ᓗᒃ 5:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐸᐃᒂᐤ ᒋᓴᔅ ᐊ ᒋᔅᑯᑎᒪᒐᑦ ᒋ ᑕᔪᐛ ᐊᓐᑕ ᐸᕆᓯᐊ ᑭᔭ ᐊᓂᔭ ᑲ ᒋᔅᑯᑎᒪᒐᔨᒋ ᐊᔭᒥᐊᐅ ᐎᓱᐛᐅᓂᔪᐤ᙮ ᐅᒡ ᒪᒃ ᓇᐸᐅᒡ ᒥᓯᐛ ᐅᑕᓇᒡ ᒋ ᐅᑐᑕᐅᒡ, ᐊᓐᑕ ᑲᓕᓕᒡ ᑭᔭ ᒍᑎᔭ ᐊᔅᒋᒡ ᑲ ᑎᑯᓂᔨᒋ ᑭᔭ ᐊᓐᑕ ᐅᑕᓇᒡ ᒋᕈᓯᓕᒥᒡ ᒋ ᐅᑐᑕᐅᒡ᙮ ᒋᓴᔅ ᒪᒃ ᒋ ᐊᔭᐛᐤ ᒋᓴᒪᓂᑐᐛ ᐅᑭᔅᒋᐅᓂᔪᐤ ᒐᒋ ᒥᓏᒋᐃᐛᑦ᙮

ᓗᒃ 5:17 ပူးပေါင်းရင်းမြစ်များ

ᒪᑎᔪᐤ 11:5

ᐎᑎᒧᐛᐧᒄ ᒪᒃ ᐊ ᐛᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐛᐸᑎᒥᔨᒋ, ᐊ ᐱᒧᑕᔨᒋ ᐊᓂᔭᔪᐛ ᐊᑲ ᐅᒋ ᐱᒧᑕᔨᒋ, ᑭᔭ ᐊ ᐸᔭᒋᓯᔨᒋ ᐊᓂᔭᔪᐛ ᑲ ᐊᔭᔨᒋ ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᒋ ᒥᓏᒋᐊᑭᓄᔨᒋ᙮ ᑭᔭ ᐊ ᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐸᑎᒥᔨᒋ᙮ ᑭᔭ ᐊᒋ ᐅᓂᔅᑲᓇᑭᓄᔨᒋ ᐊᓂᔭᔪᐛ ᑲ ᓂᐱᔨᒋ᙮ ᑭᔭ ᒥᔽᒋᒧᐅᓂᔪᐤ ᐊ ᐛᐎᑎᒧᐛᑭᓄᔨᒋ ᑲ ᒋᔅᑎᒪᑎᓯᔨᒋ ᐊᐛᔪᐛ᙮

ᒪᑎᔪᐤ 15:1

ᐊᑯ ᐱᔅᒐ ᐸᕆᓯᔨᒡ ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᐊᓐᑕ ᒋᕈᓯᓕᒥᒡ ᒋ ᐅᑐᑕᐅᒡ ᑲ ᐸᒋ ᓂᑐᐛᐱᒪᒡ ᒋᓴᓴ, ᒂ ᐃᑕᒡ,

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:45

ᒂ ᔅᑐᑕᑦ ᐅ ᓇᐸᐤ᙮ ᒥᒄ ᒪᒃ ᐃᔭᐱᒡ ᒋ ᐛᐎᑎᒧᐛᐤ ᒥᓯᐛ ᐊᐛᔪᐛ᙮ ᐅᔭ ᒪᒃ ᐊᒋ ᐃᑎᑦ ᓇᒪ ᐛᐛᒡ ᐅᒋ ᐱᒐᔪᐛ ᒋᓴᓴ ᐅᑕᓇᒡ ᐊᑲ ᒧᓯᐊᑭᓄᔨᒋ᙮ ᐊᑯ ᐊᓐᑕ ᐎᐎᑎᒥᒡ ᐊᓂᔭ ᐅᑕᓇᔪᐤ ᐊᑯᑕ ᒥᒄ ᑲ ᑕᑦ ᒋᓴᔅ ᐊᓐᑕ ᐊᑲ ᐃᑕᓄᐎᒡ᙮ ᐃᔭᐱᒡ ᒪᒃ ᒋ ᐸᒋ ᓂᑐᐛᐱᒥᑯᐤ ᐊᐛᔪᐛ ᓂᓇᐧᑯᐤ ᐊ ᐅᑐᑕᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:18

ᐅᑎᓇᑥᐛ ᒋᓇᐱᒂ, ᒪᒃ ᒥᓂᑥᐛ ᒐᒂᔪᐤ ᐊ ᒥᒋᓂᑐᐧᑯᓄᐎᒡ ᓇᒪ ᒋᑭ ᐅᒋ ᐎᔭᔅᑐᑕᑯᐅᒡ᙮ ᑲ ᐊᐧᑯᓯᔨᒋ ᐊᐛᔪᐛ ᒋᑭ ᓴᒥᓇᐅᒡ ᑭᔭ ᒐ ᒥᓏᑎᓯᔨᒋ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:22

ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒪᒂᒡ ᒋ ᑕᐅᒡ ᐊᓐᑕ᙮ ᒋᕈᓯᓕᒥᒡ ᒋ ᐅᑐᑕᐅᒡ᙮ ᒋ ᐃᑕᐅᒡ ᒪᒃ, “ᐸᐃᓪᓯᐳᓪ, ᒥᒋ ᐊᒐᐧᑯᒡ ᐅᒋᒪᒧᐛᐛ ᐱᒋᔅᑲᑯᐤ᙮ ᐊᐅᑯᓂ ᐊᓂᔭᔪᐛ ᒪᔨᑯᑦ ᒥᑕᐅᓂᔪᐤ ᒐᒋ ᐎᐎᑎᓴᐛᑦ ᒥᒋ ᐊᒐᒂ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:30

ᒋᓴᔅ ᒪᒃ ᑎᐛᒡ ᒋ ᒋᔅᒐᔨᑎᒻ ᒥᓏᒋᐃᐛᐤ ᓱᐧᑲᑎᓯᐅᓂᔪᐤ ᐊᒋ ᐎᐎᐱᔨᒡ ᐊᓐᑕ ᐊ ᑕᑦ ᐅᒡ᙮ ᒂ ᑭᓄᐛᐱᒪᑦ ᒥᓯᐛ ᐊᓂᔭ ᐊᐛᔪᐛ ᐊᑯ ᒂ ᐃᑕᑦ, “ᐊᐛᓐ ᑲ ᐸᒋ ᑕᒋᓇᐧᒃ ᓂᑦ ᐊᑯᐱᔪᐤ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:1

ᐱᔅᒐ ᐸᕆᓯᔨᒡ ᑭᔭ ᐱᔅᒐ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒋᕈᓯᓕᒥᒡ ᑲ ᐅᑐᑕᒡ ᒋ ᐸᒋ ᒪᐅᓱᑯᑲᐳᐅᒡ ᐊᓐᑕ ᒋᓴᓴ ᐊ ᑕᔨᒋ᙮

ᓗᒃ 15:2

ᐸᕆᓯᔨᒡ, ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ᐊᔨᒧᒪᐅᒡ ᒋᓴᓴ ᐊ ᐃᔅᒋᔄᒡ, “ᐅ ᓇᐸᐤ ᐎᒐᐛᑭᓂᑐᐛᐤ ᐊᓂᔭ ᑲ ᒥᒐᑎᓯᔨᒋ ᑭᔭ ᐎᒋ ᒥᒋᓱᒪᐤ᙮”

ᓗᒃ 2:46

ᓂᔅᑐ ᒋᓯᑲᐛ ᒪᒃ ᑲ ᐃᔅᐱᔅ ᓇᓂᑐᐛᐱᒪᒡ ᐊᑯ ᒂ ᒥᔅᑯᐛᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᒋ ᐎᑎᐱᒪᔪᐛ ᑲ ᒋᔅᑯᑎᒪᒐᔨᒋ ᐊ ᓂᑐᑕᑯᔨᒋ ᑭᔭ ᐊ ᑯᒂᒋᒪᔨᒋ ᒐᒂᔪᐛ᙮

ᓗᒃ 5:21

ᐊᑯ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒂ ᐊᑎ ᐊᔨᒧᑎᒺᒡ ᐅᔭ ᑲ ᐃᔅᒋᔄᔨᒋ ᐊ ᐃᔅᒋᔄᒡ᙮ “ᐸᔅᑕᒧᐤ ᐅ ᓇᐸᐤ ᐊ ᐃᔅᒋᔄᑦ, ‘ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮’ ᓇᒪ ᐊᐛᓐ ᒋᑭ ᒋ ᐛᐸᔨᑎᒧᐛᐤ ᐊᐛᔪᐛ ᐅᒥᒋᑥᐅᓂᔪᐛ, ᒥᒄ ᒋᓴᒪᓂᑐᐤ᙮”

ᓗᒃ 5:30

ᐊᑯ ᒪᒃ ᐸᕆᓯᔨᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒂ ᐃᔨᒪᐊᒡ ᒋᓴᓴ ᐅᒋᔅᒋᓄᐊᒧᐛᑭᓂᔪᐛ ᐊ ᐃᑕᒡ, “ᒐᒂᓐ ᐛᒋ ᐎᒋᒥᒋᓱᒪᑯᒡ ᐊᓐᒡ ᑲ ᒪᒧᓴᒋᓇᒡ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᒡ ᑭᔭ ᐊᓐᒡ ᑯᑎᑭᒡ ᐅᒥᒋᑥᐅᒡ ?”

ᓗᒃ 6:19

ᒥᓯᐛ ᒪᒃ ᐊᐛᓐ ᒋ ᐎ ᑕᒋᓇᐤ ᒋᓴᓴ, ᐛᔅ ᒥᓏᒋᐃᐛᐤ ᓱᐧᑲᑎᓯᐅᓂᔪᐤ ᒋ ᐅᒋᐱᔪᐤ ᐊ ᑕᔨᒋ᙮ ᑕᑐᐤ ᒪᒃ ᐊᐛᓐ ᑲ ᑕᒋᓇᑦ ᒋ ᒥᓏᒋᐊᑭᓄᐤ᙮

ᓗᒃ 7:30

ᐊᑯ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐊᔭᒥᐊᐅ ᐎᓱᐛᐅᓂᔪᐤ ᒋ ᐊᑐᐛᔨᑎᒧᐛᐅᒡ ᐊᓂᔭ ᑕᓐ ᑲ ᐃᑎᓱᒧᐛᔨᒋ ᒋᓴᒪᓂᑐᐛ᙮ ᓇᒪ ᐅᒋ ᓂᑐᐛᔨᑎᒧᒡ ᒐᒋ ᓯᑲᐃᑕᑯᒡ ᒠᓇ᙮

ᓗᒃ 8:46

ᒋᓴᔅ ᒪᒃ ᒋ ᐃᔅᒋᔄᐤ, “ᓂ ᒋᔅᒐᔨᑕᓐ ᐊᐛᓐ ᐊᒋ ᐸᒋ ᑕᒋᓂᑦ᙮ ᐛᔅ ᓂᒋ ᒧᓯᑕᓐ ᒥᔅᑯᓯᐅᓐ ᐊ ᐎᐎᐱᔨᒡ ᐅᑕ ᐊ ᑕᔭᓐ᙮”

ᒠᓐ 3:10

ᐊᑯ ᒋᓴᔅ ᒂ ᐃᑕᑦ, “ᒋᔾ ᐊᐅᒄ ᐸᐃᒄ ᑲ ᒋᔅᑕᔨᒪᑭᓄᐅᑦ ᒋᔅᑯᑎᒪᒐᓱᐤ ᐅᑕ ᐃᔅᕋᐃᓕᒡ, ᐃᔭᐱᒡ ᐊ ᓇᒪ ᒋ ᓂᔅᑐᑐᐅᓐ ᐅ ᑲ ᐃᔅᒋᔄᔭᓐ ?

ᒠᓐ 3:21

ᒥᒄ ᒪᒃ ᐊᓐ ᐊᐛᓐ ᑕᑈᐅᓂᒡ ᑲ ᐃᓯ ᐱᒪᑎᓯᑦ ᐊᓐᑕ ᐊ ᐛᔅᑕᔨᒡ ᑕᐤ ᑭᔭ ᐊ ᓄᑯᓂᔨᒡ ᑕᓐ ᐊ ᐃᓯ ᓂᓇᐃᑐᐛᑦ ᒋᓴᒪᓂᑐᐛ᙮

ᐊᑈᔅᑕᓇᒡ 19:11

ᒋᓴᒪᓂᑐᐤ ᒪᒃ ᒋ ᐃᑐᑐᐛᐤ ᑈᓚ ᒐᒋ ᓱᒋᒪᒥᔅᑲᒡ ᑎᔨᒋ᙮

ᐊᑈᔅᑕᓇᒡ 4:30

ᐎᒋᐃᓇᓐ ᒪᒃ ᒐᒋ ᒥᓏᒋᐃᒋᒡ ᑲ ᐊᐧᑯᓯᒡ, ᑭᔭ ᑯᑎᑲ ᒪᒥᔅᑲᒡ ᐃᑐᐅᓇ ᒐᒋ ᐃᑐᑎᒪᒡ, ᒋᓴᔅ ᐊᓐ ᑲ ᐸᔭᒋᓯᑦ ᒋᑦ ᐊᐱᒋᐊᑭᓐ ᐅᑦ ᐃᓯᓂᐧᑲᓱᐅᓐ ᐊ ᐊᐱᒋᑕᐎᒋᑦ᙮”

ᐊᑈᔅᑕᓇᒡ 5:34

ᒋ ᑕᐤ ᐸᐃᒄ ᐸᕆᓯ, ᐊ ᐊᔅᑎᐱᑦ ᐊᓐᑕ ᐊ ᐊᐱᔅᑕᑭᓄᐎᒡ ᑎᐸᔅᑯᓂᒐᐅᓂᔪᐤ, ᑲᒪᓕᔭᓪ ᐊ ᐃᓯᓂᐧᑲᓱᑦ᙮ ᐅ ᓇᐸᐤ ᐊ ᒋᔅᑯᑎᒪᒐᑦ ᐊᔭᒥᐊᐅ ᐎᓱᐛᐅᓂᔪᐤ ᒋ ᐃᑕᐱᑎᓯᐤ, ᓇᔅᒡ ᒪᒃ ᒋ ᒋᔅᑕᔨᒪᑭᓄᐤ᙮ ᒋ ᐅᐱᑲᐳᐤ ᐊᓐᑕ ᐊᓂᔭᔪᐤ ᐊ ᒪᒧᐎᓇᓄᐎᒡ, ᒂ ᐃᑎᓱᐛᑕᑦ ᐊᓂᔭᔪᐛ ᐊᑈᔅᑕᓇ ᒐᒋ ᐎᐎᔨᒋ ᐸᑎᒪ᙮