑲᒋᒡ ᐱᒪᑎᓯᐅᓂᔪᐤ ᒐ ᐊᔭᑦ ᐊᓐᑕ ᐊᔅᒄ ᓂᑲᓄᒡ᙮”

ᓗᒃ 23:34

ᐊᑯ ᒋᓴᔅ ᒂ ᐃᔅᒋᔄᑦ, “ᓄᑕ, ᐛᐸᔨᑎᒧᐅᒡ, ᐛᔅ ᓇᒪ ᒋᔅᒐᔨᑎᒧᒡ ᑕᓐ ᐊ ᐃᑎᒡ᙮” ᐊᑯ ᐊᓐᒡ ᐊᓯᒪᑭᓂᓯᒡ ᒂ ᐎᐅᑕᐅᑐᒡ, ᐊᑯᑕ ᑲ ᐅᒋ ᐎᔭᔨᑕᒡ ᐊᐛᔪᐛ ᒐ ᐊᔭᔨᒋ ᐊᓂᔭᔪᐛ ᐅᑦ ᐊᐱᒋᑕᐅᓂᔪᐛ᙮

ᓗᒃ 7:34

ᒋ ᐸᒋ ᑎᑯᓯᓄᐤ ᐃᔪᐤ ᐅᑯᓯᓴᓐ ᐊ ᒥᒋᓱᑦ ᑭᔭ ᐊ ᒥᓐᑦ᙮ ᔅᒋ ᐃᔅᒋᔄᓇᐛᐤ ᒪᒃ, ‘ᑭᓄᐛᐱᒪᐧᒄ ᒪ ᐅ ᓇᐸᐤ, ᐊᔪᐛᒃ ᑲ ᐅᑲᓯᒋᒥᑦ ᑭᔭ ᒋᒋᐛ ᐎᒋᐸᐤ, ᐊ ᐎᒐᐛᑭᓂᑦ ᐅᒥᒐᑎᓯᐛ, ᑭᔭ ᐊᓂᔭᔪᐛ ᑲ ᒪᒧᓴᒋᓂᒥᔨᒋ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᔨᒋ᙮’

ᒠᓐ 7:12

ᒥᒐᑦ ᒪᒃ ᐊᐛᔪᐛ ᒋ ᐊᔨᒧᒥᑯᐤ ᐊᓐᑕ ᑲ ᑕᔨᒋ᙮ ᐱᔅᒐ ᐊ ᐃᔅᒋᔄᔨᒋ, “ᓇᔅᒡ ᑕᑈ ᒥᔽᔨᑕᑯᓱᐤ ᐅ ᓇᐸᐤ᙮” ᐊᑯ ᑯᑎᑲ ᐊ ᐃᔅᒋᔄᔨᒋ, “ᓇᒪ ᒥᔽᔨᑕᑯᓱᐤ, ᐎᔭᓯᒪᐤ ᐊᐛᔪᐛ᙮”

ᒠᓐ 7:39

ᐊᔪᐅᒄ ᐅᔭ ᑲ ᐃᔅᒋᔄᑦ ᒋᓴᔅ ᐊ ᐊᔨᒧᒪᑦ ᑲ ᐸᔭᒋᓯᔨᒋ ᐊᒐᒂ, ᐊᓂᔭ ᒥᓯᐛ ᐊᐛᓐ ᑲ ᑕᑈᑕᐧᒃ ᒐ ᐊᔭᐛᑦ᙮ ᐊᓐᒡ ᑲ ᑕᑈᑕᒡ ᐊᔅᒄ ᓇᒪ ᐅᒋ ᒥᔭᑭᓄᐎᒡ ᐊᓂᔭᔪᐛ ᑲ ᐸᔭᒋᓯᔨᒋ ᐊᒐᒂ ᐛᔅ ᐊᔅᒄ ᓇᒪ ᐅᒋ ᓂᑐᐛᐱᒪᐤ ᒋᓴᔅ ᐅᑕᐎᒪᐛ ᒐᒋ ᒋᔅᑕᔨᑕᑯᐊᑭᓄᐅᑦ᙮

ᒠᓐ 7:52

ᒋ ᐃᓯ ᐎᑎᒧᐊᐅᒡ ᒪᒃ ᐊ ᐃᑕᒡ, “ᑭᔭ ᒋᔾ ᐊ ᑲᓕᓕ ᐊᔅᒋᒡ ᒋ ᐅᒋᓐ ? ᐃᔨᒥᑕᔨᓇ ᒋᓴᒪᓂᑐᐤ ᐅᑦ ᐃᔨᒧᐅᓐ ᒋᑭ ᒋᔅᒐᔨᑕᓐ ᐊᑲ ᓂᑕ ᐅᒋ ᐅᒋᑦ ᐊᐛᓐ ᐊ ᐅᒋᔅᒋᐛᐃᒐᓱᐅᑦ ᐊᓐᑕ ᑲᓕᓕ ᐊᔅᒋᒡ᙮”

ᐊᑈᔅᑕᓇᒡ 3:19

ᒂᔅᑲᑎᓯᒄ, ᒥᑕᒋᔨᐛᔨᑎᒧᒄ ᑕᓐ ᑲ ᐃᓯ ᒥᒋᑐᑎᒪᒄ᙮ ᓇᑎᐧᒄ ᒋᓴᒪᓂᑐᐤ ᒐᒋ ᐛᐸᔨᑎᒪᑕᒄ ᒋᒥᒋᑥᐅᓄᐛᐛ᙮ ᐊᑯ ᒪᒃ ᐅᑎᐸᔨᒋᒐᐤ ᒐ ᐃᑐᑕᑕᒄ ᒥᓐ ᒐᒋ ᓯᑭᒪᒋᐅᔭᒄ ᒋᑦ ᐊᒐᐧᑯᐛᒡ᙮

ᐃᐱᓯᔭᓇ 1:21

ᐎᔾ ᙭ ᐃᐛᒃ ᐃᑕᔨᑕᑯᓂᔪᐤ ᐅᑎᐸᔨᒋᒐᐅᓐ ᐃᔅᐱᔅ ᐊᓂᔭᔪᐛ ᑲ ᐅᒋᒪᐎᔨᒋ, ᑲ ᑎᐸᔨᒋᒐᔨᒋ, ᑲ ᓱᐧᑲᑎᓯᔨᒋ, ᑭᔭ ᑲ ᓂᑲᓄᐱᔨᒋ᙮ ᐎᔾ ᐃᐛᒃ ᐃᑕᔨᑕᑯᓂᔪᐤ ᐅᑦ ᐃᓯᓂᐧᑲᓱᐅᓐ ᐊ ᐃᑕᔨᑕᑯᓂᔨᒡ ᑯᑎᒃ ᐊᐛᓐ ᐅᑦ ᐃᓯᓂᐧᑲᓱᐅᓐ ᐊᓄᒡ ᑭᔭ ᐊᓐᑕ ᓂᑲᓐ᙮

1 ᑎᒧᑎ 1:13

ᐊᑎ ᓇᔅᒡ ᐊᒋ ᐊᒂᑕᔨᑕᑯᓱᐅᒡ ᓂᓇᐧᑯᐤ ᐊᒋ ᐃᓯ ᒥᒪᔭᔨᒥᒃ ᑭᔭ ᐊᒋ ᐱᐸᔅᑕᒥᒃ ᑭᔭ ᐊᒋ ᓂᓇᐧᑲᒋᐃᒃ᙮ ᒥᒄ ᒪᒃ ᐃᔭᐱᒡ ᓂᒋ ᒋᔅᑎᒪᒐᔨᒥᒄ ᐛᔅ ᐊᓐ ᑲ ᐃᔅᐱᔅ ᒋ ᐊᓏᑎᒪᓐ ᓇᒪ ᓂ ᐅᒋ ᒋᔅᒐᔨᑕᓐ ᑕᓐ ᐊᓐ ᑲ ᐃᑎᔭᓐ᙮

1 ᑎᒧᑎ 1:15

ᐊᐅᒄ ᒪᒃ ᐅ ᑎᔭᑈᒥᑲᒡ ᐃᔅᒋᔄᐅᓐ, ᙭ ᒋᓴᔅ ᐊᒋ ᐸᒋ ᑎᑯᓯᐧᒃ ᐅᑕ ᐊᔅᒋᒡ ᒐᒋ ᐱᒪᒋᐊᑦ ᐅᒥᒋᑥᐛ᙮ ᒪᐅᒡ ᒪᒃ ᑲ ᒥᒐᑎᓯᑦ ᓂᔾ ᓂᒋ ᐃᑕᔨᑕᑯᓯᓐ᙮

1 ᑎᒧᑎ 4:8

ᑎᑯᓂᔪᐤ ᑭᑈ ᑕᓐ ᐊ ᐃᓯ ᐎᒋᐃᑯᑦ ᐊᐛᓐ ᐊ ᓴᓴᐅᐱᔪᐅᑦ᙮ ᐊᑯ ᒪᒃ ᐊᓐ ᐊᐛᓐ ᓱᒃ ᒧᔅ ᑲ ᐎ ᓂᓇᐃᑎᒪᐊᑦ ᒋᓴᒪᓂᑐᐛ ᐊᔪᐅᒄ ᐅᔭ ᐊᑐᐎᔅ ᒐ ᐎᒋᐃᑯᑦ ᐊᓄᒡ ᐅᑕ ᐊ ᐱᒪᑎᓯᑦ ᑭᔭ ᐊᓐᑕ ᐃᔅ ᓂᔅᑕᒥᒡ᙮

1 ᑎᒧᑎ 6:17

ᒋ ᓂᑐᐛᔨᒥᑎᓐ ᒪᒃ ᑎᒧᑎ, ᒐᒋ ᐎᑎᒧᐅᑥᐤ ᐊᓐᒡ ᑲ ᐛᔪᑎᓯᒡ ᒐ ᐊᑲ ᒋ ᒋᔅᑕᔨᒥᓱᒡ ᐊᓂᔭ ᐊ ᐛᔪᑎᓯᒡ ᑭᔭ ᒐ ᐊᑲ ᒋ ᐊᔅᐸᔨᒧᑐᑕᒡ ᐊᓂᔭ ᐊᑲ ᒐᔅᑎᓇᑕᔨᑕᑯᓂᔨᒡ ᐛᔪᑎᓯᐅᓂᔪᐤ᙮ ᒋᔅᒋᓱᒥᒡ ᐅᔅᑕ ᒋᓴᒪᓂᑐᐛ ᒐᒋ ᐊᔅᐸᔨᒧᑐᑐᐛᒡ ᐊᓐ ᑲ ᒥᔪ ᒥᔨᑕᐧᒄ ᒥᓯᐛ ᒐᒂᔪᐤ ᒐᒋ ᒥᔽᔨᑎᒥᐃᑯᐛᐧᒄ᙮

2 ᑎᒧᑎ 4:10

ᑎᒪᔅ ᐎᔾ, ᓴᔅ ᐅᔅᑕ ᐅᔭ ᐊᔅᒋᔪᐤ ᓴᒋᑕᐤ ᑭᔭ ᓂᒋ ᓂᑭᑎᒄ, ᐊᓐᑕ ᑕᓴᓗᓇᐃᑲᒡ ᐊᑯᑕ ᑲ ᐃᑐᑕᑦ᙮ ᑭᕋᓴᓂᔅ ᒪᒃ ᐎᔾ ᐊᓐᑕ ᑲᓚᓯᔭᒡ ᐊᑯᑕ ᑲ ᐃᑐᑕᑦ᙮ ᐊᑯ ᑕᐃᑕᔅ ᐊᓐᑕ ᑕᓪᒪᓯᔭᒡ ᐊᑯᑕ ᐎᔾ ᑲ ᐃᑐᑕᑦ᙮

ᑕᐃᑕᔅ 2:12

ᐅᒋᓴᐛᑎᓯᐅᓂᒡ ᒋ ᐅᒋ ᒋᔅᑯᑎᒪᑭᓄᐤ ᒐᒋ ᓂᑭᑎᒪᐧᒄ ᒥᒐᑎᓯᐅᓐ ᑭᔭ ᒐ ᐊᑲ ᒋ ᒥᒋ ᒧᔅᑕᓇᔨᑎᒪᐧᒄ ᒐᒂᓐ ᐅᑕ ᐊᔅᒋᒡ᙮ ᑭᔭ ᐅᒋᓴᐛᑎᓯᐅᓂᒡ ᒋ ᐅᒋ ᒋᔅᑯᑎᒪᑭᓄᐤ ᒐᒋ ᐃᔭᒂᒥᔭᐧᒄ ᑕᓐ ᐊ ᐃᑕᑎᓯᔭᐧᒄ, ᑭᔭ ᒐᒋ ᑯᐃᔅᑯᑕᑎᓯᔭᐧᒄ ᑭᔭ ᒐᒋ ᒋᓴᒪᓂᑐᐛᑎᓯᔭᐧᒄ ᐅᑕ ᐊᔅᒋᒡ ᐊ ᑕᐛᐧᒄ,

ᒋᒥᔅ ᐅᒥᓯᓇᐊᒪᒐᐅᓐ 1:27

ᐊᓐ ᐊᔭᒥᐊᐅᓐ ᑲ ᐃᑕᔨᑕᐧᒃ ᒋᓴᒪᓂᑐᐤ ᑲ ᐅᑕᐎᒪᐅᑦ ᐊ ᑯᐃᔅᑯᓇᑯᓂᔨᒡ ᑭᔭ ᐊ ᐸᔭᒋᓇᑯᓂᔨᒡ ᒪᐅ ᐊ ᐃᓯᓇᒂᒡ, ᐃᑐᑕᑯᐤ ᐊᐛᓐ ᒐᒋ ᒥᔪ ᐎᒋᐊᑦ ᒋᐅᓴᓂᓴ ᑭᔭ ᑲ ᐸᐃᑯᓯᔨᒋ ᐃᔎᐛ ᒪᒂᒡ ᐊ ᐊᔨᒥᐅᔨᒋ ᑭᔭ ᐃᑐᑕᑯᐤ ᐊᐛᓐ ᐊᑲ ᓇᔅᒡ ᒐᒋ ᐎᓂᐃᑯᑦ ᒥᒐᑎᓯᐅᓂᔪᐤ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮