ᓗᒃ 23:32 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³² ᒋ ᓂᓱᐅᒡ ᒪᒃ ᑲᒋᒧᑎᒡ ᑭᔭ ᐎᔨᐛᐤ ᐊ ᐃᑐᑕᐊᑭᓄᐎᒡ ᐊᓐᑕ ᒐ ᐊᓯᒋᓂᐸᐊᑭᓄᐎᒡ ᒋᓴᓴ ᓂᐸᐊᑭᓄᔨᒐᓂ᙮

ᓗᒃ 23:32 ပူးပေါင်းရင်းမြစ်များ

ᒪᑎᔪᐤ 27:38

ᓂᓱ ᒪᒃ ᑲᒥᒋᑐᑕᒡ ᒋ ᒋᔅᑕᔎᑕᑭᓄᐅᒡ ᑭᔭ, ᐸᐃᒄ ᐊᓐᑕ ᒋᓴᓴ ᐅᒥᔪᓂᔨᒡ ᐃᑕᒐ ᒋ ᐊᑯᒋᓄᐤ ᐊᑯ ᐊᓐ ᑯᑎᒃ ᐊᓐᑕ ᐅᓂᔅᐸᒋᐅᓂᔨᒡ ᐃᑕᒐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:27

ᑭᔭ ᓂᓱ ᑲᓂᑕᐅᒋᒧᑎᔨᒋ ᒋ ᒋᔅᑕᔎᑕᐅᒡ, ᐸᐃᒄ ᐊᓐᑕ ᒋᓴᓴ ᐅᒥᔪᓂᔨᒡ ᐃᑕᒐ ᒋ ᐊᑯᒋᓄᐤ, ᐊᑯ ᑯᑎᒃ ᐅᓂᔅᐸᒋᐅᓂᔨᒡ ᐃᑕᒐ᙮

ᓗᒃ 22:37

ᐛᔅ ᐅ ᐛᒋ ᐃᑎᑎᑯᒡ ᒋᑭ ᑎᐱᐱᔪᐤ ᑕᓐ ᑲ ᐃᓯ ᓂᑲᓐ ᐊᔨᒧᒥᑯᔭᓐ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ᐃᑎᔅᑕᒡ, ᒋ ᐊᔅᑎᒋᒪᑭᓄᐤ ᐊᓐᑕ ᐊ ᓂᑕᐅᒋᒧᑎᓇᓄᐎᒡ᙮ ᐅ ᒪᒃ ᑲ ᐃᓯ ᑎᐸᒋᒥᑯᔭᓐ ᑕᑈ ᒋᑭ ᐃᔅᐱᔪᐤ᙮”

ᓗᒃ 23:31

ᐛᔅ ᐅ ᐊ ᐃᔅᐱᔅ ᑎᒂᒡ ᓂᓇᐧᑲᑕᔨᒧᐅᓐ ᒪᒂᒡ ᐊ ᐊᔅᑲᔅᑯᐅᑦ ᒥᔅᑎᒄ ᑕᓐ ᒐ ᐃᔅᐱᔅ ᑎᒂᒡ ᓂᓇᐧᑲᑕᔨᒧᐅᓐ ᐸᒂᑎᑯᐅᒐ ?” ᐊᐅᑯᓐ ᑲ ᐃᑕᑦ ᒋᓴᔅ ᐊᓂᔭᔪᐛ ᐃᔎᐛ ᑲ ᒧᔅᑯᐛᑎᑯᑦ᙮

ᒠᓐ 19:18

ᐊᑯᑕ ᒪᒃ ᐊᓐᑕ ᑲ ᒋᔅᑕᔎᑕᒡ ᑭᔭ ᓂᓱ ᓇᐸᐛ ᒋ ᒋᔅᑕᔎᑕᑭᓄᐅᔪᐛ ᑲ ᒋᒥᔭᑭᓄᔨᒋ ᐃᑐᐤ ᐊᓐᑕ ᐊ ᑕᑦ᙮

2 ᑎᒧᑎ 2:9

ᐛᔅ ᐊ ᐛᐎᑎᒪᓐ ᐅ ᒥᔽᒋᒧᐅᓐ ᐊᐅᒄ ᐛᒋ ᓂᓇᐧᑲᑕᔨᒧᔭᓐ, ᑭᔭ ᒧᔭᒻ ᐊᐛᓐ ᐊᒋ ᒥᒋᑐᑕᐧᒃ ᑲᒋ ᒪᒪᒋᒂᐱᔅᑲᐛᑭᓄᐅᑦ ᐊᐅᑯᓐ ᐊ ᐃᑐᑕᑯᐅᔭᓐ, ᒥᒄ ᒪᒃ ᓇᒪ ᒋᑭ ᒋ ᒪᒪᒋᒂᐱᔅᑲᐃᑭᓄᐅᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮

ᐃᑉᕈᐛ 12:2

ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ᒪᔭᔨᒪᑭᓄᐅᑦ ᑭᔭ ᐊᒋ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮