ᓗᒃ 6:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᒋ ᑎᑯᓯᓄᐅᒡ ᒐᒋ ᐸᒋ ᓂᑐᑐᐛᒡ ᒋᓴᓴ, ᑭᔭ ᒐᒋ ᒥᓏᒋᐃᑯᒡ ᒥᓯᐛ ᓂᓇᐧᑯᐤ ᐅᑦ ᐃᑕᔅᐱᓇᐅᓄᐛᐛ᙮ ᒋ ᑎᑯᓯᓄᐅᒡ ᑭᔭ ᐊᓐᒡ ᐊᐛᓐᒋ ᑲ ᒥᑯᔅᑲᒋᐃᑯᒡ ᒥᒋ ᐊᒐᒂ, ᒋ ᒥᓏᒋᐊᑭᓄᐅᒡ ᒪᒃ᙮

ᓗᒃ 6:18 ပူးပေါင်းရင်းမြစ်များ

ᒪᑎᔪᐤ 15:22

ᐃᔎᐤ ᒪᒃ ᒋ ᐎᒍᐤ ᐊᓐᑕ ᑲᐃᓇᓐ ᐊᒋ ᐅᒋᑦ, ᐊᔪᑯᓂ ᐅᔭ ᑲ ᐸᒋ ᓂᑐᐛᐱᒥᑯᑦ ᒋᓴᔅ, ᐊ ᑕᑈᔨᒋ ᐊ ᐃᑎᑯᑦ, “ᐅᑎᐸᔨᒋᒐᐤ, ᐊᓂᔭ ᒋᓴᐅᒋᒪᐤ ᑎᐱᑦ ᐅᑯᓴ, ᐸᒋ ᒋᔅᑎᒪᒐᔨᒥ ᒪ᙮ ᓂᑕᓂᔅ ᓇᔅᒡ ᑕᑈ ᐛᐎᓯᒐᔨᑎᒥᐃᑯᐤ ᒥᒋ ᐊᒐᒂ ᐊ ᐱᒋᔅᑲᑯᑦ᙮”

ᒪᑎᔪᐤ 17:15

“ᐅᑎᐸᔨᒋᒐᐤ, ᒋᔅᑎᒪᒐᔨᒻ ᓂᑯᔅ᙮ ᐅᒋᐱᑎᑯᐤ ᒪᓐ, ᓇᔅᒡ ᓂᓇᐧᑲᑕᔨᒧᐤ ᐛᔅ ᒥᒐᑥᐤ ᒪᓐ ᒥᑐᔅᑕᐱᔪᐤ ᐃᔅᑯᑕᒡ ᑭᔭ ᒥᒐᑥᐤ ᐱᑭᔅᑐᐛᐱᔪᐤ ᓂᐱᒡ ᒪᒂᒡ ᐊᓂᔭ ᐊ ᐅᒋᐱᑎᑯᑦ᙮

ᓗᒃ 6:17

ᐃᔅᐱ ᒪᒃ ᒋᓴᔅ ᑲ ᓂᑎᒋᐛᒡ ᐱᔅᑯᑎᓇᒡ, ᐊ ᑕᐱᑐᐛᔨᒡ ᐊᓐᑕ ᒋ ᐃᑐᑕᐅᒡ᙮ ᒥᒐᑦ ᒂ ᓇᓴᑯᑦ ᐃᔪᐛ ᒋ ᑕᔪᐛ ᐊᓐᑕ ᑭᔭ ᒋ ᒥᒐᑎᔪᐛ ᑯᑎᑲ ᐊᐛᔪᐛ, ᓂᓇᐧᑯᐤ ᐊᒋ ᐅᑐᑕᔨᒋ ᐊᓂᔭ ᒍᑎᔭ ᐊᔅᒋᔪᐤ ᐊ ᐃᔅᐱᓴᔨᒡ᙮ ᒋᕈᓯᓕᒥᒡ ᑭᔭ ᑯᑎᑭᒡ ᒋ ᐅᑐᑕᐅᒡ, ᐊᑯ ᑯᑎᑭᒡ ᓯᓱᒡ ᐎᓂᐸᑯᒡ ᑲ ᑎᑯᓂᔨᒋ ᐅᑕᓇᐛ ᑕᐃᕋ ᑭᔭ ᓴᐃᑐᓐ ᑲ ᐃᓯᓂᐧᑲᑕᔨᒋ ᐊᑯᑕ ᑲ ᐅᑐᑕᒡ᙮

ᓗᒃ 6:19

ᒥᓯᐛ ᒪᒃ ᐊᐛᓐ ᒋ ᐎ ᑕᒋᓇᐤ ᒋᓴᓴ, ᐛᔅ ᒥᓏᒋᐃᐛᐤ ᓱᐧᑲᑎᓯᐅᓂᔪᐤ ᒋ ᐅᒋᐱᔪᐤ ᐊ ᑕᔨᒋ᙮ ᑕᑐᐤ ᒪᒃ ᐊᐛᓐ ᑲ ᑕᒋᓇᑦ ᒋ ᒥᓏᒋᐊᑭᓄᐤ᙮

ᐊᑈᔅᑕᓇᒡ 5:16

ᒥᔅᑎ ᒥᒐᑦ ᒪᒃ ᐃᔪᒡ ᒋ ᑎᑯᓯᓄᐅᒡ, ᐊᓐᑕ ᓂᓇᐧᑯᐤ ᐅᑕᓇᒡ ᐊ ᐅᑐᑕᒡ ᐊᓐᑕ ᐛᔅᑲ ᒋᕈᓯᓕᒥᒡ, ᐊ ᐸᓱᐛᒡ ᐊᐛᔪᐛ ᑲ ᐊᐧᑯᓯᔨᒋ ᑭᔭ ᐊᓂᔭᔪᐛ ᐊᐛᔪᐛ ᑲ ᐱᒋᔅᑲᑯᔨᒋ ᒥᒋ ᐊᒐᒂ᙮ ᒥᓯᐛ ᒪᒃ ᒋ ᒥᓏᒋᐊᑭᓄᐅᔪᐛ᙮