ᒪᑎᔪᐤ 10:40 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁰ “ᐊᐛᓐ ᐊ ᐱᑎᑲᐃᑕᒄ ᓂᔾ ᑭᔭ ᓂᐱᑎᑲᐃᒄ, ᐊ ᐱᑎᑲᐃᑦ ᒪᒃ ᐅᑎᓇᐤ ᐊᓂᔭ ᐊᐛᔪᐛ ᑲ ᐸᒋ ᐃᑎᓴᐅᔨᒋ᙮

ᒪᑎᔪᐤ 10:40 ပူးပေါင်းရင်းမြစ်များ

ᒪᑎᔪᐤ 18:5

ᐊᐛᓐ ᐊ ᐅᑎᓇᑦ ᐸᐃᒄ ᐊᐛᓴ ᓂᑦ ᐃᓯᓂᐧᑲᓱᐅᓂᒡ ᐅᒋ, ᒧᔭᒻ ᑭᔭ ᓂᔾ ᐊ ᐅᑎᓂᑦ ᐊᑯᓐ ᐊ ᐃᓯᓇᑯᓂᔨᒡ᙮”

ᒪᑎᔪᐤ 25:40

ᐊᑯ ᒋᓴᐅᒋᒪᐤ ᒐ ᐃᑕᑦ, ‘ᒋ ᐎᑎᒪᑎᓇᐛᐤ, ᐊᓂᔭᔪᐤ ᑕᓐ ᑲ ᐃᓯ ᐃᑐᑐᐛᒄ ᐸᐃᒄ ᐊᓐ ᓂᐧᑲᓂᔅ ᐊᑲ ᓇᔅᒡ ᐊᐱᑕᔨᑕᑯᓯᑦ ᑲ ᐃᑕᔨᒪᑭᓄᐅᑦ, ᓂᔾ ᔅᒋ ᐃᑐᑐᓇᐛᐤ᙮’

ᒪᑎᔪᐤ 25:45

ᐊᑯ ᒪᒃ ᒐ ᐃᑎᑯᒡ ᐅᑎᐸᔨᒋᒐᐛ, ‘ᑕᑈ ᒋ ᐎᑎᒪᑎᓇᐛᐤ ᐊᓐ ᐊᑲ ᐅᒋ ᐎᒋᐊᒄ ᐸᐃᒄ ᓂᐧᑲᓂᔅ ᐊᓐ ᐊᑲ ᓇᔅᒡ ᐊᐱᑕᔨᑕᑯᔅᑦ ᑲ ᐃᑕᔨᒪᑭᓄᐅᑦ, ᓂᔾ ᑭᔭ ᓇᒪ ᒋ ᐅᒋ ᐎᒋᐃᓇᐛᐤ᙮’

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:37

“ᐊᐛᓐ ᐊ ᐅᑎᓇᑦ ᐸᐃᒄ ᐊᐛᓴ ᓂᑦ ᐃᓯᓂᐧᑲᓱᐅᓂᒡ ᐅᒋ, ᒧᔭᒻ ᑭᔭ ᓂᔾ ᐊ ᐅᑎᓂᑦ ᐊᐅᑯᓐ ᐊ ᐃᓯᓇᑯᓂᔨᒡ᙮ ᐊᓐ ᒪᒃ ᐊᐛᓐ ᑲ ᐅᑎᓂᑦ ᓇᒪᔭᐤ ᓂᔾ ᐛᑎᓂᑦ, ᐊᓂᔭᔪᐛ ᑲ ᐸᒋ ᐃᑎᓴᐅᔨᒋ ᐊᐅᑯᓂ ᐊᓂᔭ ᐛᑎᓇᑦ᙮”

ᓗᒃ 10:16

ᐊᑯ ᒋᓴᔅ ᒂ ᐃᑕᑦ ᐅᒋᔅᒋᓄᐊᒧᐛᑭᓇ, “ᐊᐛᓐ ᑲ ᓂᑐᑕᑕᒄ ᒧᔭᒻ ᓂᔾ ᐊ ᐸᒋ ᓂᑐᑐᐅᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᐛᓐ ᒪᒃ ᑲ ᐊᑐᐛᔨᒥᑕᒄ ᒧᔭᒻ ᓂᔾ ᐊ ᐊᑐᐛᔨᒥᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᑯ ᐊᐛᓐ ᑲ ᐊᑐᐛᔨᒥᑦ ᒧᔭᒻ ᐊ ᐊᑐᐛᔨᒪᑦ ᒋᓴᒪᓂᑐᐛ, ᐊᓂᔭ ᑲ ᐸᒋ ᐃᑎᓴᐅᔨᒋ, ᐊᐅᑯᓐ ᐊ ᐃᓯᓇᑯᓯᑦ᙮”

ᓗᒃ 9:48

“ᐊᐛᓐ ᐊ ᐅᑎᓇᑦ ᐸᐃᒄ ᐅᔭ ᐊᐛᓴ ᓂᑦ ᐃᓯᓂᐧᑲᓱᐅᓂᒡ ᐅᒋ, ᒧᔭᒻ ᑭᔭ ᓂᔾ ᐊ ᐅᑎᓂᑦ ᐊᑯᓐ ᐊ ᐃᓯᓇᑯᓂᔨᒡ᙮ ᐊᓐ ᒪᒃ ᐊᐛᓐ ᑲ ᐅᑎᓂᑦ ᓇᒪᔭᔪᐤ ᓂᔾ ᑲ ᐅᑎᓂᑦ, ᐊᓂᔭᔪᐛ ᑲ ᐸᒋ ᐃᑎᓴᐅᔨᒋ ᐊᐅᒄ ᐊᓂᔭ ᐛᑎᓇᑦ᙮ ᐛᔅ ᐊᓐ ᐊᐛᓐ ᒪᐅᒡ ᔭᓯᒄ ᑲ ᐃᑕᔨᑕᑯᓯᑦ ᐊᓐᑕ ᐊ ᑎᓯᔭᒄ ᐊᐅᑯᓐ ᐊᓐ ᒪᐅᒡ ᒐᔅᑕᔨᑕᑯᓯᑦ᙮”

ᒠᓐ 13:20

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐱᓯᒋᐊᒂ ᐊᓂᔭ ᐊᐛᔪᐛ ᒐ ᐃᑎᓴᐅᒥᒋ ᓂᐱᓯᒋᐃᒄ ᑭᔭ ᓂᔾ᙮ ᐊᓐ ᒪᒃ ᐊᐛᓐ ᑲ ᐱᓯᒋᐃᑦ ᐱᓯᒋᐊᐤ ᐊᓂᔭ ᐊᐛᔪᐛ ᑲ ᐸᒋ ᐃᑎᓴᐅᔨᒋ᙮”

ᒠᓐ 20:21

ᒥᓐ ᒂ ᐃᔨᒪᐊᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᒋᔭᒪᔨᑎᒧᒄ᙮ ᒧᔭᒻ ᓄᑕᐎᔾ ᑲ ᐸᒋ ᐃᑎᓴᐅᑦ ᒋᔭᒪᔨᑎᒧᐅᓂᒡ ᐃᔅ, ᑭᔭ ᓂᔾ ᒋᑦ ᐃᑎᓴᐅᑎᓇᐛᐤ ᒋᔭᒪᔨᑎᒧᐅᓂᒡ ᐃᔅ᙮”

ᒠᓐ 5:23

ᐊᑯ ᒪᒃ ᒥᓯᐛ ᐊᐛᓐ ᒐ ᒋᔅᑕᔨᒪᑦ ᐅᑯᓯᓯᒪᐛ ᒧᔭᒻ ᐊ ᐃᓯ ᒋᔅᑕᔨᒪᑦ ᐅᑕᐎᒪᐛ᙮ ᐊᓐ ᐊᐛᓐ ᐊᑲ ᒋᔅᑕᔨᒪᑦ ᐅᑯᓯᓯᒪᐛ ᓇᒪ ᒋᔅᑕᔨᒪᐤ ᑭᔭ ᐅᑕᐎᒪᐛ ᐊᓂᔭ ᑲ ᐸᒋ ᐃᑎᓴᐅᑯᔨᒋ᙮”

2 ᑯᕆᓐᑎᔭᓇ 5:20

ᐊᑯ ᒪᒃ ᐊ ᐊᔨᒥᔅᑎᒧᐎᒋᑦ ᙭᙮ ᒋᓴᒪᓂᑐᐤ ᓂᑦ ᐊᐱᒋᐃᑯᐅᓇᓐ ᐊ ᑕᑈᑎᑕᒄ᙮ ᒋ ᓯᒋᒥᑎᓇᓐ ᒥᓐ ᑲᐤ ᒐᒋ ᐎᒐᐛᒄ ᒋᓴᒪᓂᑐᐤ ᒧᔭᒻ ᙭ ᐎᔾ ᐊ ᓯᒋᒥᑕᒄ ᐊ ᐃᓯ ᐃᔨᒥᐃᑕᒡ᙮

ᑲᓚᓯᔭᓇ 4:14

ᓇᒪ ᒪᒃ ᒋ ᐅᒋ ᐊᑐᐛᔨᒥᓇᐛᐤ ᒐᒋ ᐛᐎᒋᐃᔭᒄ ᐊᑎ ᐊᒋ ᐊᔨᒪᓯᓇᒂᒡ ᒐᒋ ᐛᐎᒋᐃᔭᒄ ᑲ ᐃᔅᐱᔅ ᐛᓴ ᒋ ᐊᐧᑯᓯᔭᓐ᙮ ᐃᔭᐱᒡ ᓇᔅᒡ ᑕᑈ ᔅᒋ ᒥᔪ ᑭᓄᐛᔨᒥᓇᐛᐤ, ᒧᔭᒻ ᑕᑈ ᐊᓐᒋᓐ ᒋᒋᒋᓯᑯᒡ ᐊᒋ ᐅᒋ ᒧᐱᔅᑕᑕᒄ ᒪᒃ ᐎᔾ ᒋᓴᔅ ᙭ ᐊᒋ ᒧᐱᔅᑕᑕᒄ ᐊᐅᑯᓐ ᑲ ᐃᓯ ᒥᔪᐧᑯᔭᒄ᙮

1 ᑕᓴᓗᓂᔭᓇ 4:8

ᐊᐛᓐ ᒪᒃ ᐊᑲ ᐊᐱᑕᔨᑎᒧᒂ ᐅᔭ ᒋᔅᑯᑎᒪᒐᐅᓂᔪᐤ ᓇᒪᔭᔪᐛ ᓇᐸᐛ ᐊᑲ ᐊᐱᑕᔨᒪᑦ᙮ ᒋᓴᒪᓂᑐᐛ, ᐊᓂᔭᔪᐛ ᑲ ᒥᔨᑯᑦ ᑲ ᐸᔭᒋᓯᔨᒋ ᐊᒐᒂ ᐊᐅᑯᓐ ᐊᓂᔭᔪᐛ ᓇᒪ ᐊᐱᑕᔨᒪᐤ᙮

2 ᒠᓐ 1:9

ᐊᓐ ᐊᐛᓐ ᐊᔪᐛᒃ ᑲ ᐃᓯ ᒋᔅᑯᑎᒪᒐᑦ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᙭ᑕ ᑭᔭ ᐊᑲ ᓂᓇᐃᑐᐛᑦ ᑕᓐ ᑲ ᐃᓯ ᒋᔅᑯᑎᒪᒐᔨᒋ, ᓇᒪ ᐊᔭᐛᐤ ᒋᓴᒪᓂᑐᐛ᙮ ᐊᑯ ᐊᓐ ᐊᐛᓐ ᒧᔅ ᐃᔭᒂ ᑲ ᓂᓇᑭᑐᐛᔨᑕᐧᒃ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᙭ᑕ, ᑕᐱᔅᑯᓐ ᐅᑕᐎᒪᐤ ᑭᔭ ᐅᑯᓯᓯᒪᐤ ᐎᒐᐛᐤ᙮