ᓗᒃ 22:37 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁷ ᐛᔅ ᐅ ᐛᒋ ᐃᑎᑎᑯᒡ ᒋᑭ ᑎᐱᐱᔪᐤ ᑕᓐ ᑲ ᐃᓯ ᓂᑲᓐ ᐊᔨᒧᒥᑯᔭᓐ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ᐃᑎᔅᑕᒡ, ᒋ ᐊᔅᑎᒋᒪᑭᓄᐤ ᐊᓐᑕ ᐊ ᓂᑕᐅᒋᒧᑎᓇᓄᐎᒡ᙮ ᐅ ᒪᒃ ᑲ ᐃᓯ ᑎᐸᒋᒥᑯᔭᓐ ᑕᑈ ᒋᑭ ᐃᔅᐱᔪᐤ᙮”

ᓗᒃ 22:37 ပူးပေါင်းရင်းမြစ်များ

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:27

ᑭᔭ ᓂᓱ ᑲᓂᑕᐅᒋᒧᑎᔨᒋ ᒋ ᒋᔅᑕᔎᑕᐅᒡ, ᐸᐃᒄ ᐊᓐᑕ ᒋᓴᓴ ᐅᒥᔪᓂᔨᒡ ᐃᑕᒐ ᒋ ᐊᑯᒋᓄᐤ, ᐊᑯ ᑯᑎᒃ ᐅᓂᔅᐸᒋᐅᓂᔨᒡ ᐃᑕᒐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:28

ᒋ ᑎᐱᐱᔪᐤ ᒪᒃ ᐊᓐ ᒋᒋᒥᓯᓇᐃᒐᐅᓐ, ᒋ ᐊᔅᑎᓇᑭᓄᐤ ᐊᓐᑕ ᐊᐛᔪᐛ ᑲ ᐱᑯᓂᒥᔨᒋ ᐎᓱᐛᐅᓇ᙮

ᓗᒃ 18:31

ᐊᑯ ᒋᓴᔅ ᒂ ᔅᑐᑕᐊᑦ ᐊᓂᔭ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᐊᓐᑕ ᑎᐸᓐ ᒐᒋ ᐃᑕᒡ, ᐊᑯ ᒂ ᐃᑕᑦ, “ᒋᕈᓯᓕᒥᒡ ᒋᑭ ᐃᑐᑕᓇᓄᐤ᙮ ᐊᑯᑕ ᐊᓐᑕ ᒥᓯᐛ ᒐ ᑎᐱᐱᔨᒡ ᐊᓂᔭ ᑲ ᐃᑕᔨᒪᑭᓄᐅᑦ ᒐ ᐃᔅᐱᔨᑦ ᐃᔪᐤ ᐅᑯᓯᓴᓐ ᐊᓂᔭ ᑕᓐ ᑲ ᐃᓯ ᒥᓯᓇᐊᒧᐛᒂ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮

ᓗᒃ 22:22

ᒋᑭ ᓂᐸᐊᑭᓄᐤ ᐃᔪᐤ ᐅᑯᓯᓴᓐ ᐊᓂᔭ ᑕᓐ ᑲ ᐃᓯ ᐎᔅᑕᑦ ᒋᓴᒪᓂᑐᐤ ᒐ ᐃᑐᑐᐛᑭᓄᔨᒋ᙮ ᒥᒄ ᒪᒃ ᑕᑈ ᒋᑭ ᐊᒂᒡ ᒥᒋᐱᔪᐤ ᐊᓐ ᐊᐛᓐ ᒐ ᐎᔭᓯᐱᔅᑎᓇᑦ ᐃᔪᐤ ᐅᑯᓯᓴᓇ᙮”

ᓗᒃ 22:36

ᐊᑯ ᒥᓐ ᒂ ᐃᑕᑦ, “ᐊᓄᒡ ᒪᒃ ᐊᑯ ᓇᑐᐛᔨᑕᑯᒡ ᔭᐃᑕᔾ ᒐᒋ ᐊᔭᔭᒄ ᓱᓇᔭᐅᑦ ᑭᔭ ᒥᐅᑦ ᑭᔭ ᐊᐛᓐ ᐊᑲ ᐊᔭᒐ ᓂᑐᐱᔪᐅ-ᒧᐧᑯᒪᓂᔪᐤ, ᒐ ᐊᑕᐛᑦ ᐅᑦ ᐊᑯᑉ ᒐᒋ ᐅᒋ ᐅᑎᓇᐧᒃ ᓂᑐᐱᔪᐅ-ᒧᐧᑯᒪᓂᔪᐤ᙮

ᓗᒃ 22:52

ᒋᓴᔅ ᒂ ᐃᑕᑦ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑲ ᓂᑐᐛᐱᒥᑯᑦ, ᑭᔭ ᑲᒪᑯᓄᐛᓯᔨᒋ ᑲ ᐊᑐᔅᒐᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ, ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ, “ᒐᒂᓐ ᐛᒋ ᐸᒋ ᓂᑐᐛᐱᒥᔭᒄ ᑕᐱᔅᑯᓐ ᑲᒋᒧᑎᑦ ᑲᒋ ᐃᑐᑐᐛᑭᓄᐅᑦ ᐊ ᓂᑐᐛᐱᒪᑭᓄᐅᑦ ᐊ ᐸᒋ ᐊᔭᔭᒄ ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒪᐃᑭᓇᔎ ?

ᓗᒃ 23:32

ᒋ ᓂᓱᐅᒡ ᒪᒃ ᑲᒋᒧᑎᒡ ᑭᔭ ᐎᔨᐛᐤ ᐊ ᐃᑐᑕᐊᑭᓄᐎᒡ ᐊᓐᑕ ᒐ ᐊᓯᒋᓂᐸᐊᑭᓄᐎᒡ ᒋᓴᓴ ᓂᐸᐊᑭᓄᔨᒐᓂ᙮

ᓗᒃ 24:27

ᐊᑯ ᒋᓴᔅ ᒂ ᒋᒋ ᐛᐎᑎᒧᐛᑦ ᐊᓂᔭᔪᐛ ᓇᐸᐛ ᒥᓯᐛ ᑕᓐ ᑲ ᐃᑎᓯᓇᐃᑭᓄᐎᒡ ᐊ ᐊᔨᒧᒪᑭᓄᐅᑦ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮ ᒧᓱᔅ ᑕᓐ ᑲ ᐃᑎᔅᑕᔨᒡ ᐊ ᐊᔨᒧᒥᑯᑦ ᒋ ᐅᒋ ᒋᒋᐱᔨᑕᐤ ᒐᒃ ᒂ ᐅᑎᑕᐊᐧᒃ ᑕᓐ ᑲ ᐃᓯ ᒥᓯᓇᐊᒥᔨᒋ ᐊ ᐊᔨᒧᒥᑯᑦ ᐊᓂᔭᐧᑲ ᐅᒋᔅᒋᐛᐃᒐᓱᐛ᙮

ᒠᓐ 10:35

ᒋ ᒋᔅᒐᔨᑕᓇᓄᐤ ᑲᒋᒡ ᐊ ᑕᑈᒥᑲᒡ ᑕᓐ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮ ᒥᓂᑐᐅᒡ ᒋ ᐃᓯᓂᐧᑲᑕᐤ ᒋᓴᒪᓂᑐᐤ ᐊᓂᔭᔪᐛ ᑲ ᒥᔭᑭᓄᔨᒋ ᐅᑦ ᐃᔨᒧᐅᓐ᙮

ᒠᓐ 17:4

ᓂᒋ ᐛᐸᑎᔨᐛᓐ ᐅᑕ ᐊᔅᒋᒡ ᑕᓐ ᐊᔅᐱᔅ ᒋᔅᑕᔨᑕᑯᓯᔨᓐ, ᐊᒋ ᒋᔅᑕᔭᓐ ᐊᓐ ᐊᑐᔅᒐᐅᓐ ᑲ ᐸᒋ ᒥᔨᓐ ᒐ ᐃᑐᑎᒪᓐ᙮

2 ᑯᕆᓐᑎᔭᓇ 5:21

ᐊᑎ ᒪᒃ ᙭ ᐊᑲ ᓂᑕ ᐅᒋ ᒥᒋᑐᑕᐧᒃ ᒋᓴᒪᓂᑐᐛ ᒋ ᐃᑐᑕᑯᐤ ᒧᔭᒻ ᐅᒥᒋᑥᐤ ᒐᒋ ᐃᓯᓇᑯᓯᑦ ᒋᔭᓄᐤ ᐅᒡ᙮ ᐊᑯ ᒪᒃ ᙭ ᐎᒐᐛᒂ, ᐅᑯᐃᔅᑯᑕᑎᓯᐅᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

ᑲᓚᓯᔭᓇ 3:13

᙭ ᔅᒋ ᓇᑕᒪᑭᓄᐤ ᑕᓐ ᑲ ᐃᓯ ᓂᓱᐅᓇᒋᒥᑯᔭᐧᒄ ᐎᓱᐛᐅᓂᒡ ᐅᒡ ᐊᑯ ᐎᔾ ᒥᔅᑯᒡ ᑲ ᓂᓱᐅᓇᒋᒪᑭᓄᐅᑦ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᓯᐛ ᐊᐛᓐ ᒥᔅᑎᑯᒡ ᑲ ᐊᑯᔭᑭᓄᐅᑦ ᓂᓱᐅᓇᒋᒥᑯᐤ ᒋᓴᒪᓂᑐᐛ᙮