ᓗᒃ 20:38 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁸ ᓇᒪ ᐅᒋᓴᒪᓂᑐᒥᑐᑕᑯᐤ ᒋᓴᒪᓂᑐᐤ ᐊᓂᔭ ᑲ ᓂᐱᔨᒋ ᐊᐛᔪᐛ ᒥᒄ ᐊᓂᔭ ᑲ ᐱᒪᑎᓯᔨᒋ᙮ ᒥᓯᐛ ᐱᒪᑎᓯᐤ ᐃᑕᔨᒪᐤ ᒋᓴᒪᓂᑐᐤ ᐊᐛᔪᐛ, ᐊᓂᔭ ᐊᔅᒄ ᑲ ᐱᒪᑎᓯᔨᒋ ᐅᑕ ᐊᔅᒋᒡ ᑭᔭ ᐊᓂᔭ ᓴᔅ ᑲ ᓂᐱᔨᒋ᙮”

ᓗᒃ 20:38 ပူးပေါင်းရင်းမြစ်များ

ᒪᑎᔪᐤ 22:32

ᒋ ᐃᑕᐤ, ‘ᐊᐅᒄ ᓂᔾ ᐅᒋᓴᒪᓂᑐᒧᐛᐛ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮’ ᓇᒪ ᐅᒋᓴᒪᓂᑐᒥᑐᑕᑯᐤ ᒋᓴᒪᓂᑐᐤ ᐊᓂᔭ ᑲ ᓂᐱᔨᒋ ᒥᒄ ᐊᓂᔭ ᑲ ᐱᒪᑎᓯᔨᒋ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:27

ᓇᒪ ᐅᒋᓴᒪᓂᑐᒥᑕᑯᐤ ᒋᓴᒪᓂᑐᐤ ᐊᓂᔭ ᑲ ᓂᐱᔨᒋ ᒥᒄ ᐊᓂᔭ ᑲ ᐱᒪᑎᓯᔨᒋ ᐅᒋᓴᒪᓂᑐᒥᑕᑯᐤ᙮ ᑕᑈ ᒋ ᐅᓂᐱᔨᓇᐛᐤ ᒋᔨᐛᐤ ᑕᓐ ᐊ ᐃᓯ ᑕᑈᑎᒪᒄ᙮”

ᓗᒃ 20:39

ᐱᔅᒐ ᒪᒃ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ᐃᔅᒋᔄᐅᒡ, “ᒋᔅᑯᑎᒪᒐᓱᐤ, ᒥᔽᐤ ᐊᓐ ᑲ ᐃᔅᒋᔄᔨᓐ᙮”

ᒠᓐ 14:19

ᓇᒪ ᓇᔅᒡ ᓇᐅᔅ ᓂᑭ ᐅᒋ ᐛᐱᒥᑯᒡ ᐃᔪᒡ ᐅᑕ ᐊᔅᒋᒡ, ᒥᒄ ᒋᔨᐛᐤ ᒋᑭ ᐛᐱᒥᓇᐛᐤ᙮ ᒋᑭ ᐱᒪᑎᓯᓇᐛᐤ ᑭᔭ ᒋᔨᐛᐤ, ᐛᔅ ᓂᔾ ᓂ ᐱᒪᑎᓯᓐ᙮

ᒠᓐ 6:57

ᓄᑕᐎᔾ ᐊᓐ ᑲ ᒥᔨᐛᑦ ᐱᒪᑎᓯᐅᓂᔪᐤ ᓂᒋ ᐸᒋ ᐃᑎᓴᐅᒄ ᑭᔭ ᓂ ᒥᔨᒄ ᐱᒪᑎᓯᐅᓂᔪᐤ᙮ ᐊᐅᑯᓐ ᒪᒃ ᒧᔭᒻ ᑭᔭ ᐎᔾ ᐊᓐ ᐊᐛᓐ ᑲ ᒥᒋᑦ ᓂᔭᓯᔪᐤ, ᓂᑭ ᒥᔭᐤ ᒐᒋ ᐱᒪᑎᓯᑦ᙮

2 ᑯᕆᓐᑎᔭᓇ 13:4

ᐊᑎ ᐊᑲ ᐅᒋ ᓴᐱᓯᑦ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒋᓴᒪᓂᑐᐛ ᐅᓱᐧᑲᑎᓯᐅᓂᒡ ᐅᒡ ᐱᒪᑎᓯᐤ ᐊᓄᒡ᙮ ᐊᐅᑯᓐ ᒪᒃ ᐊ ᐃᓯᓇᑯᓯᔭᒡ ᑭᔭ ᓂᔭᓐ ᐊ ᐎᒐᐎᒋᒡ ᙭, ᓇᒪ ᓂᓴᐱᓯᓇᓐ᙮ ᒥᒄ ᒪᒃ ᙭ ᓂᑭ ᐱᒪᑎᓯᔅᑐᐛᓇᓐ ᒋᓴᒪᓂᑐᐤ ᐅᓱᐧᑲᑎᓯᐅᓂᒡ ᐅᒡ ᒋᔨᐛᐤ ᒐᒋ ᐊᑐᔅᑲᑕᒡ᙮

2 ᑯᕆᓐᑎᔭᓇ 6:16

ᓇᒪ ᒋᑭ ᒋ ᑎᔭᑭᓄᐎᒡ ᒥᓂᑐᐧᑲᓐᒡ ᐊᓐᑕ ᒋᓴᒪᓂᑐᐤ ᐅᑦ ᐊᔭᒥᐊᐅᒋᐛᐱᒡ᙮ ᒋᔭᓄᐤ ᐛᔅ ᒋᓴᒪᓂᑐᐤ ᑲ ᐱᒪᑎᓯᑦ ᐅᑦ ᐊᔭᒥᐊᐅᒋᐛᑉ᙮ ᒧᔭᒻ ᒋᓴᒪᓂᑐᐤ ᑲ ᐃᔅᒋᔄᑦ, “ᓂᑭ ᐱᒋᔅᑯᐛᐅᒡ ᑭᔭ ᒧᔅ ᓂᑭ ᐎᒐᐛᐅᒡ᙮ ᓂᔾ ᓂᑭ ᐅᒋᓴᒪᓂᑐᒥᑐᑕᑯᒡ᙮ ᐎᔨᐛᐤ ᓂᑭ ᐅᑦ ᐃᔨᒥᑐᑐᐛᐅᒡ᙮”

ᐃᑉᕈᐛ 11:16

ᐃᔭᐱᒡ ᒪᒃ, ᐅᒡ ᐃᔪᒡ ᒋ ᓇᓂᑐᐛᔨᑎᒧᒡ ᐊᔅᒋᔪᐤ ᐊᑐᐎᔅ ᐊ ᒥᔽᔨᒡ ᐃᔅᐱᔅ ᐊᓂᔭ ᑲ ᓂᑭᑕᒡ᙮ ᒋ ᒧᔅᑕᓇᔨᑎᒧᒡ ᐊᓐᑕ ᒋᒋᒋᓯᑯᒡ ᒋᒋᐛ ᒐᒋ ᐎᒋᒡ᙮ ᐊᑯ ᒪᒃ ᒋᓴᒪᓂᑐᐤ ᓇᒪ ᓴᒂᔨᒧᐃᑯᐤ ᓄᑕᐎᓇᓐ ᐊ ᐃᓯᓂᐧᑲᑎᑯᑦ ᐛᔅ ᓴᔅ ᒋ ᐊᔭᔅᑯᔅᑎᒧᐛᐤ ᐅᑕᓇᔪᐤ ᐊᓐᑕ ᒋᒋᐛ ᒐ ᑕᔨᒋ᙮

ᒋᔅᒐᔨᑕᑯᑕᒐᐅᓐ 22:1

ᐊᑯ ᐅ ᐊᓐᒋᓐ ᒂ ᐸᒋ ᐛᐸᑎᔨᑦ ᓯᐱᔪᐤ᙮ ᐊᓐ ᒪᒃ ᓂᐱᔾ ᐊᓐᑕ ᐊᓐ ᓯᐱᔾ, ᐊᑯᑕ ᐛᒋ ᒥᔭᑭᓄᐅᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ᙮ ᓇᔅᒡ ᒋ ᐛᓴᔭᑭᒥᓱᐤ ᐊᓐ ᓂᐱᔾ ᒧᔭᒻ ᐊᓯᓂᔅ ᓯᐳᐛᔅᑕᔨᑕᑭᓇᐱᔅᒄ ᐊ ᐃᔅᐱᔅ ᓴᑈᐤ ᐛᔄᐛᐱᔅᒋᓯᑦ, ᐊᐅᑯᓐ ᑲ ᐃᑕᑭᒥᒡ ᐊᓐ ᓂᐱᔾ᙮ ᓯᐸ ᒋᓴᒪᓂᑐᐤ ᑭᔭ ᐊᓐ ᒪᔭᑕᓂᔅ ᐅᒋᓴᐅᒋᒪᐤ ᑕᑎᐳᐛᑭᓂᐛᒡ, ᐊᑯᑕ ᑲ ᐅᑕᒍᐅᒡ ᐅ ᓯᐱᔾ᙮