ᓗᒃ 9:41 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴¹ ᒋᓴᔅ ᒪᒃ ᒋ ᐃᑕᐤ ᐊᓂᔭ ᐃᔪᐛ ᐊᓐᑕ ᑲ ᑕᔨᒋ, “ᒋᔨᐛᐤ ᐊᓄᒡ ᑲ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ ᑭᔭ ᐊᑲ ᒂᔅᑲᑎᓯᔭᒄ, ᓇᒪ ᑭᔭ ᑯᐃᔅᒄ ᒋ ᐊᑎ ᐃᓯ ᐱᒪᑎᓯᓇᐛᐤ᙮ ᑕᓐ ᒐ ᐃᔅᐱᔅ ᑕᔭᓐ ᐅᑕ ᐊ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ ? ᐸᓱᐛᐧᒄ ᐊᓐ ᓇᐸᔅ᙮”

ᓗᒃ 9:41 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 78:8

ᒐ ᐊᑲ ᒋ ᓂᔅᐱᑐᐛᒡ ᐅᑕᐎᐛᐛ, ᑲ ᒥᔅᑯᐅᔅᑎᒂᓇᔨᒋ ᑭᔭ ᑲ ᐊᔨᐛᒧᑐᑕᒐᔨᒋ ᐊᔭᓂᔅᒐ ᐊ ᐱᒪᑎᓯᓇᓄᐎᔨᒡ; ᑲ ᐊᔭᓂᔅᒐ ᐱᒪᑎᓯᒡ ᐊᑲ ᓇᐃᑎᔅᑕᒡ ᐅᑕᐃᐛᐛ, ᑭᔭ ᐊᑲ ᑲ ᐊᔨᑎᓯᔅᑐᐛᒡ ᒋᓴᒪᓂᑐᐛ ᐅᑦ ᐊᒐᐧᑯᐛᒡ᙮

ᐊᒃᓱᑕᔅ 10:3

ᐊᑯ ᒧᓱᔅ ᑭᔭ ᐊᕋᓐ ᒂ ᓂᑐᐛᐱᒪᒡ ᒋᓴᐅᒋᒪᐛ᙮ ᒂ ᐃᑕᒡ, “ᒪᐤ ᐅᔭ ᐊᔅᒋᔄᑦ ᑎᐸᔨᒋᒐᓱᐤ, ᐃᑉᕈᐤ ᐃᔪᒡ ᐅᒋᓴᒪᓂᑐᒧᐛᐛ, ‘ᑕᐃᔅᐱ ᒐ ᐳᓂᔨᓐ ᐊᑲ ᑕᑈᑎᒥᓐ ? ᓇᐃᒥᒡ ᓂᑦ ᐃᔨᒥᒡ ᒐᒋ ᔅᑐᑕᒡ ᑭᔭ ᒐᒋ ᐊᔭᒥᐊᔅᑐᐅᒡ᙮

ᐊᒃᓱᑕᔅ 16:28

ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᑕᓐ ᒐ ᐃᔅᐱᔅ ᐊᑲ ᓂᑐᑎᒪᒄ ᓂᑦ ᐃᑎᓱᐛᐅᓇ ?”

ᒪᑎᔪᐤ 11:28

“ᐸᒋ ᓇᓯᒄ ᒥᓯᐛ ᒋᔨᐛᐤ ᑲ ᐊᑐᔅᒐᔭᒄ ᑭᔭ ᑲ ᑈᒧᐅᑕᔭᒄ, ᒋᑭ ᒥᔨᑎᓇᐛᐤ ᒐᒋ ᐊᔽᓯᔭᒄ᙮

ᒪᑎᔪᐤ 12:39

ᐊᑯ ᒋᓴᔅ ᐊᑕᑦ, “ᐊᓄᒡ ᐊᐛᓐᒋ ᑲ ᐱᒪᑎᓯᒡ ᓇᔅᒡ ᑕᑈ ᒥᒐᑎᓯᐅᒡ ᑭᔭ ᐱᓯᒂᑎᓯᐅᒡ᙮ ᑲ ᑯᒂᒋᒐᒧᔭᒄ ᒐᒋ ᐛᐸᑎᔨᑯᐅᔭᒄ ᒪᒥᔅᑲᒡ ᐛᐸᑎᔨᐛᐅᓐ, ᓇᒪ ᒋᑭ ᐅᒋ ᐛᐸᑎᔨᑯᐅᓇᐛᐤ᙮ ᒥᒄ ᐊᓂᔭᔪᐛ ᑕᓐ ᑲ ᐃᓯ ᒪᒥᔅᑲᒡ ᐃᔅᐱᔨᑦ ᐊᓂᔭ ᐅᒋᔅᒋᐛᐃᒐᓱᐤ ᒍᓇ ᐊᐅᒄ ᒥᒄ ᐊᓐ ᒐ ᐛᐸᑎᔨᑯᐅᔭᒄ᙮

ᒪᑎᔪᐤ 12:45

ᐅᔭ ᒪᒃ ᐎᔭᐸᑕᐧᒃ ᐊ ᐃᓯᓇᑯᓂᔨᒡ ᐊᑯ ᒐ ᑐᑕᑦ, ᓂᔭᓂᑐᐛᔨᒪᑦ ᓂᔄᐅᑕᒡ ᒥᒋ ᐊᒐᒂ ᐅᔅᑕ ᐊ ᐃᑕᔨᑕᑯᓯᔨᒋ ᐃᔅᐱᔅ ᐎᔾ ᐊ ᐃᑕᔨᑕᑯᓯᑦ, ᒐᒋ ᐎᒋᒥᑯᑦ ᐊᓐᑕ ᐊᓂᔭ ᓇᐸᐛ ᐱᒡ ᐊ ᑕᔨᒋ᙮ ᐊᑯ ᒪᒃ ᐊᓐ ᓇᐸᐤ ᐊᑐᐎᔅ ᒋᑭ ᐃᑕᔨᑕᑯᐃᑯᐤ ᐊᓂᔭ ᓂᔄᐅᑕᒡ ᒥᒋ ᐊᒐᒂ ᑕᓐ ᑲ ᐃᑕᔨᑕᑯᓯᑦ ᓂᔅᑎᒻ, ᒥᒄ ᐊᒋ ᐸᐃᑯᓯᔨᒋ᙮ ᐊᐅᑯᓐ ᒪᒃ ᒐ ᐃᔅᐱᔨᒡ ᐊᓐᒡ ᐊᓄᒡ ᐊᐛᓐᒋ ᑲ ᒥᒐᑎᓯᒡ᙮”

ᒪᑎᔪᐤ 16:4

ᐊᓄᒡ ᐃᔪᒡ ᓇᔅᒡ ᑕᑈ ᒥᒐᑎᓯᐅᒡ ᑭᔭ ᓇᔅᒡ ᐱᓯᒂᑎᓯᐅᒡ᙮ ᒥᒄ ᐊ ᐎ ᐛᐸᑕᒡ ᒪᒥᔅᑲᒡ ᐛᐸᑎᔨᐛᐅᓇ, ᓇᒪ ᒪᒃ ᒋᑭ ᒋ ᐛᐸᑎᔭᑭᓄᐎᒡ᙮ ᒥᒄ ᐊᓂᔭ ᒪᒥᔅᑲᒡ ᒐᒂᔪᐤ ᑲ ᐃᔅᐱᔨᑦ ᒍᓇ ᐊᔪᐅᒄ ᒥᒄ ᐊᓂᔭ ᒐ ᐛᐸᑎᔭᑭᓄᐎᒡ᙮” ᐊᑯ ᒋᓴᔅ ᒂ ᓂᑭᑕᑦ ᒂ ᐊᑎ ᔅᑐᑕᑦ᙮

ᒪᑎᔪᐤ 17:17

ᒋᓴᔅ ᒪᒃ ᒋ ᐃᑕᐤ ᐊᓂᔭ ᐃᔪᐛ ᐊᓐᑕ ᑲ ᑕᔨᒋ, “ᒋᔨᐛᐤ ᐃᔪᒡ ᐊᓄᒡ ᑲ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ ᑭᔭ ᐊᑲ ᒂᔅᑲᑎᓯᔭᒄ, ᑕᓐ ᒐ ᐃᔅᐱᔅ ᑕᔭᓐ ᐅᑕ ᐊ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ ? ᐸᓱᐛᒄ ᐊᓐ ᓇᐸᔅ᙮”

ᒪᑎᔪᐤ 23:36

ᓂᐦᐃ, ᒋ ᐎᑎᒪᑎᓇᐛᐤ, ᑭᔭ ᒋᔨᐛᐤ ᐊᓄᒡ ᑲ ᐱᒪᑎᓯᔭᒄ ᒋᑭ ᐊᓂᔅᒐ ᒪᑎᑯᔅᑲᑯᓇᐛᐤ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᐅᒡ᙮”

ᒪᑎᔪᐤ 3:7

ᐃᔅᐱ ᒪᒃ ᒠᓐ ᐎᔭᐱᒪᑦ ᒥᒐᑦ ᐸᕆᓯᐊ ᑭᔭ ᓴᑎᔪᓯᐊ ᐊ ᐸᒋ ᑎᑯᓯᓂᔨᒋ ᒐᒋ ᓯᑲᐃᑐᐛᑭᓄᔨᒋ, ᒋ ᐃᑕᐤ, “ᒧᔭᒻ ᑕᑈ ᒋᓇᐱᑯᒡ ᒂ ᐃᑕᔨᑕᑯᓯᔭᒄ᙮ ᐊᐛᓐ ᑲ ᐃᑎᑕᒄ ᒐᒋ ᒋᑎᓯᒧᑎᒺᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:14

ᐃᔅᐱ ᒋᓴᔅ ᐎᔭᐱᒪᑦ ᐅᔭ ᐊ ᐃᑎᔨᒋ ᐊᓂᔭᔪᐛ ᒋᔅᒋᓄᐊᒧᐛᑭᓇ ᓇᒪ ᓇᔅᒡ ᐅᒋ ᓇᐊᔨᑎᒥᐃᑯᐤ ᐊᑯ ᒂ ᐃᑕᑦ, “ᐱᔅᑎᓇᐧᑯᒡ ᐊᐛᓯᒡ ᒐᒋ ᐸᒋ ᓇᓯᒡ, ᐊᑲᐎᔾ ᐅᒋ ᒋᑕᐊᒧᐛᐧᑯᒡ, ᐛᔅ ᐅᔭ ᑲ ᐃᑕᔨᑕᑯᓯᒡ ᐊᐛᓐᒋ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᐃᓯ ᑎᐸᔨᑕᑯᓱᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:49

ᒋᓴᔅ ᒪᒃ ᒋ ᒋᐱᒋᑲᐳᐤ ᐊᑯ ᒂ ᐃᔅᒋᔄᑦ, “ᐎᓴᒥᐧᒄ᙮” ᐊᑯ ᒂ ᑕᑈᑕᒡ ᐊᓂᔭ ᓇᐸᐛ ᐊᑲ ᐛᐸᑎᒥᔨᒋ ᐊ ᐃᑕᒡ, “ᒥᔽᔨᑕ, ᐱᓯᑯᐤ, ᐛᔅ ᐊᓐ ᒋ ᑕᑈᑎᒄ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:19

ᒋᓴᔅ ᒪᒃ ᒋ ᐃᑕᐤ ᐊᓂᔭᔪᐛ ᐊᓐᑕ ᑲ ᑕᔨᒋ, “ᒋᔨᐛᐤ ᐃᔪᒡ ᐊᓄᒡ ᑲ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ, ᑕᓐ ᒐ ᐃᔅᐱᔅ ᑕᔭᓐ ᐅᑕ ᐊ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ᙮ ᐸᓱᐛᐧᒄ ᐊᓐ ᓇᐸᔅ ?”

ᓗᒃ 8:25

ᐊᑯ ᒂ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᑕᓐᑕ ᒋᑕᑈᑎᒧᐅᓄᐛᐤ ?” ᒋ ᑯᔅᑕᒍᐅᒡ ᒪᒃ ᐊᔪᐤ ᒋ ᒥᔅᑲᑕᔨᑎᒧᒡ ᐊ ᐃᔅᒋᔄᒡ, “ᐊᐛᓐ ᐅ ᐛᐛᒡ ᔪᑎᓂᓱᐛ ᑭᔭ ᑭᔅᑭᓇ ᐊ ᐱᓯᒋᐃᑯᑦ ᐊ ᒋᑕᐊᒧᐛᑦ ?”

ᓗᒃ 9:40

ᐊᑎ ᒪᒃ ᓂᒋ ᑯᒂᒋᒪᐅᒡ ᒋᒋᔅᒋᓄᐊᒧᐛᑭᓐᒡ ᒐᒋ ᐎᐎᑎᓴᐛᒡ ᐅᔭ ᒥᒋ ᐊᒐᒂ, ᓇᒪ ᒪᒃ ᐅᒋ ᐃᑐᑎᒧᒡ᙮”

ᓗᒃ 9:42

ᒪᒂᒡ ᒪᒃ ᐊ ᐸᒋ ᓇᑕᑦ ᐊᓂᔭ ᒋᓴᓴ ᐊᓐ ᓇᐸᔅ, ᒥᒋ ᐊᒐᒂ ᓇᔅᒡ ᒋ ᐛᐱᓂᑯᐤ ᐊᑯ ᒂ ᐃᑐᑕᑯᑦ ᒐᒋ ᐅᒋᐱᑎᑯᑦ᙮ ᒋᓴᔅ ᒪᒃ ᒋ ᒋᑕᐊᒧᐛᐤ ᐊᓂᔭ ᒥᒋ ᐊᒐᒂ ᒂ ᐃᑕᑦ ᒐᒋ ᓂᑭᑕᔨᒋ ᐊᓂᔭ ᓇᐸᓴ᙮ ᐊᑯᑕ ᒪᒃ ᑲ ᐊᑎ ᒥᓏᑎᓯᑦ ᐊᓐ ᓇᐸᔅ᙮ ᐊᑯ ᒋᓴᔅ ᒂ ᒋᐛᒥᔭᑦ ᐊᓂᔭ ᓇᐸᐛ ᐊᓂᔭᔪᐛ ᐅᑯᓯᔪᐛ᙮

ᒠᓐ 14:9

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐱᓕᑉ, ᓴᔅ ᐛᔅᑭᒡ ᑲ ᑕᔭᓐ ᐅᑕ ᐊ ᑕᔭᒄ ᐃᔭᐱᒡ ᒪᒃ ᓇᒪ ᒋᔅᒐᔨᒥᓐ ? ᐊᓐ ᐊᐛᓐ ᑲ ᐛᐱᒥᑦ ᓴᔅ ᒋ ᐛᐱᒪᐤ ᐅᑕᐎᒪᐛ᙮ ᒐᒂᓐ ᒪᒃ ᐛᒋ ᑯᒂᒋᒥᔨᓐ ᒐᒋ ᐛᐸᑎᔨᑕᓐ ᐅᑕᐎᒪᐤ ?

ᒠᓐ 20:27

ᒂ ᐃᑕᑦ ᐊᓂᔭ ᑥᒥᓴ, “ᑕᒋᓇ ᓂᑎᒋᔭ ᑭᔭ ᐅ ᓂᔅᐱᑭᔾ ᐸᒋ ᑕᒋᓇ, ᐊᑯᓐ ᐊᑯ ᐃᔅᐱᔅ ᐊᓏᑕ, ᑕᑈᑕ ᐊᑯ᙮”

ᐊᑈᔅᑕᓇᒡ 13:18

ᓇᐎᔪᐛ ᐱᐳᓇ ᒪᒃ ᒋ ᐃᔅᐱᔅ ᓯᐱᔪᐛᓯᔅᑐᐛᐤ ᐊᓂᔭᔪᐛ ᒍᐤ ᐃᔪᐛ ᒪᒂᒡ ᐊᓐᑕ ᐸᐧᑯᑎᔅᑭᒥᑲᒡ ᑲ ᑕᔨᒋ ᐊᑎ ᐊᑲ ᐅᒋ ᓂᓇᐃᑕᑯᑦ᙮

ᐊᑈᔅᑕᓇᒡ 2:40

ᓇᐅᔅ ᒋ ᐃᔨᒪᐊᐤ ᐱᑕᕐ ᐊᓂᔭᔪᐛ ᐃᔪᐛ᙮ ᒋ ᐃᔭᒂᒥᒪᐤ, ᐊ ᐃᑕᑦ, “ᐎᐧᑯᒋᐃᓱᒄ ᒐ ᐊᑲ ᒋ ᐛᐛᓯᐃᑯᐅᔭᒄ ᒋᔨᐛᐤ ᑕᓐ ᒐ ᐃᓯ ᐛᐛᓯᐊᑭᓄᐅᒡ ᐅᒡ ᑲ ᒥᒐᑎᓯᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:4

ᓇᔅᒡ ᑕᑈ ᒋᓴᐛᑎᓯᐤ ᒋᓴᒪᓂᑐᐤ᙮ ᓇᑲᐎᐤ ᒐᒋ ᑎᐸᔅᑯᓂᔅᒃ ᑭᔭ ᓇᔅᒡ ᑕᑈ ᒋ ᓯᐱᔪᐛᓯᔅᑕᒄ᙮ ᒐᒂᔪᐤ ᐛᒋ ᒪᔭᔨᒥᑦ, ᐊᓂᔭ ᒪᒃ ᐊ ᐃᔅᐱᔅ ᒥᔽᔨᑕᑯᓯᑦ᙮ ᓇᒪᐎᔾ ᐊ ᒋ ᒋᔅᒐᔨᑕᓐ ᒐᒂᔪᐤ ᐛᒋ ᒋᓴᐛᑐᑕᔅᒃ ? ᒋ ᓂᑐᐛᔨᒧᒄ ᒐᒋ ᒥᑕᒋᔨᐛᔨᑎᒧᑦ ᑕᓐ ᐊ ᐃᓯ ᒥᒐᑎᓯᔪᐅᑦ ᑭᔭ ᒐᒋ ᒂᔅᑲᑎᓯᔪᐅᑦ᙮

ᐃᑉᕈᐛ 3:19

ᐊᑯ ᒪᒃ ᒐᔅᒐᔨᑎᒪᐧᒄ ᐅᑦ ᐊᓏᔨᑎᒧᐅᓄᐛᐤ ᐊᒋ ᐃᑐᑕᑯᒡ ᐊᓐᒡ ᐃᔪᒡ ᐛᒋ ᐊᑲ ᐅᒋ ᐱᒐᐛᒡ ᐊᓂᔭ ᐊᔅᒋᔪᐤ ᒋᓴᒪᓂᑐᐛ ᑲ ᐊᔭᔅᑯᔅᑎᒪᑯᒡ ᐊᓐᑕ ᒐ ᐊᔽᐱᒡ᙮

ᐃᑉᕈᐛ 4:11

ᐊᑯ ᒪᒃ ᓱᒃ ᑯᒋᑕᑕᐤ ᒐᒋ ᐱᒐᔭᐧᒄ ᐊᓐᑕ ᐊ ᑎᒂᒡ ᐊᔪᐛᐳᐅᓐ᙮ ᓱᒃ ᐃᔭᒂᒥᑕᐤ ᒐ ᐊᑲ ᒋ ᓄᑕᔅᑭᒪᐧᒄ ᒐᒋ ᐱᒐᔭᐧᒄ ᐊᓐᑕ ᐊ ᑎᒂᒡ ᐊᔪᐛᐳᐅᓐ᙮ ᐊᑲ ᓂᓇᐃᑐᐛᒂ ᒋᓴᒪᓂᑐᐤ ᒋᑭ ᓄᑕᔅᑲᓇᓄᐤ ᐊᓐᑕ ᒐᒋ ᐱᒐᔭᐧᒄ ᒧᔭᒻ ᐊᓂᔭᐧᑲ ᐃᔅᕋᐃᓪ ᐃᔪᒡ ᐊᓐᑕ ᐸᒋ ᐅᑕᒡ ᑲ ᐃᓯ ᓄᑕᔅᑲᒡ᙮

ᐃᑉᕈᐛ 4:2

ᐊᑯ ᒪᒃ ᔅᒋ ᐸᑕᓇᓄᐤ ᐊᓐ ᒥᔽᒋᒧᐅᓐ ᐊᓐᑕ ᑲ ᐊᔨᒧᑕᒡ ᐊᓐᑕ ᒐ ᐊᔽᐱᔨᒋ ᒋᓴᒪᓂᑐᐤ ᐅᑦ ᐃᔨᒪ᙮ ᐊᔪᐅᒄ ᐅᔭ ᒥᔽᒋᒧᐅᓂᔪᐤ ᑲ ᐃᓯ ᐸᑕᒡ ᐊᓂᔭᐧᑲ ᒋᐛᐧᑯᒪᑭᓄᐎᒡ᙮ ᒥᒄ ᒪᒃ ᓇᒪ ᐅᒋ ᐱᒐᐅᒡ ᐊᓐᑕ ᐛᔅ ᓇᒪ ᐅᒋ ᑕᑈᑎᒧᒡ ᑕᓐ ᑲ ᐃᓯ ᐎᑎᒧᐛᑭᓄᐎᒡ᙮

ᐃᑉᕈᐛ 7:25

ᓇᔅᒡ ᒋᑭ ᒋ ᐱᒪᒋᐊᐤ ᒥᓯᐛ ᐊᐛᔪᐛ ᑲ ᑕᑈᔭᔨᒥᑯᑦ ᐊ ᓇᑕᔨᒋ ᒋᓴᒪᓂᑐᐛ᙮ ᐛᔅ ᑲᒋᒡ ᐱᒪᑎᓯᐤ ᑭᔭ ᒧᔅ ᒐᒋ ᐃᔨᒥᔅᑎᒧᐛᑦ ᐅᑦ ᐃᔨᒪ᙮