ᓗᒃ 6:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᓄᑕᐧᑭᑕᔭᒄ ᐊᓄᒡ, ᐛᔅ ᒋᑭ ᒋᔅᐳᐃᑯᓇᐛᐤ᙮ ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᒪᔭᒄ ᐊᓄᒡ, ᐛᔅ ᒋᑭ ᐸᐱᓇᐛᐤ᙮

ᓗᒃ 6:21 ပူးပေါင်းရင်းမြစ်များ

ᒐᓂᓯᔅ 17:17

ᒥᓐ ᒋ ᓂᐱᔅᑯᐱᔅᑐᐛᐤ ᐊᑉᕋᐊᒻ ᒋᓴᒪᓂᑐᐛ ᐊ ᒋᔅᑕᔨᒪᑦ, ᒂ ᐸᐱᑦ ᑭᔭ ᒂ ᐃᑎᓱᑦ, “ᒐᑲᑦ ᓂ ᐸᐃᑯ ᒥᑕᓯᒥᑎᓄᐛᐳᓇᓯᓐ, ᑕᓐᑕ ᓂᐸ ᐅᒋ ᐅᑕᐎᒪᐅᓐ ? ᑭᔭ ᓴᕋ ᐸᐃᑯᔅᑕᐤ ᑕᑐᔪᐛᐳᓇᓱᐤ᙮ ᑕᓐᑕ ᒋᐸ ᐅᒋ ᐅᑦ ᐊᐛᓯᒧᐤ ?”

ᒐᓂᓯᔅ 21:6

ᓴᕋ ᒂ ᐃᔅᒋᔄᑦ, “ᐸᐳᐅᓂᔪᐤ ᑭᔭ ᒥᔽᔨᑎᒧᐅᓂᔪᐤ ᓂᒋ ᒥᔨᒄ ᒋᓴᒪᓂᑐᐤ ᑭᔭ ᒥᓯᐛ ᐊᐛᓐ ᐸᑕᒐ ᑲᒋ ᐛᐱᒪᐅᓱᐅᒡ ᓂᑭ ᐎᒋ ᐸᐱᒥᒄ᙮”

ᑎᐱᑦ ᐅᓂᑭᒧᐅᓇ 107:9

ᐛᔅ ᑕᐸᔨᑕᒥᐊᐤ ᑲ ᑲᔅᒐᔨᑎᒥᔨᒋ ᐊᒐᒂ, ᑭᔭ ᒋᔅᐳᐊᐤ ᑲ ᓄᑕᐧᑭᑕᔨᒋ ᐊᒐᒂ ᒥᔪᑐᑕᒐᐅᓂᔪᐤ ᐅᒡ᙮

ᑎᐱᑦ ᐅᓂᑭᒧᐅᓇ 119:136

ᓂᐱᔭ ᐊ ᓯᐱᓯᐅᒋ ᐅᒋᑯᐛ ᓂᔅᒋᓯᑯᒡ, ᐊ ᐊᑲ ᑭᓄᐛᔨᑕᒡ ᒋᐎᓱᐛᐅᓂᔪᐤ᙮

ᑎᐱᑦ ᐅᓂᑭᒧᐅᓇ 143:6

ᒋ ᓱᓂᔅᒐᔨᔅᑕᑎᓐ; ᓂᑦ ᐊᒐᐧᒄ ᒋ ᓄᑕᔭᐸᒂᑐᑕᒃ, ᒧᔭᒻ ᑲ ᓄᑕᔭᐸᒂᒥᑭᒡ ᐊᔅᒋᔾ᙮

ᑎᐱᑦ ᐅᓂᑭᒧᐅᓇ 17:15

ᓂᔾ ᒪᒃ, ᓂᑭ ᑭᓄᐛᐸᑕᓐ ᒋᑕᔅᑎᒥᐧᒄ ᑯᐃᔅᑯᑕᑎᓯᐅᓂᒡ: ᓂᑭ ᑕᐱᒐᔨᑕᓐ ᐸᑯᐱᔭᓇ ᒐᒋ ᐃᓯᓇᑯᓯᔭᓐ ᐊ ᐃᓯᓇᑯᓯᔨᓐ᙮

ᑎᐱᑦ ᐅᓂᑭᒧᐅᓇ 28:7

ᑎᐸᔨᒋᒐᓱᐤ ᓂᒥᔅᑯᐅᓯᐅᓐ ᑭᔭ ᓂᑦ ᐊᒂᓇᐅᓱᐛᑭᓇ; ᓂᑕᐃᔪᐤ ᒋ ᒪᒥᓯᑐᑕᑯᐤ, ᓂ ᐎᒋᐃᑯᐅᓐ ᒪᒃ: ᐊᐅᒄ ᐅᒋ ᓂᑕᐃ ᓇᔅᒡ ᒪᔽᔨᑎᒧᒪᑭᓐ; ᑭᔭ ᐊ ᓂᑭᒧᔭᓐ ᓂᑭ ᒪᒥᒋᒪᐤ᙮

ᑎᐱᑦ ᐅᓂᑭᒧᐅᓇ 65:4

ᓱᐛᔨᑕᑯᓱᐤ ᐊᓐ ᐃᔪᐤ ᑲ ᐅᐛᑕᐱᒥᑦ, ᑭᔭ ᑲ ᐃᑕᔨᒥᑦ ᒐᒋ ᐸᒋ ᓇᑎᔅᒃ, ᒐᒋ ᑕᑦ ᒋ ᒪᐛᒋᐃᑐᐅᒋᐛᐱᒡ: ᓂᑭ ᑕᐱᒐᔨᑕᓇᓐ ᐊᔅᐱᔅ ᒥᔽᓯᒡ ᒋᒡ, ᒋ ᐸᔭᒋ ᒋᓴᐊᔭᒥᐊᐅᒋᐛᐱᒡ ᐅᑦ᙮

ᒪᑎᔪᐤ 5:4

ᓱᐛᔨᑕᑯᓱᐅᒡ ᐊᓐᒡ ᑲ ᓂᓇᐧᑲᒋᒧᒡ ᐛᔅ ᒋᓴᒪᓂᑐᐛ ᒋᑭ ᒥᔽᔨᒧᐃᑯᐅᒡ᙮

ᒪᑎᔪᐤ 5:6

ᓱᐛᔨᑕᑯᓱᐅᒡ ᐊᓐᒡ ᑲ ᓯᐛᔨᑐᑕᒡ ᑭᔭ ᑲ ᓄᑕᔭᐸᒂᑐᑕᒡ ᑯᐃᔅᑯᑕᑎᓯᐅᓂᔪᐤ, ᐛᔅ ᒋᓴᒪᓂᑐᐛ ᓇᔅᒡ ᒋᑭ ᒋᔅᐳᐃᑯᐅᒡ᙮

ᓗᒃ 1:53

ᒋ ᐛᔪᒡ ᒥᔭᐤ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᐊᓂᔭ ᑲ ᒋᔅᑎᒪᑎᓱᔨᒋ ᐊᑯ ᐊᓂᔭᔪᐛ ᑲ ᐛᔪᑎᓯᔨᒋ ᒋ ᐃᒐᑎᓴᐛᐤ ᐊᑲ ᒐᒂᔪᐤ ᐊᔭᔨᒋ᙮

ᓗᒃ 6:20

ᒋᓴᔅ ᒋ ᑭᓄᐛᐱᒪᐤ ᐊᓂᔭ ᑲ ᓇᓴᐅᑯᑦ, ᐊᑯ ᐊᑕᑦ, “ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᒋᔅᑎᒪᑎᓯᔭᒄ ᐊᓄᒡ, ᐛᔅ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᒋ ᒥᓯᓇᓱᓇᐛᐤ᙮

ᓗᒃ 6:22

ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᐛᐧᑲᑎᑯᐅᔭᒄ, ᐊᑲ ᐱᔅᑲᑎᑯᐅᔭᒄ, ᐊ ᒪᔭᔨᒥᑯᐅᔭᒄ ᑭᔭ ᐊ ᒥᒋ ᐊᔨᒧᒥᑯᐅᔭᒄ ᓂᔾ ᐅᒋ ᐊ ᓇᓴᐅᔭᒄ, ᐃᔪᐤ ᐅᑯᓯᓴᓐ᙮”

ᓗᒃ 6:25

ᐃᔭᒂ ᒋᔨᐛᐤ ᑲ ᑕᐱᒥᒋᓱᔭᒄ ᐊᓄᒡ, ᐛᔅ ᒋᑭ ᓄᑕᐧᑭᑕᓇᐛᐤ᙮ ᐃᔭᒂ ᒋᔨᐛᐤ ᑲ ᐸᐱᔭᒄ ᐊᓄᒡ, ᐛᔅ ᒋᑭ ᒪᓇᐛᐤ᙮

ᒠᓐ 11:35

ᒋ ᒪᐤ ᒋᓴᔅ᙮

ᒠᓐ 4:10

ᒋ ᐃᑕᐤ ᒪᒃ ᒋᓴᔅ ᐊᓂᔭᔪᐛ ᐃᔎᐛ, “ᒋᔅᒐᔨᑎᒧᐱᓇ ᒐᒂᔪᐤ ᐊ ᐎ ᒥᔨᐛᑦ ᒋᓴᒪᓂᑐᐤ ᑭᔭ ᒋᔅᒐᔨᒥᔨᓐ ᐊᐛᓐ ᐊ ᐊᐎᔭᓐ, ᒋᔾ ᒋᐸ ᑯᒂᒋᒥᓐ ᒐᒋ ᒥᓇᐃᑕᓐ᙮ ᐊᓐ ᒪᒃ ᑲ ᐱᒪᒋᐃᐛᒥᑲᒡ ᓂᐱᔾ ᐊᐅᑯᓐ ᐊᓐ ᒋᐸ ᒥᓇᐃᑎᓐ᙮”

ᒠᓐ 6:35

ᒋᓴᔅ ᒪᒃ ᒋ ᐃᑕᐤ, “ᓂᔾ ᐊᐅᒄ ᐊᓐ ᐸᒂᓯᑭᓐ ᐊᓐᑕ ᒐᒋ ᐅᒋ ᐱᒪᑎᓯᑦ ᐊᐛᓐ᙮ ᐊᐛᓐ ᒪᒃ ᒐ ᐸᒋ ᓇᓯᒂ ᑭᔭ ᒐ ᐸᒋ ᑕᑈᔭᔨᒥᒂ, ᓇᒪ ᓂᑕ ᒥᓐ ᒋᑭ ᐅᒋ ᓯᐛᔪᐤ ᑭᔭ ᓇᒪ ᓂᑕ ᒥᓐ ᒋᑭ ᐅᒋ ᓄᑕᔭᐸᒂᐤ᙮

1 ᑯᕆᓐᑎᔭᓇ 4:11

ᐛᐛᒡ ᑭᔭ ᒪᒂᒡ ᐊᓄᒡ ᓇᓂᑯᑎᓂᔾ ᓂ ᓯᐛᔨᓇᓐ᙮ ᓇᓂᑯᑎᓂᔾ ᓂ ᐸᐧᑯᑕᑕᓇᓐ᙮ ᓇᓂᑯᑎᓂᔾ ᓇᒪ ᓇᔅᒡ ᒋ ᐃᓯᓇᑯᓇ ᓂᑦ ᐊᐱᒋᑕᐅᓇᓇ᙮ ᓇᔅᒡ ᓂ ᐎ ᐃᑐᑕᑯᐅᓇᓐ ᑭᔭ ᒪᓐ᙮ ᑭᔭ ᓇᒪ ᑎᑯᓐ ᐊᓐᑕ ᒐᒋ ᐎᒋᔭᒡ᙮

2 ᑯᕆᓐᑎᔭᓇ 11:27

ᓇᔅᒡ ᑕᑈ ᓂᒋ ᒥᔅᑎ ᐊᑐᔅᒐᓐ᙮ ᒥᒐᑥᐤ ᓂᒋ ᒥᔅᑎ ᐊᔭᔅᑯᓯᓐ, ᒥᒐᑥᐤ ᑭᔭ ᓇᒪ ᐛᐛᒡ ᓂ ᐅᒋ ᓂᐸᓐ᙮ ᒥᒐᑥᐤ ᓂᒋ ᓄᑕᐱᔨᓐ ᒥᒋᒻ ᑭᔭ ᑲ ᐊᑎ ᓯᐛᔨᔭᓐ, ᑭᔭ ᓂᒋ ᓄᑕᔭᐸᒂᓐ᙮ ᓇᓂᑯᑎᓂᔾ ᓇᒪ ᐛᐛᒡ ᐅᒋ ᑎᑯᓐ ᑕᓐᑕ ᒐ ᑕᔭᓐ ᑭᔭ ᓇᓂᑯᑎᓂᔾ ᓂᒋ ᓯᐧᑭᒋᓐ᙮

2 ᑯᕆᓐᑎᔭᓇ 12:10

ᐊᐅᑯᓐ ᑭᔭ ᐛᒋ ᐃᔭᐱᒡ ᓯᒋᔭᓯᔭᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ ᐅᑕ ᓂᔭᒡ ᐊ ᓇᓴᐅᒄ ᙭, ᑭᔭ ᑕᓐ ᐊ ᐃᓯ ᒪᔭᔨᒥᑯᐅᔭᓐ, ᑕᓐ ᐊᔅᐱᔅ ᐊᔨᒥᐅᔭᓐ ᒪᓐ, ᑕᓐ ᐊᔅᐱᔅ ᓂᓇᐧᑲᒋᐃᑯᐅᔭᓐ, ᑭᔭ ᑕᓐ ᐊ ᐃᓯ ᓂᓇᐧᑲᑕᔨᒧᔭᓐ᙮ ᐃᔭᐱᒡ ᓂ ᓯᒋᔭᓯᓐ ᐅ ᐊ ᐃᓯ ᐊᔨᒥᐅᔭᓐ ᐛᔅ ᐊᑯᑕ ᐛᒋ ᒋᔅᒐᔨᑎᒧᒡ ᙭ ᐅᓱᐧᑲᑎᓯᐅᓐ᙮ ᐊᓐᑕ ᐊᑲ ᓴᐱᓯᔭᓐ ᐊᑯᑕ ᐛᒋ ᓱᒐᔨᑕᑯᓯᔭᓐ᙮

2 ᑯᕆᓐᑎᔭᓇ 6:10

ᑎᑯᓐ ᐊ ᐃᓯ ᒥᓯᒪᔨᑎᒪᒡ᙮ ᐃᔭᐱᒡ ᒪᒃ ᓂ ᒥᔽᔨᑕᓇᓐ᙮ ᓇᒪ ᓂ ᐛᔪᑎᓯᓇᓐ᙮ ᐃᔭᐱᒡ ᒪᒃ ᓂ ᐃᑐᑐᐛᓇᓂᒡ ᐊᐛᓐᒋ ᒐᒋ ᐊᔭᒡ ᒋᒋᐛ ᐛᔪᑎᓯᐅᓂᔪᐤ᙮ ᐊᑎ ᐊᑲ ᒐᒂᓐ ᑎᐱᔨᐛᐅᓯᔭᒡ, ᐃᔭᐱᒡ ᒥᓯᐛ ᒐᒂᓐ ᐊ ᑎᐱᔨᐛᐅᓯᔭᒡ ᓂᑦ ᐃᓯᓇᑯᓯᓇᓐ᙮

ᒋᒥᔅ ᐅᒥᓯᓇᐊᒪᒐᐅᓐ 1:12

ᓱᐛᔨᑕᑯᓱᐤ ᐊᓐ ᐊᐛᓐ ᐊᑲ ᓴᐧᑯᒋᐃᑯᑦ ᑕᓐ ᐊ ᐃᓯ ᑯᒂᒋᐊᑭᓄᐅᑦ᙮ ᐛᔅ ᓴᐳᔅᑲᒐ ᑕᓐ ᐊ ᐃᓯ ᑯᒂᒋᐊᑭᓄᐅᑦ ᒋᑭ ᒥᔨᑯᐤ ᒋᓴᒪᓂᑐᐛ ᐊ ᐛᔪᒡ ᒥᔽᔨᑕᑯᓂᔨᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔭᔨᒋ ᐊᓂᔭ ᑲ ᓴᒋᐃᑯᑦ᙮

ᒋᔅᒐᔨᑕᑯᑕᒐᐅᓐ 21:3

ᐊᑯ ᒂ ᐸᑐᐅᒃ ᐊᐛᓐ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᔪᐤ ᐊ ᑎᑯᓂᔨᒡ ᐊ ᐅᒋ ᐃᔨᒥᑦ, ᒋ ᒋᔄᐛᐤ᙮ ᒪᐅ ᑲ ᐃᔅᒋᔄᑦ, “ᐊᓐᑕ ᐊᐛᔪᐛ ᐊ ᑕᔨᒋ ᐊᑯᑕ ᒐ ᑕᑦ ᐊᐅᒄ ᒋᓴᒪᓂᑐᐤ ᒋᑭ ᐎᒋᒪᐤ᙮ ᐊᐅᑯᓂ ᐊᓂᔭᔪᐛ ᐃᔪᐛ ᒐ ᐅᑦ ᐃᔨᒥᑦ᙮ ᐎᔾ ᒋᑭ ᑕᐤ ᒪᒂᒡ ᐊ ᑕᔨᒋ ᐊᓂᔭᔪᐛ ᐛᒋᓴᒪᓂᑐᒥᑐᑕᑯᑦ᙮

ᒋᔅᒐᔨᑕᑯᑕᒐᐅᓐ 7:16

ᓇᒪ ᒪᒃ ᒥᓐ ᓂᑕ ᒋᑭ ᐅᒋ ᓯᐛᔪᒡ᙮ ᓇᒪ ᒥᓐ ᓂᑕ ᒋᑭ ᐅᒋ ᓄᑕᔭᐸᒂᐅᒡ᙮ ᓇᒪ ᒋᑭ ᐅᒋ ᐃᔎᓱᑯᐅᒡ ᐱᓯᒺ ᑭᔭ ᒪᒃ ᒐᒂᔪᐤ ᐊ ᒥᔅᑎ ᒋᓯᑕᔨᒡ᙮