ᓗᒃ 5:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ ᐊᑯ ᒪᒃ ᐸᕆᓯᔨᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒂ ᐃᔨᒪᐊᒡ ᒋᓴᓴ ᐅᒋᔅᒋᓄᐊᒧᐛᑭᓂᔪᐛ ᐊ ᐃᑕᒡ, “ᒐᒂᓐ ᐛᒋ ᐎᒋᒥᒋᓱᒪᑯᒡ ᐊᓐᒡ ᑲ ᒪᒧᓴᒋᓇᒡ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᒡ ᑭᔭ ᐊᓐᒡ ᑯᑎᑭᒡ ᐅᒥᒋᑥᐅᒡ ?”

ᓗᒃ 5:30 ပူးပေါင်းရင်းမြစ်များ

ᒪᑎᔪᐤ 5:46

ᒐᒂᔪᐤ ᒋᐸ ᐅᒋ ᒥᔨᒄ ᒋᓴᒪᓂᑐᐤ ᒋᑲᓂᔪᐅᓂᔪᐤ ᒥᒄ ᓴᒋᐃᑥᐛ ᐊᓐᒡ ᐊᐛᓐᒋ ᑲ ᓴᒋᐃᔅᒡ ? ᐛᔅ ᐊᐅᑯᓐ ᒥᓯᐛ ᐊᑎᒡ ᐊᓐᒡ ᑲ ᒪᒧᓴᒋᓇᒡ ᓱᓇᔭᔪᐤ᙮

ᒪᑎᔪᐤ 9:11

ᐱᔅᒐ ᒪᒃ ᐸᕆᓯᔨᒡ ᒋ ᐛᐱᒪᐅᒡ ᐅᔭ ᐊᑯ ᒂ ᐃᑕᒡ ᐊᓂᔭ ᒋᔅᒋᓄᐊᒧᐛᑭᓇ, “ᒐᒂᓂᔪᐤ ᐛᒋ ᐎᒋᒥᒋᓱᒪᑦ ᒋ ᑲᒋᔅᑯᑎᒪᒐᓯᒧᐛᐤ ᐊᓂᔭᔪᐛ ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᑭᔭ ᐊᓂᔭᔪᐛ ᑲ ᒥᒐᑎᓯᔨᒋ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:16

ᐊᑯ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᐊᓂᔭᔪᐛ ᐸᕆᓯᐊ ᑲ ᐊᐱᒋᐃᑯᒡ ᒋ ᐛᐱᒪᐅᒡ ᒋᓴᓴ ᐊ ᐎᒋᒥᒋᓱᒪᔨᒋ ᐊᓂᔭᔪᐛ ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᑲ ᐃᑕᐱᑎᓯᔨᒋ ᑭᔭ ᑯᑎᑲ ᐊᐛᔪᐛ ᑲ ᒥᒐᑎᓯᔨᒋ᙮ ᒋ ᑯᒂᒋᒪᐅᒡ ᐅᒋᔅᒋᓄᐊᒧᐛᑭᓂᔪᐛ ᐊ ᐃᑕᒡ, “ᒐᒂᓐ ᐛᒋ ᐎᒋᒥᒋᓱᒪᑦ ᐅᔭ ᑲ ᐃᑕᔨᑕᑯᓯᔨᒋ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:3

ᐛᔅ ᐸᕆᓯᔨᒡ ᑭᔭ ᒥᓯᐛ ᒍᐤ ᐃᔪᒡ ᓇᔅᒡ ᐃᔭᒂ ᒋ ᓂᓇᑭᑐᐛᔨᑎᒧᒡ ᒐᒋ ᐃᑐᑕᒡ ᑭᔭ ᐎᔨᐛᐤ ᑕᓐ ᑲᒋ ᐸᒋ ᐃᑐᑎᒥᔨᒋ ᐊᓂᔭᐧᑲ ᐅᑕᐎᐛᐛ᙮ ᓇᒪ ᐅᒋ ᒥᒋᓱᐅᒡ ᐸᑐᔅ ᑲ ᑐᑕᒡ ᐊᓂᔭ ᑕᓐ ᒋᐸ ᐃᑐᐅᒡ ᐊ ᒋᔅᑕᐸᐅᑕᒡ ᐅᑎᒋᐛᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:16

ᐊᑯ ᒋᓴᔅ ᒂ ᐃᑕᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᒐᒂᓐ ᐊᓐ ᓇᔅᒡ ᑲ ᒥᔅᑎ ᐃᔭᔨᒧᑎᒪᒄ ?”

ᓗᒃ 18:11

ᐊᑯ ᐊᓐ ᐸᕆᓯ ᒋ ᐸᐃᑯᑲᐳᐤ ᐊ ᐃᓯ ᐊᔭᒥᐊᑦ, ‘ᒋᓴᒪᓂᑐᐤ, ᒋ ᓂᓇᔅᑯᒥᑎᓐ ᐊᑲ ᐃᓯᓇᑯᓯᔭᓐ ᑯᑎᑭᒡ ᐊ ᐃᓯᓇᑯᓯᒡ ᐊᐛᓐᒋ ᑭᔭ ᐊᑲ ᒥᔅᑎᒪᐅᒋᑎᒪᓱᔭᓐ ᓱᓇᔭᐤ ᑭᔭ ᐊᑲ ᓂᑎᒥᒄ ᐃᑐᑐᐅᒂᐤ ᐊᐛᓐᒋ ᑭᔭ ᐊᑲ ᐱᓯᒂᑎᓯᔭᓐ᙮ ᒋ ᓂᓇᔅᑯᒥᑎᓐ ᐊᑲ ᐃᓯᓇᑯᓯᔭᓐ ᑕᓐ ᐊ ᐃᓯᓇᑯᓯᑦ ᐊᓇ ᑲ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᑦ᙮

ᓗᒃ 19:7

ᒥᓯᐛ ᒪᒃ ᐊᓐᒡ ᐃᔪᒡ ᑲ ᐛᐱᒪᒡ ᒋᓴᓴ ᐊ ᐱᑎᑲᐃᑯᔨᒋ ᓴᑭᔭᓴ ᒪᒪᒡ ᒋ ᐃᑕᐅᒡ ᐊ ᐃᔅᒋᔄᒡ, “ᐅ ᓇᐸᐤ ᐊ ᐃᑐᑕᑦ ᐊᓐᑕ ᐅᒥᒋᑥᐛ ᐎᒋᔨᒡ᙮”

ᓗᒃ 5:17

ᐸᐃᒂᐤ ᒋᓴᔅ ᐊ ᒋᔅᑯᑎᒪᒐᑦ ᒋ ᑕᔪᐛ ᐊᓐᑕ ᐸᕆᓯᐊ ᑭᔭ ᐊᓂᔭ ᑲ ᒋᔅᑯᑎᒪᒐᔨᒋ ᐊᔭᒥᐊᐅ ᐎᓱᐛᐅᓂᔪᐤ᙮ ᐅᒡ ᒪᒃ ᓇᐸᐅᒡ ᒥᓯᐛ ᐅᑕᓇᒡ ᒋ ᐅᑐᑕᐅᒡ, ᐊᓐᑕ ᑲᓕᓕᒡ ᑭᔭ ᒍᑎᔭ ᐊᔅᒋᒡ ᑲ ᑎᑯᓂᔨᒋ ᑭᔭ ᐊᓐᑕ ᐅᑕᓇᒡ ᒋᕈᓯᓕᒥᒡ ᒋ ᐅᑐᑕᐅᒡ᙮ ᒋᓴᔅ ᒪᒃ ᒋ ᐊᔭᐛᐤ ᒋᓴᒪᓂᑐᐛ ᐅᑭᔅᒋᐅᓂᔪᐤ ᒐᒋ ᒥᓏᒋᐃᐛᑦ᙮

ᓗᒃ 5:21

ᐊᑯ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒂ ᐊᑎ ᐊᔨᒧᑎᒺᒡ ᐅᔭ ᑲ ᐃᔅᒋᔄᔨᒋ ᐊ ᐃᔅᒋᔄᒡ᙮ “ᐸᔅᑕᒧᐤ ᐅ ᓇᐸᐤ ᐊ ᐃᔅᒋᔄᑦ, ‘ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮’ ᓇᒪ ᐊᐛᓐ ᒋᑭ ᒋ ᐛᐸᔨᑎᒧᐛᐤ ᐊᐛᔪᐛ ᐅᒥᒋᑥᐅᓂᔪᐛ, ᒥᒄ ᒋᓴᒪᓂᑐᐤ᙮”

ᓗᒃ 7:34

ᒋ ᐸᒋ ᑎᑯᓯᓄᐤ ᐃᔪᐤ ᐅᑯᓯᓴᓐ ᐊ ᒥᒋᓱᑦ ᑭᔭ ᐊ ᒥᓐᑦ᙮ ᔅᒋ ᐃᔅᒋᔄᓇᐛᐤ ᒪᒃ, ‘ᑭᓄᐛᐱᒪᐧᒄ ᒪ ᐅ ᓇᐸᐤ, ᐊᔪᐛᒃ ᑲ ᐅᑲᓯᒋᒥᑦ ᑭᔭ ᒋᒋᐛ ᐎᒋᐸᐤ, ᐊ ᐎᒐᐛᑭᓂᑦ ᐅᒥᒐᑎᓯᐛ, ᑭᔭ ᐊᓂᔭᔪᐛ ᑲ ᒪᒧᓴᒋᓂᒥᔨᒋ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᔨᒋ᙮’

ᓗᒃ 7:39

ᐊᓐ ᒪᒃ ᐸᕆᓯ ᑲ ᐎᓴᒪᑦ ᒋᓴᓴ, ᐃᔅᐱ ᐎᔭᐱᒪᑦ ᐊᓂᔭ ᐃᔎᐛ ᐊᓂᔭ ᐊ ᐃᑎᔨᒋ ᒋ ᐃᑕᔨᒪᐤ, “ᒋᐸ ᒋᔅᒐᔨᒪᐤ ᐅᔭ ᐃᔎᐛ ᐊᔅᐱᔅ ᒥᒐᑎᓯᔨᒋ ᑲ ᑕᒋᓂᑯᑦ ᑕᑈ ᐊ ᐅᒋᔅᒋᐛᐃᒐᓱᐅᒂ᙮”

ᐊᑈᔅᑕᓇᒡ 23:9

ᐊᑯ ᐊᔭᔅᒃ ᑲ ᐊᑎ ᒥᔅᑎ ᒋᔄᐛᒡ ᐊ ᐃᔨᒥᐃᑐᒡ ᐅᒡ ᐸᕆᓯᔨᒡ ᑭᔭ ᓴᑎᔪᓯᒡ ᐊ ᒥᒋᐱᔨᒡ᙮ ᐊᑯ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᐸᕆᓯ ᑲ ᐃᑎᐱᒡ ᒂ ᐱᓯᑯᒡ ᐊᑯ ᒂ ᐃᔅᒋᔄᒡ, “ᓇᒪ ᐎ ᓂᔭᓐ ᓂ ᒥᔅᑭᒺᓇᓐ ᒐᒂᔪᐤ ᒐ ᐅᒋ ᐛᐛᓯᐊᑭᓄᐅᑦ ᐅ ᓇᐸᐤ᙮ ᒐᒃ ᒪ ᑕᑈ ᑲ ᐃᔨᒥᐃᑯᒂ ᐊᒐᒂ ᑭᔭ ᒪᒃ ᐊᓐᒋᓐ᙮”