ᓗᒃ 5:38 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁸ ᐊ ᐅᔅᑲᑭᒥᔨᒡ ᓱᒥᓇᐳᔪᐤ ᐊᓐᑕ ᐊ ᐅᔅᑲᔨᒡ ᐅᓯᑭᔾ ᐳᑕᒡ ᒋᐸ ᐃᓯ ᐱᑕᐸᐅᑕᐤ᙮

ᓗᒃ 5:38 ပူးပေါင်းရင်းမြစ်များ

ᒪᑎᔪᐤ 9:17

ᑭᔭ ᓇᒪ ᐊᐛᓐ ᐱᑕᐸᐅᑕᐤ ᐅᔅᒋ ᓱᒥᓇᐳᔪᐤ ᐊᓐᑕ ᒐᔭᔅ ᐎᒂᒡ ᐃᔅ᙮ ᐛᔅ ᐊᓐᑕ ᐃᓯ ᐱᑕᐸᐅᑕᒐ ᐊᓂᔭ ᐅᔅᒋ ᓱᒥᓇᐳᔪᐤ ᐃᔅᐱ ᒪᒃ ᐊᐛᔅᑲᔭᒍᐅᓂᔨᒐ, ᒋᑭ ᐸᐧᑲᐱᔪᐤ ᐊᓂᔭ ᐎᒂᔪᐤ᙮ ᐊᑯ ᒪᒃ ᓇᒪ ᒋᑭ ᐅᒋ ᐊᔭᐤ ᓱᒥᓇᐳᔪᐤ ᑭᔭ ᓇᒪ ᒋᑭ ᐅᒋ ᐃᓯᓇᑯᓂᔪᐤ ᒥᓐ ᒐᒋ ᐊᐱᒋᑕᑦ ᐊᓂᔭ ᐎᒂᔪᐤ᙮ ᐅᔅᒋ ᐎᒂᒡ ᐊᓐᑕ ᐱᑕᐸᐅᑕᑭᓄᐤ ᐅᔅᒋ ᓱᒥᓇᐳᔾ ᐊᑯ ᒪᒃ ᑕᐱᔅᑯᓐ ᑲᓄᐛᔨᑕᑭᓄᐅᒡ᙮”

ᓗᒃ 5:37

ᓇᒪ ᑭᔭ ᐊᐛᓐ ᐱᑕᐸᐅᑕᐤ ᐊ ᐅᔅᑲᑭᒥᔨᒡ ᓱᒥᓇᐳᔪᐤ ᐊᓐᑕ ᐃᓯ ᐊ ᐛᔅᑭᒍᓂᔨᒡ ᐅᓯᑭᔾ ᐳᑕᒡ᙮ ᐛᔅ ᐊᓐᑕ ᐃᔅ ᐱᑕᐸᐅᑕᒐ ᐃᔅᐱ ᒪᒃ ᐅᓯᐅᒥᑭᓂᔨᒐ, ᓇᔅᒡ ᒋᑭ ᑕᑐᐱᔪᐤ ᐊᓂᔭ ᐅᓯᑭᔾ ᐳᑕᔪᐤ᙮ ᐊᑯ ᒪᒃ ᓇᒪ ᒋᑭ ᐅᒋ ᐊᔭᐤ ᓱᒥᓇᐳᔪᐤ ᑭᔭ ᐊᓂᔭ ᐅᓯᑭᔾ ᐳᑕᔪᐤ ᓇᒪ ᓴᔅ ᒋᑭ ᐅᒋ ᐃᓯᓇᑯᓂᔪᐤ ᒥᓐ ᒐᒋ ᐊᐱᑎᓂᔨᒡ᙮

ᓗᒃ 5:39

ᐊᐛᓐ ᓴᔅ ᐊᒋ ᑯᒋᔅᑕᐧᒃ ᐛᔅᑭᒡ ᓱᒥᓇᐳᔪᐤ ᓇᒪ ᒋᑭ ᐅᒋ ᐎ ᒥᓄᐤ ᐊ ᐅᔅᑲᑭᒥᔨᒡ ᓱᒥᓇᐳᔪᐤ᙮ ᐛᔅ ᐊᓂᔭ ᐛᔅᑭᒡ ᓱᒥᓇᐳᔪᐤ ᐃᐛᒃ ᒋᑭ ᐎᔅᑎᒻ᙮”

2 ᑯᕆᓐᑎᔭᓇ 5:17

ᐃᔅᐱ ᙭ᑕ ᐊ ᑕᔨᒋ ᐊ ᐃᓯ ᑎᐸᔨᑕᑯᓯᑦ ᐊᐛᓐ ᓇᔅᒡ ᐅᔅᒋᑕᑭᓄᐅᔪᐤ ᐅᐱᒪᑎᓯᐅᓐ᙮ ᑕᓐ ᑲ ᐃᑕᔨᑕᑯᓯᑦ ᐛᔅᑭᒡ ᓴᔅ ᐎᒪᐱᔨᔪᐤ᙮ ᒥᓯᐛ ᒋ ᐃᓯ ᐅᔅᒋᐊᑭᓄᐤ ᐅᐱᒪᑎᓯᐅᓂᒡ᙮

ᑲᓚᓯᔭᓇ 2:4

ᒥᒄ ᒪᒃ ᒋ ᑕᐅᒡ ᓇᐸᐅᒡ ᒋᒧᑦ ᐊᒋ ᐸᒋ ᐱᑕᐱᔪᐅᒡ ᐊᓐᑕ ᐊ ᐃᑕᐅᒋᑦ ᒧᔭᒻ ᐊ ᑕᑈᔭᔨᒪᒡ ᑭᔭ ᐎᔨᐛᐤ ᒋᓴᓴ ᐊ ᐃᑎᒡ᙮ ᓂᒋ ᐎ ᓇᓂᑐ ᒋᔅᒐᔨᒥᑯᓇᓂᒡ ᑕᓐ ᐊ ᐃᓯ ᑎᐸᒋᒥᒋᒋ ᒋᓴᔅ ᙭ᑕ ᐊ ᐎᒐᐅᒥᒋᒋ, ᐊᓐ ᑲ ᐊᐱᐧᑯᓂᔨᒥᑦ᙮ ᐊᔪᐅᒄ ᐅᔭ ᑲ ᐃᑎᒡ ᐊᒋ ᐎ ᐃᑐᑐᐎᒥᒡ ᑲᐤ ᒐᒋ ᒪᒋᒂᐱᐧᑲᑎᑯᔭᒡ ᐎᓱᐛᐅᓐ᙮

1 ᑎᒧᑎ 4:8

ᑎᑯᓂᔪᐤ ᑭᑈ ᑕᓐ ᐊ ᐃᓯ ᐎᒋᐃᑯᑦ ᐊᐛᓐ ᐊ ᓴᓴᐅᐱᔪᐅᑦ᙮ ᐊᑯ ᒪᒃ ᐊᓐ ᐊᐛᓐ ᓱᒃ ᒧᔅ ᑲ ᐎ ᓂᓇᐃᑎᒪᐊᑦ ᒋᓴᒪᓂᑐᐛ ᐊᔪᐅᒄ ᐅᔭ ᐊᑐᐎᔅ ᒐ ᐎᒋᐃᑯᑦ ᐊᓄᒡ ᐅᑕ ᐊ ᐱᒪᑎᓯᑦ ᑭᔭ ᐊᓐᑕ ᐃᔅ ᓂᔅᑕᒥᒡ᙮

ᒋᔅᒐᔨᑕᑯᑕᒐᐅᓐ 21:5

ᐊᑯ ᐊᓐ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒂ ᐃᔅᒋᔄᑦ, “ᒥᓯᐛ ᒐᒂᓐ ᓄᐅᔅᒋᑕᓐ᙮” ᐊᑯ ᒂ ᐃᓯᑦ, “ᒥᓯᓇᑕᐊ ᐅ᙮ ᐛᔅ ᒋᑭ ᒋ ᑕᑈᑕᑭᓄᐤ ᑭᔭ ᑕᑈᒥᑭᓐ ᐅ ᐊ ᐃᔅᒋᔄᔭᓐ᙮”