ᒪᑎᔪᐤ 11:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᐊᓐᑕ ᒪᒃ ᐊᓂᔭ ᐅᑕᓇᐛ ᒋᓴᔅ ᒪᐅᒡ ᑲ ᐃᑐᑕᐧᒃ ᒪᒥᔅᑲᒡ ᐃᑐᐅᓇ ᐊᓐᒡ ᒪᒃ ᐃᔪᒡ ᑲ ᑕᒡ ᐊᓐᑕ ᐊᓂᔭ ᐅᑕᓇᐛ ᐃᔭᐱᒡ ᓇᒪ ᐅᒋ ᒂᔅᑲᑎᓯᐅᒡ᙮ ᓇᒪ ᒪᒃ ᐅᒋ ᒥᓇᒋᒪᐤ ᐊ ᐃᑕᑦ,

ᒪᑎᔪᐤ 11:20 ပူးပေါင်းရင်းမြစ်များ

ᒪᑎᔪᐤ 12:41

ᐃᔅᐱ ᒪᒃ ᑎᐸᔅᑯᓂᒐᐅ ᒋᓯᑲᒐ, ᐊᓂᔭᐧᑲ ᐃᔪᒡ ᐊᓐᑕ ᓂᓇᐸᒡ ᑲᒋ ᑕᒡ ᒋᑭ ᐅᐱᑲᐳᐅᒡ ᒐ ᐃᔅᒋᔄᒡ ᒐᒋ ᐛᐛᓯᐃᑯᐅᔭᒄ ᒋᔨᐛᐤ ᐊᓄᒡ ᑲ ᐱᒪᑎᓯᔭᒄ᙮ ᐛᔅ ᐊᑯᑕ ᑲ ᐅᒋ ᒂᔅᑲᑎᓯᒡ ᐃᔅᐱ ᑲ ᐸᑐᐛᒡ ᒍᓇᔨᒋ ᐊ ᑭᒐᔅᒋᒧᔨᒋ, ᑕᐤ ᒪᒃ ᐊᐛᓐ ᐅᑕ ᐅᔅᑕ ᐊ ᐃᑕᔨᑕᑯᓯᑦ ᐃᔅᐱᔅ ᒍᓇᔨᒋ, ᐃᔭᐱᒡ ᒪᒃ ᓇᒪ ᒋ ᐅᒋ ᒂᔅᑲᑎᓯᓇᐛᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:14

ᐸᑎᒪ ᒪᒃ, ᒋᓴᔅ ᒋ ᓄᑯᓯᔅᑐᐛᐤ ᐊᓂᔭ ᐸᐃᑯᓴᑉ ᒪᒂᒡ ᐊ ᒪᒧᒥᒋᓱᔨᒋ ᒥᒋᓱᐛᑭᓇᑎᑯᒡ᙮ ᒋ ᐊᓏᔨᒪᐤ ᒪᒃ ᐊᓂᔭ ᐊ ᐊᓏᑎᒥᔨᒋ ᑭᔭ ᐊ ᒥᔅᑯᐅᑕᐊᔨᒋ, ᐊᑲ ᐅᒋ ᐎ ᑕᑈᑐᐛᔨᒋ ᐊᓂᔭ ᒋᔅᒋᓄᐊᒧᐛᑭᓇ ᐊᓂᔭᔪᐛ ᑲ ᐛᐱᒥᑯᔨᒋ ᐸᑎᒪ ᑲ ᐅᓂᔅᑲᓇᑭᓄᐅᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:19

ᒋᓴᔅ ᒪᒃ ᒋ ᐃᑕᐤ ᐊᓂᔭᔪᐛ ᐊᓐᑕ ᑲ ᑕᔨᒋ, “ᒋᔨᐛᐤ ᐃᔪᒡ ᐊᓄᒡ ᑲ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ, ᑕᓐ ᒐ ᐃᔅᐱᔅ ᑕᔭᓐ ᐅᑕ ᐊ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ᙮ ᐸᓱᐛᐧᒄ ᐊᓐ ᓇᐸᔅ ?”

ᐊᑈᔅᑕᓇᒡ 17:20

ᐱᔅᒐ ᐊᓂᔭ ᒐᒂᔪᐛ ᑲ ᐊᔨᒧᑎᒥᓐ ᓂ ᒥᔅᑲᓯᑕᓇᓐ ᑭᔭ ᐛ ᒋᔅᒐᔨᑎᒪᒡ ᑕᓐ ᐊᓐ ᐊ ᐃᓯ ᐎᑎᒪᒐᒥᑲᒡ ᐊᓐ ᑲ ᐃᔅᒋᔄᔨᓐ᙮”

2 ᑯᕆᓐᑎᔭᓇ 12:21

ᓂᑯᔅᐱᓇᔨᑕᓐ ᒥᓐ ᒧᐱᔅᑕᑎᑯᒐ ᒋᓴᒪᓂᑐᐤ ᒐ ᐃᑐᑕᐧᒃ ᒐᒋ ᓴᒂᔨᒥᑎᑯᒡ ᐛᐱᒥᑎᑯᒐ᙮ ᓇᔅᒡ ᑕᑈ ᓂᑭ ᒥᓯᒪᔨᑎᒥᐃᑯᒡ ᐊᓐᒡ ᑲ ᒥᒋᑐᑕᒡ ᐊᓐᑕ ᐅᑕᒡ ᐊᑲ ᒪᒃ ᐅᒋ ᒥᑕᒋᔨᐛᔨᑕᒡ ᑭᔭ ᐊᑲ ᐅᒋ ᓂᑭᑕᒡ ᑕᓐ ᑲ ᐃᓯ ᒥᒋᑐᑕᒡ, ᐊᓐᒡ ᐊᑲ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᑲ ᒥᑕᒋᔨᐛᔨᑕᒡ ᑕᓐ ᑲ ᐃᔅᐱᔅ ᐊᑲ ᐅᒋ ᐸᔭᒋ ᐱᒪᑎᓯᒡ ᑭᔭ ᑕᓐ ᑲ ᐃᔅᐱᔅ ᒋ ᐎᓂᓱᐤ ᐱᒪᑎᓯᒡ ᑭᔭ ᑲ ᐃᔅᐱᔅ ᒋ ᐃᑐᑕᒡ ᐎᓂᓱᐅᓂᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:5

ᐊ ᑕᒂ ᐊᐛᓐ ᐊᑲ ᒋᔅᒐᔨᑕᐧᒃ ᑕᓐ ᐊᓐ ᒐ ᐃᓯᑲᐳᔅᑕᐧᒃ ᒐᒂᔪᐤ ᐊ ᓂᒋᔅᑲᐧᒃ ᒋᓴᒪᓂᑐᐛ ᒋᐸ ᓂᑐᑎᒧᐛᐤ ᑭᒐᑕᐛᔨᑎᒧᐅᓂᔪᐤ᙮ ᒋᑭ ᒥᔨᑯᐤ ᒪᒃ᙮ ᐛᔅ ᒋᓴᒪᓂᑐᐤ ᐛᔪᐅᒡ ᒥᔭᐤ ᒥᓯᐛ ᐊᐛᔪᐛ ᑕᓐ ᐊ ᐃᓯ ᓂᑐᐛᔨᑎᒪᑯᑦ ᒐᒂᔪᐤ᙮

ᒋᔅᒐᔨᑕᑯᑕᒐᐅᓐ 16:11

ᐊᑯ ᒂ ᐸᔅᑕᒪᒡ ᒋᓴᒪᓂᑐᐛ ᒋᒋᒋᓯᑯᒡ ᐊ ᑕᔨᒋ ᐊᓂᔭ ᐊ ᐎᓯᒐᔨᑕᒡ ᑭᔭ ᐊᐅᒥᒋᒡ ᐅᒡ᙮ ᒥᒄ ᒪᒃ ᓇᒪ ᐃᔭᐱᒡ ᐅᒋ ᒂᔅᑲᑎᓯᐅᒡ᙮

ᒋᔅᒐᔨᑕᑯᑕᒐᐅᓐ 16:9

ᒋ ᐃᔎᓱᐅᒡ ᒪᒃ ᐊᐛᓐᒋ ᐊ ᐃᔅᐱᔅ ᐎᓯᑲᔅᑐᐛᔨᒋ ᐱᓯᒺ᙮ ᐊᑯ ᒂ ᐸᔅᑕᒪᒡ ᒋᓴᒪᓂᑐᐛ ᐊᓂᔭᔪᐛ ᑲ ᐊᔭᔨᒋ ᑎᐸᔨᒋᒐᐅᓂᔪᐤ ᐅᔭ ᒐᒋ ᐃᓯ ᓂᓇᐧᑲᑕᔨᒧᓇᓄᐎᒡ᙮ ᒥᒄ ᒪᒃ ᓇᒪ ᐊᐛᓐ ᐅᒋ ᒋᔅᑕᒋᒪᐤ ᒋᓴᒪᓂᑐᐛ ᑭᔭ ᓇᒪ ᐅᒋ ᒂᔅᑲᑎᓯᐤ᙮

ᒋᔅᒐᔨᑕᑯᑕᒐᐅᓐ 2:21

ᓂᒋ ᐊᓱᐛᐱᒪᐤ ᒪᒃ ᒐᒋ ᒂᔅᑲᑎᓯᑦ, ᓇᒪ ᒪᒃ ᐅᒋ ᐎ ᓂᑭᑎᒻ ᐅᐎᓂᓱᐛᑎᓯᐅᓐ᙮