ᒪᑎᔪᐤ 10:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᒋᐸ ᒥᔽᔨᑎᒻ ᒪᒃ ᐊᓐ ᑲ ᒋᔅᑯᑎᒧᐛᑭᓄᐅᑦ, ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐊᓂᔭ ᑲ ᒋᔅᑯᑎᒪᑯᑦ, ᑭᔭ ᐊᓐ ᐊᐱᒋᐊᑭᓐ ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐅᒋᒪᒪ᙮ ᓂᔾ ᒪᒃ ᐊᑎ ᐊ ᐅᒋᒪᐎᔭᓐ ᒋᔅᒋᒄ ᒪ ᑕᓐ ᑲ ᐃᓯ ᒪᔭᔨᒥᒡ ᐊᒋ ᐃᔅᒋᔄᒡ ᐊᓐ ᒥᒋ ᐊᒐᐧᒄ ᐅᒋᒪᐤ ᐸᐃᓪᓯᐳᓪ ᐊ ᐊᐎᔭᓐ᙮ ᒋᔨᐛᐤ ᒪᒃ ᐊᑐᐎᔅ ᒋᑭ ᒪᔭᔨᒥᑯᐛᐅᒡ᙮”

ᒪᑎᔪᐤ 10:25 ပူးပေါင်းရင်းမြစ်များ

ᒪᑎᔪᐤ 12:24

ᒥᒄ ᒪᒃ ᐃᔅᐱ ᑲ ᐸᑐᐛᒡ ᐊᓐᒡ ᐸᕆᓯᔨᒡ ᐊᓂᔭ ᐊ ᐃᔅᒋᔄᔨᒋ, ᒋ ᐃᑕᐅᒡ, “ᐸᐃᓪᓯᐳᓪ, ᐊᓂᔭ ᒥᒋ ᐊᒐᐧᑯᒡ ᐅᒋᒪᒧᐛᐛ ᐊᔪᑯᓐ ᐊᓂᔭ ᑲ ᒥᔨᑯᑦ ᒥᑕᐅᓂᔪᐤ ᒐᒋ ᐎᐎᑎᓴᐛᔨᒋ ᒥᒋ ᐊᒐᒂ᙮”

ᒪᑎᔪᐤ 12:27

ᐊᐅᒄ ᒪᒃ ᒋᐸ ᐃᔅᐸᐃᔪᐤ ᑕᑈ ᐊᓐ ᒥᒋ ᐊᒐᐧᒄ ᐅᒋᒪᐤ ᐸᐃᓪᓯᐳᓪ ᑲ ᐃᓯᓂᐧᑲᑕᑭᓄᐅᑦ ᐸᒋ ᒥᔨᑦ ᑭᔅᒋᐅᓂᔪᐤ ᒐᒋ ᐊᐱᒋᑕᐅᒡ ᒐᒋ ᐎᐎᑎᓴᐅᒂᐤ ᒥᒋ ᐊᒐᐧᑯᒡ᙮ ᒋᔨᐛᐤ ᒪᒃ ᓇᓂᑎᒻ ᒋᑦ ᐃᔨᒧᐛᐅᒡ ᐊ ᐎᐎᑎᓴᐛᒡ ᒥᒋ ᐊᒐᒂ᙮ ᐊᐛᔪᐛ ᒪᒃ ᐎᔨᐛᐤ ᑲ ᒥᔨᑯᒡ ᑭᔅᒋᐅᓂᔪᐤ ᐊᓂᔭ ᒐᒋ ᐃᑎᒡ ? ᐊᑯ ᒪᒃ ᒋᔨᐛᐤ ᓇᓂᑎᒻ ᒋᑦ ᐃᔨᒧᐛᐅᒡ ᒋᔅᒐᔨᑎᒧᒡ ᐊ ᑭᑭᒋᔭᔭᒄ ᐊᓐ ᐊ ᐃᔅᒋᔄᔭᒄ ᒥᒋᒥᓂᑐᐤ ᐊ ᒥᔨᐛᑦ ᑭᔅᒋᐅᓂᔪᐤ ᒐᒋ ᐎᐎᑎᓴᐛᑭᓄᔨᒋ ᒥᒋ ᐊᒐᒂ᙮

ᒪᑎᔪᐤ 9:34

ᒥᒄ ᒪᒃ ᐊᓐᒡ ᐸᕆᓯᔨᒡ ᒋ ᐃᔅᒋᔄᐅᒡ, “ᐛᔅ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᒥᒋ ᐊᒐᒂ ᐊᔪᑯᓐ ᐊᓂᔭ ᒪᔨᑯᑦ ᓱᐧᑲᑎᓯᐅᓂᔪᐤ ᒐᒋ ᐎᐎᑎᓴᐛᑦ ᒥᒋ ᐊᒐᒂ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:39

ᒋ ᐃᑕᐅᒡ ᒪᒃ, “ᓂᑭ ᒋ ᐃᑎᓇᓐ᙮” ᐊᑯ ᒋᓴᓴ ᒂ ᐃᑎᑯᒡ, “ᐊᓐ ᒐ ᐃᓯ ᒥᓂᔭᓐ ᐊᐅᑯᓐ ᑭᔭ ᒋᔨᐛᐤ ᒐ ᐃᓯ ᒥᓂᔭᒄ, ᒋᑭ ᐸᐃᑯᑕᓇᓄᐤ ᐊᓐ ᒥᓂᒂᑭᓐ᙮ ᑭᔭ ᐊᓐ ᓯᑲᐃᑕᒐᐅᓐ ᒐ ᓯᑲᐃᑕᑯᐅᔭᓐ ᐊᐅᑯᓐ ᐊᓐ ᑭᔭ ᒋᔨᐛᐤ ᒐ ᓯᑲᐃᑕᑯᐅᔭᒄ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:22

ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒪᒂᒡ ᒋ ᑕᐅᒡ ᐊᓐᑕ᙮ ᒋᕈᓯᓕᒥᒡ ᒋ ᐅᑐᑕᐅᒡ᙮ ᒋ ᐃᑕᐅᒡ ᒪᒃ, “ᐸᐃᓪᓯᐳᓪ, ᒥᒋ ᐊᒐᐧᑯᒡ ᐅᒋᒪᒧᐛᐛ ᐱᒋᔅᑲᑯᐤ᙮ ᐊᐅᑯᓂ ᐊᓂᔭᔪᐛ ᒪᔨᑯᑦ ᒥᑕᐅᓂᔪᐤ ᒐᒋ ᐎᐎᑎᓴᐛᑦ ᒥᒋ ᐊᒐᒂ᙮”

ᓗᒃ 11:15

ᐊᑯ ᐱᔅᒐ ᒋ ᐃᑕᐅᒡ, “ᐊᓂᔭ ᒥᒋ ᐊᒐᐧᒄ ᐅᒋᒪᐛ ᐸᐃᓪᓯᐳᓪ ᐊᐅᑯᓐ ᐊᓂᔭ ᑲ ᒥᔨᑯᑦ ᒥᑕᐅᓂᔪᐤ ᒐᒋ ᐎᐎᑎᓴᐛᑦ ᒥᒋ ᐊᒐᒂ᙮”

ᓗᒃ 11:18

ᐊᓐᒡ ᒪᒃ ᑲ ᓇᓴᐛᒡ ᒥᒋᒥᓂᑐᐛ, ᒪᓯᐧᑲᑐᑥᐛ ᒪᒃ, ᒥᒋᒥᓂᑐᐤ ᐅᒋᓴᐅᒋᒪᐅᓐ ᒋᑭ ᓂᓱᐅᓇᒋᑕᑭᓄᐅᔪᐤ᙮ ᐊᐅᒄ ᒪᒃ ᒋᐸ ᐃᔅᐱᔪᐤ ᑕᑈ ᐸᐃᓪᓯᐳᓪ ᐸᒋ ᒥᔨᑦ ᒥᑕᐅᓂᔪᐤ ᒐᒋ ᐊᐱᒋᑕᐅᒡ ᒐᒋ ᐎᐎᑎᓴᐅᒂᐤ ᒥᒋ ᐊᒐᐧᑯᒡ᙮

ᓗᒃ 11:19

ᑕᑈ ᐸᐃᓪᓯᐳᓪ ᐅᒥᑕᐅᓐ ᐊᐱᒋᑕᐛᐅᒐ ᐊ ᐎᐎᑎᓴᐅᒂᐤ ᒥᒋ ᐊᒐᐧᑯᒡ, ᑭᔭ ᒋᑦ ᐃᔨᒧᐛᐅᒡ ᐊ ᐎᐎᑎᓴᐛᒡ ᒥᒋ ᐊᒐᒂ, ᐊᐛᔪᐛ ᒪᒃ ᑲ ᐎᒋᐃᑯᒡ ᐎᔨᐛᐤ ᐅᔭ ᒐᒋ ᐃᑎᒡ᙮ ᒋᑭ ᒋ ᐎᑎᒪᑯᐛᐅᒡ ᑕᑈ ᐊ ᑭᑭᒋᔭᔭᒄ ᐊᓐ ᐊ ᐃᔅᒋᔄᔭᒄ ᒥᒋᒥᓂᑐᐤ ᐊ ᐎᒋᐊᑦ ᐊᐛᔪᐛ ᒐᒋ ᐎᐎᑎᓴᐛᔨᒋ ᒥᒋ ᐊᒐᒂ᙮

ᒠᓐ 10:20

ᒥᒐᑦ ᒪᒃ ᐊᓐᒡ ᒍᐤ ᐃᔪᒡ ᒋ ᐃᑕᐅᒡ, “ᒥᒋ ᐊᒐᒂ ᐱᒋᔅᑲᑯᐤ᙮ ᒋᔎᐤ᙮ ᒐᒂᓐ ᐛᒋ ᓂᑐᑐᐛᒄ ?”

ᒠᓐ 7:20

ᐊᑯ ᐊᓐᒡ ᐃᔪᒡ ᑲ ᐃᓯ ᐎᑎᒧᐛᒡ ᒋᓴᓴ ᐊ ᐃᑕᒡ, “ᒥᒋ ᐊᒐᐧᒄ ᒋ ᐱᒋᔅᑲᒄ᙮ ᐊᐛᓐ ᒪᒃ ᐅ ᐛ ᓂᐸᐃᔅᒃ ?”

ᒠᓐ 8:48

ᐊᓐᒡ ᒪᒃ ᒍᐤ ᐃᔪᒡ ᒋ ᐃᑕᐅᒡ ᐊᓂᔭ ᒋᓴᓴ, “ᓂᒋ ᑕᑈᓇᓐ ᑲ ᐃᔅᒋᔄᔭᒡ ᓴᒪᕆᔭ ᐊ ᐅᒋᔨᓐ ᑭᔭ ᐊ ᐱᒋᔅᑲᔅᒃ ᒥᒋ ᐊᒐᐧᒄ ?”

ᒠᓐ 8:52

ᐊᑯ ᐊᓂᔭᔪᐛ ᒍᐤ ᐃᔪᐛ ᑲ ᐃᑎᑯᑦ, “ᑭᔭ ᒋᔭᔅᑎᓇᐅᔭᒡ, ᑕᑈ ᐊ ᐱᒋᔅᑲᔅᒃ ᒥᒋ ᐊᒐᐧᒄ᙮ ᐊᑉᕋᐊᒻ ᒋ ᓂᐳᐤ ᒪᒃ ᐊᓐᒡ ᐅᒋᔅᒋᐛᐃᒐᓱᒡ ᒋ ᓂᐳᐅᒡ᙮ ᒋᔾ ᒪᒃ ᐊ ᐃᔅᒋᔄᔨᓐ ᐊᓐ ᐊᐛᓐ ᒐ ᓂᓇᐃᑎᒧᒂ ᑕᓐ ᐊ ᐃᔅᒋᔄᐅᒡ ᓇᒪ ᓂᑕ ᒋᑭ ᐅᒋ ᓂᐳᐤ᙮