ᓗᒃ 23:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᑈᓚᑦ ᒋ ᓂᔅᑐᐅᓇᐤ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ, ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᑭᔭ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ ᒐᒋ ᐃᔨᒪᐊᑦ᙮

ᓗᒃ 23:13 ပူးပေါင်းရင်းမြစ်များ

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:14

ᐊᑯ ᑈᓚᑦ ᐊᑕᑦ, “ᒐᒂᔪᐤ ᒪᒃ, ᑕᓐ ᑲ ᐃᓯ ᒥᒋᑐᑕᐧᒃ ?” ᐊᑎᑐᐤ ᒪᒃ ᒋ ᒋᐧᑲᐛᐅᒡ ᐊ ᑕᑈᒡ ᐃᔪᒡ, “ᒋᔅᑕᔎᑕᐧᒄ ᒋᐱᔭᑎᑯᒡ᙮”

ᓗᒃ 23:35

ᒋ ᓇᓂᐳᐅᒡ ᐊᓐᑕ ᐊᐛᓐᒋ ᐊ ᑭᓄᐛᐱᒡ ᐊ ᒪᔭᔨᒥᑯᔨᒋ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᐊ ᐃᔅᒋᔄᔨᒋ, “ᒋ ᐎᒋᐊᐤ ᑯᑎᑲ ᐊᐛᔪᐛ, ᒋᑭ ᐎᒋᐃᓱᐤ ᒪᒃ ᑕᑈ ᙭ ᐊ ᔭᐅᒂ, ᐊᓂᔭ ᒋᓴᒪᓂᑐᐤ ᑲ ᐅᑎᓇᑦ᙮”

ᓗᒃ 24:20

ᒋ ᐱᔅᑎᓂᑯᐤ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᒐᒋ ᓂᓱᐅᓇᒋᒪᑭᓄᐅᑦ᙮ ᒂ ᓂᔅᑯᒧᒡ ᒐᒋ ᓂᐸᐊᑭᓄᔨᒋ ᑭᔭ ᒂ ᒋᔅᑕᔎᑕᒡ᙮

ᒠᓐ 12:42

ᒥᒐᑦ ᒪᒃ ᐃᔭᐱᒡ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒋ ᑕᑈᔭᔨᒪᐅᒡ ᒋᓴᓴ ᒥᒄ ᒪᒃ ᓇᒪ ᐅᒋ ᐊᔨᒧᑎᒧᒡ ᐊᓐᑕ ᐊ ᐸᑐᐛᑭᓄᐎᒡ ᐛᔅ ᒋ ᑯᔅᑕᐅᒡ ᐊᓂᔭ ᐸᕆᓯᐊ ᑭᔭ ᓇᒪ ᐅᒋ ᓂᑐᐛᔨᑎᒧᒡ ᒋᒋᐛ ᒐᒋ ᐎᐎᑎᓴᐛᑭᓄᐎᒡ ᐊᓐᑕ ᐅᑦ ᐊᔭᒥᐊᐅᒋᐛᐳᐛᒡ᙮

ᒠᓐ 18:38

ᑈᓚᑦ ᑲ ᑯᒂᒋᒪᑦ ᐊ ᐃᑕᑦ, “ᒐᒂᓐ ᐊᓐ ᑕᑈᐅᓐ ?” ᐊᑯ ᒥᓐ ᑲᐤ ᒂ ᐎᐎᑦ ᒂ ᐃᑕᑦ ᐊᓂᔭᔪᐛ ᒍᐤ ᐃᔪᐛ, “ᓇᒪ ᓂ ᒋᔅᒐᔨᑎᒺᓐ ᒐᒂᔪᐤ ᑲ ᐅᓂᑐᑎᒧᒂ ᐊᓐᑕ ᒐᒋ ᐅᒋ ᑎᐸᔅᑯᓇᑭᓄᐅᑦ᙮

ᒠᓐ 19:4

ᒥᓐ ᑲ ᐎᐎᑦ ᑈᓚᑦ ᒂ ᐃᑕᑦ ᐊᓂᔭ ᒍᐤ ᐃᔪᐛ, “ᒥᓐ ᒋᑭ ᐸᒋ ᐎᐎᑕᐊᑭᓄᐤ ᐅ ᓇᐸᐤ ᒐᒋ ᐛᐸᑎᒪᒄ ᐊᑲ ᒥᔅᑭᒧᒡ ᑕᓐ ᒐᒋ ᐃᓯ ᓂᓱᐅᓇᒋᒥᒃ᙮”

ᒠᓐ 3:1

ᒋ ᑕᐤ ᓇᐸᐤ ᓂᑯᑎᒪᔅ ᐊ ᐃᓯᓂᐧᑲᓱᑦ, ᐸᕆᓯ ᒋ ᐃᑎᐳᐤ ᑭᔭ ᐊᐅᑯᓐ ᐊᓐ ᐸᐃᒄ ᑲ ᓂᑲᓂᔅᑯᐛᑦ ᒍᐤ ᐃᔪᐛ᙮

ᒠᓐ 7:26

ᑭᓄᐛᐱᒪᐧᒄ ᒪ᙮ ᓇᒪ ᐅᒋ ᒐᒂᔪᐤ ᐃᑕᑭᓄᐤ ᐊᓐᑕ ᒪᒂᒡ ᐊ ᒋᔅᑯᑎᒪᒐᑦ᙮ ᓇᒪ ᑲᑭᔭ ᒋᔅᒐᔨᒪᐅᒡ ᐊᓐᒡ ᑲ ᓂᑲᓂᔅᑯᐛᒡ ᒍᐤ ᐃᔪᐛ ᑕᑈ ᐊ ᔭᐅᒂᓂ ᙭ᑕ, ᐊᓂᔭ ᒋᓴᒪᓂᑐᐛ ᑲ ᐸᒋ ᐃᑎᓴᐛᔨᒋ ?

ᒠᓐ 7:48

ᓇᒪ ᓂᑕ ᐊᐛᓐ ᐊ ᓂᑲᓂᔅᑲᒐᑦ ᒪᒃ ᐊᓐᒡ ᐸᕆᓯᔨᒡ ᐅᒡ ᑕᑈᑎᒧᒡ ᒋᓴᓴ ᐊ ᐊᐎᔨᒋ ᙭ᑕ᙮ ᓇᒪ ᑭᔭ ᓂᔭᓐ ᓂ ᑕᑈᑕᓇᓐ᙮

ᐊᑈᔅᑕᓇᒡ 13:27

ᐛᔅ ᐊᓐᒡ ᐃᔪᒡ ᐊᓐᑕ ᒋᕈᓯᓕᒥᒡ ᑲ ᑕᒡ ᑭᔭ ᐊᓂᔭ ᑲ ᓂᑲᓂᔅᑲᑯᒡ ᓇᒪ ᐅᒋ ᒋᔅᒐᔨᒪᐅᒡ ᒋᓴᓴ ᐊᔪᑯᓐ ᐊᓂᔭ ᐅᐱᒪᒋᐃᐛᐛ, ᑭᔭ ᓇᒪ ᐅᒋ ᓂᔅᑐᑎᒧᐛᓯᐱᓐᒡ ᑕᓐ ᑲ ᐃᓯ ᒥᓯᓇᐊᒥᔨᒋ ᐊᓂᔭᐧᑲ ᐅᒋᔅᒋᐛᐃᒐᓱᐛ ᑕᓐ ᑲ ᐃᓯ ᐊᔨᒧᒪᔨᒋ ᐊᓂᔭ ᙭ᑕ᙮ ᐊᑎ ᒪᒃ ᐊᓯᑯᒻ ᐊ ᒍᐤ ᐊᔭᒥᐊᐅᒋᓯᑲᔨᒡ ᐊᒋ ᐃᔨᒥᑐᐛᑭᓄᐎᒡ᙮ ᒥᒄ ᒪᒃ ᐃᔅᐱ ᐊᓐᒡ ᒍᐤ ᐃᔪᒡ ᑲ ᓂᑐᐛᔨᒪᒡ ᒋᓴᔅ ᒐᒋ ᓂᐸᐊᑭᓄᔨᒋ, ᐊᑯ ᒂ ᑎᐱᐱᔨᒡ ᑕᓐ ᑲ ᐃᑎᓯᓇᐃᑭᓄᐅᒡ ᒐ ᐃᔅᐱᔨᒡ᙮

ᐊᑈᔅᑕᓇᒡ 3:17

“ᐊᑯ ᒪᒃ ᓂᐧᑲᓂᓯᑐᒄ, ᓂ ᒋᔅᒐᔨᑕᓐ ᒋᔨᐛᐤ ᑭᔭ ᐊᓐᒡ ᑲ ᓂᑲᓂᔅᑲᑕᑯᒡ ᐊᑲ ᐅᒋ ᒋᔅᒐᔨᑎᒪᒄ ᑕᓐ ᐊᓐ ᐊ ᐃᑎᔭᒄ ᐊᓂᔭᔪᐤ ᑲ ᐃᑐᑐᐛᒄ ᒋᓴᔅ᙮

ᐊᑈᔅᑕᓇᒡ 4:5

ᐎᔭᐱᓂᔨᒡ ᒪᒃ ᐊᓐᒡ ᑲ ᓂᑲᓂᐱᒡ ᒍᐤ ᐃᔪᒡ ᑭᔭ ᐊᓐᒡ ᑲ ᓂᑲᓇᔨᑕᑯᓯᒡ ᑭᔭ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ᓂᔅᑲᑐᐅᒡ ᐊᓐᑕ ᒋᕈᓯᓕᒥᒡ᙮

ᐊᑈᔅᑕᓇᒡ 4:8

ᐊᑯ ᒪᒃ ᐱᑕᕐ ᐊ ᓴᑭᔅᒋᓇᔅᑲᑯᑦ ᑲ ᐸᔭᒋᓯᔨᒋ ᐊᒐᒂ, ᒋ ᐃᑕᐤ, “ᒋᔨᐛᐤ ᑲ ᓂᑲᓂᔅᑯᐛᑯᒡ ᐃᔪᒡ, ᑭᔭ ᑲ ᓂᑲᓇᔨᑕᑯᓯᔭᒄ,