ᓗᒃ 9:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᒂ ᐃᑎᑯᑦ, “ᑯᑎᑭᒡ ᐊᐛᓐᒋ ᒠᓐ ᐅᓯᑲᐃᑕᒐᐤ ᒋᑦ ᐃᑕᔨᒥᑯᒡ, ᐊᑯ ᑯᑎᑭᒡ ᐊᓂᔭᐧᑲ ᐸᐃᒄ ᐅᒋᔅᒋᐛᐃᒐᓱᐤ ᐃᓚᐃᒐ ᑲ ᐃᓯᓂᐧᑲᓱᑦ ᒋᑦ ᐃᑕᔨᒥᑯᒡ, ᐊᑯ ᒥᓐ ᑯᑎᑭᒡ ᐊ ᐃᔅᒋᔄᒡ ᐛᔅᑭᒡ ᐅᒋᔅᒋᐛᐃᒐᓱᐤ ᒥᓐ ᑲᐤ ᐊ ᐱᒪᑎᓯᑦ ᐊ ᐃᑕᔨᒥᔅᒡ᙮”

ᓗᒃ 9:19 ပူးပေါင်းရင်းမြစ်များ

ᒪᑎᔪᐤ 14:2

ᐊᑯ ᒂ ᐃᑕᑦ ᐊᓂᔭ ᐅᑦ ᐊᐱᒋᐊᑭᓇ, “ᒂᔄᓐ ᑕᑈ ᐊᐅᑯᓐ ᐊᓐ ᐊᓂᔭ ᒠᓐ ᐅᓯᑲᐃᑕᒐᐤ᙮ ᒋ ᐅᓂᔅᑲᒐ ᓂᐳᐅᓂᒡ ᐅᒡ᙮ ᐊᔪᐅᒄ ᐊᓂᔭ ᐛᒋ ᐊᔭᑦ ᒥᔅᑯᐅᓯᐅᓂᔪᐤ ᒐᒋ ᐃᑐᑕᐧᒃ ᒪᒥᔅᑲᒡ ᐃᑐᐅᓇ᙮”

ᒪᑎᔪᐤ 3:1

ᐊᑯᑕ ᒪᒃ ᐅᑕ ᒪᒂᒡ ᒠᓐ ᐅᓯᑲᐃᑕᒐᐤ ᑲᒋ ᐃᑐᑕᑦ ᐊᓐᑕ ᐸᐧᑯᑎᔅᑭᒥᑲᒡ, ᐊᓐᑕ ᒍᑎᔭ ᐊᔅᒋᒡ ᐃᑕᒐ, ᐊᑯ ᑲ ᒋᒋᐱᔨᑦ ᐊ ᑭᒐᔅᒋᒧᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:14

ᒋᓴᐅᒋᒪᐤ ᐊᕈᑦ ᒪᒃ ᒋ ᐸᑎᒻ ᑕᓐ ᑲ ᐃᔅᐱᔨᒡ, ᐛᔅ ᒋ ᒥᓯᑕᐱᔪᐤ ᑕᓐ ᐊ ᐃᑕᒋᒪᑭᓄᐅᑦ ᒋᓴᔅ᙮ ᐱᔅᒐ ᐊᐛᓐᒋ ᒋ ᐃᔅᒋᔄᐅᒡ, “ᐊᐎᒐ ᐅ ᒠᓐ ᐅᓯᑲᐃᑕᒐᐤ, ᒋ ᐅᓂᔅᑲᒐ ᓂᐳᐅᓂᒡ ᐅᒡ᙮ ᐊᔪᐅᒄ ᐅᔭ ᐛᒋ ᐃᑎᑦ ᐅᔭ ᒪᒥᔅᑲᒡ ᒐᒂᔪᐛ ᒐᒋ ᐃᑐᑕᐧᒃ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:15

ᐊᑯ ᑯᑎᑭᒡ ᐊᐛᓐᒋ ᒂ ᐃᔅᒋᔄᒡ, “ᐃᓚᐃᒐ ᐅ᙮” ᐊᑯ ᒥᓐ ᑯᑎᑭᒡ ᒂ ᐃᔅᒋᔄᒡ, “ᐊᐅᒄ ᐸᐃᒄ ᐅᒋᔅᒋᐛᐃᒐᓱᐤ ᐊᓐᑕ ᐛᔅᑭᒡ ᑲᒋ ᒋᔅᒋᐛᐃᒐᑦ᙮”

ᓗᒃ 9:18

ᐸᐃᒂᐤ, ᒋᓴᔅ ᒋ ᐊᔭᒥᐊᐤ ᒥᒄ ᐊ ᐸᐃᑯᓯᑦ, ᐅᒋᔅᒋᓄᐊᒧᐛᑭᓇ ᒪᒃ ᒥᒋᒪ ᒋ ᑕᔪᐛ ᐊᑯ ᒂ ᑯᒂᒋᒪᑦ ᐊ ᐃᑕᑦ, “ᐊᐛᓐ ᓂᔾ ᐊ ᐃᑕᔨᒥᒡ ᐊᐛᓐᒋ ?”

ᓗᒃ 9:20

ᐊᑯ ᒋᓴᔅ ᒥᓐ ᒂ ᑯᒂᒋᒪᑦ, “ᒋᔨᐛᐤ ᒪᒃ ᐎ, ᐊᐛᓐ ᓂᔾ ᐊ ᐃᑕᔨᒥᔭᒄ ?” ᐱᑕᕐ ᒋ ᐃᓯ ᐎᑎᒧᐛᐤ, “᙭ ᒋᔾ, ᐊᐅᒄ ᒋᔾ ᒋᓴᒪᓂᑐᐤ ᑲ ᐃᔅᒋᔄᑦ ᒐ ᐸᒋ ᐃᑎᓴᐛᑦ᙮”

ᒠᓐ 1:21

ᐊᑯ ᑲ ᑯᒂᒋᒥᑯᑦ ᐊ ᐃᑎᑯᑦ, “ᐊᐛᓐ ᒪᒃ ᒋᔾ᙮ ᐃᓚᐃᒐ ᐊ ?” “ᓇᒪ᙮ ᓇᒪᔭᐤ ᓂᔾ ᐃᓚᐃᒐ,” ᒋ ᐃᑕᐤ ᒠᓐ᙮ “ᐊᐅᒄ ᐊ ᒋᔾ ᐊᓐ ᐅᒋᔅᒋᐛᐃᒐᓱᐤ ᓂᐸ ᐸᒋ ᐃᑎᓴᐊᒪᑯᐅᓇᓐ ?” ᒋ ᐃᑎᑯᐤ᙮ “ᓇᒪ,” ᒋ ᐃᑕᐤ ᒠᓐ᙮

ᒠᓐ 1:25

“ᒐᒂᓐ ᒪᒃ ᐛᒋ ᓯᑲᐃᑕᒐᔨᓐ ᐊᑲ ᐊ ᐊᐎᓇ ᙭ ᑭᔭ ᒪᒃ ᐃᓚᐃᒐ ᑭᔭ ᒪᒃ ᐊᓐ ᐅᒋᔅᒋᐛᐃᒐᓱᐤ ?”

ᒠᓐ 7:40

ᐱᔅᒐ ᒪᒃ ᐊᓐᒡ ᐊᐛᓐᒋ ᑲ ᐸᑐᐛᒡ ᐅᔭ ᐊ ᐃᔅᒋᔄᔨᒋ, ᒋ ᐃᑕᐅᒡ, “ᐊᐅᑯᓐ ᐅ ᑕᑈ ᐅᒋᔅᒋᐛᐃᒐᓱᐤ ᑲ ᐸᒋ ᐃᑎᓴᐛᑭᓄᐅᑦ ᐅᑕ ᐊ ᑕᔭᐧᒄ᙮”

ᒠᓐ 9:17

ᐊᑯ ᐊᓐᒡ ᐸᕆᓯᔨᒡ ᒥᓐ ᒂ ᑯᒂᒋᒪᒡ ᐊᓂᔭᔪᐛ ᓇᐸᐛ ᑲ ᒥᓏᒋᐊᑭᓄᔨᒋ ᐊ ᐃᑕᒡ, “ᑕᓐ ᐊ ᐃᑕᔨᒥᑦ ᒪᒃ ᒋᔾ ᐊᓐ ᓇᐸᐤ ᑲ ᒥᓏᒋᐃᔅᒃ ?” ᐊᑯ ᐊᓐ ᓇᐸᐤ ᒂ ᐎᑎᒧᐛᑦ ᐊ ᐃᑕᑦ, “ᐅᒋᔅᒋᐛᐃᒐᓱᐤ ᓂᑦ ᐃᑕᔨᒪᐤ᙮”