ᒪᑎᔪᐤ 10:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐃᔅᐱ ᒪᒃ ᐱᑎᑲᐃᑯᔭᒂ ᐊᓐᑕ, ᐊᑲᐎᔾ ᐊᔨᒪᔨᑎᒧᒄ ᑕᓐ ᒐ ᐃᔅᒋᔄᔭᒄ, ᐛᔅ ᐃᔅᐱ ᐅᑎᒋᐱᔨᒐ ᐊᓐ ᒐ ᐃᑐᑕᑯᔭᒄ ᒋᑭ ᒥᔨᑯᓇᐛᐤ ᑕᓐ ᒐ ᐃᔅᒋᔄᔭᒄ᙮

ᒪᑎᔪᐤ 10:19 ပူးပေါင်းရင်းမြစ်များ

ᐊᒃᓱᑕᔅ 4:12

ᐊᑯ ᐃᑐᑕᒪ, ᒋᑭ ᐎᒋᐃᑎᓐ ᒐᒋ ᐃᔨᒥᔨᓐ ᑭᔭ ᒋᑭ ᐎᑎᒪᑎᓐ ᑕᓐ ᒐ ᐃᔅᒋᔄᔨᓐ᙮”

ᐊᒃᓱᑕᔅ 4:15

ᒋᔾ ᒐ ᐃᔨᒥᔨᑦ, ᑭᔭ ᒐ ᐎᑎᒧᐅᑦ ᒐᒂᔪᐤ ᒐ ᐃᔅᒋᔄᑦ᙮ ᑕᐱᔅᑯᓐ ᒋᑭ ᐎᒋᐃᑎᓇᐛᐤ ᒐᒋ ᐃᔨᒥᔭᒄ ᑭᔭ ᒋᑭ ᐎᑎᒪᑎᓇᐛᐤ ᑕᓐ ᒐ ᐃᑎᔭᒄ᙮

ᒪᑎᔪᐤ 10:18

ᒋᑭ ᐃᑐᑕᐃᑯᐅᓇᐛᐤ ᑎᐸᔨᒋᒐᓱᐅᒡ ᑭᔭ ᒋᓴᐅᒋᒪᐅᒡ ᐊᑕᒡ ᒐᒋ ᐅᑎᔅᑯᑲᐳᔅᑎᐛᑯᒡ ᓂᔾ ᐅᒡ᙮ ᒋᑭ ᓂᑐᐛᔨᑕᑯᓯᓇᐛᐤ ᑯᐃᔅᒄ ᒐᒋ ᐃᓯ ᐊᔨᒧᒥᔭᒄ ᐊᓐᑕ ᐅᑎᔅᑯᐤ ᐊᑕᒡ ᑭᔭ ᐅᑎᔅᑯᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮

ᒪᑎᔪᐤ 6:25

“ᐊᐅᒄ ᒪᒃ ᐛᒋ ᐃᑎᑎᑯᒡ ᒐ ᐊᑲ ᐊᔨᒪᔨᑎᒪᒄ ᒐᒂᓐ ᒐ ᒥᒋᔭᒄ ᑭᔭ ᒐᒂᓐ ᒐ ᒥᓂᔭᒄ ᒐᒋ ᐅᒋ ᐱᒪᑎᓯᔭᒄ ᑭᔭ ᒪᒃ ᒐᒂᓐ ᒐ ᒋᔅᑭᒪᒄ᙮ ᓇᒪ ᓇ ᐅᔅᑕ ᒋᔅᑕᔨᑕᑯᓐ ᐱᒪᑎᓯᐅᓐ ᐃᔅᐱᔅ ᒥᒋᒻ, ᒪᒃ ᑭᔭ ᒥᔪᐤ ᐃᔅᐱᔅ ᐊᐱᒋᑕᐅᓇ ?

ᒪᑎᔪᐤ 6:31

“ᐊᑲᐎᔾ ᒪᒃ ᒧᔅ ᒪᒥᑐᓇᔨᑎᒥᒄ ᒐᒋ ᐃᔅᒋᔄᔭᒄ, ‘ᒐᒂᓐ ᒐ ᒥᒋᔭᒡ ?’ ᑭᔭ ᒪᒃ ‘ᒐᒂᓐ ᒐ ᒥᓂᔭᒡ ?’ ᑭᔭ ᒪᒃ ‘ᒐᒂᓐ ᒐ ᒋᔅᑭᒪᒡ ?’

ᒪᑎᔪᐤ 6:34

ᐊᑲᐎᔾ ᐊᔨᒪᔨᑎᒧᒄ ᑕᓐ ᒐ ᐃᔅᐱᔨᒡ ᒐ ᐛᐸᒡ, ᐛᔅ ᒐ ᐛᐸᒡ ᒋᑭ ᐊᔨᒪᔨᑎᒧᒥᑭᓐ᙮ ᐛᔅ ᓴᔅ ᐃᔅᐱᔪᐤ ᑕᓐ ᒐ ᐃᓯ ᐊᔨᒪᔨᑎᒥᓐ ᐊᓄᒡ᙮”

ᓗᒃ 12:11

ᐊᑯ ᒋᓴᔅ ᒂ ᐃᔅᒋᔄᑦ, “ᒧᔭᒻ ᑎᐸᔅᑯᓂᒐᐅᒋᐛᐱᒡ ᐃᑐᑕᐃᑯᔨᓇ ᑭᔭ ᒍᐤ ᐊᔭᒥᐊᐅᒋᐛᐱᒡ ᑭᔭ ᒋᓴᐅᒋᒪᐛ ᐊ ᑕᔨᒋ ᒐᒋ ᑎᐸᔅᑯᓂᑯᔨᓐ ᐊᑲᐎᔾ ᒥᑯᔅᑲᑕᔨᑕ ᑕᓐ ᒐ ᐃᔅᒋᔄᔨᓐ ᑭᔭ ᑕᓐ ᒐ ᐃᓯ ᓂᔎᐅᓯᑥᔨᓐ ᒐᒋ ᐅᒋ ᐎᒋᐃᓱᔨᓐ᙮

ᓗᒃ 12:12

ᐛᔅ ᑲ ᐸᔭᒋᓯᑦ ᐊᒐᐧᒄ ᒋᑭ ᒋᔅᑯᑎᒪᒄ ᑕᓐ ᐊᓐ ᒋᐸ ᐃᔅᒋᔄᓐ ᐊᓐ ᒪᒂᒡ ᐃᓯ ᓂᒋᔅᑭᒥᓇ᙮”

ᐊᑈᔅᑕᓇᒡ 6:10

ᓇᒪ ᒪᒃ ᒐᒂᔪᐤ ᐅᒋ ᐃᑎᑯᐤ ᐅᔭ ᔅᑎᐱᓐ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐤ ᑭᒐᑕᐛᔨᑎᒧᐅᓂᔪᐤ ᒐᒋ ᑭᔅᒋᐅᑦ ᐊ ᐃᔨᒥᑦ᙮

ᐱᓕᐱᔭᓇ 4:6

ᐊᑲᐎᔾ ᒐᒂᓐ ᒋᑭ ᐅᒋ ᒥᑯᔅᑲᑕᔨᑎᒥᐃᑯᐅᓇᐛᐤ᙮ ᐃᔭᐱᒡ ᒥᓯᐛ ᑕᓐ ᒐ ᐊᑎ ᐃᔅᐱᔪᐛᒂ ᐊᔭᒥᐊᒄ, ᐊ ᐛᐎᑎᒧᐛᒄ ᒋᓴᒪᓂᑐᐤ ᒐᒂᔪᐤ ᐊ ᐃᓯ ᓂᑐᐛᔨᑎᒧᐛᒄ᙮ ᑭᔭ ᒋᐸ ᓂᓇᔅᑯᒪᐛᐤ᙮

2 ᑎᒧᑎ 4:17

ᒥᒄ ᒪᒃ ᐅᑎᐸᔨᒋᒐᐤ ᓂᒋ ᐎᒋᑲᐳᐅᔅᑕᒄ ᑭᔭ ᐎᔾ ᓂᒋ ᒥᔨᒄ ᓱᐧᑲᑎᓯᐅᓂᔪᐤ᙮ ᒋ ᐃᔅᐱᔪᐤ ᒪᒃ ᐃᔭᐱᒡ ᓇᔅᒡ ᒐᒋ ᐛᐎᑎᒧᒡ ᐅᔭ ᒥᔽᒋᒧᐅᓂᔪᐤ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᐅᒋ ᐸᑕᒡ, ᑭᔭ ᓂᒋ ᐎᐧᑯᒋᐃᑯᐅᓐ ᒐ ᐊᑲ ᒋ ᒧᐅᑦ ᒥᓯᐱᓱᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:5

ᐊ ᑕᒂ ᐊᐛᓐ ᐊᑲ ᒋᔅᒐᔨᑕᐧᒃ ᑕᓐ ᐊᓐ ᒐ ᐃᓯᑲᐳᔅᑕᐧᒃ ᒐᒂᔪᐤ ᐊ ᓂᒋᔅᑲᐧᒃ ᒋᓴᒪᓂᑐᐛ ᒋᐸ ᓂᑐᑎᒧᐛᐤ ᑭᒐᑕᐛᔨᑎᒧᐅᓂᔪᐤ᙮ ᒋᑭ ᒥᔨᑯᐤ ᒪᒃ᙮ ᐛᔅ ᒋᓴᒪᓂᑐᐤ ᐛᔪᐅᒡ ᒥᔭᐤ ᒥᓯᐛ ᐊᐛᔪᐛ ᑕᓐ ᐊ ᐃᓯ ᓂᑐᐛᔨᑎᒪᑯᑦ ᒐᒂᔪᐤ᙮