ᓗᒃ 7:39 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁹ ᐊᓐ ᒪᒃ ᐸᕆᓯ ᑲ ᐎᓴᒪᑦ ᒋᓴᓴ, ᐃᔅᐱ ᐎᔭᐱᒪᑦ ᐊᓂᔭ ᐃᔎᐛ ᐊᓂᔭ ᐊ ᐃᑎᔨᒋ ᒋ ᐃᑕᔨᒪᐤ, “ᒋᐸ ᒋᔅᒐᔨᒪᐤ ᐅᔭ ᐃᔎᐛ ᐊᔅᐱᔅ ᒥᒐᑎᓯᔨᒋ ᑲ ᑕᒋᓂᑯᑦ ᑕᑈ ᐊ ᐅᒋᔅᒋᐛᐃᒐᓱᐅᒂ᙮”

ᓗᒃ 7:39 ပူးပေါင်းရင်းမြစ်များ

ᒪᑎᔪᐤ 20:16

ᐊᑯ ᒋᓴᔅ ᒂ ᐊᑎ ᐃᔅᒋᔄᑦ, “ᐊᐅᒄ ᒪᒃ ᒐ ᐅᒋ ᐅᑕᒡ ᐃᓯ ᐱᔅᑎᓇᑭᓄᐅᒡ ᐊᓐᒡ ᓂᑲᓄᒡ ᑲ ᐃᑕᐃᓱᒡ ᐊᑯ ᐊᓐᒡ ᒪᔅᑕᔾ ᑲ ᐃᓯ ᐱᔅᑎᓂᓱᒡ ᓂᑲᓄᒡ ᒋᑭ ᐃᓯ ᐱᔅᑎᓇᑭᓄᐅᒡ᙮ ᒥᒐᑦ ᒪᒃ ᑕᑈᑕᑭᓄᐎᒡ, ᒥᒄ ᓇᒪ ᒥᒐᑐᐅᒡ ᐛᑎᓇᑭᓄᐎᒡ᙮”

ᒪᑎᔪᐤ 21:11

ᐊᑯ ᒂ ᐃᑎᑯᒡ ᐊᓂᔭ ᐃᔪᐛ ᑲ ᐎᒐᐛᔨᒋ ᒋᓴᓴ, “ᒋᓴᔅ ᐊᓐ᙮ ᐊᐅᑯᓐ ᐅ ᐅᒋᔅᒋᐛᐃᒐᓱᐤ ᐊᓐᑕ ᓇᓴᕆᑎᒡ, ᑲᓕᓕ ᐊᔅᒋᒡ, ᑲ ᐅᒋᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:21

“ᐛᔅ ᐊᓐᑕ ᐅᑕᐃᒡ ᐊᑯᑕ ᐊᐛᓐ ᓇᔅᒡ ᓂᑎᒥᒄ ᒐᒋ ᐃᑕᔨᑕᐧᒃ ᑭᔭ ᓂᑎᒥᒄ ᒐᒋ ᐃᑎᑦ, ᒪᒃ ᒐᒋ ᑭᒐᒧᑎᑦ, ᒐᒋ ᓂᐸᐃᐛᑦ,

ᓗᒃ 12:17

ᐊᑯ ᒂ ᐃᑕᔨᑕᐧᒃ, ‘ᓴᔅ ᓇᒪ ᓂᑕᐱᔅᒋᓂᑕᓐ ᑕᓐᑕ ᒥᓯᐛ ᒐ ᓇᐅᔅᑕᔭᓐ ᐅᔭ ᑲ ᓂᑕᐅᒋᑕᔭᓐ ᓂᑕᐅᒋᑕᑭᓇ᙮’ ᐊᑯ ᑲ ᒪᒥᑐᓇᔨᑎᒥᐃᑯᑦ ᑕᓐ ᒐ ᐃᑎᑦ᙮

ᓗᒃ 15:2

ᐸᕆᓯᔨᒡ, ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ᐊᔨᒧᒪᐅᒡ ᒋᓴᓴ ᐊ ᐃᔅᒋᔄᒡ, “ᐅ ᓇᐸᐤ ᐎᒐᐛᑭᓂᑐᐛᐤ ᐊᓂᔭ ᑲ ᒥᒐᑎᓯᔨᒋ ᑭᔭ ᐎᒋ ᒥᒋᓱᒪᐤ᙮”

ᓗᒃ 16:3

“ᐊᓐ ᒪᒃ ᐅᒋᒪᔅ ᒋ ᒪᒥᑐᓇᔨᑎᒻ, ‘ᑕᓐ ᒐ ᐃᑎᔭᓐ ᒪᒃ ᐊᑯ ᒐᒋ ᐅᒋ ᐱᒪᒋᐃᓱᔭᓐ, ᐊ ᐃᑕᔨᑕᐧᒃ, ᓴᔅ ᓂᑎᓯᓂᒄ ᓄᒋᒪᒻ ? ᓇᒪ ᓂ ᒥᔅᑯᓯᓐ ᐊ ᒧᓇᐃᒐᔭᓐ ᒐᒋ ᐃᑕᐱᑎᓯᔭᓐ ᑭᔭ ᓂ ᓴᒂᔨᒧᓐ ᒐᒋ ᓇᓂᑐᐛᔨᑎᒪᓐ ᓱᓇᔭᐤ᙮

ᓗᒃ 18:4

“ᓇᐅᔅ ᒪᒃ ᐊᓐ ᑎᐸᔅᑯᓂᒐᓱᐤ ᓇᒪ ᐅᒋ ᐎ ᐎᒐᐊᐤ ᐊᓂᔭ ᐃᔎᐛ᙮ ᐊᑯ ᒐᒃ ᑲ ᐃᓯ ᒪᒥᑐᓇᔨᑕᐧᒃ, ‘ᓇᒪ ᓇᓂᒋᔅᑐᐛᐤ ᒋᓴᒪᓂᑐᐤ ᑭᔭ ᓇᒪ ᓂᑦ ᐊᐱᑕᔨᒪᐅᒡ ᐃᔪᒡ᙮

ᓗᒃ 3:8

ᒋᐸ ᒂᔅᑲᑎᓯᓇᐛᐤ ᑭᔭ ᒐ ᓄᒂᒡ ᑕᑈ ᓇᔅᒡ ᐊ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮ ᑭᔭ ᐊᑲᐎᔾ ᐃᑕᔨᑎᒧᒄ ᒐᒋ ᒋᑎᓯᒧᑎᒺᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ᒥᒄ ᐊᓂᔭ ᐊᑉᕋᐊᒻ ᐊ ᑕᑦ ᐊ ᐅᒋᔭᒄ᙮ ᒋ ᐎᑎᒪᑎᓇᐛᐤ, ᒋᓴᒪᓂᑐᐤ ᒋᑭ ᒋ ᐃᑐᑐᐛᐤ ᐅᔭᔪᐛ ᐊᓯᓂᔭ ᑲ ᐃᑎᐱᔨᒋ ᒐᒋ ᐅᒋ ᐅᓯᐊᑦ ᐊᑉᕋᐊᒪ ᐅᑦ ᐊᐛᓯᒥᔪᐛ᙮

ᓗᒃ 7:16

ᒥᓯᐛ ᒪᒃ ᐊᓐᑕ ᑲ ᑎᓯᒡ ᐊᐛᓐᒋ ᒋ ᓴᒋᓱᐅᒡ ᐊᑯ ᒂ ᒋᔅᑕᒋᒪᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᔅᒋ ᐅᑎᑎᑯᓄᐤ ᐊ ᒋᔅᑕᔨᑕᑯᓯᑦ ᐅᒋᔅᒋᐛᐃᒐᓱᐤ᙮ ᑭᔭ ᒋ ᐃᔅᒋᔄᐅᒡ, ᒋᓴᒪᓂᑐᐤ ᐸᒋ ᐎᒋᐊᐤ ᐅᑦ ᐃᔨᒪ᙮”

ᓗᒃ 7:37

ᐊᓐᑕ ᒪᒃ ᐊᓂᔭ ᐅᑕᓇᔪᐤ ᒋ ᑕᐤ ᐃᔎᐤ ᓇᔅᒡ ᐊ ᒥᒐᑎᓯᑦ᙮ ᐃᔅᐱ ᒪᒃ ᐊᓐ ᐃᔎᐤ ᐱᔭᑕᐧᒃ ᒋᓴᓴ ᐊᒋ ᐎᓴᒪᑭᓄᔨᒋ ᐊᓐᑕ ᐊᓂᔭᔪᐛ ᐸᕆᓯᐊ ᐎᒋᔨᒡ ᒐᒋ ᒥᒋᓱᔨᒋ, ᒋ ᐃᑐᑕᐤ ᐊᓐᑕ, ᐊ ᐃᑐᑕᑦ ᐊ ᒥᔽᓯᔨᒡ ᐳᑕᔪᐤ ᐊ ᐊᓯᓂᐅᔨᒡ, ᐊ ᐎᒋᒪᑯᓯᔨᒡ ᑐᒥᓂᑭᓂᔪᐤ ᐊᓐᑕ ᐊ ᐱᒋᔅᑎᓂᔨᒡ᙮

ᓗᒃ 7:38

ᒪᒂᒡ ᒪᒃ ᒋᓴᔅ ᐊ ᐅᐱᒪᓯᐧᒃ ᐊᓐᑕ ᐊ ᒥᒋᓱᒡ, ᐊᓐ ᐃᔎᐤ ᒋ ᓂᐳᐤ ᐊᓐᑕ ᐃᑕᒐ ᒋᓴᓴ ᐅᓯᑎᔨᒡ, ᐊ ᒪᑦ᙮ ᐊᓂᔭ ᒪᒃ ᐊ ᐅᒋᐧᑯᐛᐱᑦ ᒋ ᓂᐱᐎᑕᐛᐤ ᒋᓴᓴ ᐅᓯᑎᔪᐛ᙮ ᐊᑯ ᒂ ᐅᒋᒋᐧᑯᓂᐱᑦ ᐅᐱᔎᐅᓐ ᐊ ᐊᐱᒋᑕᑦ ᐊ ᐸᒂᓯᑕᓇᑦ᙮ ᑭᔭ ᐊ ᓱᐛᔨᑎᒺᑦ ᑭᔭ ᐊ ᑐᒥᓂᒺᑦ ᐊᓂᔭ ᐊ ᐎᒋᒪᑯᓯᔨᒡ ᑐᒥᓂᑭᓂᔪᐤ᙮

ᓗᒃ 7:40

ᒋᓴᓴ ᒂ ᐃᔨᒥᐃᑯᑦ ᐊ ᐃᑎᑯᑦ, “ᓴᐃᒥᓐ, ᒋ ᐎ ᐃᑎᑎᓐ ᒐᒂᓐ᙮” ᓴᐃᒥᓐ ᒂ ᐃᔅᒋᔄᑦ, “ᒋᔅᑯᑎᒪᒐᓱᐤ, ᐸᒋ ᐎᑎᒧᐎ ᒐᒂᓐ ᐊᓐ᙮”

ᒠᓐ 4:19

ᐊᑯ ᐊᓐ ᐃᔎᐤ ᒂ ᐃᑕᑦ, “ᒧᔭᒻ ᒋᔾ ᐅᒋᔅᒋᐛᐃᒐᓱᐤ ᐊᐅᑯᓐ ᐊ ᐃᑕᔨᒥᑕᓐ᙮

ᒠᓐ 7:12

ᒥᒐᑦ ᒪᒃ ᐊᐛᔪᐛ ᒋ ᐊᔨᒧᒥᑯᐤ ᐊᓐᑕ ᑲ ᑕᔨᒋ᙮ ᐱᔅᒐ ᐊ ᐃᔅᒋᔄᔨᒋ, “ᓇᔅᒡ ᑕᑈ ᒥᔽᔨᑕᑯᓱᐤ ᐅ ᓇᐸᐤ᙮” ᐊᑯ ᑯᑎᑲ ᐊ ᐃᔅᒋᔄᔨᒋ, “ᓇᒪ ᒥᔽᔨᑕᑯᓱᐤ, ᐎᔭᓯᒪᐤ ᐊᐛᔪᐛ᙮”

ᒠᓐ 9:24

ᐊᑯ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒥᓐ ᑲᐤ ᒂ ᐎᓴᒪᒡ ᐊᓂᔭᔪᐛ ᓇᐸᐛ ᐊᑲ ᐅᒋ ᐛᐸᑎᒥᔨᒋ ᐊᑯ ᒂ ᑯᒂᒋᒪᒡ, “ᒋᓴᒪᓂᑐᐤ ᐊᐅᒄ ᒪᒥᒋᒻ᙮ ᓂ ᒋᔅᒐᔨᒪᓇᓐ ᐅ ᓇᐸᐤ ᒋᓴᔅ ᐊ ᒥᒐᑎᓯᑦ᙮”