ᓗᒃ 4:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᒥᓯᐛ ᐊᐛᓐᒋ ᒋ ᒥᔪᑎᒧᒡ ᑕᓐ ᑲ ᐃᓯ ᐃᔨᒥᔨᒋ ᒋᓴᓴ᙮ ᐊᑯ ᒋ ᒥᔅᑲᑕᔨᑎᒧᒡ ᐊ ᐃᔅᐱᔅ ᑭᔅᒋᐅᑕᑯᓯᔨᒋ, ᐊᑯ ᒂ ᐃᔅᒋᔄᒡ, ᑕᓐᑕ ᐛᑎᓇᐧᒃ ᐅᔭ ᑲ ᐃᑎᑕᑯᓯᑦ, “ᓇᒪᔭᔪᐛ ᐊ ᐅᔭ ᒍᓯᑉ ᐅᑯᓴ ?”

ᓗᒃ 4:22 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 45:2

ᐊᐛᓯᑕ ᒋ ᒥᔪᓇᑯᓯᓐ ᐃᔅᐱᔅ ᐅᑦ ᐊᐛᓯᒥᓱᐛᐛ ᐃᔪᒡ: ᓱᐛᔨᒋᒐᐅᓐ ᓯᒋᓂᑲᓄᐅ ᒋᑐᓂᒡ: ᐊᐅᒄ ᐅᒋ ᒋᓴᒪᓂᑐᐤ ᑲᒋᒡ ᒋ ᒥᔽᒋᒥᒄ᙮

ᑎᐱᑦ ᐅᓂᑭᒧᐅᓇ 45:4

ᑭᔭ ᒋᒋᓴᐅᒋᒪᐛᔨᑕᑯᓯᐅᓂᒡ ᐱᒥᑕᑎᐱ ᒥᔽᐱᒪᐅᓯᐃᓂᒡ, ᑕᑈᐅᓐ ᐅᒡ, ᔪᔅᑲᑎᓯᐅᓐ, ᑭᔭ ᑯᐃᔅᑯᑕᑎᓯᐅᓐ; ᒋᒥᔪᐅᓂᒡ ᒪᒃ ᒋᑭ ᒋᔅᒋᓄᐊᒪᑯᓐ ᑲ ᑯᔅᑕᑎᒂᒋ ᒐᒂᓇ᙮

ᓗᒃ 2:47

ᒥᓯᐛ ᒪᒃ ᐊᐛᔪᐛ ᑲ ᐸᑕᑯᑦ ᓇᔅᒡ ᒋ ᒪᒥᔅᑲᑕᔨᑎᒥᐃᑯᔪᐛ ᐅᑭᒐᑕᐛᔨᑎᒧᐅᓐ ᑭᔭ ᐊᓂᔭ ᓇᔅᒡ ᐊ ᑭᔅᒋᐅᑦ ᐊ ᐃᓯ ᐎᑎᒪᒐᑦ ᒐᒂᔪᐤ ᐊ ᑯᒂᒋᒪᑭᓄᐅᑦ᙮

ᓗᒃ 2:48

ᐊᓂᔭᔪᐛ ᒪᒃ ᐅᓂᒋᐃᒂ ᑲ ᐛᐱᒥᑯᑦ ᒋ ᑯᔅᑯᐱᔪᐛ ᐊᓐᑕ ᐊ ᒥᔅᑲᑯᑦ᙮ ᐊᓂᔭ ᒪᒃ ᐅᑲᐎᔭ ᒋ ᐃᑎᑯᐤ, “ᓂᑯᓴ, ᒐᒂᓐ ᐛᒋ ᓇᔅᒡ ᐊᔨᒪᔨᑎᒥᐃᔭᒡ, ᔅᒋ ᒥᔅᑎ ᓇᓂᑐᐛᐱᒥᑎᓇᓐ ᒍᑕᐎᔾ ᐊ ᓂᓯᔭᒡ ?”

ᓗᒃ 21:15

ᐛᔅ ᒋᑭ ᐎᑎᒪᑎᓇᐛᐤ ᑕᓐ ᒐ ᐃᔅᒋᔄᔭᒄ ᑭᔭ ᑭᒐᑕᐛᔨᑎᒧᐅᓐ ᒋᑭ ᒥᔨᑎᓇᐛᐤ ᒐᒋ ᑭᒐᑕᐛᔨᑎᒧᑕᑯᓯᔭᒄ ᐃᔨᒥᔭᒂ, ᑭᔭ ᐊᓐᒡ ᑲ ᐛᐧᑲᑎᑕᑯᒡ ᓇᒪ ᒋᑭ ᒋ ᐊᓏᑎᒧᒡ ᒐ ᐃᔅᒋᔄᐛᒄ᙮

ᓗᒃ 4:21

ᐊᑯ ᐊᑕᑦ, “ᐅ ᑲ ᐃᓯ ᐸᑎᒪᒄ ᐊ ᐃᔨᒥᑕᔭᓐ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐅᑎᒋᐱᔪᐤ ᐊᓄᒡ ᒐᓯᑲᒡ᙮”

ᒠᓐ 1:45

ᐱᓕᑉ ᒪᒃ ᒋ ᓇᓂᑐᐛᐱᒪᐤ ᓇᑕᓂᔭᓚ ᐊᑯ ᒂ ᐃᑕᑦ ᐃᔅᐱ ᑲ ᒥᔅᑯᐛᑦ, “ᓂᒋ ᒥᔅᑯᐛᓇᓐ ᐊᓂᔭ ᒧᓱᔅ ᑲ ᐊᔨᒧᒪᑦ ᐊᓐᑕ ᐎᓱᐛᐅᓂᒡ, ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᑲ ᐊᔨᒧᒪᒡ᙮ ᐊᐅᒄ ᒋᓴᔅ, ᒍᓯᑉ ᐅᑯᓴ, ᐊᓐᑕ ᓇᓴᕆᑎᒡ ᑲ ᐅᒋᑦ᙮”

ᒠᓐ 6:42

ᐊᑯ ᒂ ᐃᔅᒋᔄᒡ, “ᓇᒪᔭᐤ ᐊ ᐅ ᒋᓴᔅ, ᒍᓯᑉ ᐅᑯᓴ ? ᓂ ᒋᔅᒐᔨᒪᓇᓂ ᐅᑕᐎᔭ ᑭᔭ ᐅᑲᐎᔭ᙮ ᒐᒂᔪᐤ ᒪᒃ ᐛᒋ ᐃᔅᒋᔄᑦ ᒋᒋᒋᓯᑯᒡ ᐊ ᐅᒋᑦ ?”

ᒠᓐ 7:46

ᐊᑯ ᐊᓐᒡ ᑲᒪᑯᓄᐛᓯᒡ ᑲ ᐃᓯ ᐎᑎᒧᐛᒡ ᐊᓂᔭᔪᐛ ᐊ ᐃᑕᒡ, “ᓇᒪ ᓂᑕ ᐊᐛᓐ ᐅᒋ ᐃᔅᐱᔅ ᒥᔪ ᒋᔅᑯᑎᒪᒐᐤ ᐊ ᐃᔅᐱᔅ ᒥᔪ ᒋᔅᑯᑎᒪᒐᑦ ᐅ ᓇᐸᐤ᙮”

ᐊᑈᔅᑕᓇᒡ 6:10

ᓇᒪ ᒪᒃ ᒐᒂᔪᐤ ᐅᒋ ᐃᑎᑯᐤ ᐅᔭ ᔅᑎᐱᓐ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐤ ᑭᒐᑕᐛᔨᑎᒧᐅᓂᔪᐤ ᒐᒋ ᑭᔅᒋᐅᑦ ᐊ ᐃᔨᒥᑦ᙮

ᑕᐃᑕᔅ 2:8

ᑯᐃᔅᒄ ᐃᓯ ᐃᔨᒥ, ᑭᔭ ᐊᓐᒡ ᑲ ᐊᑐᐛᔨᒥᔅᒡ ᓇᒪ ᒋᑭ ᐅᒋ ᒥᔅᑭᒧᒡ ᑕᓐ ᒐᒋ ᐃᓯ ᓂᑐᐎᔾ ᐃᑕᒋᒥᑕᐧᑯᒡ ᑭᔭ ᒐ ᓴᒂᔨᒧᐃᓱᒡ᙮