ᒪᑎᔪᐤ 12:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᐊᐅᒄ ᒪᒃ ᒋᐸ ᐃᔅᐸᐃᔪᐤ ᑕᑈ ᐊᓐ ᒥᒋ ᐊᒐᐧᒄ ᐅᒋᒪᐤ ᐸᐃᓪᓯᐳᓪ ᑲ ᐃᓯᓂᐧᑲᑕᑭᓄᐅᑦ ᐸᒋ ᒥᔨᑦ ᑭᔅᒋᐅᓂᔪᐤ ᒐᒋ ᐊᐱᒋᑕᐅᒡ ᒐᒋ ᐎᐎᑎᓴᐅᒂᐤ ᒥᒋ ᐊᒐᐧᑯᒡ᙮ ᒋᔨᐛᐤ ᒪᒃ ᓇᓂᑎᒻ ᒋᑦ ᐃᔨᒧᐛᐅᒡ ᐊ ᐎᐎᑎᓴᐛᒡ ᒥᒋ ᐊᒐᒂ᙮ ᐊᐛᔪᐛ ᒪᒃ ᐎᔨᐛᐤ ᑲ ᒥᔨᑯᒡ ᑭᔅᒋᐅᓂᔪᐤ ᐊᓂᔭ ᒐᒋ ᐃᑎᒡ ? ᐊᑯ ᒪᒃ ᒋᔨᐛᐤ ᓇᓂᑎᒻ ᒋᑦ ᐃᔨᒧᐛᐅᒡ ᒋᔅᒐᔨᑎᒧᒡ ᐊ ᑭᑭᒋᔭᔭᒄ ᐊᓐ ᐊ ᐃᔅᒋᔄᔭᒄ ᒥᒋᒥᓂᑐᐤ ᐊ ᒥᔨᐛᑦ ᑭᔅᒋᐅᓂᔪᐤ ᒐᒋ ᐎᐎᑎᓴᐛᑭᓄᔨᒋ ᒥᒋ ᐊᒐᒂ᙮

ᒪᑎᔪᐤ 12:27 ပူးပေါင်းရင်းမြစ်များ

ᒪᑎᔪᐤ 10:25

ᒋᐸ ᒥᔽᔨᑎᒻ ᒪᒃ ᐊᓐ ᑲ ᒋᔅᑯᑎᒧᐛᑭᓄᐅᑦ, ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐊᓂᔭ ᑲ ᒋᔅᑯᑎᒪᑯᑦ, ᑭᔭ ᐊᓐ ᐊᐱᒋᐊᑭᓐ ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐅᒋᒪᒪ᙮ ᓂᔾ ᒪᒃ ᐊᑎ ᐊ ᐅᒋᒪᐎᔭᓐ ᒋᔅᒋᒄ ᒪ ᑕᓐ ᑲ ᐃᓯ ᒪᔭᔨᒥᒡ ᐊᒋ ᐃᔅᒋᔄᒡ ᐊᓐ ᒥᒋ ᐊᒐᐧᒄ ᐅᒋᒪᐤ ᐸᐃᓪᓯᐳᓪ ᐊ ᐊᐎᔭᓐ᙮ ᒋᔨᐛᐤ ᒪᒃ ᐊᑐᐎᔅ ᒋᑭ ᒪᔭᔨᒥᑯᐛᐅᒡ᙮”

ᒪᑎᔪᐤ 4:24

ᒋ ᑎᐸᒋᒪᑭᓄᐤ ᒪᒃ ᒥᓯᐛ ᐊᓐᑕ ᓯᕆᔭᒡ, ᒋ ᐸᓱᐛᐅᒡ ᒪᒃ ᒥᓯᐛ ᑲ ᐊᐧᑯᓯᔨᒋ ᐃᔪᐛ ᓂᓇᐧᑯᐤ ᑲ ᐃᑕᔅᐱᓇᔨᒋ, ᐊᓂᔭ ᑭᔭ ᐊ ᐎᓯᒐᔨᑎᒥᔨᒋ ᑭᔭ ᐊᓂᔭ ᑲ ᐱᒋᔅᑲᑯᔨᒋ ᒥᒋ ᐊᒐᒂ, ᑭᔭ ᐊᓂᔭᔪᐛ ᑲ ᐅᒋᐱᑎᑯᔨᒋ ᑭᔭ ᐊᓂᔭ ᐊᑲ ᓂᔅᑐᓯᔨᒋ᙮ ᒥᓯᐛ ᒪᒃ ᒋ ᒥᓏᒋᐊᐤ ᒋᓴᔅ ᐅᔭ ᐊᐛᔪᐛ ᑲ ᐸᑐᐛᑭᓄᐅᑦ᙮

ᒪᑎᔪᐤ 9:34

ᒥᒄ ᒪᒃ ᐊᓐᒡ ᐸᕆᓯᔨᒡ ᒋ ᐃᔅᒋᔄᐅᒡ, “ᐛᔅ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᒥᒋ ᐊᒐᒂ ᐊᔪᑯᓐ ᐊᓂᔭ ᒪᔨᑯᑦ ᓱᐧᑲᑎᓯᐅᓂᔪᐤ ᒐᒋ ᐎᐎᑎᓴᐛᑦ ᒥᒋ ᐊᒐᒂ᙮”

ᓗᒃ 11:19

ᑕᑈ ᐸᐃᓪᓯᐳᓪ ᐅᒥᑕᐅᓐ ᐊᐱᒋᑕᐛᐅᒐ ᐊ ᐎᐎᑎᓴᐅᒂᐤ ᒥᒋ ᐊᒐᐧᑯᒡ, ᑭᔭ ᒋᑦ ᐃᔨᒧᐛᐅᒡ ᐊ ᐎᐎᑎᓴᐛᒡ ᒥᒋ ᐊᒐᒂ, ᐊᐛᔪᐛ ᒪᒃ ᑲ ᐎᒋᐃᑯᒡ ᐎᔨᐛᐤ ᐅᔭ ᒐᒋ ᐃᑎᒡ᙮ ᒋᑭ ᒋ ᐎᑎᒪᑯᐛᐅᒡ ᑕᑈ ᐊ ᑭᑭᒋᔭᔭᒄ ᐊᓐ ᐊ ᐃᔅᒋᔄᔭᒄ ᒥᒋᒥᓂᑐᐤ ᐊ ᐎᒋᐊᑦ ᐊᐛᔪᐛ ᒐᒋ ᐎᐎᑎᓴᐛᔨᒋ ᒥᒋ ᐊᒐᒂ᙮

ᓗᒃ 19:22

“ᐊᑯ ᐊᓂᔭ ᐅᒋᒪᒪ ᒋ ᐃᑎᑯᐤ, ‘ᒋᔾ ᑲ ᒥᒋᑯᐸᓇᐎᔨᓐ, ᓂᑭ ᐊᐱᒋᑕᓐ ᐊᓐ ᑲ ᐃᔅᒋᔄᔨᓐ ᐊ ᓂᓱᐅᓇᒋᒥᑕᓐ᙮ ᒋᑦ ᐃᑕᔨᒥᓐ ᐊ ᒥᒋᑥᔭᓐ, ᐊ ᐅᑎᓂᒪᓐ ᒐᒂᓐ ᐊᑲ ᑎᐸᔨᑎᒪᓐ ᑭᔭ ᐊ ᒪᒧᓴᒋᓂᒪᓐ ᒐᒂᓐ ᐊᑲ ᓂᔾ ᐅᒋ ᓂᑕᐅᒋᑕᔭᓐ ?

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:19

ᒋ ᒋᔅᒐᔨᑕᓇᓄᐤ ᐊᓐᒡ ᑲ ᒥᔭᑭᓄᐎᒡ ᐅᔭ ᐎᓱᐛᐅᓂᔪᐤ ᒋᐸ ᓂᓇᐃᑕᒧᒡ ᒥᓯᐛ ᑕᓐ ᐊ ᐃᑎᓱᐛᒥᑭᓂᔨᒡ᙮ ᐊᐅᒄ ᒪᒃ ᐅ ᒐ ᐅᒋ ᐊᑲ ᓇᔅᒡ ᒋ ᐃᔅᒋᔄᑦ ᐊᐛᓐ ᐊᑲ ᐅᒋ ᒋᔅᒐᔨᑕᐧᒃ ᐊᒋ ᒥᒋᑐᑕᐧᒃ ᑭᔭ ᐊᐅᑯᓐ ᐛᒋ ᒥᓯᐛ ᐊᐛᓐ ᐅᑕ ᐊᔅᒋᒡ ᐃᓯᓇᑯᓂᔨᒡ ᒐᒋ ᑎᐸᔅᑯᓂᑯᑦ ᒋᓴᒪᓂᑐᐛ᙮